釣魚電郵大家都有收過，而最近網絡安全公司 Sophos 收到的一封垃圾電郵就頗有趣，因為黑客試圖令收件人相信自己管理的社交平台違反版權守則，並恫嚇會在時限後停止帳戶，迫使帳戶管理人於虛假社交平台登入帳戶。安全專家指黑客在電郵及虛假網站上做足功夫，一心急就會上當。 Sophos 安全專家在博客上提到間中會收到來自社交平台的電郵，指有用戶投訴其專頁使用了違反版權的素材，須管理人親自解釋。專家相信投訴事件非常普遍，所以就令黑客有機可乘，發出偽造電郵令帳戶管理人信以為真，心急點擊電郵內的連結登入帳戶了解詳情及解釋。文章中提及，Sophos 在最近真的收到這類恫嚇信，不過作為網絡安全專家又怎會如此容易受騙？專家指由於他檢查了發信人的電郵地址並非來自 Facebook server，而且英文文法差，即時已確認是釣魚電郵。不過，專家再深入研究電郵內容，發現黑客也在多方面下苦功，提升電郵的可信度。 首先電郵內有一個「Continue」字眼的超連結，如以滑鼠浮標移至上面，的確會顯示連結是指向Facebook網站；原來黑客只是登記了一個專頁，並將版面偽裝成 Facebook 的申訴版權頁面，令社交平台帳戶人信以為真，於是點擊頁面上的https://facebook.com/copyright/xxxxx超連結。造假第二步是這條超連結卻使用了常用的 HTML 編碼欺詐手法，顯示出來的超連結卻與實際指向的網站不符。造假第三招是雖然該版面都有取得 HTTPS 認證，但專家指出該認證只是早幾天前才發出，可合理懷疑其造假成份。一旦管理人被以假亂真，便會直接輸入帳戶登入資料，甚至進一步輸入 2FA 雙重因素驗證碼，最終便會被黑客奪去帳戶。 由於黑客造假都夠專業，所以專家勸籲大家在收到電郵時，一定要多方面確認信件真偽，例如要詳細檢查發信人地址、將浮標指向電郵內的超連結，預覽與目標網址是否一致。另外，他警告即時導向網址屬於官方網址，從上例也可見未必一定為官方所開設，所以如果要登入帳戶，最穩陣還是親手於網址列輸入官網，再登入個人版面查看有否相關內容或訊息，就可減少被騙風險。 資料來源：https://bit.ly/2HKQjF6

釣魚攻擊（Phishing attack），絕對係成本低、回報高嘅熱門網絡攻擊。雖然釣魚攻擊仲可以分為魚叉式（Spear Phishing）及商業詐騙（Business Email Compromise）等，但由於係針對指定對象攻擊，黑客要投入更多時間去理解偽裝角色同受害人的關係，所以無釣魚攻擊咁普遍。一般嚟講，無差別攻擊主要係用作盜取帳戶登入資料，例如 Microsoft Office、PayPal 等等，黑客首先會偽造相關網站登入版面，再用電郵將連結漁翁撒網式寄出去，等待獵物上釣。一旦收件人誤信連結內容為真，就可能到偽造網站親手輸入自己嘅登入資料，黑客就可以入侵相關帳戶。受害人不單止可能遭受信用卡盜用損失，如果係公司帳戶資料，更會連累公司機密資料外洩添！ 為咗研究釣魚攻擊喺今年頭半年嘅特色，網絡安全公司 IRONSCALES 研究員就對相關嘅偽造登入網頁進行調查，結果發現頭半年有超過 5 萬個假網站，冒充超過 200 個全球知名品牌。其中被冒認得最多嘅 5 個品牌，分別係 PayPal、Microsoft、Facebook、eBay 同埋 Amazon，而…

作為一名 CISO（Chief Information Security Officer），亦即係資訊科技安全主管，有住同 CEO、CFO 睇齊舉足輕重嘅地位，就知一啲都唔嘢少，近年網絡危機層出不窮，要保障企業網絡安全，作為阿頭就必須要與時並進，有專家就提醒一班 CISO，未來要更加謹慎防範廣告欺詐，呢種將會愈趨普遍嘅網絡罪行。 隨住數碼營銷日漸興起，企業紛紛將廣告由實體轉移到網上，喺新冠肺炎疫情之下就更加明顯，以致到廣告欺詐呢類網絡罪行被帶動，有估計直到 2023 年，企業用嚟應對廣告欺詐嘅成本，可能達到 1 億美金，好得人驚呢。 廣告欺詐（Ad fraud）亦都叫做無效流量（Invalid Traffic），唔同點擊欺詐，廣告欺詐係指黑客透過開設虛假網站廣告，藉住曝光、點擊、轉換率等嘅指標嚟賺錢。通常就個啲社交媒體或者網站上面嘅橫幅廣告、或者應用程式見到嘅廣告，呃啲假流量嚟賺錢。 而佢最令資訊科技安全主管頭痕嘅地方，係廣告欺詐可以話係最容易，而且最好搵嘅網絡詐騙方法，仲好搵過信用卡、比特幣同埋銀行詐騙。根據一份有關 2020 年全球 CIO…

「今時今日駛鬼裝防毒軟件咩？靠電腦/電話系統內置嘅防毒功能都夠做啦！」唔知你身邊係咪總有一兩個朋友係咁諗，不過唔好咁老定，正如香港人喺一個月之間，差唔多人人都要裝 VPN 傍身嘅時候，你就知道，網絡安全係愈謹慎愈好，想知點解明明本身有防毒系統，都要再裝防毒軟件同 VPN ？就等著名 I.T 雜誌 PC Magazine 嘅網絡安全分析師 Neil J. Rubenking 話過你知。 Window 篇——釣魚電郵、虛假網站表現麻麻 Windows 機本身都內置 Microsoft 防毒系統…

可能你未必留意到 reCaptcha 係啲乜嚟，但你絕對有用過呢項人類驗證功能。當你去到某啲網站嘅時候，為咗證明你唔係機械人，就首先要通過點選 reCaptcha 驗證 box 入面嘅圖案，例如有幾多格有交通燈、貓，答中咗先可以去到指定網站或開始網購。而雲端安全解決方案供應商 Barracuda 最近就發表報告，多咗黑客利用真嘅 reCaptcha API 嚟提升釣魚攻擊嘅可信性，特別係搏取安全防護系統嘅信任添！ 先交代下 reCaptcha 呢項功能先，其實佢早喺 2003 年已被提出，不過當時只係叫 Captcha。後來團隊諗到用呢項功能行善，就係借助網民力量提升 OCR 光學掃描技術嘅準確度，於是計劃先變成…

最新價格調查就顯示，喺2019年網絡釣魚套件售價平均較 2018 年飊升149%！唔通連惡意軟件都供不應求？ 所謂網絡釣魚套件，其實係專為唔多識自己編寫惡意軟件，而又好有興趣透過發送釣魚電郵係搵錢嘅罪犯而設，因為只要買咗呢啲套件再做少少設定，釣魚電郵就可以漁翁撒網咁發放出去，罪犯只要坐定定喺度等收網。情況就好似出售其他惡意軟件一樣。而網絡安全公司 Group-IB 上星期發表研究報告，指出 2019 年網絡釣魚套件嘅平均售價係 304 美元，比起 2018 年嘅 122 美元大升 149%。而原本最平賣緊 10 美元嘅套件，2019 年都要賣到 20 美元，最貴嘅更賣到…

雖然唔少人都對新推出嘅 iPhone SE 心感興奮，不過，Apple榮登全球最受歡迎品牌第一位呢件事，只係講緊最受罪犯歡迎者。因為Check Point Research最近調查顯示，2020 年第一季度最常被釣魚電郵利用嘅品牌就係 Apple 喇，佔十份之一有多，其次就係萬眾期待喺疫情下會有開放任睇嘅 Netflix，明丫，有真開放嘅 Pornhub 就榜上無名喇因為大家都第一時間自己去官網登記嘛。 頭十位最常被網絡釣魚攻擊利用嘅品牌係： Apple (佔全球所有品牌網絡釣魚攻擊的 10%)Netflix (9%)Yahoo (6%)WhatsApp (6%)PayPal (5%)大通銀行(5%)Facebook…

PayPal 作為電子支付平台，自然吸引唔少罪犯、黑客搵食，最常見嘅手法莫過於大包圍式向網民發出釣魚電郵，用唔同主題例如重設密碼、懷疑洗黑錢等，呃人點擊虛假連結去登入帳戶，盜取登入資料再去轉走啲錢。不過，CyberNews 網絡安全研究團隊就發現，黑客正利用盜取返嚟嘅 Facebook 帳戶，向原有人嘅朋友發送要求代收 PayPal 款項嘅訊息，從而達到呃錢嘅目的。 或者好多人會懷疑，今時今日喺 Facebook Messenger 收到朋友要求轉錢，點會咁易中招呀？但今次嘅詐騙方法有啲唔同，首先罪犯唔會直接叫你幫手買點數卡或過數，而係會話你知佢有筆錢要經過 PayPal 收，而咁啱佢又無帳戶，所以想借你個帳戶用，等你收到錢先再過數入佢銀行。由於唔需要你俾錢先，對方亦無話有錢齊齊賺，成件事純粹係搵你幫手，如果咁啱罪犯用嘅係你好朋友嘅帳戶，相信好多人嘅戒心都會大減。 而今次呢個詐騙手法嘅盲點，就係罪犯利用咗 PayPal 允許支付者可以退款政策，當受害人以為自己收到錢再轉帳俾罪犯後，對方就可以即時申請退款，彈弓手攞返轉俾受害人 PayPal 帳戶嘅錢。而更高一級嘅方法，係罪犯根本唔需要申請退款，因為佢可以連 PayPal 帳戶都係偷返嚟，由得原有人發現後自己跟進，罪犯同樣毫無損失，而且亦更難追蹤。…

Microsoft 已經停止支援 Windows 7，搞到唔少用家都趕喺最後機會免費升上 Windows 10。不過，Windows 10 都唔係安全好多，因為剛啱又俾人發現，系統內其中一個用咗十幾年嘅 CryptoAPI 存有漏洞，可以俾黑客利用嚟假扮已獲數碼簽證嘅軟件，繞過電腦嘅網絡防護功能，從而喺目標電腦上安裝惡意程式。如果大家仲記得，上年 ASUS 就因為俾黑客偷咗數碼證書，令黑客可以將有毒嘅更新檔放上 ASUS 自動更新軟件褲，再推送出去俾過百萬用家。另外，亦有大學專家漏洞可被利用嚟攔截及修改 HTTPS 嘅通訊，將受害者引導去虛假網站偷取資料，影響力非常之大。 不過，升級上 Windows 10 始終有保障，因為…

好多人用電腦，都唔鍾意記啲hotkey，又係嘅，好多嘢都可以用隻滑鼠左右掣做晒，又真係無乜理由記埋啲 Ctrl+C 同埋 Ctrl+V 嘅複雜組合嘅，不過千祈唔好睇少呢啲組合，有時就係靠佢哋救命！ 點解咁講？話說最近防毒軟件商 Malwarebytes 喺 twitter 出咗篇貼文，話喺卡塔爾、阿聯酋、安曼、科威特同埋法國等國家發現同一類騙案，中招嘅電腦會打開一張相，張相就會「顯示」一個 Windows 10 嘅畫面，扮係用緊全屏幕模式嘅 Chrome 瀏覽器，去咗一個當地嘅警方網站，由於呢個瀏覽器畫面只係一幅圖嚟，所以無論你點撳畫面上嘅嘢都唔會有反應，令你以為部機 lock 死咗。 而喺呢個假網站畫面上列出嘅訊息，大致上就係話你去過唔知乜嘢非法網站，睇過唔知乜嘢咸相，而家警方查到，所以會即時lock死你部電腦唔俾用，除非你即刻喺唯一入到嘢嘅欄位輸入信用卡資料交罰款，否則就唔使旨意用得返部機……如果你一時唔為意真係照做，咁你嘅信用卡資料就會俾黑客收集咗，用嚟直接買嘢又得，賣俾其他人又得，總之就損失慘重啦！ 聽落好似好低能，靠一張相就呃到人？但你都唔好睇少佢，當你拉隻滑鼠去邊都 click…