正所謂能力愈大，責任愈大，而網絡安全公司 Sophos 同 ReversingLabs 就作出最佳示範，星期一合作免費推出內容超豐富的惡意軟件研究數據合集，內裏不但有多達 2,000 萬個 Windows Portable Executable (PE) 檔案，當中更有 1,000 萬個已被去除執行能力的惡意軟件樣本，以及一套已受基本訓練的機械學習模型，最終目的？當然是提升業界主動防禦網絡攻擊的能力！ 翻查資料，免費開放有關網絡攻擊資料合集已非首次，兩年前就有一套包含 110 萬個含惡意編碼的 PE 檔案樣本── Ember…

疫情期間，人人Work From Home，但是否所有人的家居網絡保安設備，都能夠抵禦黑客入侵？一個漏洞足以洩露公司機密，隨時成為千古罪人！更何況全家人都留在家使用網絡時，其中一人「中伏」就會累全家，自己分身不瑕，又如何睇實阿仔阿囡？！但在短時間內難以提升家中網絡保安級別，有咩法寶可以即刻幫到手呢？香港寬頻（HKBN）與全球網絡資訊保 安方案領導廠商 Trend Micro 聯手打造的 Home Gateway，絕對是你「看門口」之選，一個裝置集封鎖網絡攻擊、攔截危險網站及檔案、限制遠程存取入侵等功能，配合 HKBN HomeGuard 流動應用程式使用，更能管理子女使用網絡時間，一次解決在家工作的網絡保安問題！ Home Gateway保障家用網絡 無懼WFH挑戰 黑客攻擊家居網絡是全球各地均有受害案件，HKBN 持股管理人及科技總裁李友忠（Danny Li）表示，一般企業、公司有防火牆阻擋攻擊，但一般家用網絡缺乏保障，變相易受惡意攻擊。在屋企這種不會有專責 IT 部門的工作環境，所需要的是操作簡單、功能齊備、保護力強的多功能防禦系統。Danny 指出，Home Gateway 使用時相當 Layman，全部防護措施自動運作，用家毋須操心，倘遇攻擊便會立即收到警示，而所有連接到 Home Gateway Wi-Fi 或LAN的裝置，立即受保護，如果遇到技術問題，可以隨時聯繫 7 x 24 全天候技術支援熱線，即時獲得HKBN專業團隊解難。另一方面，Home Gateway 亦包含家居電話功能，在家中開電話會議亦無問題。 HomeGuard 流動應用程式 隔絕不良資訊 結合 HomeGuard 流動應用程式使用，能封鎖外來入侵，阻擋到訪釣魚網站，而且具有家長監護功能，可以設定子女上網時段限制，避免他們過度沉迷上網，並能阻擋他們接觸不良資訊，即使工作中也不怕難以控制子女接觸網上資訊。疫情期間，不少公司在2、3月時突然決定實行在家工作措施，Danny 形容有公司因為「夾硬」推行政策而中招，「（公司網絡保安）開道門讓家用用家執行系統就有漏洞，因此要強化基礎架構（enhance infrastructure），不少公司需要購買解決方案（solution）和 產品（product），而遙距方案（remote solution）、設備、軟件的需求亦增加」，他指 HKBN 當時甚至為客戶提供免費的設備臨時使用，「幫助他們先熬過這幾個月」。同時，他們亦鼓勵依賴紙本的行業數碼轉型（digital…

早兩日，其中一個惡名昭彰的勒索軟件集團 Maze 在自家網站上貼出公告，表示 Maze Team Project 正式退市，打後如有任何以 Maze 品牌，或聲稱與 Maze 有合作關係的惡意攻擊，就必定屬於虛假訊息或詐騙。臨別在即，Maze 稍稍在貼文上解釋為何有 Maze Team Project 出現，合理與否？就要睇過至知。 Maze 勒索集團之所以出名，除了其勒索軟件的破壞力強及難以被破解，更因為他們是雙重勒索 (double extortion)…

不少人都喜歡用網上設計平台 Canva 來製圖，成品製作過程方便而出品又精美，但是黑客竟然利用 Canva 分享功能，藉以加入釣魚網頁登陸頁面。Canva 允許用家建立 URL，將設計向朋友或同事共享檔案，加入在平台中協作設計，對方只要點擊連結，就會看到整個設計頁面。 而正正就是 Canva 這個功能讓黑客有機可乘！網絡安全公司 Confense 最近公布一份報告指 Canva 面對的威脅因素愈來愈大，指透過 Canva 創建的 HTML 登陸頁面，被利用作將受害者重新導向至虛假登入頁面。報告以一封假裝是 SharePoint eFax…

面對陌生電郵大家可能有防備心，黑客都深明這個道理，所以也著力以不同方法，蒙騙受害人的眼睛，利用知名企業的牌頭發出信件，以圖令更多人中招。近日有電郵防護公司Confense進行打擊釣魚電郵活動，藉假冒知名資安培訓（Security Awareness Training）公司KnowBe4，發出培訓活動提示，但實際上這是一封「釣魚電郵」，旨在提醒用戶不要中招。但驟眼看來幾可亂真，而且還會自圓其說 ⋯⋯ 釣魚攻擊老是常出現，所以資安培訓公司提供課程，讓企業可安排員工上堂，以判斷惡意攻擊電郵。Confense以假冒KnowBe4名義，模擬黑客手法，發出電郵邀請接收者登錄防止釣魚行為培訓，並以課程提示加上截止日期作為信件主題，要求參加者24小時內回應。 正所謂「做戲做全套」，電郵內還鄭重的提醒一眾會員，活動不能在KnowBe4的平台登記，而附帶的連結是外部連結，試圖降低收件人戒心。當他們點進網頁，便會要求他們輸入個人 outlook 資訊作登入用，繼而索取更多個人資訊及電郵密碼等。即使曾接受辨別釣魚電郵訓練的人，稍一不留神，也有機會中招！ 除了可依靠電郵防護公司的服務，阻擋這類假電郵落入收件箱外，亦可參考以下自保招式：細心留意信中附有的URL是否有古怪，倘有懷疑即聯絡網絡管理員，以確認電郵的真確性。而如果這是辨識釣魚電郵的訓練，收件人又能成功洞悉「奸計」，便可以放膽通知負責人，順利通過測試了！ 資料來源：https://bit.ly/2FFpq4N

大家對「機械人流程自動化」 (Robotic Process Automation) 嘅認知可能仲停留喺 「AI」同你爭飯碗嘅年代。其實喺 2019 年，RPA 行業已經增長超過 63%，甚至有預測認爲到 2025 年，全球 RPA 嘅市場份額可以達到 750 億美元！眼見越來越多公司使用 RPA 服務，係時候探討下背後安全問題。 RPA 係指將一…

勒索軟件頻頻作惡，再加上而家呢類惡意攻擊已經唔會淨係鎖死你嘅檔案，仲會偷埋你嘅機密檔案進行二次勒索，唔俾錢就公開，所以真係好需要盡早釋破入侵行為。之不過，勒索軟件而家變得咁隱密，可以點防範呢？專家教路，只要留意以下一啲電腦系統嘅運作細節，就可以減少損失㗎喇！ 檔案彈出彈入：如果突然發現，電腦或公司內部網絡成日唔見咗啲檔案，又或突然出現一啲陌生嘅檔案，都係已被勒索軟件入侵嘅警號。 龜速運作：由於勒索軟件會暗中偷走重要資料，所以好可能喺背後密密運作，如果發覺系統行得好慢，又或每次開機都慢過人，就要留意喇。 經常炒 app：中招另一個徵狀係，系統或某啲 application 經常無緣無故炒機，好可能係當中某啲檔案正被勒索軟件加密，既然讀唔到，炒機都合理丫。 防毒退場：要不知不覺做嘢，防毒軟件自然係勒索軟件嘅天敵，所以只要勒索軟件成功入侵，就會設法修改防毒軟件，令佢哋無法運作或開機時啟動唔到，方便做嘢丫嘛。 古怪電郵：如果有人同你反映，成日收到由你發出嘅古怪電郵，亦都係一個重大啟示，因為勒索軟件除咗攻擊你，仲會嘗試擴大攻擊層面，落手對象自然係喺你嘅 contact list 入面搵啦。 如果你發現平時用電腦有以上徵狀，記得要第一時間通知IT部門，因為勒索軟件會喺公司網絡內極速擴散，你一個人嘅發現，隨時可以救返成間公司㗎！ 資料來源：https://bit.ly/3jHCHJg 唔想錯過熱門網絡保安消息，請即訂閱 wepro180 電子周報：https://bit.ly/2ZcCi9J

網絡安全真係一場智力大比併，無論安全專家點樣提升防禦力，黑客都總會搵到漏洞發動攻擊，然後安全專家又會極速修補應戰，攻防無限 loop。而近期網絡安全機構 Malwarebytes Labs 發現嘅 Web Skimmer 盜取信用卡資料方式，攻擊路線極度迂迴同複雜，唔單只利用網頁標籤圖案，仲要將惡意程式碼收埋喺圖像嘅 EXIF metadata 入面，真係睇少一眼都出事！ Malwarebytes 嘅專家發現，今次被埋入 Web Skimmer 嘅網站，原來只係被換咗 favicon 㗎咋，完全無其他地方被做手腳。Favicon 可能唔係人人識，其實佢就係網頁標籤或書籤上嘅圖案。專家話黑客首先開設咗一個專門俾人寄存 Favicon…

開呢個題，係因為美國最近熱爆討論黑客社群 Anonymous 喺警暴事件上嘅參與，佢哋兩度攻陷州警網站，有網友就延申到正邪黑客之分。我哋之前都曾淺談過 6 種黑客：紅、藍、綠、灰、黑、白，當中以灰帽黑客最具話題性，而 Anonymous 就係表表者。想知紅藍綠嘅定義，請回顧舊文，呢篇深入少少講灰黑白。 早喺 1960 年代，MIT 已經 Hackers 輩出，當其時字義等如電腦神童，同一部電腦，Hackers 可以逼出系統絕對領域，能人所不能。不過當時連電腦概念都未普及，Hacker 只屬小圈子詞匯。到咗八九十年代，黑客傳說開始流入民間，但相關報導大部分同犯罪有關，諸如非法闖入政府系統、轉售個人資料等行為，令大眾對黑客留下壞印像，直至最近資訊保安受到重視，大家開始嘗試全面理解黑客嘅種類。 白帽 白帽黑客透過自身技能，同企業、國家、資訊保安等機構合作，施展混身解數監測堵塞網絡保安漏洞。白帽黑客講求原則，擁有高尚情操，絕不會犯法或惡意攻擊競爭對手，總之道德先決，HackerOne 社群同資安企業 In House…

喺全球各地嘅 Microsoft 裏面，都存在一隊 DCU （Digital Crimes Unit）嘅特別小隊，專門打擊網絡罪犯。早前就台灣嘅 DCU 就成功憑不尋常嘅訊號，成功瓦解一個出現喺當地嘅殭屍網絡。而負責指揮散播病毒攻擊嘅主角，竟然係一組 LED 燈控制器，真係唔可以睇少啲 IoT 產品嘅潛力呀。 其實搗破呢個殭屍網絡嘅時間，要回溯到去上年嘅八月。當時台灣 DCU 其中一個分析員，就喺茫茫嘅數據大海入面捉到一啲可疑嘅殭屍網絡訊號，經調查後，呢啲數據流量好似悟空練咗界王拳一樣，喺短短一個月內大增 100 倍，而團隊就揪出入面涉及嘅 40 萬個…