勒索軟件事故頻頻，而且愈來愈大鑊，只計美國就有多個市政府、大學、醫院遭殃。最近南非第一大城市約翰內斯堡嘅電力公司 City Power 亦遭受攻擊，網絡系統、資料庫、應用程式全數被打包，更有部分用戶要忍受停電近 12 小時，非常濕滯。 City Power 透過 Twitter 公告，公司遭受勒索軟件攻擊，資料庫、應用程式及網絡系統均被加密，ICT 部門正在清除惡意程式及重啟所有受影響嘅應用程式。而受到今次攻撃影響，City Power 客戶無法透過預繳系統進行交易。雖然發電廠已經緊急調派人力維修，不過連系統都唔 work，所以維修進度大受影響。 最慘嘅係，出事之日，正正係南非大多數打工仔嘅出糧日，好多人都要趁出糧日去買下個月嘅用電，部分用戶被迫停電近 12 小時，而依家正值南半球嘅冬季，夜晚得攝氏幾度，真真正正叫雪上加霜。 據報導，現時 City…

有炒開美國科技股嘅，一定有留意上星期上市嘅 Slack，掛牌第一日就升破招股價，最終收報 38.62 美元，較開市價高 48.5%。雖然第二日股價略為調整，但依然係今年美國上市第二高估值嘅科技公司，僅次於 750 億美元嘅 Uber，但就贏咗另一風頭躉 Lyft，巧威威！而 Slack 仲係第二間直接喺紐約證券交易所掛牌嘅公司，毋須公開集資，創辦人 Stewart Butterfield 話原因係佢哋唔缺錢，真係型到呢…… 正所謂樹大招風，喺 Slack 份上市文件入面都講到明，微軟係佢哋頭號競爭對手，咁微軟梗係唔會坐定定乜都唔做啦！就喺 Slack 上市當日，微軟就向員工發出內部通告，禁止十幾萬名員工使用 Slack…

好消息，Instagram 識聽民意推出新安全措施，即使用家嘅帳戶被黑客所奪，用家都可以靠新方法奪回，唔使再驚辛苦經營嘅帳戶俾人搶走！ 名人明星多受害者 每隔一段時間，就聽到名人或者 KOL 嘅 Instagram 帳戶被黑客盜用，受害人包括萬人迷碧咸、樂壇天后 Lady Gaga、韓國暖男李鍾碩等等，就連老佛爺愛貓 Choupette 嘅 IG 帳戶都俾黑客入侵過。舊年我哋曾經報導過幾百個 IG 帳戶被 hack 事件（https://bit.ly/2zhZHsO），受害者就算喺 IG 設定咗雙重認證，都未必可以攞返個帳戶。你知啦，一般人無咗個帳戶，都可以重新開個新…

一間公司面對最大網絡安全問題，可能不是網絡攻擊，是資源，不論大中小企業，同樣頭痛。Andrew Lam 從事網絡安全行業多年，盡見這種困境。「而且不是純粹資金問題，更是人手問題。就算公司有錢買網絡安全產品，沒有人手及技術去管理，也是枉然；事故發生又冇人理，更是徬徨無助。」與其要客戶購入網絡安全產品而不懂管理，Andrew 認為不如為他們提供最專業的服務，幫助他們，Green Radar 因此誕生。「我們以 as-a-service 服務形式提供網絡保安支援，當客戶遇上困難的時候，亦有專業團隊提供協助，而定價時也考慮到企業的難處。」最新面世的 Green Radar，以 MDR（Managed Detection and Response）為基礎，帶來革命性網絡保安方案，先天下之憂而憂，救企業於水深火熱。 針對網絡環境，重點設計方案 Green Radar 要解決企業缺乏資源及專業人才的問題，先重點針對現今的網絡環境去設計方案。「環顧現今的網絡攻擊，其實超過 80％ 源於電郵。不少釣魚電郵手法極高，驟眼一望，有時候連專家都難分析真偽。」針對性釣魚電郵更難防，遇上這類攻擊，必須要有一定的危機處理措施。「一般的電郵服務就未必照顧到針對性釣魚電郵，何況很多老闆的電郵是交給秘書處理，要這個秘書分析真假電郵、偵測病毒根本是強人所難。」Green…