Microsoft 檢測和響應團隊 (Microsoft Detection and Response Team, DART) 表示，他們偵測到針對雲端特權帳戶和高級身份帳戶的密碼噴灑攻擊有所增加，呼籲用戶注意。 密碼噴灑攻擊屬於蠻力攻擊的一種，攻擊者試圖使用常用密碼，存取大量帳戶，看看會不會剛好「撞中」密碼。這些攻擊通常在從一個帳戶，切換到另一個帳戶時，兩者都使用相同的密碼，以查找容易被攻破的帳戶，而這個方法能避免觸發密碼錯誤所導致的帳戶鎖定，以及惡意 IP 攔截（如使用殭屍網絡）等防禦措施。簡單來說，這種策略透過每次嘗試登入一個帳戶，並以常用密碼列表，快速嘗試登入不同帳戶。 DART 表示，在過去的一年中，他們與 Microsoft 的威脅情報團隊觀察到，使用密碼噴灑攻擊媒介的情況有所增加，最近，DART 發現，雲端管理員帳戶成為密碼噴灑攻擊目標的數字有所增加。DART 建議用家，盡可能在所有帳戶中啟用和強制執行多因素身份驗證 (MFA)，並採用無密碼技術，藉以大幅降低帳戶受此類攻擊，繼而被盜用的風險。 Microsoft…

疫情期間催化黑客攻擊，其中國家級黑客的威力更不容小覷。Google 公布目前為止，已向其用戶就有國家資助（State-sponsored）的黑客攻擊發出 50,000 次警告，相比 2020 同期增加 33%。Google 提醒用戶啟用多重因素身份驗證功能，以保護帳戶。 Google 安全工程師和威脅分析組織 (Threat Analysis Group, TAG) 團隊成員 Ajax Bash 在博客指，發出多次警告的原因，是因為阻止了一個名為 APT28 或…

好消息，防毒軟件公司 Kaspersky 發表的新報告顯示，DDoS 攻擊在 2020 年第四季下跌 31%！不過當中原因只是黑客集團將 botnet 資源調去挖礦，而且香港始終是全球第三大被 DDoS 攻擊的地區，企業必須趁著挖礦熱加強 DDoS 防護，以免熱潮一過會成被回馬槍攻擊。 Kaspersky 最新發表的 2020 年第四季 DDoS (分散阻斷式服務)攻擊報告，有幾項數據特別值得關注。首先是 DDoS…

疫情引爆導致全球航運停延、企業停工停產，即使一眾石油生產國同意大幅減產，其產量與現實原油需求依然有極大距離，導致期油價格跌到難以理解嘅負 40.32 美元一桶。負油價，可解讀為庫存爆滿，無人接貨，期貨持有人寧願貼錢將原油轉讓有能力嘅持貨者。而本來喘緊氣嘅股市，立即隨油價暴跌，可見油價指標性與影響力。 咁有影響力，駭客當然唔會放過。 網絡保安平台 Bitdefender 最近發現兩宗針對美國能源企業嘅魚叉式網絡釣魚，黑客透過安裝惡意木馬程式，企圖盜取能源企業絕密情報與數據。魚叉式釣魚電郵具針對性，特點係有別漁翁撒網式釣魚嘅低質電郵，整個電郵設計極具心思，無錯字、文法完美、完全合符正統商業電郵規格，發件人仲要係有名有姓嘅埃及國營石油公司 Engineering for Petroleum and Process Industries，無人諗過釣魚電郵可以咁高質。 呢封 3 月 31 日發送到約 150 間石油與天然氣公司嘅電郵，企業集中於馬來西亞、美國、伊朗、南非與阿曼…

新型冠狀病毒疫情擴散全球，除咗南韓、意大利、伊朗、日本告急，美國亦有急升跡象。唔少外國企業都好似香港一樣，開始允許員工在家工作。為咗幫企業度過難關，各大IT公司都將原本收費嘅協作應用服務，免費開放使用。無論係企業工作，抑或學校教師用嚟遙距授課都啱用。 Microsoft Teams 本身已經有收費版同免費版，當中嘅功能當然有好大分別。不過，而家微軟就開放咗部分收費功能，例如規劃排程、管理工作等等，為期六個月，至於錄影或錄音功能都仲係要俾錢至用得。另外，電話會議排程功能亦會喺3月10日開放免費使用。 網址：https://bit.ly/2VMUTb8 Google Hangouts Meet Google就選擇開放Hangouts Meet嘅視像會議功能，只要係 G Suite、G Suite for Education用戶，就可以喺7月1日前免費使用。免費功能包括支援最多250人大型視像會議、支援10萬觀眾串流直播，以及可以將會議內容儲存去 Google Drive。 網址：https://bit.ly/3cxfENN Cisco Webex…

由拘捕孟晚舟嗰一刻開始，就知道侵侵政府下定目標，要打擊華為（同埋中國政府）喺電訊設備市場嘅地位，而且侵侵仲不斷拉攏盟友，向華為說不！不過，英國政府正式發新聞稿，表示會「有限度」採用華為設備，侵侵呢個算盤打唔響喇。 呢單消息公布之前幾個禮拜，美國政府已經派出副國家安全顧問 Matt Pottinger 組成嘅代表團出訪倫敦，出力做游說工作。國務卿蓬佩奧、財長努欽亦不停喺國內發表言論，指華為設備對國家安全構成威脅，英國國會亦熱烈討論呢單嘢，結果都係唔能夠令英國跟隨美國步伐，對華為進行制裁。 過去兩年，侵侵極高姿態向「五眼聯盟」盟友（澳洲、新西蘭、加拿大、英國），以及北約盟友（包括德國等歐洲國家）表示，唔應該採用華為設備嚟興建 5G 網絡，以免俾中國政府竊取數據，同時亦不停透過傳媒報導華為勾結北韓、協助打擊疆獨分子、向伊朗出售設備等新聞。而喺英國決定用華為設備後，都仲有三個參議員去信英國政府，話唔想喺英國脫歐之際，重新審視英美自由貿易協定，同埋兩國情報交換機制，希望英國政府三思。 但係睇返今次英國嘅決定，查實考慮得幾周詳：首先所有用嚟傳送數據嘅核心 5G 網絡設備並唔會採用華為，市民有機會用到嘅網絡，華為都只係負責少量機站同埋天線；至於敏感度較高嘅地方例如軍營等等，華為更係唔可以參與，總之英政府就將華為嘅市場佔有率限制喺 35% 以下，確保其他公司如 Nokia、Ericsson 等可以齊齊分一杯羹，算係平衡晒各方面嘅考慮，將潛在風險減至最低。美國嘅輿論就唔係太敢大肆抨擊英政府嘅決定，始終都對兩國緊密關係有所顧忌，同埋希望呢個唔係最終決定，英政府仲有機會改變主意。 唔單止英國，就連德國都陷於兩難情況，無論用唔用華為，就會得失中美其中一方，可能要承受巨大嘅經濟壓力，所以到呢刻都未決定到，而意大利亦傾向學英國「有限度」使用華為設備。歐盟同埋英國國家網絡安全中心亦一齊發出指引，點樣可以同高危廠商（冇指明道姓係華為嘅）一齊興建電訊網絡，仲提供咗可行方法俾其他國家去跟隨；就連美國自己都鬆咗手，國防部阻止咗商貿部禁止當地企業售賣零件俾華為嘅決定，話晒華為每年向美國企業買入110億美元零件，貿然禁賣會令呢批公司減少科研投資，變相令國家失去科技競爭力。 從以上事例可見，用定唔用華為，睇嚟真係唔容易決定，到底美國係唔係真係會制裁採用華為嘅國家？英美兩國關係跟住會點？就要看下回分解！ 資料來源：https://bit.ly/2RSidC0 相關新聞：【侵侵入侵】大量侵侵主題程式蒲頭

美國因為各種政治、經濟問題，先後將多國列入經濟制裁名單，除咗禁止採購對方嘅產品，亦向對方出口美國嘅產品加征關稅。不過，最近美國 FBI 一位網絡安全部門發言人 Richard Jacobs 就指出，制裁令嘅影響就係導致針對勒索或詐騙嘅網絡攻擊大增，目的就係填補因經濟制裁引致嘅損失，再支持黑客提升武器，形成不良嘅惡性循環。 Jacobs指出，調查顯示發動攻擊嘅黑客，大部分同被制裁國家有密切關係，雖然呢啲黑客主要來自四大國家，包括俄羅斯、伊朗、北韓及中國，但情報顯示正有擴大跡象，例如南美、中東及東南亞國家。被制裁國出動國家級黑客向美國企業進行各種攻擊，雖然仲有盜取科技、商業秘密為目的嘅個案，但針對金錢嘅攻擊就特別多，黑客會將所得嘅贖金及詐騙返嚟嘅金錢填補國庫，令被制裁國有錢可用，同時國家亦會支援黑客升級裝備，以發動更精密嘅攻擊。佢以最近一宗 9.5 千萬美元嘅轉帳詐騙為例，雖然大家都會恥笑受害人點可能靠一個電話及電郵，就相信對方真係上司而轉錢，但 Jacobs 話實際情況係呢啲騙案通常經過四個步驟以上，去搏取對方信任，稍為留神都有可能上當。 對於懷疑被騙或勒索嘅公司，Jacobs 話如果可以喺 48 小時內向 FBI 求助，都仲有機會制止轉帳或攞得返啲錢，但一過咗呢個大限，大家就唔使旨意仲可以攞得返。好似上述嘅個案，FBI 就幫受害公司截停咗 7 千萬美元，大大減少到損失。銀行業方面亦對情況表示擔憂，因為每次成功攻擊，造成嘅金錢損失高達一億美元，足以令被制裁國投入更多資源去扶植黑客為國家搵錢。…

2020 年係選舉年，唔單只美國同台灣選總統，多個歐洲地區議會都舉行直選，因應形勢，微軟今年年初已經喺歐洲推出咗 AccountGuard 網絡安全服務，專幫政治團體、半政府或非政府組織、智庫、研究所、外交關係協會之類嘅機構搞網絡保安，抵禦一班嚟自伊朗、北韓同埋俄羅斯嘅國家級黑客。 其中特別鎖定嚟自俄羅斯嘅黑客團隊 STRONTIUM（又名 Fancy Bear 或者 APT28），梗係啦，呢個團隊好出名，美國政府曾點名指控佢哋喺上屆總統大選時，參與攻擊民主黨全國委員大會伺服器，之前佢哋亦都入侵過奧林匹克委員會，舊年亦試過大規模感染 Linksys、TP-Link、華碩、D-Link 等牌子嘅路由器，「戰績」幾咁彪炳！ 不過，微軟月頭發表報告就話佢哋有新玩法，4 月時發現 STRONTIUM 班友分別連上幾間私營企業嘅 VoIP 電話、打印機同埋影片解碼呢三種 IoT 裝置，三次攻擊入面，有兩次係利用…

有網絡安全專家發現，專門中東地區攻擊燃油設施嘅黑客集團，正喺度開 turbo 收集亞太區供電設施嘅 ICS 系統登入身份，似乎準備大開殺戒！ 工業控制系統（Industrial Control System, ICS）掌管住全個國家嘅命脈，好似發電網、供水系統、水壩、運輸網絡、核電廠等設施，都係經過 ICS 管理，所以如果發生國家之間嘅戰爭，ICS 好自然會成為攻擊目標之一，可以造成斷水斷電斷物流，國家就會陷入一片混亂及恐慌。呢啲管理系統咁重要，黑客集團亦唔會放過攻擊機會，不過由於各工業採用嘅 ICS 系統及技術都有分別，投入嘅成本高，所以黑客集團通常只會瞄準一個地區或其中一個行業發動攻擊。不過，網絡安全研究組織 Dragos 嘅專家就發現，呢個潛限制已出現變化，其中一個俄羅斯黑客集團 XENOTIME ，開始由專注攻擊燃油區塊，擴闊至供電設施，出現跨區塊攻擊。 ICS 系統安全性癱瘓…

今早港鐵測試新訊號系統，導致兩架地鐵相撞，荃灣線金鐘至中環路段全線封閉搶修，港鐵方面全面叫停系統測試，指必須調查清楚訊號系統出事原因，方可繼續測試計劃。常用於訊號系統管理的 SCADA/ICS 系統，被廣泛應用於基建設施或工業運作的監控介面上。南韓網絡保安專家表示，原來 SCADA/ICS 亦是黑客喜愛攻擊的目標之一，試想像電力、供水、核電設施的控制系統可以被隨意玩弄，引發的災難，就絕不止列車「輕微」碰䃥那麼簡單。 今晨港鐵測試系統訊號卻發生意外，導致兩列地鐵發生碰撞，車廂嚴重變形，同時令兩名車長受傷。（互聯網圖片） 今晨港鐵測試系統訊號卻發生意外，導致兩列地鐵發生碰撞，車廂嚴重變形，同時令兩名車長受傷。（互聯網圖片） 黑客攻擊 SCADA/ICS 製造大停電 今次港鐵意外是訊號系統故障所致，並非黑客所為，但其實最近就有一次黑客攻擊 SCADA（Supervisory Control and Data Acquisition, 資料採集與監控）/ ICS （Industrial Control…