香港生產力促進局聯同轄下香港電腦保安事故協調中心（HKCERT）今年首次舉辦的「香港網絡保安新生代奪旗挑戰賽 2020」早前完滿結束並舉行分奬典禮，嘉許本地中學和大專院校學生運用創意思維解決問題，從中學習網絡保安知識的傑出表現。 「香港網絡保安新生代奪旗挑戰賽 2020」以隊制形式進行，分為中學組及大專組兩個組別，每組別均設有金、銀、銅獎。每間學校不設參賽隊伍上限，派出最多參賽隊伍的中學更可獲頒「最積極參與學校獎」。中學組及大專組金獎分別由來自迦密中學和香港科技大學的隊伍奪得，聖母無玷聖心書院則奪得「最積極參與學校獎」。 香港網絡保安新生代奪旗挑戰賽2020 得獎名單 是次比賽吸引了 37 間中學和 19 間大專院校，派出總共 156 隊參賽隊伍，接近 540 名學生參加。比賽以「解題」形式進行，參加隊伍需於 48 小時內運用創意思考，透過搜尋、研究、使用不同的工具和編寫程式，反覆試驗以拆解超過 40 題挑戰以獲取分數。由於題目得分會隨著成功解題隊伍數目增加而遞減，因此戰況十分激烈，亦促使參賽隊伍挑戰高難度的題目。 生產力局首席數碼總監黎少斌先生表示：「生產力局聯同…

疫情似是暫緩，在家工作及遙距學習也暫告一段落，但難保再有下一波疫情， Work From Home必會成為未來大勢。多了時間留在家中，父母與子女同樣需依賴網絡完成各自的任務，甚至促成兩代之間的交流。究竟是怎麼一回事呢？ 年幼子女在家中作遙距學習，需要長期對著電腦，因而亦衍生網絡危機，在美國社區學院 Lake Superior College 擔任網絡安全講師的 Matt McCullough 指出，父母應教導子女關注網絡安全，並指導他們設置達15至20位字形或數字的高防禦強度的密碼，以降低被黑客入侵個人帳戶的機會，甚至採用雙重認證方法，進一步加強防護；同時，McCullough 亦提醒家長，要留意子女有否收到來歷不明的電郵，最好教導他們如何分辨可疑電郵的特點，以防他們誤中釣魚電郵的陷阱，甚或被倦入網絡欺凌。 家長從小已培養子女對網絡安全及道德意識，讓新生代青出於藍。而現今新一代，學生從小已使用電腦完成學校習作，甚至在這年疫情橫行期間，透過網上課堂進行遙距學習，對網絡產品的認識，相比起自己父母，可稱得上是「專家」。有外國調查訪問二千多名青少年，發現他們在過去一年耗時超過29小時，指導父母處理電郵問題，而在過去數月疫情大爆發期間，更有67%人幫助父母設定如 Zoom、Skype meeting 等線上會議系統。 不論是 Work From…

為咗唔使上堂，你可以去到幾盡呢？美國佛羅里達州一間社區高校，喺新學年開始無耐，遭受廿幾次網絡攻擊，當中至少有 8 次，竟然出自同校一位學生之手，呢個攻擊名為低軌道離子炮，淨係聽個名都俾佢嚇親啦！ 低軌道離子炮 (Low Orbit Ion Cannon, LOIC) 聽落好似好勁，但其實真身只係一款開源網絡測試工具，不過由於可以製造大量隨機網站訪問，所以確實係 DDoS 攻擊好幫手。好似大名鼎鼎嘅黑客集團 Anonymous 就係十幾年前利用 LOIC 攻擊 Visa、Master 及 PayPal 等金融機構。…

雖然喺香港任職 IT 行業，總逃唔過俾人笑係「 IT 狗」嘅命運，但相信唔少人都認同， IT 業係資訊科技發達下嘅「筍工」，唔單止專業更看似有大好前景。之不過當你以為搶手時，現任 IT 同業竟大吐苦水？ 一項源自 Enterprise Strategic Group (ESG) 以及 International Systems Security Association (ISSA)…

成功制止 WannaCry 勒索軟件嘅傳奇黑客，何以會創造銀行木馬 Kronos？講起真係有段古。 有人用折翼天使嚟形容年僅 27 歲嘅天才黑客 Marcus Hutchins，其「天使」部分可以參考舊文，呢篇主要講返佢點「折翼」。已經喺美國接受一年監管嘅 Hutchins，臨被遣返英國前幾日，接受咗《Wired》雜誌訪問，回帶講述 9 至 27 歲經歷，剖白「反叛」嘅青春期。 Mix 喺亞洲好受歡迎，但係純種至上嘅英國社會，天生牛高馬大、一頭天然鬈髮嘅蘇格蘭牙買加混血兒，似乎就格格不入嘞；再加上佢對足球無感呢個原罪，Marcus Hutchins 過住被孤立嘅童年。以為黑客一定好宅？相反運動細胞超卓嘅佢，其實相當好動，細細個已跟住務農嘅業主起樹屋、劈柴、坐拖拉機；成長期愛上沖浪，開始接觸競技性拯溺運動 Surf Livesaving，贏過一大堆國內賽事獎牌。…

疫情下，全球有過億人在家工作。缺乏企業網絡保安的防護罩，黑客瘋狂出動獵食，Mac 用戶使用 Zoom 時視像鏡頭與咪更容易被黑客入侵就是例子。SiteLock 銷售總監 Logan Kipp 與 Alnormal Security 網絡保安策略副主席 Ken Liao 總結疫情下嘅新生活模式，得出以下六種漏洞與對策，值得大家開心 Share。 網購 網購燒錢本身已經係 WFH 模式下最易出事，但缺乏網絡保安意識嘅話，會有進一步嘅金錢損失。 *…

一般認爲黑客只會向大企業埋手，發動網絡攻擊以勒索更多金錢，但這觀念其實大錯特錯。事實上，不只大企業，中小企每日都會收到大量釣魚電郵，當中包括惡意連結及勒索程式附件，一不小心隨時中招。去年本港有調查報告顯示，逾七成中小企在過去十二個月曾發生網絡事故或遭受網絡攻擊，愈來愈多黑客瞄準中小企攻擊。另外，根據香港生產力促進局發布的「SSH香港企業網絡保安準備指數 」的分析，中小企業繼續維持在基本（Basic）評級，反映大部分中小企管理者仍未有足夠的安全意識，對有可能造成的損失掉以輕心。英國保險公司 Hiscox 早前發表的研究報告便指出，英國小企業一旦遭受攻擊，每宗事故平均造成約2.57萬英磅損失，包括用於交付贖金、修復數據或購置硬件等，可見中小企絕不可以輕視網絡安全問題。 捨難取易 黑客密食當三番 一旦受到黑客攻擊，中小企管理者第一時間普遍只會高呼不幸，慨嘆被「亂槍打中」。但想深一層，中小企真的沒有被攻擊的價值？答案肯定不是。首先，黑客傾向捨難取易，絕大部份的中小企都疏忽於網絡安全及缺乏備份的意識，就算有選購網絡安全工具，防禦力亦較為薄弱，自然很容易被攻破；更甚者公司內部的電腦及物聯網（Internet of Thing, IoT）裝置被侵略而變成殭屍網絡，被黑客利用去攻擊勒索贖款對象。其次，黑客們洞悉商業社會的生物鏈關係，大企業為節省成本，將工作外判中小型企業，所以只要攻陷規模較細的承包商，絕對可成為入侵大企業的跳板。種種原因，都會置中小企於危牆之上，大企業亦不能倖免。 的而且確，沒有採用適當的防護措施，會令企業在多方面都曝露出安全漏洞，例如電腦設備、物聯網裝置、POS 系統，以及現時流行的 BYOD（Bring your own device）工作模式等，簡單的防毒軟件或防火牆，未必足以應付黑客日新月異的攻擊。另外，看似簡單的 Wi-Fi 無線網絡，卻可能因設定出錯而出現缺口，讓黑客可輕易進入公司網絡作惡。 尤其近來外圍因素多變難測，不少企業讓員工在家或遙距工作以提高工作效率。但有可能面對遙距網絡連接的防禦不足問題，包括數據傳輸未有加密、電腦或手提設備防護不足，未能夠發現和阻隔黑客精密的網絡攻擊等。此外，員工有機會在缺乏足夠保護的無線網絡上工作或在未有以多重登入身份驗證或登入權限界定不夠仔細的情況下，假若公司內部沒有做好網絡間隔（Segmentation），都可令黑客乘機長驅直入。黑客除了借助勒索程式要求贖金、盜取公司機密和暗中利用殭屍裝備發動分散式阻斷攻擊（DDoS, Distributed Denial of…

因為疫情嘅關係，視像會議程式突然變到人人都要識用咁滯，南非外交部長馬沙巴內夫人亦唔例外，早排佢本來要就新冠病毒嘅影響，用Zoom主持一個部門嘅視像會議，不過事與願違，呢個會議最終俾黑客入侵，仲要播埋色情內容，場面令人尷尬。 最慘會議上除咗有部門員工同傳媒之外，為咗提升參與度，會議直情開放俾公眾加入，有意參加嘅人超過400個，相信黑客扮成參與者混入會議，喺眾目睽睽之下播放裸露圖片同色情畫面。 隨住視像會議程式嘅需求愈嚟愈大，相關嘅網絡安全問題亦都成為熱話，美國聯邦調查局(FBI)都點名話，Zoom程式有明顯嘅安全漏洞，已經成為黑客目標，更加指出兩宗黑客成功入侵嘅例子：馬薩諸塞州一間高中用Zoom上堂期間，就俾不明來歷嘅入侵者大聲講粗言穢語，同埋公然講出負責老師嘅住址；州內另一間學校就有入侵者喺鏡頭面前，向與會者展示納粹德軍標誌紋身。FBI提醒市民用Zoom或者同類軟件嘅時候，要確保軟件已經更新到最新版本，亦唔好隨便公布同透露進入網路會議室或網路教室嘅連結。 除此之外，加拿大多倫多大學有份參與嘅研究機構Citizen Lab，早前就揭發Zoom有時會用中國伺服器（servers）供應商發出嘅密鑰（keys），就算係北美客戶嘅 Zoom 會議，都可能用咗嚟自中國嘅密鑰。報告質疑Zoom喺中國有三間公司，有可能令 Zoom面對官方壓力嘅時候，有法律責任要披露加密資料。而Zoom亦喺4月3日承認，因為2月用戶流量急升，誤將幾千個用戶嘅會議流量，分流咗去中國兩個數據中心處理，Zoom無透露受影響用戶有幾多，雖然強調已經盡快修補漏洞，不過事件已經令大眾對Zoom嘅安全性存有戒心。 唔少用戶亦都開始尋求Zoom程式以外嘅選擇，包括：Google Hangouts Meet、Microsoft Teams、Cisco WebEx 、又或者係Skype嘅會議功能，經常有需要開視像會議嘅朋友，不妨了解多啲。 資料來源：https://bit.ly/34KXc0R、https://bit.ly/2ymH9Kz、https://bit.ly/3eutbH7 相關文章：【緊急自救】修改群組政策設定 煞停Zoom 派送Windows登入密碼

新型冠狀病毒疫情擴散全球，除咗南韓、意大利、伊朗、日本告急，美國亦有急升跡象。唔少外國企業都好似香港一樣，開始允許員工在家工作。為咗幫企業度過難關，各大IT公司都將原本收費嘅協作應用服務，免費開放使用。無論係企業工作，抑或學校教師用嚟遙距授課都啱用。 Microsoft Teams 本身已經有收費版同免費版，當中嘅功能當然有好大分別。不過，而家微軟就開放咗部分收費功能，例如規劃排程、管理工作等等，為期六個月，至於錄影或錄音功能都仲係要俾錢至用得。另外，電話會議排程功能亦會喺3月10日開放免費使用。 網址：https://bit.ly/2VMUTb8 Google Hangouts Meet Google就選擇開放Hangouts Meet嘅視像會議功能，只要係 G Suite、G Suite for Education用戶，就可以喺7月1日前免費使用。免費功能包括支援最多250人大型視像會議、支援10萬觀眾串流直播，以及可以將會議內容儲存去 Google Drive。 網址：https://bit.ly/3cxfENN Cisco Webex…

網絡安全公司同審計公司，喺幫客戶做風險評估嗰陣，都有需要做滲透測試，睇吓員工嘅安全意識夠唔夠高，有無員工要做出嚟重點培訓。由於要試員工嘅安全意識，所以負責測試嘅人有時會特登做啲踩界嘢，例如扮維修員要求插 USB 手指入公司內部電腦系統，又或借用電腦收發電郵，如果員工覺得唔對路，就會拒絕要求或暗中報告上級跟進。不過，唔少調查報告都會話俾大家知，員工本身就係最大嘅安全漏洞，所以未必會意識到咁做可以好大件事，包括紐約警察學校嘅員工在內。 話說上年 10 月，紐約市皇后區一間警察學校因為要裝一個數碼顯示屏，於是就搵咗外判商嚟搞。唔知係咪學校入面嘅人無諗過件事咁嚴重，當外判商要接入內部聯絡做設定時，竟然無人出手阻止對方直接將電腦接駁，結果呢部中咗毒嘅電腦，就透過網絡將病毒感染 23 部指紋追蹤系統。紐約警方喺幾個鐘後就發現有可能出現私隱外洩，即時漏夜熄咗 LiveScan 呢個指紋追蹤系統，同時將受影響嘅 200 部電腦重新安裝，避免病毒透過網絡擴散，最終都成功控制到病毒嘅影響。 外判商喺呢次事件，梗係要負大部分責任，不過，紐約警方經調查後，相信對方都係無心之失，所以未有公布對方嘅公司名及控告對方。據講呢個 LiveScan 系統連接住藏有 700 萬筆資料嘅數據庫，當中更包括較早前被證實非法保存嘅未成年罪犯嘅資料。至於有幾多人受影響？ 發言人就回應話受影響嘅只得 0.1%，信唔信就由你決定喇。不過，外來 USB…