今時今日，打仗未必一定要先出動飛機大炮，單是網絡攻擊，已經可以癱瘓一個國家的運作及情報網絡，掃除進擊的障礙物。例如美國佛羅里達州一個市鎮的輸水系統最近就被黑客入侵，黑客試圖將用作調節食水酸鹼度的化學物混合量，調高約 110 倍，如果無及時阻止，15,000 個市民就大件事喇…… 工業控制系統（Industrial Control System, ICS）掌管國家命脈，以發電網、輸水系統、運輸網絡、核電廠等設施為例，背後都必須有 ICS 管理，所以這些重要設施自然會成為攻擊目標，只要斷水斷電，國家就會陷入一片混亂及恐慌，例如烏克蘭 2016 年全國大停電 7 日，據外界估計就是受到俄羅斯國家級黑客襲擊。而今次發生在佛羅里達州 Oldsmar 市輸水廠的入侵事件，暫時未知黑客的身份及意圖，只知道黑客嘗試將混入食水調節酸鹼度的化學物氫氧化鈉的份量，由每 100 萬單位含 100，調升至 11,100，足足達…

以色列公司 Cellebrite 以出售電腦、智能手機的破解工具聞名，不少國家的執法機關都會購買工具，應用於調查方面，即使被調查人士不肯交出開機密碼，執法人員仍可強行進入系統搜證。不過，這些「國家級」調查工具，最近竟被美國的學校暗中採購，莫非有特殊監控用途？ 可能大家對 Cellebrite 會感到陌生，它其實是一間以提供手機資料轉移及手機數據破解為主要服務的公司，而 Cellebrite 自家開發的解碼神器 Universal Forensic Extraction Device（UFED）備受各國執法機關及特務機構讚賞，因為它可破解超過兩萬款不同品牌、型號的智能手機。以iPhone為例，它便可強行進入系統，讀取內裏的通話記錄、短訊內容、聯絡人、相片及位置等資料，不過，由於 Apple 定期推出系統更新，所以 Cellebrite 所能破解的 iPhone 會稍稍落後，直至被其研究員發現系統或硬件漏洞為止。 而根據外國科技網站 Gizmodo…

近日有傳中國受水災影響，部分地區出現糧食危機，政府亦帶頭呼籲民眾不要浪費食物。除了天災之外，人禍也會引發糧食短缺，例如以色列安全專家就發現，由Motorola設計的智能灌溉系統在設計上缺乏安全考慮，竟容許用戶以出廠登入資料長期使用系統，只要黑客有心，隨時可摧毁大量農作物，製造糧食危機！ 為減少人力需求、降低成本，不少農場也會裝設智能灌溉系統，交由電腦自動執行灌溉、施肥、使用農藥等工作。可想而知，如未能及早發現系統損壞或運作異常，農作物的收成將會大受影響。而以色列安全公司Security Joes創辨人Ido Naor，就發現有超過100個Motorola ICC PRO智能灌溉系統的用戶，竟然未有為系統設定密碼，黑客只要使用Motorola預設的帳戶登入名稱如admin，即可遙距登入帳戶，修改智能灌溉系統的設定及執行異常灌溉指令，而且不會驚動Motorola及其用戶。Naor指出Motorola的ICC PRO雖然有安全保護，但由於未有強制用戶在安裝後更改帳戶登入資料，全靠客戶自律，結果情況就如許多IoT物聯網產品的用戶一樣，放任繼續使用原廠設定。 Naor說要找出這些系統並不困難，只要使用IoT裝置掃描器，就能輕易在網絡上搜出Motorola的ICC PRO。他已即時將研究報告通知以色列的網絡安全中心及Motorola，讓對方通知用戶盡快修改密碼，而Naor發現仍未修改密碼的用戶已減少至78個，不過由於研究已經公開，肯定會有黑客嘗試入侵這些用戶。 事實上，各國政府均意識到IoT產品的安全問題，並開始陸續規管生產商，例如美國於2020年1月1日生效的SB-327 Information Privacy：Connected Devices 條文，就限制生產商必須為每部產品設定獨一的出廠登入密碼，即使用戶未有更改，也不致被黑客以同一密碼大規模攻擊其他同廠產品。英國及澳洲政府亦有就IoT產品推出安全生製指引，但距離立法還有一段長時間，用戶現階段必須靠自己，例如定時更改帳戶登入資料、啟用2FA雙重因素驗證、持續更新官方發布的韌體更新等，雖然未必百分百安全，但也可減少大部分危機。 資料來源：https://zd.net/3kDpb9V

CT Scan（電腦掃描）除咗可以用嚟確診癌腫瘤，亦可以用嚟檢查空心器官如心臟、肺嘅健康狀況。由於檢查過程要精準控制輻射照射劑量，減少對人體傷害，如果檢查系統被黑客入侵，分分鐘搞出人命。有研究團體就開發出一種 AI 技術，可以防止黑客喺輻射劑量上做手腳，準確度仲高達八成以上添！ 新冠疫情期間，外國唔少醫療機構都受到網絡攻擊，大部分個案都係中咗勒索軟件，俾黑客偷走病人嘅私隱及加密系統檔案，唔算死得人。不過，如果 CT Scan 嘅輻射劑量被竄改就大件事喇，唔單只會誘發癌症，嚴重更有死亡風險。以色列 Ben-Gurion University 研究團隊最新發表報告，公開佢哋用 AI 打假嘅成果。團隊首先搵咗間 CT Scan 儀器供應商合作，輸入 1,991 宗檢查案例俾 AI，等佢分析喺檢查唔同年齡對象、位置及病例嘅情況下所需使用嘅輻射劑量，然後再喺一間醫院入面做測試。分析按兩方面進行，一個專門用嚟分析可疑嘅劑量指令，另一個就比較相同病例嘅使用設定，一旦發現檢查內容有問題，就會即時通報醫護人員，結果發現兩者嘅攔截成功率高達 82%…

開呢個題，係因為美國最近熱爆討論黑客社群 Anonymous 喺警暴事件上嘅參與，佢哋兩度攻陷州警網站，有網友就延申到正邪黑客之分。我哋之前都曾淺談過 6 種黑客：紅、藍、綠、灰、黑、白，當中以灰帽黑客最具話題性，而 Anonymous 就係表表者。想知紅藍綠嘅定義，請回顧舊文，呢篇深入少少講灰黑白。 早喺 1960 年代，MIT 已經 Hackers 輩出，當其時字義等如電腦神童，同一部電腦，Hackers 可以逼出系統絕對領域，能人所不能。不過當時連電腦概念都未普及，Hacker 只屬小圈子詞匯。到咗八九十年代，黑客傳說開始流入民間，但相關報導大部分同犯罪有關，諸如非法闖入政府系統、轉售個人資料等行為，令大眾對黑客留下壞印像，直至最近資訊保安受到重視，大家開始嘗試全面理解黑客嘅種類。 白帽 白帽黑客透過自身技能，同企業、國家、資訊保安等機構合作，施展混身解數監測堵塞網絡保安漏洞。白帽黑客講求原則，擁有高尚情操，絕不會犯法或惡意攻擊競爭對手，總之道德先決，HackerOne 社群同資安企業 In House…

黑客入侵手法有幾咁估佢唔到？淨係靠燈膽震動呢一招嚟偷聽對話，就肯定無乜人會諗到；就算諗過吓，都唔信真係得啦！不過，專家宜家話俾你知，呢招真係work㗎！ 今次做實驗示範嘅學者，分別來自以色列 Ben-Gurion University 及 Weizmann Institute of Science。佢哋將呢個旁道攻擊（side-channel attack）技術稱之為「林峯」（Lamphone），主要係透過分析燈膽被聲音振動嘅幅度，再用人工智能即時還原成聲音，達成偷聽任務。 唔係啩，燈膽震幅真係睇得到咩？答案又真係得喎，喺今次示範入面，專家就喺一個距離目標會議室25米嘅地方，用一支搭上價值 400 美元電子光學感應器嘅望遠鏡，再將鏡頭讀取到嘅燈膽震動變化傳輸至解讀裝置，成功還原會議室內播放嘅侵侵演說以及 Beatles 嘅「Let It Be」歌曲，後者嘅清晰程度仲足夠俾 Shazam 認出係邊首歌曲嚟添。 留意今次實驗由於只係「單聲道」發聲，並唔存在多人同時講話，所以未必真係咁實用。不過，如果係牽涉到極重要機密，就點都要防範一下，例如唔好再用燈膽、壓低音量、播放背景音樂，甚至拉埋窗簾，先至可以減少被竊聽嘅風險。專家已就今次研究發表「林峰」報告，另外佢哋亦會今年八月舉行嘅黑客大會…

為咗確保機密情報或系統唔會被黑客偷走，將電腦斷網運作嘅 air-gap 做法，一直被認為係最最最安全。不過，到底係咪真係完全無敵呢？梗係唔係啦！好似近年就多次有研究員、黑客示範，點樣喺 air-gapped 嘅電腦內偷資料，我哋之前亦邀請到本地 Cybersecurity 研究團隊 VXRL 嘅 Boris So 完美示範過；簡單講，就係以一隻靠扮 USB Keyboard 而實質會裝惡意軟件嘅手指，插入斷咗網嘅電腦，再用意想唔同嘅方法將數據外傳，例如 Boris 就將文字轉化成人耳聽唔到嘅超高頻傳送出嚟，再用另一部電腦接收同轉換返。 咁係咪拆咗個 Speaker 就可以維護返斷網電腦嘅無敵傳說呢？咁諗就錯喇。…

自從Amazon 話事人Jeff Bezos手機被黑客入侵一事被公開，大家都想知呢位網購大亨嘅手機保安咁嚴密，點解都會出事？上星期聯合國終於出咗調查報告，交代事件來龍去脈，先知原來件事唔係咁簡單！ 報告話原來 Bezos 係收到沙地阿拉伯王儲穆罕默德（Mohammed bin Salman）喺 WhatsApp 傳嚟嘅一條片出事，因為就喺收到呢條片之後幾個鐘，Bezos 部 iPhone 就開始有大量不明資料傳送嘅動作，估計係黑客偷緊手機資料。大家可能會問，點解王儲好地地要搞Bezos呢？ 咁就要回一下帶，話說 Bezos 部手機係 2018 年 5 月…

唔少人都鍾意玩「抖音」（TikTok），特別係後生仔女，時不時都會拍片上傳。不過，早排多個美軍部隊就指出抖音存在嚴重保安漏洞，禁止士兵喺軍用手機上安裝使用。到底有乜咁嚴重呢？謎題終於開估喇。 以色列網絡安全服務供應商Check Point 嘅專家，早兩日就發表研究報告，指出佢哋原來喺上年 11 月，已經就抖音嘅安全漏洞，去信佢哋嘅母公司 ByteDance。專家發現只要通過假扮抖音向用家發送內含惡意連結嘅短訊，一旦用家唔小心開啟，黑客就可以通過漏洞嚟控制用家嘅帳戶，代用家發布及刪除短片、公開用家嘅私人短片，甚至攞到用家登記嘅電郵地址等等。唔單只手機 app 有漏洞，就連抖音嘅網站亦唔安全，其中一個搜尋欄位可以俾黑客插入惡意程式碼，發動 Cross-site Scripting 攻擊，從而去盜取其他用戶嘅登入資料。 Check Point 專家將漏洞報告交咗俾抖音後，抖音嘅網絡安全部門即刻修補，並喺 12 月中推出嘅更新版中，將漏洞全部堵塞。佢哋嘅安全部門主管 Luke Deshotels 事後就多謝…

近年隨住物聯網興起，大家都關心多咗運營技術（Operational Technology，簡稱OT）嘅保安風險，事關以前一間公司入面，運營同IT可以分得好開，但自從有咗物聯網技術，就連運營部分都要連上網，從而分析當中嘅運營數據嚟節省成本，或者用數據嚟開發創新應用，最近Ponemon Institute同西門子就做咗份調研，大部分受訪者都話擔心OT嘅保安多過IT嘅保安，因為目前市場上都未有完備嘅方案，可以完全擋住OT方面嘅攻擊。 上星期就有個好消息，就係好叻做漏洞風險管理嘅Tenable，宣布成功收購咗Indegy，可能香港讀者唔係好熟Indegy呢間公司，其實佢係一間工業網絡安全系統供應商，曾經被以色列《福布斯》評為10大最有前途嘅網絡安全初創，佢有一套自行研發嘅系統，幾乎覆蓋所有OT嘅重要基礎設施，而且可以實時監測所有工業控制配置嘅變化，無論係有外來攻擊，甚至係有員工有意無意搞亂個操作，系統都會感應到，即時發出警報，確保運營安全。 本身做開漏洞風險管理嘅Tenable，就應該多啲人聽過喇，好多人都知佢最初成立時，係幫美國政府機構提供軍事級網絡保安設備，後來先將軍事級保安技術推向商業機構層面，去年7月喺美國上市，兩個星期就升咗三成幾，市值超過27億美金，係美國少數達「」級別嘅網絡保安公司，佢最勁嘅產品係Nessus，透過連續性監察，自動執行補救措施，縮減系統暴露於風險嘅時間。而家佢加埋Indegy嘅技術，就可以照顧晒OT同埋IT兩邊嘅攻擊。