Browsing: SentinelOne

    Microsoft Defender 網絡防禦工具,被發現存在安全漏洞,黑客只要取得企業其中一部網絡設備的使用權限,就可以將惡意軟件儲存於不受監管的位置並執行,過程中不會觸動任何警報。受影響的包括 Windows 10 21H1 及 Windows10 21H2 電腦,不過現時漏洞已被 Microsoft 堵塞,用家毋須慌張。 上個月,Microsoft 自家安全防護工具 Microsoft Defender 被發現存在安全漏洞,讓黑客可準確將惡意軟件儲存或安裝到不受防護工具監管的位置。專家解釋,鑑於 Microsoft Defender 可能會對部分企業使用的軟件或程式產生錯誤警報,因此系統允許管理員將指定軟件或執行位置加入豁免清單,即可以排除在日常安全掃描之外,以免經常觸發…

    做得黑客,好多時候都係為錢,整咗個勁嘢,當然唔會收埋自己用咁簡單,最好就係公諸同好,放上網公開發售,乘機收返少少開發成本,呢個市場長做長有,質素高功效好嘅病毒程式,仲長期大賣添! 寫得好,仲會吸引到國家級黑客!最近資安機構 SentinelOne 就出咗份報告,話發現北韓國營黑客集團 Lazarus Group,居然走去買 TrickBot 返去用。 嗱,其實我係無貶意嘅,TrickBot 話晒都係全球三大 botnets 病毒程式之一,實力有返咁上下,只係斷估唔到北韓會吼中佢,事關以佢哋嘅實力,實在唔需要外求,自家研發能力都有返咁上下,點解要買個現成程式返嚟呢? 報告就話件事唔係咁簡單,一來用 TrickBot 入侵,冇咁易估到係國家級黑客做,最多當係商業行為,容易掩人耳目,二來喺 TrickBot 下面可以加好多組件,今次北韓班黑客就加咗 Anchor,呢個組件出名用嚟搞銷售系統,而今年年初美國財務部就話發現至少有三個北韓黑客組織,入侵銀行系統嚟抬錢返國家,資助國家添置武器,唔排除今次 Lazarus Group 有同樣目的。 其實今次唔係單一事件,今年美國已經發現 GameOver Zeus 同埋 Dridex 呢兩個病毒程式,同俄羅斯國家黑客有連繫,呢個趨勢發展落去,私營同埋國營黑客條界線只會愈嚟愈模糊,日後兩者一齊夾份做世界都唔奇,歐美國家真係有排煩! 資料來源:https://zd.net/2RWGyXs