Browsing: Youtube

    Deepfake 換臉技術可說是炮製假消息的利器,而最新一個涉及加密貨幣交易平台 BitVex的騙案,網絡騙徒就利用 Tesla 創辦人 Elon Musk 及女股神 Cathie Wood 來宣傳,並保證投資者可以獲得 30% 回報,企圖騙取受害者入錢參與。雖然騙案不算成功,但不妨了解一下如何識破 Deepfake 騙局。 虛假加密貨幣交易平台 BitVex 騙局於五月被開展,騙徒使用了多個新的 YouTube 頻道,配合一些騎劫回來的帳戶,發放多段…

    YouTuber 要小心,Google 安全團隊指出一批專門提供黑客服務的網絡罪犯,早前經俄羅斯地下討論區的廣告被招聘,現時專門竊取 YouTuber 攻擊,視乎不同罪犯的專長,攻擊方法亦五花百門。被盜取的帳戶最高可以 4,000 美元出售,用作向訂閱頻道的人發放虛假訊息,例如高薪招聘人員或加密貨幣推銷。就算事後可取回帳戶,相信訂閱數量都會激減。 被 Google 安全團隊 Threat Analysis Group 識別到的慣犯非常多,當中使用的惡意軟件包括 ReaLine、Vidar、Predator The Thief、Nexus stealer、Raccon、Grand Stealer、Kantal 等等,這些惡意軟件一旦成功入侵目標人物的電腦設備,便可以竊取瀏覽器…

    全球政府抗擊疫情,為咗協助市民留守家居抗疫或遙距工作,唔少服務供應商都免費開放收費服務,例如愛情動作片網站 Pornhub 全球免費任睇,YouTube、Netflix 調低串流影片質素,令歐洲市民嘅上網速度保持穩定,Microsoft、Cisco 亦解鎖旗下 Zoom、Webex 網上會議嘅部分收費功能,盡量協助減少病情蔓延。估唔到,有黑客組織喺呢個時候都衝出嚟搶光環,宣布停止對醫療機構發動網絡攻擊,以及同中咗招嘅「拍檔」共度時艱,減少勒索贖款嘅費用,真係「多謝」晒喎! 解鎖費用靈活有得傾 關於喺新冠疫情期間嘅部署,暫時有三個主要靠勒索軟件搵食嘅黑客組織企出嚟回應。而所謂勒索軟件,就係透過惡意程式將受害者電腦內檔案加密嘅攻擊手法,而且會透過內部網絡擴散,甚至狙擊埋雲端及內部備份。由於解鎖密鑰喺透過加密演算法計算,所以一般好難破密得到。 DoppelPaymer 黑客集團宣稱從來唔要瞄準醫療機構,以及政府嘅911求助熱線。如果有醫療機構不幸中招,佢哋會提供免費解鎖「服務」。不過,條件係要提供證據審查,避免有大型私院假扮小診所嘅情況出現。至於藥物生產商就唔會幫手,因為佢哋話喺疫情期間藥廠已賺咗好多錢,所以免費解鎖呢?不了! Netwalker Ransomware 同樣聲稱從來唔會瞄準醫療機構攻擊,不過被問到如果有醫院不幸中招又點呢?黑客集團就無直接回應,只係話如果有人被鎖,就要俾錢解鎖。 Maze Ransomware 呢班黑客集團嘅回應就最出位,佢哋聲稱喺疫情期間唔會再對醫療機構發動攻擊。而基於現時全球經濟危機及疫情爆發,佢哋決定向企業伸出援手,向所有人提供解鎖折扣服務,無論係已中招或新加入嘅「拍檔」,都有得傾! 資料來源:https://bit.ly/3ajCpDh、https://bit.ly/2QFBdm0 相關文章:【賺外快】國家支援黑客 善用工餘時間偷賭客資料

    以前寫過一排 blog,見都有少少人睇就諗吓點樣搵錢,咁啱嗰陣時有 Google AdSense 呢個服務,喺網頁留個位俾 Google 就有廣告派俾你,有人 click 就會收到少少分紅;當時年少無知,諗住搵幾部電腦每日撳幾吓廣告,一個月落嚟都有唔錯嘅收入……結果只係做咗幾日就俾 Google 發現,仲停埋我個戶口,直到今時今日都無成功賺過 Google AdSense 嘅錢。 我當然係反面教材啦,但係好多守法守規嘅企業,的確係靠 Google AdSense 搵到一萬幾千,幫補營運開支,遇着瀏覽量比較高嘅網站,分分鐘仲搵到多啲錢添!不過,如果唔好彩俾Google停咗個戶口,相信都幾頭痕。估唔到咁樣都會俾人鍊住 spring pocket,早前就有人向網絡安全公司…

    呢幾日最熱門嘅網絡話題,梗係罷工啦⋯⋯唔好搞錯,我係講 Google Cloud 今個月 2 號發生嘅罷工。呢次罷工牽連甚廣,唔單只 Google 自家產品包括Gmail、Google Drive、Google Docs、YouTube、Google search 用唔到,仲搞到 Snapchat、Discord、Shopify 等用緊 Google Cloud 服務嘅平台都 down 埋,足足搞成四粒鐘先全面恢復(好在只係美國及歐洲出事,香港地區未受影響)。 罷工癱瘓大災難…