密碼管理器一般都附帶有產生密碼功能，Kaspersky Password Manager 亦無例外，不過，有網絡安全研究員就發現它產生密碼的方法原來有跡可尋，而且不同用家在同一時間獲派的密碼更是一模一樣，咁都得？ 戴返頭盔先，由網絡安全研究所 Ledger Donjon 發現的 Kaspersky Password Manager 密碼產生器缺陷，確實存在的日期是在兩年前的六月，經研究員 Jean-Baptiste Bedrune 向 Kaspersky 通報後，相隔一個月已有更新檔推出，效率非常之高。而 Bedrune 相隔兩年先舊事重提，純粹是分享有關密碼產生器應有的安全考慮。 Bedrune…

Purple Fox惡意軟件被發現新增感染能力，當電腦設備中招，不單會被收編成為殭屍網絡的一員，更會自動掃描網上存在的其他Windows設備並進行攻擊，其感染率自上年5月開始，已快速飊升600%！ 感染超過90,000 部 Windows電腦設備。 網絡安全服務供應商Guardicore發表的研究報告顯示，惡意軟件Purple Fox新加入的感染能力不容忽視。該報告主要追蹤Purple Fox自上年5月被升級後，新加入的自動感染功能的破壞力。專家解釋，Purple Fox原本主要透過釣魚電郵、已知漏洞感染電腦設備，但新加入的蠕蟲(worm-like)感染力卻大大增加其攻擊力，因為只要Windows電腦設備被Purple Fox感染，它便會從2000多個已被感染的Windows伺服器中下載及安裝rootkit，這個.msi檔案可令Purple Fox穩定地植根這部電腦裝置，例如提升存取權限及刪除惡意套件安裝檔，即使重新開機亦會第一時間被載入，而防毒軟件亦奈何不了它。 當Purple Fox成功植根，它便會控制受感染的電腦產生一串IP位址，並針對該批位址進行無差別掃描，檢查是否有Windows設備存在及其密碼保護設定，如發現該裝置採用弱密碼(weak password)，便會以暴力破解(brute-force)方式入侵，並重複上述的感染程序。Guardicore專家更指出為了防止受感染電腦設備被其他黑客攻擊，Purple Fox會第一時間關閉該裝置的一連串通訊埠，例如445、139、135等，而由上年5月追蹤至今，專家說已至少發現了90,000宗感染個案，可見Purple Fox的傳播能力極高，較2018年被發現後足足增強了600%。 事實上不少網絡安全專家均警告，黑客組織為了建立更龐大的殭屍網絡，作為發動DDoS攻擊或挖礦的資料，將會持續利用不同方法去擴大感染力，同時攻擊方法又會更不論是企業抑或個人用家，也應採取更強的網絡安全防護，同時將軟硬件的系統保持在最新版本，便可減少被入侵的風險。 資料來源：Hacker News

現時不少產品都會加入互聯網功能，就連成人玩具也不例外，齊齊加上連線功能加入物聯網 (IoT) 大軍。不過，網絡安全專家警告大部分性玩具也缺乏安全保護，可被黑客遙距取得操控權，例如推高自慰器轉速或振動幅度，甚至遙距鎖死電子貞操帶進行勒索，隨時命根不保。 物聯網產品千奇百怪，而且價錢又不會太昂貴，遇著功能有趣的產品，相信你我他也曾試過忍不住買來體驗。不過胡亂使用，隨時累人累己。防毒軟件公司 ESET 專家便警告，具備網絡連接功能的成人玩具如自慰器、電子貞操帶等，便有很大機會被黑客入侵。專家指出，這些成人玩具一般都可透過藍牙傳輸制式與智能手機專用 app 配對，以及經互聯網連接其他用家，由於缺乏安全保護，便將用家置身極大風險中。 ESET 專家以其中一款中國廠商 Lovense 生產的性玩具 Max 為例，它與同廠另一款 Nora 分別為男女用家提供自慰功能，而且專用 app 不單可調整速度，還可與另一用家連線，實時虛擬造愛。專家指出他們可於網上掃描這類藍牙產品並截取傳輸數據，由於上傳數據的加密技術薄弱，收發雙方亦沒有嚴謹的身份驗證機制，因此專家便可以暴力破解驗證密碼，發動中間人攻擊 (man-in-the-middle)，隨意修改操控指示，例如推高女性向自慰器的轉速，令女用家的敏感部位受傷，或令自慰器過熱引發火警。 此外，專家說如果專用…

疫情關係，大家留在家中的時間大增，為免流動數據用量乾塘，大家都會使用 Wi-Fi router 上網作網上理財、遙距工作，以及登入不同網上服務帳戶，所以 Wi-Fi router 的網絡安全變得更重要。其實防護措施不難執行，記著這 5 招，就可減少被入侵的風險。 第一招：保持韌體更新 曾多次報導不少 Wi-Fi router 都存有漏洞，而且這些漏洞已被公開，黑客只要用 scanning 一掃，就可輕鬆在網上搜出仍未更新韌體的 router 進行攻擊，所以用家必須經常將韌體版本保持在最新狀態。如生產商已停止支援舊款 router，或遲遲未有推出更新檔案，用家應積極考慮轉會。 第二招：高強度密碼…

疫情下經常在家，不少人都訂閱了 Netflix 之類的串流影片服務消磨時間。最近有黑客亦推出另類影片訂閱服務，150 美元就可終生收睇。至於影片主角？有可能是你或我，因為黑客提供的串流影片，全部來自已入侵的網絡監控鏡頭，總數更有50,000 部之多，當真一個價睇到笑也令你驚。 今次事件由新加坡傳媒 The New Paper 發現，記者 David 指出有大量被入侵的網絡監控鏡頭影像，正被上載至色情網站，當中有不少來自新加坡的家庭，其他如泰國、南韓及加拿大亦榜上有名。記者深入追蹤後，發現在即時通訊平台 Discord 其中一個擁有過千成員的群組內，有黑客開價：只要繳付 150 美元，就可終生收睇容量高達 3TB 的「盜錄」影片，題材非常豐富，例如身穿內衣褲的女學生溫書、伴侶性交、少婦哺乳…… 據知影片長度由少於一分鐘至約20分鐘，部分有裸露鏡頭的主角更是兒童，非常離譜！據說現時已有 70…

呢隻橫空出現，堪稱空前但未必絕後嘅殭屍網絡叫做 Dark Nexus，普遍認為係由一個以開發殭屍網絡而出名嘅「greek.Helios」出品，佢由 2017 年開始，已經兜售緊分散式阻斷服務(DDos)同殭屍網絡編碼嘅人。 呢隻惡意程式沿用咗另外兩隻都好常見嘅殭屍網絡 Qbot 同 Mirai 部分原始碼， 再加上自家製嘅核心功能，包括可以針對 12 種唔同CPU架構而特製嘅 payloads 。根據名單顯示，Dark Nexus 攻擊到嘅路由器型號相當廣泛，港人常用嘅 Dlink、ASUS，以及Dasan、Zhone都榜上有名，而且由攝影機到熱像探測儀，都係攻擊目標。 Dark Nexus 已經出現咗三個幾月，期間發布過三個版本，根據防毒軟件商…

有網絡安全機構發現，喺暗網出現一則販賣5.38億微博用戶資料嘅廣告，你估開價幾錢呢？當中嘅資料包括： 真實姓名帳戶名稱性別位置電話號碼 而答案係⋯⋯ ⋯⋯ ⋯⋯ ⋯⋯ 大約 1,200 美元咋！點解咁平呢？因為並唔包括帳戶登入密碼丫嘛！ 至於呢堆黑客聲稱喺上年年中獲得嘅用戶資料，點解出現喺網上，微博就曾經發信俾部分中國網站解釋，話 2018 年尾因為要處理網絡實名化規例，可能喺配對用戶同個人電話號碼嘅 API 上出現問題。 不過，呢個解釋即刻俾國內嘅網絡安全專家否定，因為黑客喺廣告上明確表明啲數據係來自 SQL 資料庫，而且如果只係用 API 配對用戶同電話號碼，亦唔會有埋其他好似性別、位置等資料。另外，有關黑客發動登入驗證盜取或暴力破解帳戶攻擊，去蒐集呢啲個人資料嘅說法亦唔成立，因為售賣嘅資料並唔包括密碼。又係喎，如果有埋登入密碼，5.38億帳戶資料又點值咁少錢呢？ 資料來源：https://bit.ly/3aeTTAG…

要保障自己嘅網上帳戶安全，好多時網絡安全專家都會叫大家改個複雜嘅密碼，而且仲要逐個帳戶改，唔可以重複，但大家都知道要做到幾乎係無可能，真係設定咗，都要成日㩒「忘記密碼」，實用性極低。於是專家就會建議大家啟用雙重因素驗證（2FA）提升登入安全性，或安裝密碼管理器去管理所有帳戶嘅密碼，咁樣的確係安全好多嘅，但問題係首先要服務供應商安全先得。可惜嘅係，最近有研究員發現，無論係 2FA app 供應商 Google 或 Microsoft，抑或係密碼管理app 例如 喺雙重因素驗證 app 方面，網絡安全供應商 ThreatFabric 發現，只要黑客成功誘騙 Android 手機用家安裝惡意軟件 Cerberus，就有機會盜取用家經 Google Authenticator 或 Microsoft…

除咗銀行，賭場都稱得上係另一個收埋好多錢嘅地方，如果話你知有黑客成功入侵賭場，第一個反應通常都以為係為咗偷錢。不過，竟然有黑客係為咗偷賭客資料而入侵，唔通嫌錢腥？ 根據網絡安全公司 Talent-Jump 及 Trend Micro 剛啱公布嘅調查報告，指出由上年夏季開始，已發現有一班由中國政府支援嘅黑客組織，開始向一啲網上賭博或投注網站發動攻擊，佢哋嘅目標主要係針對東南亞賭博公司；而入侵目標係瞄準資料庫及程式源碼。專家指出，呢班黑客入侵嘅手法並唔特別，只係透過魚叉式釣魚電郵（spear-phishing），引誘賭場員工開啟電郵內嘅附件，喺網站上植入後門，之後就陸續安裝各種惡意軟件，包括暴力破解工具、掃瞄 NETBIOS 伺服器工具、提升權限工具、盜取密碼或 Clipboard 資料工具等等，令佢哋可以喺內部網絡搵到想要嘅嘢。由於呢班黑客係利用 Dropbox 嚟儲存惡意軟件及 C&C 工具，所以安全專家將佢哋稱之為 DRBControl（DRopBox Control）。 以往國家支援嘅黑客組織，主要係為咗政府服務，例如有專門針對竊取高端技術嘅黑客，亦有以癱瘓目標網絡活動嘅黑客軍團，不過，專家指出今次入侵賭博網站嘅行為似乎同國家無關，好可能只係黑客嘅個人行為。事實上，網絡安全公司 FireEye 喺上年亦指出有中國支援嘅黑客組織喺工餘時間，為興趣或個人利益去發動私人攻擊。至於入侵賭博網站係咪真係同政府無關呢？我個人就有好多聯想嘞，例如係咪搜集緊某啲「賭客」嘅投注記錄，作為洗黑錢或收受利益嘅證據？無論係為國家或個人利益，攞住呢啲痛腳，回報同風險隨時好過直接偷錢多多聲㗎。…

話咁快又到 2019 年尾，又係做回顧嘅好時機喇，唔少 IT 公司陸續發表 2019 年網絡安全回顧，當中又點少得「最強密碼」呢個 item 呢？NordPass 先後根據手頭上獲得嘅個人私隱外洩事故及用家資料庫，歸納出最多人用嘅弱密碼出嚟。雖然數字系嘅「12345」、純愛系嘅「iloveyou」、鍵盤系嘅「QWERTY」、直覺系嘅「password」等依然穩佔榜首，但亦有好多女士嘅英文名上榜，例如Nicole、Jessica 及 Hannah 之類，可見大家用密碼都仲係好隨心，私隱唔係乜嘢大不了嘅事，最緊要係方便記就得。 另一個原因就係好多人都以為強密碼係無可能記得住㗎，就算今次改咗，轉過頭再登入就肯定要㩒「forget password」，咁咪即係盞搞？其實網絡安全專家 Cypri 就話強密碼唔一定要複雜，而係密碼長度勝過一切，所以應該揀 PassPhrase 而唔係 Password，例如 @#E4i8!2 呢組密碼睇落夠晒強，但 8 個字元嘅密碼係今時今日嘅電腦設備下，只需大約 7 分鐘就可以暴力破解；但如果換轉用 「I want to buy 1 pair of running shoes!」呢？呢組望落好弱嘅密碼，一樣有齊英文大細楷、數字同符號，但破解時間即刻暴升到幾百萬年，而且亦唔算難記，所以話強密碼唔一定係複雜就係咁解。 既然強密碼唔需要複雜，咁大家應該都檢查下自己用緊嘅密碼出咗事未。Microsoft 嘅 Regional Director Troy Hunt 就整咗個「Have I Been Pwned」搜尋網頁，搜集咗之前發生嘅洩密事故資料，俾大家檢查下自己個電郵或密碼係咪榜上有名，如果有嘅就不妨根據 PassPhrase 原則去 Set 個新密碼啦！ 資料來源：https://bit.ly/2RVwPRq、https://bit.ly/2PofUVI