總部設於法國巴黎的保險集團安盛（AXA），旗下亞洲子公司 Asia Assistance 受到勒索軟件 Avaddon 攻擊，集團在香港、泰國、馬來西亞及菲律賓的業務受到影響，更有客戶資料被盜取。有本地網絡安全專家估計，事件或源於有員工誤開勒索電郵內的有毒附件所致，由於保險公司客戶資料是極敏感資料，認為安盛需要盡快交代事件。 英國《金融時報》引述一篇暗網文章指出，黑客聲稱利用勒索軟件，盜取多達 3TB 安盛客戶資料，當中包括客戶個人身份、醫療及索償記錄，以至是銀行文件、個人身份證明文件截圖等，黑客並要求安盛在 10 天內與他們商討贖金安排，否則會將所盜取的資料公開。安盛則承認，部分泰國客戶資料外洩，強調正調查事件及已經通報監管當局，並會通知受影響客戶，及提供支援。除此之外，黑客還發動分散式阻斷服務攻擊（DDoS），癱瘓 AXA 官方網站，惟現時網站服務已逐步恢復正常。 香港資訊科技商會副主席（私隱及資訊保安）范健文接受查詢時稱，自己亦在暗網（Dark Web）留意到有人在討論安盛被網絡攻擊的事態發展，惟沒辦法證實對方是否發動攻擊的黑客。他續指，黑客通常是將受害者的重要資料鎖上，再要求對方交贖金以將資料解鎖，今次黑客更威脅將所盜取的資料公開，「似乎是特別具針對性的攻擊，畢竟保險公司與一間中小型貿易公司不同，其客戶資料往往涉及投保者病歷等極其敏感的資料，這些資料若被公開，對保險公司而言會是一個致命傷。」 范健文估計，今次事件或是因為 AXA 內部擁有接觸客戶敏感資料權限的員工，不小心開啟了可疑電郵內的附件或超連結所致，亦不排除有員工因為疫情在家工作，一時不慎令黑客有機可乘。他強調，AXA 需要公開交代事件來龍去脈、通知受影響客戶，以及交代如何保障用戶私隱。為盡量避免同類事件日後再發生，AXA 亦應該提升旗下員工對資訊安全，特別是可疑電郵的警惕性，以及在資料存取權限方面下工夫，避免敏感資料被太多員工存取。…

網絡安全公司 Kaspersky 公布調查結果，揭露最常遭受釣魚攻擊之苦的五個國家。列於榜首的是巴西，據研究結果顯示，在 2020 年每 5 個當地的網民中，就有 1 個網民至少被黑客盯上一次，幸而當地網民對網絡安全的意識正在增強。 Kaspersky 的網絡釣魚報告指出，緊隨巴西之後的國家分別是葡萄牙、法國、突尼斯和法屬圭亞那。該研究報告顯示，僅在 2020 年 2 月至 3 月期間，針對流動裝置的釣魚攻擊就增加了超過 120%。攻擊增加的因素主要是社交距離或隔離措施的推行，令互聯網的使用量和線上服務的需求增加，例如互聯網和網上銀行和線上購物，以及大規模採用遙距工作和對流行病的焦慮。 根據研究，流行病毒是 2020…

專門用來提升網站內容於搜尋器上排名的 Search Engine Optimization (SEO) 技術，原來亦正被黑客利用。黑客通過入侵大量伺服器及網站，操控網站的 SEO 排名，令其他網民在搜尋相關主題時更易發現被黑客操控的網站，擴大攻擊層面。 有經營網站，相信或多或少都會知道 SEO。SEO 能夠左右網站的曝光率，例如一個經優質 SEO 加持的網站內容，可讓網站在網民搜尋相關字眼時更早出現。而網絡安全公司 Sophos 的專家，最近就發現一個被命名為 Gootloader 的網絡攻擊，有黑客集團正利用 SEO 手段推廣被他們入侵了的網站，其中一個例子是當有用戶搜尋有關物業主題字眼時，Google 最先展示的搜尋結果卻竟然是一個新生嬰兒醫學機構，兩者明顯風馬牛不相及。專家說由於該網站屬於一間真正營運的企業，而且又排行於搜尋結果前列位置，某程度上加強了網民點擊進入的信心。…

為了確保帳戶不被盜用，啟動雙重因素 (two factor) 或多重因素安全驗證 (multi-factor authentication) 機制一向被視為較安全的做法，特別是硬體安全鑰 (hardware security keys) 就更保險。不過，Google Titan 及 YubiKey 系列產品卻被發現可被黑客複製，雖然手續比較麻煩…… 雙重或多重因素安全驗證，一般來說指的是除密碼以外，登入帳戶還須配合其他因素如生物特徵、額外安全編碼等。現時最多人採用的方法以後者居多，而額外安全編碼也可分為透過電郵或短訊接收，或硬體安全鑰認證兩種。早前已有網絡安全專家指出，以電郵或短訊接收安全驗證碼會有危險，因為只要上網裝置如電腦、手機已被黑客入侵，他們就可偷偷安裝惡意軟件，盜取帳戶登入資料並截取安全驗證碼。相反硬體安全鑰則必須在登入帳戶時，插入裝置或以藍牙技術近距離連結，所以安全性會較高。 不過，法國網絡安全研究員 Victor Lomne 及…

Norsk Hydro ASA，全球最大既鋁金屬生產商，市值高於 550 億美元，業務與廠房遍及全球 50 個國家，員工數目超過 35,000。2019 年 3 月 19 日奧斯陸零晨，這家挪威企業被黑客入侵，匈牙利營運中心職員察覺後，馬上按照保安程序將整個企業斷網， 但黑客係短短兩個鐘，已經「綁架」咗 Hydro 500 個 Server 加 2,700…

「N號房」事件相信大家聽過，呢單喺韓國轟動一時嘅性犯罪案件，背後嘅犯罪集團正正係透過通訊軟件Telegram以加密方式營運，令好多人關注通訊軟件會唔會變罪犯溫床。最近英國國家刑事局（NCA）就聯同埋歐洲國家執法機構，破解咗不法之徒利用一種叫「EncroChat」嘅秘密通訊軟件，成為英國歷黎最大規模同最尖端嘅執法行動。 喺今次行動入面，單單英國國家刑事局人員就拘捕咗746人，起出咗5400萬英鎊（多過5.1億港元）贓款、77件武器、超過2噸毒品，成功搗破不法份子用嚟販毒同走私軍火嘅高度機密通訊網絡。喺被搜出嘅武器之中，包括半自動機槍、手槍、4嚿手榴彈、1支 AK47 步槍同埋超過1800發子彈，同時充公咗55架名車同73隻名貴手錶，可想而知，涉及嘅案件規模有幾大型。 根據消息，被捕者之中更加包括一啲犯罪組織大佬，如果屬實，今次真係直搗黃龍。除咗喺英國落網嘅個700幾人之外，其餘涉案者喺歐洲其他地區被捕，一共拉咗超過800人，法國、荷蘭警方同歐洲刑警都有份參與，成個調查行動用咗超過三個月。 「EncroChat」呢隻App係源自法國，可以喺Android 手機下載同安裝，估計全球有6萬個用家，喺英國就大概有1萬人用緊，但係而家已經下咗架兼停用。英國國家刑事局形容隻App已經淪為罪犯嘅「犯罪市場」，佢吔會專門利用呢個加密平台黎聯絡溝通，籌劃各種非法勾當，例如販賣違禁品、洗黑錢、買兇殺人等罪行。 根據「EncroChat」嘅網站介紹，用家除咗可以加密通訊之外，仲可以自已set 指定時間，令收發訊息自動毀滅。除咗提供加密通訊軟件之外，「EncroChat」仲會賣加密手機，每部賣900英鎊（即係大約8600港元），而且要另外俾使用費，六個月費用就係1350英鎊（即係大約1.2萬港元），咩人先會用到呢啲電話？你懂的。 資料來源：https://zd.net/31X6Aii 相關文章：【Telegram都出事？】北韓黑客偷加密貨幣開發核武

鍾意試唔同手機 app 功能嘅玩家，都會時不時去 App Store 搵嘢玩，好似 Android 用戶就會去返 Google 嘅 Play Store，一心以為有官方認證，一定會好安全，但實情係唔少惡意軟件都成功避過 Google 嘅安全檢測，最近就有法國網絡安全公司 Evina，喺 Play Store 上發現咗 25 款由同一黑客組織推出嘅有餡…

資料顯示，預計 2022 年因網絡罪案導致嘅經濟損失達 8 萬億美元，每一宗資料外洩令企業損失近 400 萬美元，企業鬥創意鬥效率鬥專業時，仲要鬥安全，呢方面已經成為各行各業共識，所以資安人才相當渴市，搶人難，管理又煩，而一味靠人搵漏洞，係咪 21 世紀最有效手段？再加埋 5G 帶動 IoT 同埋新冠掀起 Work From Home 潮流，未來嘅資安挑戰只會更大。PwC 最近推出 Ethical Hack…

好多人用電腦，都唔鍾意記啲hotkey，又係嘅，好多嘢都可以用隻滑鼠左右掣做晒，又真係無乜理由記埋啲 Ctrl+C 同埋 Ctrl+V 嘅複雜組合嘅，不過千祈唔好睇少呢啲組合，有時就係靠佢哋救命！ 點解咁講？話說最近防毒軟件商 Malwarebytes 喺 twitter 出咗篇貼文，話喺卡塔爾、阿聯酋、安曼、科威特同埋法國等國家發現同一類騙案，中招嘅電腦會打開一張相，張相就會「顯示」一個 Windows 10 嘅畫面，扮係用緊全屏幕模式嘅 Chrome 瀏覽器，去咗一個當地嘅警方網站，由於呢個瀏覽器畫面只係一幅圖嚟，所以無論你點撳畫面上嘅嘢都唔會有反應，令你以為部機 lock 死咗。 而喺呢個假網站畫面上列出嘅訊息，大致上就係話你去過唔知乜嘢非法網站，睇過唔知乜嘢咸相，而家警方查到，所以會即時lock死你部電腦唔俾用，除非你即刻喺唯一入到嘢嘅欄位輸入信用卡資料交罰款，否則就唔使旨意用得返部機……如果你一時唔為意真係照做，咁你嘅信用卡資料就會俾黑客收集咗，用嚟直接買嘢又得，賣俾其他人又得，總之就損失慘重啦！ 聽落好似好低能，靠一張相就呃到人？但你都唔好睇少佢，當你拉隻滑鼠去邊都 click…

香港人壓力咁大，男士們少不免會去睇下鹹網減壓，不過防毒軟件商 ESET 最近就發現咗有隻叫 Varenyky 嘅新病毒，會偷偷錄起你去鹹網嘅畫面，隨時有可能用嚟勒索你，減壓不成反而仲大壓力，認真慘慘豬！ 其實呢隻病毒都出現咗一段時間，今年五月左右開始喺法國境內活躣，暫時未見佢出現喺其他國家或者地區。最初佢嘅「毒性」好溫和，主要都係針對法國當地用緊 Orange 呢間電訊商嘅客，不外乎用有筍價手機嘅宣傳單張嚟引你注意，冇睇清楚唔小心撳咗入條 link 就中招，手法唔算特別。 ESET 一直監察呢隻病毒，發現佢無時無刻都喺度變種，密密不停加入新功能，而且七月開始亦唔再出手機推廣電郵，而係出性勒索電郵。經過 ESET 專家深入調查，發現佢加咗段程式碼，只要瀏覽器出現 sexe（sex 法語）字眼，就會啟動 FFmpeg 程式，將用家睇緊嘅畫面錄起，然後將段片傳去病毒嘅原伺服器。 雖然仲未知道黑客錄呢段片想點，但好大可能係想拎嚟勒索對方，因為專家發現 Varenyk…