做得黑客，好多時候都係為錢，整咗個勁嘢，當然唔會收埋自己用咁簡單，最好就係公諸同好，放上網公開發售，乘機收返少少開發成本，呢個市場長做長有，質素高功效好嘅病毒程式，仲長期大賣添！ 寫得好，仲會吸引到國家級黑客！最近資安機構 SentinelOne 就出咗份報告，話發現北韓國營黑客集團 Lazarus Group，居然走去買 TrickBot 返去用。 嗱，其實我係無貶意嘅，TrickBot 話晒都係全球三大 botnets 病毒程式之一，實力有返咁上下，只係斷估唔到北韓會吼中佢，事關以佢哋嘅實力，實在唔需要外求，自家研發能力都有返咁上下，點解要買個現成程式返嚟呢？ 報告就話件事唔係咁簡單，一來用 TrickBot 入侵，冇咁易估到係國家級黑客做，最多當係商業行為，容易掩人耳目，二來喺 TrickBot 下面可以加好多組件，今次北韓班黑客就加咗 Anchor，呢個組件出名用嚟搞銷售系統，而今年年初美國財務部就話發現至少有三個北韓黑客組織，入侵銀行系統嚟抬錢返國家，資助國家添置武器，唔排除今次 Lazarus Group 有同樣目的。 其實今次唔係單一事件，今年美國已經發現 GameOver Zeus 同埋 Dridex 呢兩個病毒程式，同俄羅斯國家黑客有連繫，呢個趨勢發展落去，私營同埋國營黑客條界線只會愈嚟愈模糊，日後兩者一齊夾份做世界都唔奇，歐美國家真係有排煩！ 資料來源：https://zd.net/2RWGyXs

網絡安全公司同審計公司，喺幫客戶做風險評估嗰陣，都有需要做滲透測試，睇吓員工嘅安全意識夠唔夠高，有無員工要做出嚟重點培訓。由於要試員工嘅安全意識，所以負責測試嘅人有時會特登做啲踩界嘢，例如扮維修員要求插 USB 手指入公司內部電腦系統，又或借用電腦收發電郵，如果員工覺得唔對路，就會拒絕要求或暗中報告上級跟進。不過，唔少調查報告都會話俾大家知，員工本身就係最大嘅安全漏洞，所以未必會意識到咁做可以好大件事，包括紐約警察學校嘅員工在內。 話說上年 10 月，紐約市皇后區一間警察學校因為要裝一個數碼顯示屏，於是就搵咗外判商嚟搞。唔知係咪學校入面嘅人無諗過件事咁嚴重，當外判商要接入內部聯絡做設定時，竟然無人出手阻止對方直接將電腦接駁，結果呢部中咗毒嘅電腦，就透過網絡將病毒感染 23 部指紋追蹤系統。紐約警方喺幾個鐘後就發現有可能出現私隱外洩，即時漏夜熄咗 LiveScan 呢個指紋追蹤系統，同時將受影響嘅 200 部電腦重新安裝，避免病毒透過網絡擴散，最終都成功控制到病毒嘅影響。 外判商喺呢次事件，梗係要負大部分責任，不過，紐約警方經調查後，相信對方都係無心之失，所以未有公布對方嘅公司名及控告對方。據講呢個 LiveScan 系統連接住藏有 700 萬筆資料嘅數據庫，當中更包括較早前被證實非法保存嘅未成年罪犯嘅資料。至於有幾多人受影響？ 發言人就回應話受影響嘅只得 0.1%，信唔信就由你決定喇。不過，外來 USB…

唔單只牙線唔可以交換用，就連手機充電線都唔得，因為都有可能引發病毒感染㗎！ 近排搭車成日碌手機睇新聞睇片，搞到部 iPhone 好快無電，相信唔少 iPhone 用家都會喺公司擺多條 Lightning 線駁電腦充電。但你有無諗過，插住果條線好可能係鬼線，只要你開著電腦做嘢，隨時可以俾黑客偷走資料？ 手機充電線內藏病毒 其實好多手機用家對充電線都無乜戒心，基本上有需要時就會四圍問人借線充電。理解嘅，因為咁細條充電線，可以惡得去邊丫？有黑客為咗提高公眾對充電線嘅安全意識，特別整咗條像真度高達 100 % 嘅 Lightning 線出嚟，但就內置 Wi-Fi 接收器同惡意軟件，只要目標人物將呢條線插入電腦，黑客就可以透過 Wi-Fi 訊號發出指令，指示惡意軟件執行特別任務，例如引導瀏覽器去釣魚網站，又或將電腦進入鎖定模式，強制要用家輸入登入資料，從而盜取登入系統權限。當然，職位愈高，帳戶可接觸嘅公司資料都愈機密。 製作呢條古惑…

估唔到黑客都咁追得上潮流，連殭屍病毒都吹起韓風。最近有新品種殭屍病毒專攻南韓同埋中國嘅 Torrent 網站，主要針對韓劇種子嚟落毒，用家一唔留神就會中招。韓劇迷 BT 嘅時候要小心！ 網絡安全品牌 ESET 嘅研究員發現新品種殭屍病毒，趁住韓劇、韓國電影甚至韓國遊戲大受歡迎，廣泛喺南韓同埋中國嘅 Torrent 網站落毒。只要網民打開咗有問題嘅 BT 檔，病毒就會喺受害者嘅電腦上打開後門，將電腦變成殭屍大軍嘅其中一員。研究員指出，該病毒其實係 2017 年爆發嘅 GoBot2 變種，由於變種元素主要針對韓國，所以就命名為 GoBotKR。 GoBotKR 通常以韓劇、韓國電影、遊戲嘅種子作包裝，爆開之後，就有幾個檔案，通常包括無毒嘅 MP4…

日本愛井縣越前市警方為了減少市民成為網絡騙案受害者的機會，由去年開始陸續在市內三十多間便利店內放置具有防騙功能的繳費卡，至少拯救了兩個差點被騙的長者，其實這兩張卡沒有神奇魔力，只是將兩種最常見的網絡騙局寫在卡上，希望受害者發現，及早阻止對方受騙轉帳。 想知最新科技新聞？立即免費訂閱！ 福井縣去年因網絡騙案損失 7500 萬美元 網絡騙案越來越多，相信大家都曾接收過類似的訊息，甚至有身邊親友跌入陷阱，損失數以千元或被盜用信用卡資料。網絡騙案可說是無遠弗屆，所以世界各地市民都有機會中招。香港警方便於早前公布今年第一季騙案數據，指每日平均有四宗損失過百萬元的騙案發生，排頭三位的分別為投資騙案、電話騙案及求職騙案。常見手法是無差別地將目標加入群組，之後以不同手法推介對方購買加密貨幣，或以甜言蜜語哄騙目標上當，即所謂的「殺豬盤」。 另外又有假扮公安指目標涉及洗黑錢，要求對方提交銀行資料審查。而日本福井縣越前市同樣深受其害，當地警方表示，去年福井縣便因網絡騙案損失 7500 萬美元；而在今年一月，更已接獲 14 宗市民求助，涉案款項亦高達 70 萬美元。 成功阻止兩長者轉帳予騙徒 為了減低市民受騙機會，當地警方除了繼續以海報、廣告或派發宣傳單張形式，教導市民網絡攻擊的可怕之處，還想出一個新方法。警方開始與當地的便利店合作，在便利店的點數卡貨架放上兩張標明用於繳付電腦病毒、遲交罰款的繳費卡，等待懷疑自己已中招的人拿到櫃枱付款，便可由知道內情的店員幫忙解釋或轉介給警方跟進，在受害者轉帳前制止問題發生。 根據日本警方公布的資料顯示，推出計劃以來，已成功吸引兩位長者「幫襯」，原來他們都被騙徒說服，指他們的電腦已受到病毒感染，必須支付一筆清理費用，而當他們在便利店發現警方掛在繳費卡貨架上的假卡，便認為可幫助他們清除病毒，因而才被店員揭破騙局。 協助舉報的店員，將可獲得警方加許，雖然沒有什麼特別獎勵，但能夠減少長者或其他人受騙，讓他們得到真正的協助，相信店員都會落力執行。另一方面，這次測試亦有助警方吸引經驗，在未來設計出更多主動出擊的方法，不用再等待受害者出現才補救。而香港警方的做法是呼籲市民在過數前應「停一停，諗一諗」，同時善用「防騙易 18222」熱線及「防騙視伏器」，識別詐騙及網絡陷阱。 資料來源：https://www.bleepingcomputer.com/news/security/japanese-police-create-fake-support-scam-payment-cards-to-warn-victims/#google_vignette 唔想成為下一個騙案受害人？…

智慧城市已成為香港未來的主要發展方向之一，在數碼轉型主導的經濟環境下，無論是任何規模的企業都有選用合適科技方案，提升業務與團隊生產力的需要。不過往往苦無頭緒，亦難以找到業務痛點與創新應用的配對機會。有見及此，華為早前與嘉靈攜手舉辦了 2024 年首次的「Karin x Huawei Solution Day」夥伴交流活動，展示了包括華為各項最新 ICT 創新解決方案。 目前嘉靈的員工已取得接近 140 張華為相關的技術認證，另外該公司位於澳門的辦公室已成立接近三年，大大加強跨境應用的技術支援能力。 為了推動香港以至鄰近地區的華為產品業務發展，目前嘉靈的員工已取得接近 140 張華為相關的技術認證，另外該公司位於澳門的辦公室已成立接近三年，大大加強跨境應用的技術支援能力。雙方亦希望舉辦更多夥伴交流活動，藉此多聆聽業界與生態圈內參與者的意見，讓企業加深對華為服務與產品的了解。 CloudCampus 3.0：網絡管理化繁為簡 要支援智慧城市的持續發展，每一項科技基建都不可或缺。作爲全球領先的 ICT 基礎設施和智能終端提供商，華為早前亦在「Karin…

數碼轉型（Digital Transformation）在過去幾年大行其道，成為企業必不可少的成功步驟，加上遙距工作在疫情下急速發展，到底為網絡架構帶來甚麼衝擊？零信任（Zero Trust）為何會成功「彈出」顛覆網絡架構，甚至取代部分 VPN 與防火牆功能？面對日新月異的人工智能（AI）攻擊，企業又應該如何自保？小編請來業界專家 Zscaler 大中華區區域總監袁蔚豪（Henry Yuen），為大家剖析網安趨勢。 VPN 易造成網安漏洞 企業講數碼轉型，不外乎是「由地上天」，例如將應用程式放到雲端，但在網絡架構的層面上，其實未有出現根本性改變。Henry 解釋，傳統以來維護網絡安全做法就如同城堡形式，利用防火牆、IPS 等防護工具作城牆，保護城堡內的重要數據。至後來雲端應用、遙距工作的出現，就演變成利用 VPN 連接用戶、分支辦公室及雲端，但城堡形式的做法仍是一致的。 VPN 成為了員工在外存取內部應用程式及數據的重要工具，惟久而久之，又衍生了用戶「無王管」存取權限、用戶體驗問題等，出現延遲性之餘，安全風險及攻擊面亦會大增，只要有一部機被竊取帳戶與密碼，便足以感染整個公司網絡。事實上，Gartner早於 2019 年便曾預測，企業將逐步淘汰 VPN，轉而使用…

Google 旗下的人工智能 「搜索生成體驗」，被發現背後的算法有可能被黑客濫用，令到人工智能會首先推薦可將用家引領至惡意內容的詐騙網站，例如虛假的贈品、垃圾訂閱和技術支援詐騙等，令用家身陷詐騙風險之中。 想知最新科技新聞？立即免費訂閱！ 為回應 Microsoft 推出的 Bing 人工智能搜尋服務，去年 Google 急推自家的「搜索生成體驗 」（Search Generative Experience），用家使用 Google 搜尋引擎時，除了會顯示傳統搜尋結果頁面，還會在接近頂部位置插入標明由 AI 推薦的搜尋結果，用家還可借助 AI 繼續搜尋相關引申內容。…

網絡安全研究員發現，網絡騙徒最近借死人過橋賺錢的情況有上升趨勢，而且他們還先進地研究 Google 搜尋分析結果，再透過人工智能產生訃文，以 SEO 污染技術增加惡意網站被搜尋的機會，最終賺取網絡廣告費。不過，嚴格來說這些騙徒又沒有發死人財，因為「被喪生」的知名人物，很多時根本尚在人間！ 想知最新科技新聞？立即免費訂閱！ 有齊配相提高可信性 今年初，CNN 報導了一個無故被車禍喪生的知名女作家 Deborah Vankin 的詐騙事件，原來她的朋友通過社交平台及網站貼文，發現了有關她遇車禍離世的報導，報道中的主持人雖然只輕描淡寫 Deborah 的遇害消息，但內文中卻有她、車禍現場、殯儀館中的棺材、燃點的蠟蠋等配相，大大提升事件的可信性。 經調查後，發現原來受害者不止她一個，因為這已成為近來網絡騙徒的熱門賺錢手法，透過捏造名人逝世的消息，吸引網民轉載消息，到訪貼有訃文的網站及相關影片，除了靠流量賺取廣告費，還有些網站會在訪客的瀏覽器彈出對方電腦設備已中毒的視窗，引誘對方下載防毒軟件，同樣可賺取廣告費以至產品分成，騙徒如有心，當然還可誘使這些受害者下載內含木馬病毒的檔案。 先查證免急於 RIP Secureworks Counter Threat…

在港紮根逾半世紀的旭日國際集團（Early Light），作為中港的實業公司，面對日趨複雜的網絡環境，選用了具獨特優勢的 Sangfor Technologies（下稱 Sangfor），以頂尖防護工具及全面情報，快而準擊退網絡威脅，同時簡化員工日常工作，加強集團內的網絡監察及保護。 營運環境分散　難全面監察網絡狀況 旭日國際集團以製造玩具為業務重心，在香港及內地均設有廠房，其他業務包括鐘錶、汽車維修、物業管理等等，擁有數萬名員工。旭日國際集團資訊科技部總監林海慶表示：「集團員工遍布不同地區工作，要更全面而有效地管理網絡安全問題，絕非易事。加上受全球 IT 人才短缺影響，如何利用科技簡而精地解決問題，成為集團 IT 部門主要考量。」 Sangfor 的安全銷售經理麥慧珊指出：「由於旭日國際集團涉及不同範疇的業務，營運環境相對複雜，儘管集團有採用新型的防火牆及終端安全防護支援，但仍不足以應付日新月異的網絡威脅。」 Sangfor 和旭日國際集團初步接洽，了解客戶的需求後，隨即建議客戶安裝 Sangfor 的 Cyber Command，可以在短時間內了解其網絡環境，找出可能存在風險的地方。 戰略性產品…