勒索軟件（Ransomware）係現時其中一種最多罪犯使用嘅網絡攻擊手法，因為佢嘅使用方法簡單，只要幾十蚊就可以喺暗網買到，有黑客集團更以 Ransomware-as-a-Service 形式經營，好似上年開發 GandCrab 嘅黑客集團就高調話兩年間賺咗 3 億美元服務費，好搵過 Bounty Hunter 多多聲。再加上加密貨幣（Cryptocurrency）大大減少罪犯收贖金嘅風險，所以愈嚟愈多勒索軟件出現，而且真係任何人或公司都有可能中招。 搶救失敗無後路 對一般用家嚟講，中咗招大不了重裝電腦，最多係無晒啲相、片同檔案啫；但對於企業嚟講，如果重要檔案或寫緊嘅project、程式被鎖死，而平時又無做好備份工作嘅話，真係有可能執笠㗎！好似美國一間電話推銷公司 The Heritage Company，上年 10 月受到勒索軟件襲擊，因為無做好備份工作，事後又救唔番啲檔案同俾唔起贖金，結果一踏入 2020 年，集團 CEO…

根據財經網站 Forbes 嘅估計，2021 年全球因勒索軟件（Ransomware）造成嘅損失將會高達 200 億美元，平均每 11 秒就會有一間公司成為勒索軟件受害者。中招嘅人預計會愈嚟愈多，但到底最多人第一時間會點處理呢？美國一班網絡安全專家就做咗一次調查，發現原來有三成人會即刻 reboot 部電腦，專家警告，咁樣做絕對係大錯特錯。 今次四個專家發表嘅研究報告，係委託咗一間網絡市場調查公司 YouGov 去做。YouGov 喺 2017 年 6 月至 9月期間，成功訪問咗美國 1,180…

美國 FBI 嘅 Internet Crime Complaint Center上星期發出通告，警告觀察到美國企業受勒索軟件攻擊嘅風險大增，再一次強調唔可以俾贖款，應該搵佢哋幫手解決問題。不過，始終有人唔可以無咗或急住用被鎖死嘅檔案，所以都會選擇交贖款。 反入侵黑客C&C 一個喺九月尾成為勒索軟件受害者嘅 Tobias Fromel，由於黑客闖入咗佢可被公開搜尋到嘅 QNAP NAS 裝置，然後啟動咗名為 Muhstik 嘅勒索軟件，令到佢檔案全部被鎖死。可能因為黑客只係要求大約 700 美元嘅 Bitcoin，唔算太大數目，所以Fromel 權衡過後都係選擇俾錢。…

我好鍾意睇 John McAfee 嘅花邊新聞，呢一秒話俾仇家落毒搞到要留院兩日，下一秒就話要參選下屆美國總統，跟住仲話自己偷咗中美洲國家 Belize 嘅機密文件，所以成日俾人追殺。如果真係俾佢當選美國總統，我諗真係同侵侵有得 fight！ 佢創辦嘅網絡安全公司 McAfee 就正路好多，雖然前年賣咗俾 Intel，但一直以嚟 John McAfee 都經營得有聲有色，作為資安界一份子，每季梗係要讀過佢哋嘅研究報告先安樂，話晒分析晒網絡保安趨勢，唔睇分分鐘俾人話 out！ 2019 年第一季報告啱啱出爐，睇完真係冷汗都標埋，McAfee 研究員指出，平均每分鐘就出現 504 種新嘅網絡威脅，而全季差唔多有成…

最近一隻專門針對德國人嚟攻擊嘅惡意軟件 GermanWiper，再一次證明就算你俾咗贖金，都唔一定可以將被勒索軟件加密嘅檔案救返，尤其係隻勒索軟件根本無將啲檔案加密，而只係純粹刪除晒啲資料，俾贖金只係再一次造成損失㗎咋。 喺上星期二，有網絡安全專家發現，喺專門提供分析勒索軟件服務嘅 ID Ransomware 網站上，突然開始有人上載一啲新類型嘅檔案；經追查後，專家就發現一隻專門針對德國人嘅惡意軟件 GermanWiper 開始通過電郵嚟發送，黑客透過標題為提供工作機會嘅電郵，引誘收件人打開附件嘅 PDF 檔案。當收件人打開咗檔案，GermanWiper 就會暗中執行 PowerShell 指令，由 expandingdelegation 下載惡意程式並自動執行。 專家深入研究聲稱被上鎖嘅檔案後，揭穿 GermanWiper 嘅交贖金換解鎖方法嘅謊言。專家指出首先程式會終止所有同資料庫或軟件有關嘅運作，等佢可以進行刪除檔案及複寫垃圾數據，但同時間又會保留一啲同 Windows 啟動嘅檔案，另外為咗要假扮成勒索軟件，GermanWiper…

勒索軟件事故頻頻，而且愈來愈大鑊，只計美國就有多個市政府、大學、醫院遭殃。最近南非第一大城市約翰內斯堡嘅電力公司 City Power 亦遭受攻擊，網絡系統、資料庫、應用程式全數被打包，更有部分用戶要忍受停電近 12 小時，非常濕滯。 City Power 透過 Twitter 公告，公司遭受勒索軟件攻擊，資料庫、應用程式及網絡系統均被加密，ICT 部門正在清除惡意程式及重啟所有受影響嘅應用程式。而受到今次攻撃影響，City Power 客戶無法透過預繳系統進行交易。雖然發電廠已經緊急調派人力維修，不過連系統都唔 work，所以維修進度大受影響。 最慘嘅係，出事之日，正正係南非大多數打工仔嘅出糧日，好多人都要趁出糧日去買下個月嘅用電，部分用戶被迫停電近 12 小時，而依家正值南半球嘅冬季，夜晚得攝氏幾度，真真正正叫雪上加霜。 據報導，現時 City…

眾多黑客攻擊中，勒索軟件（ransomware）絕對是任何人都聞風色變的一種，因為其破壞力快且狠，一中招即時會將電腦內的檔案加密上鎖；受害者即使肯交贖金，也未必能從黑客手上換回解鎖法。勒索軟件能夠如此肆虐，有專家指全因加密貨幣（cryptocurrency）的興起，讓黑客找到安全的經營模式，減少被逮捕的風險。 加密貨幣 收贖金難追蹤 根據資訊安全研究機構 CyberSecurity Venture 估計，2019 年期間，每 14 秒就會有一個機構成為勒索軟件的受害者。看似誇張，但踏入 2019 年後其實已多次發生勒索軟件事件，例如美國加州橙郡的政務機關、挪威全球最大鋁業公司之一海德魯公司（Norsk Hydro）先後中招。「近兩三年來勒索軟件個案的確大增，相信是黑客看中交易難以被追查的加密貨幣，可保障他們順利收到贖金，再加上要求的技術很低，甚至可在暗網以百多元購得勒索程式，成本低效率高，所以才會有這麼多勒索軟件攻擊出現。」本地著名研究團隊VXRL的成員 Boris So說，以往黑客都愛用 Bitcoin 收贖金，但由於現在已有可能追查出收款人錢包地址，所以黑客便轉而用 Monero（門羅幣）或 ZCash。Boris 說通常不會建議受害者交贖金，因為部分黑客根本沒有打算提供解鎖方法，例如…

GandCrab 勒索軟件自從喺上年一月出現，即刻成為網絡罪犯嘅至愛，不停利用佢發動攻擊，將受害者電腦入面嘅檔案加密，再勒索對方用達世幣（DASH）交贖款。 香港亦有唔少網民中招，時不時會有人喺討論區上跪求解鎖方法。 雖然由歐洲刑警組織等機構創立嘅 「拒絕勒索軟體」（NOMORERANSOM) 計劃已經喺上年十月推出解救方法；不過魔高一丈， 黑客又將 GandCrab 升級，先後推出 5.04 至 5.1 版本，再次吹熄受害者嘅希望之光。 而家有好消息， NOMORERANSOM 啱啱推出 update 版，不單可以解救各種勒索軟件，就連 GandCrab 最新版本都可以破解埋，如果有巴絲打不幸中伏，就要快快上…

勒索軟件肆虐全球，著名的有 WannaCry、NotPetya、Locky、LeakerLocker 等，而 PyLocky 主要於歐洲肆虐，重災區為法國，不過 PyLocky 有英、法、韓及意大利版本，顯示此勒索軟件亦針對不同語系受害者。 透過垃圾電郵散播，能避過沙盒偵測 PyLocky 於去年發現，屬變種 Locky 勒索軟件，散播途徑主要透過垃圾電郵及釣魚電郵，誘騙受害者開始連結，觸發惡意程式。PyLocky 會進入睡眠狀態 999.999 秒或 11 日半（如受害系統記憶容量只餘 4GB 以下），以避過沙盒偵測。PyLocky 以…

美國運動服飾龍頭 Nike 近日驚傳成為黑客組織的最新獵物，其內部伺服器疑遭入侵，導致高達 1.5TB 的機密資料外洩。雖然這次外洩數據不涉及客戶資料，系統及檔案亦未有被鎖死，但品牌由 2020 年橫跨至 2026 年的產品設計圖恐怕已落入黑客手中。事件隨即引發市場憂慮，一旦這批涵蓋未推出產品線的機密被公諸於世，勢必引爆一場前所未見的盜版潮。 想知最新科技新聞？立即免費訂閱！ 外洩檔案包括剪裁尺寸及物料清單 發動這次攻擊的勒索軟件集團 World Leaks 於上週五在暗網高調宣稱已攻陷 Nike 伺服器，並設下倒數計時器威脅對方必須在期限前交付贖金，後因未收到錢便將盜竊資料樣本公開。經網絡安全專家團隊檢視黑客釋出的樣本後，證實內容雖然未見消費者或員工的個人敏感資料，但對 Nike 的打擊卻可能更為沉重。 外洩檔案詳細列明了大量未上市產品的內部機密，包括精確到毫米的服飾剪裁尺寸、具體物料清單、製作成本與建議零售價、由概念到上市的完整產品生命週期規劃，甚至連內部的品質測試報告亦無一倖免。…