禦敵尚且有方，但內部攻擊 (Insider Attack) 如何抵檔？原來最危險的人就在身邊。無論員工有心或無意，要處理由內部攻擊，絕不輕鬆；根據 Bitglass 的調查，有 81% 的機構甚至認為難以評估內部攻擊所引起的影響，在網絡攻擊愈見頻繁下，不少企業卻因疫情關係加上經濟轉差雙線夾擊，而縮減網絡安全的開支，令情況變得更嚴峻。 受訪機構在面對內部攻擊後，4成的企業回復正常需時一至兩周，但亦有 7% 機構表示沒有能力偵察內部攻擊，令人憂慮。 疫情下，企業都要求員工在家工作，減低染病風險，然而 82% 機構表示未能保證有足夠能力察覺來自個人裝置的內部攻擊，另有 50% 機構指雲端工作的內部攻擊也難以發現，反映內部攻擊的潛在風險極大。 Bitglass的調查亦提到，內部攻擊所引致的代價高達2,000萬美元，但 73% 的公司表示，來年用於網絡安全的開支會減少或維持不變。 如果是為了節省常規開支，反而蒙受更大的損失，如修復系統的費用、賠償客戶等，便本末倒置了。所謂防患於未然，網絡保安還是不應為錢降低標準，宜挑選合適的防護方案及托賴專家管理，拆解攻擊，守好界線，無論外部入侵，抑或是內部攻擊，都不會有機可乘。…

一份最新的調查報告發現，本港一些運用 5G 物聯網技術的日常用品，如心臟監測儀、智能手表、水壺和健身單車等，可以輕鬆連接企業網絡，而且連接量近年大幅增加，有資案專家認為，普遍香港企業對這些用品連接公司網絡，未有採取足夠保安措施，已形成被黑客攻擊的漏洞。 調查機構訪問來自亞洲、歐洲、中東和北美 14 個國家或地區，合共 1,350 名擁有 1,000 名員工或以上組織的IT業務管理層。當中有九成(91%) 的香港受訪者表示，去年連接到企業網絡的物聯網設備有所增加，當中不乏日常用品。有三成 (31%) 的受訪者反映他們需要大幅改善其企業的物聯網保安措施，逾三分之一 (37%) 受訪者更表示需要徹底的改進，整體接近七成，反映企業對此情況表示憂慮，擔心日常物聯網設備會成為黑客入侵途徑。 網絡安全企業Palo Alto Networks香港及澳門董事總經理馮志剛表示：「員工無意識地連接到企業網絡的IoT設備通常缺乏保安考量，有機會成為輕易存取到公司機密資料和系統的缺口。」他認為應對這種威脅，安全團隊需要能夠識別新設備，迅速評估其風險，並採用安全策略。 另外，報告還發現有五分之一 (20%)…

新型冠狀病毒的爆發，令全球營商環境處於不斷變化和面對衝擊的狀態。雖然本港疫情稍見緩和，企業有望逐步重拾原來的營運模式，但始終疫情反覆無常，為了打好這場持久戰，企業便應以最佳狀態回歸。SAP今年再度參加亞洲年度科技界盛事Cloud Expo Asia，便以「Back to Best」 為主題，提供最全面及有效的解決方案，協助企業應對各種挑戰，迎難而上，探索更廣闊的商機。 得數據得天下 受著新冠疫情影響，全球市況每天都在變化，SAP香港總經理Fabian Padilla Crisol認為「Data is Gold」，企業必須將數據轉化為業務價值，才能提高營運效率。「企業應該利用數據發展商業智能，善用實時數據、透徹分析和自動化，以保持創新和智能化的營運。憑藉這些穩健的端到端數據管理解決方案，SAP具備有利條件，引導和支持客戶有效應對業務挑戰，協助他們維持業務未來的增長。」 Fabian Padilla Crisol認為「Data is Gold」，企業必須將數據轉化為業務價值，才能提高營運效率。他提及的解決方案包括： 數據庫和數據管理： 以高性能的內存數據庫SAP HANA技術為核心，可提升企業捕捉、分析及獲取實時數據的能力，輕鬆調度跨組織的數據使用。企業也可在執行快速交易時，同時運行進階分析，以實時數據和業務洞見作出決策。直觀分析：企業可分析數據、簡化存取關鍵資訊的過程，並以直觀的商業情報找到獨特觀點，並以容易理解的形式呈現出來，再透過端到端功能將觀點化為行動，從而推動更理想的業務成果。智能技術：企業可以善用人工智能、機器學習及物聯網（IoT）等智能科技完善業務流程及資源，不斷創新及制定進入市場（go-to-market）模式。 完善供應鏈迎合市場變化 在疫情中，香港市民的消費風氣和購物交易從實體店轉向電子零售平台，實時的數據便有助企業迎合客戶的需要及快速調整營銷策略。企業可運用SAP…

成日都話要加裝新一代電郵防護系統，究竟有幾重要先？答案係因為黑客經常搞新意思，用唔同手法避過傳統電郵防護之餘，減低你嘅警覺性，一唔小心 click 咗入面嘅連結，輸入的帳戶登入資料就好易被偷。好似新一波釣魚攻擊，就直頭喺真嘅官方網站上造假，問你點防備？ 根據 Cofense 最新的釣魚攻擊調查，發現有黑客開始利用一種常見於 Android 手機上、專門用作偷銀行或信用卡資料的疊影﹝overlay﹞技術。黑客首先會假扮成目標人物嘅 IT 部同事，發出電郵指佢嘅郵箱正被隔離，如果唔點擊連結登入，就會喺指定時間刪除所有郵件，令目標人物即刻做嘢阻止慘劇發生。 而當目標人物點擊連結後，就會跳轉去一個同佢相關嘅網頁如公司官網，舉例用緊 Microsoft 電郵，就會去到真正嘅 Microsoft Outlook 版面，再巧妙地喺上面覆蓋一個登入帳戶視窗，同時預先輸入目標人物嘅電郵，大大增加輸入資料嘅可信度。由於網站係原裝正貨，所以就算目標人物識得去檢查網址有無古惑嗰陣，都唔會查到啲乜嘢，結果就會信以為真，乖乖交出登入密碼。 在真網站上疊加假登入帳號視窗 好喇，咁加裝新一代電護防護工具又有乜用呢？我哋請教咗本地電郵安全專家 Green Radar，以旗下的…

藍牙(Bluetooth)通訊技術最近連環被揭發存在漏洞，例如較早前有安全專家指Bluetooth 4.0及5.0版本存在的「BLURtooth」漏洞，可讓黑客竄改兩部裝置配對時所產生的「跨傳輸埠金鑰」(Cross-Transport Key Derivation)，強行與目標裝置進行配對，繼而入侵裝置。而最近被公佈的BLESA(Bluetooth Low Energy Spoofing Attack)漏洞的影響就更大，估計全球正有數以億計支援BLE制式的藍牙裝置，曝露於攻擊之中。 相對於傳統藍牙制式，BLE制式的特點在於耗電量低，適用於須長期保持連接的裝置使用，其中一個最常見的使用例子是現時商場安裝的室內定位器，只要顧客開啟商場的手機應用程式，就可即時掌握所在位置或附近店舖提供的購物優惠。由於這些定位器須長期啟動，而且安裝位置又未必有電源，所以BLE制式便最適合這些裝置採用。 這次由美國Purdue University研究團隊發現的BLESA漏洞，便專門針對在BLE制式下，兩部已進行配對的裝置在重新連接(Reconnection)時，有否進行身份驗證；結果發現，當兩部裝置因超出接收距離或訊號不良而斷線後，在重新連接的過程中不會強制進行身份驗證，可能只需符合相關條件(如裝置名稱、MAC address)便可reconnect。從示範影片可見，研究團隊以電腦假扮一個BLE制式指環，成功與已配對的手機進行連接，並向手機發送兩個互相矛盾的訊息。團隊續指無論是Linux、ios、Android的BLE制式均存在上述漏洞。雖然現時部分作業系統已進行修補，但由於這些BLE裝置大多不支援連線，要逐一拆下來安裝修補檔將會非常痛苦！ 資料來源：https://zd.net/32LFdrP

當家長趕潮流幫囝囡報 STEM 和 AI 課程，科技專家已經放風，下一個贏在起跑線的關鍵詞是量子電腦。臺灣大學 IBM 量子電腦中心主任張慶瑞按量子電腦科技發展趨勢，預測擁有處理龐大資料能力的量子電腦，大約會在 15 年後登場，到時對文明的衝擊，可媲美 Smart Phone 問世。張主任表示，現年 50 歲或以上的人，姑且可以不知量子電腦未來，不過 90 後同 Gen Z 就無得避。量子電腦開發方面，IBM 和…

對得同一部電腦多，有時都想搞下新意思。唔少人會選擇轉吓 wallpaper、icons、音效，甚至成個 Theme 換咗佢。不過，喺Windows 10 上換 theme 呢個動作原來都有危險，分分鐘將你嘅 Windows 登入名稱同埋 NTLM（NT LAN Manager）密碼雙手奉上！ 其實單純換預設咗或你自製嘅 theme 唔係太大問題，最大問題係用咗人哋 share 出嚟嘅 theme。網絡安全專家 Jimmy Bayne早前發現呢個…

釣魚攻擊（Phishing attack），絕對係成本低、回報高嘅熱門網絡攻擊。雖然釣魚攻擊仲可以分為魚叉式（Spear Phishing）及商業詐騙（Business Email Compromise）等，但由於係針對指定對象攻擊，黑客要投入更多時間去理解偽裝角色同受害人的關係，所以無釣魚攻擊咁普遍。一般嚟講，無差別攻擊主要係用作盜取帳戶登入資料，例如 Microsoft Office、PayPal 等等，黑客首先會偽造相關網站登入版面，再用電郵將連結漁翁撒網式寄出去，等待獵物上釣。一旦收件人誤信連結內容為真，就可能到偽造網站親手輸入自己嘅登入資料，黑客就可以入侵相關帳戶。受害人不單止可能遭受信用卡盜用損失，如果係公司帳戶資料，更會連累公司機密資料外洩添！ 為咗研究釣魚攻擊喺今年頭半年嘅特色，網絡安全公司 IRONSCALES 研究員就對相關嘅偽造登入網頁進行調查，結果發現頭半年有超過 5 萬個假網站，冒充超過 200 個全球知名品牌。其中被冒認得最多嘅 5 個品牌，分別係 PayPal、Microsoft、Facebook、eBay 同埋 Amazon，而…

作為一名 CISO（Chief Information Security Officer），亦即係資訊科技安全主管，有住同 CEO、CFO 睇齊舉足輕重嘅地位，就知一啲都唔嘢少，近年網絡危機層出不窮，要保障企業網絡安全，作為阿頭就必須要與時並進，有專家就提醒一班 CISO，未來要更加謹慎防範廣告欺詐，呢種將會愈趨普遍嘅網絡罪行。 隨住數碼營銷日漸興起，企業紛紛將廣告由實體轉移到網上，喺新冠肺炎疫情之下就更加明顯，以致到廣告欺詐呢類網絡罪行被帶動，有估計直到 2023 年，企業用嚟應對廣告欺詐嘅成本，可能達到 1 億美金，好得人驚呢。 廣告欺詐（Ad fraud）亦都叫做無效流量（Invalid Traffic），唔同點擊欺詐，廣告欺詐係指黑客透過開設虛假網站廣告，藉住曝光、點擊、轉換率等嘅指標嚟賺錢。通常就個啲社交媒體或者網站上面嘅橫幅廣告、或者應用程式見到嘅廣告，呃啲假流量嚟賺錢。 而佢最令資訊科技安全主管頭痕嘅地方，係廣告欺詐可以話係最容易，而且最好搵嘅網絡詐騙方法，仲好搵過信用卡、比特幣同埋銀行詐騙。根據一份有關 2020 年全球 CIO…

香港人而家已經習慣電子支付，尤其係疫情下大家為咗避免用實體貨幣購物，更加速咗呢種付費方式。就算用信用卡俾錢，都傾向非接觸式付款，呢種方法嘅好處係設有金額上限，用嚟買啲幾百蚊貨仔嘅嘢，完全唔需要簽名認證，非常方便。不過，一班瑞士學者就發現呢種方法存在漏洞，可以突破金額限制進行交易，對卡主毫無保障！ 正常嘅非接觸式支付過程，係 POS 收費系統發出收費指示後，卡主人拍卡進行付費，如果金額超過上限，就有需要額外輸入密碼去確認，不過專家就喺交換訊息過程中做手腳，將毋須額外密碼驗證嘅訊息傳返俾 POS 系統，成功突破盲腸。不過，要達成呢種攻擊手段，專家話要預備四種材料，首先要有兩部 Android 手機，開發小組研製嘅應用程式同埋一張非接觸式 VISA 信用卡。兩部智能手機要分別安裝 Android 特製程式，令佢哋分別模擬 POS 收費系統及信用卡，而呢兩個特製應用程式係唔需要破解手機先至可以安裝，專家話佢哋已成功喺 Google Pixel 及華為手機上試驗過，同埋亦喺真實店鋪內成功通過測試添！ 至於運作過程又係點呢？首先扮演 POS 系統嘅…