企業的系統應用複雜性日增，被入侵機會亦大增，單是管理網絡安全系統本身也有不少難題，尤其是銀行、金融及保險界別的企業，要符合監管機構的合規要求，對網絡安全更不敢鬆懈。部分企業近年引入安全資訊和事件管理（Security Information Event Management, SIEM）方案應對有關問題，SIEM 會蒐集大量網絡和 IT 訊息，即時分析後，向企業保安營運中心（Security Operation Center, SOC）發出警報並解決危機，不過傳統 SIEM 會將所有警報列出，要花費大量人力物力來處理，新一代 ASOC（Automated Security Operation Center）加入人工智能及機械人等技術，可以將需要即時處理的警報優先列出，而且以 ASOC 即服務（ASOC-as-a-Service）的形式推出，企業能因應自身需求採購合適方案，迎合業務發展。 傳統…

當屋企內存在愈來愈多智能裝備，被不法份子暗中監測的風險就愈來愈高。早前已有很多潛在風險案例，包括智能喇叭、Webcam、智能電視等等。最近研究又發現，不少港人愛用的小米吸塵機械人RoboRock一樣可以變身偷聽器，關鍵竟然是機身的光學雷射(Lidar)裝置！ 小米吸塵機械人身上的光學雷射裝置，原本應用於測量空間的大小及偵測前方有否障礙物，實際上應該跟聲音無關？不過，它卻可以透過接收反射光束，進而分析與物件之間的距離、物料，以及物件表面的振動變化，所以只要光學雷射裝置能持續向同一點收集數據，便能計算出令物件振動的音頻，再還原成為聲音。以為好高科技？原來在20世紀中期的冷戰(Cold War)期間，以被情報部門應用於偷聽技術，而當時光學雷射裝置是靠著記錄房間內玻璃窗戶的振動而偷聽。 光學雷射科技發展急速，過往達軍用級別的識別技術，近年已大量應用於不同民用產品，而由University of Maryland及National University of Singapore學者組成的研究團隊，就嘗試利用附有光學電射裝置的小米吸塵機械人，還原上述的竊聽技術。團隊今次不只分析玻璃面反射，更收集了紙、塑膠袋、衣料等家居經常出現物品的反射數據，結果顯示還原準確度高達90%。研究團隊更指透過分析聲音，可描繪出發聲人的性別、政治取態等個人圖譜，那就可以進行更有指向性的竊聽行動。 不過，研究團隊澄清今次測試純屬學術研究，叫小米吸塵機械人用家不用恐慌，因為要達成竊聽必須滿足多項條件。首先是要成功入侵並安裝惡意軟件控制機械人，因為如機械人不停轉動，便無法讓雷射集中投放在同一位置，收集回來的數據便無法還原為有意義的聲音。要阻止這種竊聽行動，研究團隊建議生產商除了要做好網絡安全工作，亦可考慮當機械人停止轉動時，可將光學雷射組件關上，這樣就能防止相關竊聽行動發生。 資料來源：https://zd.net/3pNUul2

殭屍網絡 (Botnet) 一向令人頭痛，因為黑客可以利用它發動多種攻擊，例如 DDoS 網站或應用服務、發送垃圾電郵、挖礦 (cryptocurrency)，黑客更可入侵中招的電子設備偷取資料。不過，擁有人工智能的蜂巢網絡 (Hivenet) 就更令人頭大，除了擁有殭屍網絡功能，其分散式運作更難以被一舉殲滅，甚至懂得自動感染其他電子設備…… 殭屍網絡已在網上橫行多年，但自從 IoT (Internet of Thing, 物聯網) 產品被廣泛採用，就令到黑客可操控的電子設備暴增，根據歐洲網絡安全公司 ENISA 最新研究報告估計，現時平均每日都有 770 萬個 IoT 設備連上互聯網，但當中只得…

當家長趕潮流幫囝囡報 STEM 和 AI 課程，科技專家已經放風，下一個贏在起跑線的關鍵詞是量子電腦。臺灣大學 IBM 量子電腦中心主任張慶瑞按量子電腦科技發展趨勢，預測擁有處理龐大資料能力的量子電腦，大約會在 15 年後登場，到時對文明的衝擊，可媲美 Smart Phone 問世。張主任表示，現年 50 歲或以上的人，姑且可以不知量子電腦未來，不過 90 後同 Gen Z 就無得避。量子電腦開發方面，IBM 和…

無論甚麼話題，AI 都係一個萬能 Solution；編輯？律師？醫生？會計？教師？司機？廚師？將來都係 AI 黎㗎啦。的確，將來咩都有機會係 AI Driven，首當其衝仲會係高薪專業，因為最有取代價值；律司點記 Court Case，都唔會夠 AI 個 Database 龐大，夠快夠準摷到正確 Reference 打官司。問題係，幾時？ 芬蘭係個好重視 Digitization 嘅國家，2019 年推出一個免費網上課程《Elements of…

新冠疫情持續半年有多，好多人嘅生活習慣都改變晒，例如家居工作嘅時間多咗，上網使錢密集咗，玩手機 game 或睇網上娛樂亦挑剔咗⋯⋯消費者嘅日常生活轉晒型，作為提供應用服務嘅企業，都要跟車轉型，將重要工作或 IT 架構移雲。不過，移雲一啲都唔簡單，一旦無守穩整個服務流程，更有可能運作唔到、增加管理成本，最壞情況更加會造成機密外洩，隨時一鋪清盤！ 獨立運作 訪問行為難分善惡 無論邊個行業，老闆而家都面對住同一問題，就係點樣做好遙距工作（Remote Work）同埋網上服務嘅安全保護，因為當企業進行數碼轉型後，員工、客戶主要透過各種網絡應用（Web Application）服務，經 API（Application Programming Interface）介面去存取公司資料庫入面嘅數據，任何一個位置出事，損失都難以估計。 Imperva 亞太區資深技術顧問張瑞宏（Kelvin）指出，必須做好由網絡應用以至數據庫各關卡嘅防禦，先夠穩陣，而關鍵就係網絡流量嘅透明度。「數據庫入面嘅資料就好似珠寶首飾，如果連邊個人入過去、由邊度入嚟、入去做過啲乜都唔清楚，就完全無安全性可言。」要睇通睇透，自然要由一開始睇起，佢話有企業雖然採用咗唔同嘅防禦工具，但工具同工具之間無法溝通，都分唔到入嚟嘅網絡行為有無古惑。舉個例，大門守衛做咗身份認證就放行，但嚟到保險室，如果無溝通，個護衛又點知呢位來賓入嚟做乜呢？佢嘅行為會唔會顯示到佢越權或係冒充呢？所以唔係賣花讚花香，現時市面上可以打通呢三個關卡嘅安全工具，就只得 Imperva 做得到。 天生外向 WAAP 防護至重要…

一句到尾，釣魚攻擊嘅方法雖然萬變不離其中，不過，引人上吊嘅餌就好有彈性，而且仲好貼市況添。例如早排新冠疫情爆發，黑客就利用疫情資訊增加收件人開附件或點擊連結嘅機會；WFH 令視像會議使用量大增，釣魚電郵嘅主題就變成 Zoom 之類嘅會議邀請。而最新嘅釣魚電郵主題，就輪到視像娛樂服務供應商 Netflix 喇。 Armorblox 網絡安全研究員指出，最近利用 Netflix 為主題嘅釣魚電郵數量大增，黑客企圖令 Netflix 用家相信付款系統出咗問題，要更新信用卡資料。為咗避開傳統電郵防護工具，黑客今次就利用 Captcha 嚟增加可信度，令防護工具誤以為電郵內附連結只係跳去一個合法嘅 Captcha 反機械人驗證版面，而唔將電郵歸類為惡意電郵。但事實上，經過驗證後再跳轉嘅網站，先至係假嘅 Netflix 登入頁面。呃完防護工具，黑客亦精心打造咗一個同 Netflix 一模一樣嘅頁面，雖然專家話頁面上所有連結最終都係跳去信用卡資料更新版面，但用家可能無咁細心，結果就親手將信用卡資料交俾黑客。…

關於數碼轉型（Digital Transformation），以往企業的態度始終較保守，認為大多只是引入新科技，斬件式提升工作效率，未算有太大迫切性。不過在新型冠狀病毒爆發下，疫情持續超預期，無論是零售、飲食、娛樂、物流等行業均遭受打擊。與其坐以待斃，有本地企業主動出擊，構思出創新業務並通過數碼轉型實行，不單止在疫境中開闢新路線，更積極為拓展業務鋪路，待環境好轉時能快速起飛。 雲服務供應商阿里雲（Alibaba Cloud）於本月底首次舉辦的網上客戶分享大會「APSARA CHAT Hong Kong 2020」，便專為本地企業而設，內容除了介紹科技趨勢及應用外，更重要是邀請了本地 8 間企業夥伴，從營商角度出發，分享其數碼轉型的成功故事： AQUMON 近年投資應用程式陸續推出，投資者更易參與環球證券市場，投資顧問服務的重要性相應提高。本地初創企業及機械人投資顧問公司 AQUMON，便借助阿里雲的雲計算、大數據、AI 等科技，分析各投資產品的風險，迅速為客戶制定個人化投資組合，贏得客戶的信任。 MyTV Super Limited 社交媒體的興起，大大改變了廣告業界的生態，媒體要吸引企業客戶賣廣告，便要協助客戶簡化及縮短廣告的製作。MyTV Super 便借助阿里雲的大數據及人工智能技術，推出智能設計師服務，讓客戶毋須花費昂貴的排版設計費用，也能自動化創作吸睛的廣告，同時縮短冗長的製作時間。…

網絡安全資訊平台 HackRead 表示，上月有黑客喺暗網上出售 2.67 億 Facebook 用戶個人資料，但今個月突然激增至 5 億，由於出售嘅資料唔包括登入密碼，所以售價整體嚟講唔貴，三個套餐分別係每十萬個帳戶收450美元、每100萬個帳戶收1,500美元，以及3萬美元一筆過買晒。而喺 5 億帳戶當中，有 290 萬屬於香港用戶，約佔 1/3 港人用戶，大家真係要提高警覺性，防犯嚟緊會有罪犯透過社交工程（social engineering）嚟偷呃拐騙喇！ 今次出售嘅Facebook用家個人資料包括：用戶名稱、姓氏、性別、位置、城市名稱、職業、結婚狀況、電話號碼、電郵地址及帳戶連結，內容非常廣泛，對精於社交工程詐騙嘅罪犯嚟講，已經攞到太多資料，可以假扮成對你有關嘅機構如電訊公司、政府部門、銀行等等，向你發動唔同渠道嘅攻擊，例如釣魚電郵、SMS，甚至盜取你嘅身份作非法用途。 專家透露，相信今次私隱外洩嘅源頭唔係 Facebook，應該係第三方服務供應商或市場推廣公司，由於儲存喺雲端嘅資料庫無做好安全設定，先至會俾罪犯攞到。但專家指出，黑客亦可以透過機械人進行網上爬行，去收集你喺社交平台公開嘅資料，所以勸籲大家千祈唔好公開太多個人資料。HackRead 專家話暫時未知有無人買咗呢啲帳戶資料，但都要小心防範。而除咗香港之外，鄰近地區如澳門、台灣、新加坡，亦分別有41萬、73萬及300萬個帳戶記錄。…

可能你未必留意到 reCaptcha 係啲乜嚟，但你絕對有用過呢項人類驗證功能。當你去到某啲網站嘅時候，為咗證明你唔係機械人，就首先要通過點選 reCaptcha 驗證 box 入面嘅圖案，例如有幾多格有交通燈、貓，答中咗先可以去到指定網站或開始網購。而雲端安全解決方案供應商 Barracuda 最近就發表報告，多咗黑客利用真嘅 reCaptcha API 嚟提升釣魚攻擊嘅可信性，特別係搏取安全防護系統嘅信任添！ 先交代下 reCaptcha 呢項功能先，其實佢早喺 2003 年已被提出，不過當時只係叫 Captcha。後來團隊諗到用呢項功能行善，就係借助網民力量提升 OCR 光學掃描技術嘅準確度，於是計劃先變成…