Gartner 調查指出，2021 年美國企業預計投資超過 1.5 億美元在資安與風險管理技術上，對比上年增長達 12.4％，咁大家就更安全啦…？事實卻是幾乎每星期都有一宗轟動全球的黑客入侵個案 － Radixx、Pulse Security、Trend Micro、Solarwinds、Shopify、CryptoForHealth、Twitter、Tesla…以上例子被 Hack 手法不一，但開支愈大是否等如成效愈大？情況就如添置了空氣淨化器，也要開機才可濾走有害物質，但事實係有不少個案，有工具而閒置。這次想討論的，就是資安效益。 資安效益取決於企業能否抵擋已知與未知的威脅，種種防毒掃毒程式扮演相當重要角色，不過企業大多「買咗當用咗」心態，絕大多數不會測試工具是否暢順運作，盲點由此而生，黑客乘虛而入，機構規模愈大，盲點愈多。既然大家花那麼多時間、精神與資源去寫 Proposal 申請撥款、格價揀 Vendor，到最後買齊所需程式，卻沒有定期測試是否正常運作而遭黑客洗劫？這是需要切腹的結果。 根據 2020 State of…

酒店連鎖巨頭萬豪國際集團 （Marriott International）喺 2018 年因為自爆因黑客入侵，導致 3.83 億條客人訂房記錄外洩，結果被英國信息專員辦公室（ICO）判罰 1.25 億美元巨額罰款。以為「經一事、蔡一智」？實情係其他酒店業對手要請小鳳姐出場先真！ 唔係愚人節，萬豪國際尋日公布，喺今年 2 月尾發現，Marriott Bonvoy 會籍內嘅客人資料，一共有 520 萬條被非法獲取！由萬豪向受影響嘅客戶電郵內顯示，今次事故係由旗下獲特許經營權業務嘅兩位員工，以佢哋嘅帳戶登入系統而成功讀取，雖然現階段未知到底係員工親手做定係因為帳戶被盜用，但萬豪已即時停止咗兩個帳戶嘅登入權限，同時再展開調查。 經初步核實後，萬豪相信今次外洩嘅會籍資訊並唔包括會員嘅信用卡及身份證明文件資料，但就有以下資訊： 聯絡資料：姓名、地址、電郵地址、電話會籍資料：帳戶號碼及積分，但不含密碼額外資料：公司名稱、性別、出生日期及月份合作伙伴：相關嘅airline loyalty計劃帳戶號碼個人喜好：住房及語言喜好 自助檢查 萬豪已即時發電郵通知受影響會員，同時要求佢哋重設密碼或啟用多重登入驗證。另外，亦設立咗一個自助檢查網頁，如果擔心自己受今次事故影響而又無收到電郵，就可以要去輸入返個人資料檢查。而受影響客戶，萬豪亦會提供一年免費…