一款專門針對 Linux 作業系統的挖礦軟件 (crypto-mining) 被發現有新變種，去年背後的黑客只針對 Docker 容器 (container)，但來到 2021 年就專攻雲端服務例如華為雲。最有趣的是在執行入侵流程時，挖礦軟件會先為目標設備剷除已安裝同行的挖礦軟件，而且還用上其他加密方法保護自己，令其他黑客無法將它剷除。 今次的變種挖礦軟件由網絡安全服務供應商 TrendMicro 的專家發現，指出新的挖礦軟件不單保留了以往的功能，更加入新的功能保護自己可以永續存在。專家解釋整個攻擊流程，當變種挖礦軟件準備落腳雲端服務上的虛擬機時，首先會為系統進行掃描，檢查是否有其他挖礦軟件的存在。如有發現，便會視乎屬於哪一款病毒，決定清洗程序，將虛擬機還原成一部「乾淨」的機器，以便變種挖礦軟件啟動安裝程序。前期準備功夫還包括挖礦軟件會自行銷毁入侵痕跡，增加被發現的難度，然後才開始逐步引入惡意負載 (payload)，完成整個入侵流程。 既然變種挖礦軟件有能力剷除異己，背後的黑客自然有備而來。專家指出挖礦軟件採用了自家的 ssh-RSA 加密金鑰對系統進行修改及將檔案存取權限鎖死，因此即使有其他惡意軟件入侵，也無法將它移除，同時亦無法取得所有控制權限。黑客又利用洋蔥網絡 (Tor) proxy 服務，去保護挖礦軟件及…

P2P 殭屍網絡 Mozi 兩年前曾引起廣泛關注，即使其開發者據稱已被捕，但 Mozi 殭屍網絡仍持續蔓延，其影響性仍存在。Mozi 於 2019 年尾被 360 Netlab 發現，在此後的兩年已從一個小規模發展成為一個殭屍網絡，被形容「佔物聯網流量高峰期極高比例」。據 Netlab 表示，Mozi 已​​佔領超過 150 萬個受感染節點，當中大部分（830,000 個）來自中國。 Mozi 是一個使用…

又到了智能電話市場派發成績表的時候！市場調查機構 Canalys、IDC 及 Strategy Analytics 近周先後發布本年第一季全球智能手機出貨量報告，綜合數據顯示，本年第一季智能手機的出貨量逾 3.4 億部，較 2020 年同期增加兩成多，其中三星手機是大戶，出貨量逾 7500 萬部，拋離排名第二、出貨量介乎 5240 萬至 5700 萬的蘋果 iPhone。不過，若單計香港市場，iPhone 仍然是最得消費者歡心的智能手機系列。 根據 Canalys…

木馬程式無處不在，隨時誤中陷阱！最新發現 WhatsApp 出現一種針對 Android 用家的木馬程式，假稱 WhatsApp 推出粉紅色介面，一旦誤按下載，便會接管受害者的手機，更會自動回覆其 Signal、Telegram、Viber 及 Skype 的訊息，散播病毒。不得不再提醒，切勿貪新鮮下載非官方更新！ 這個惡意軟件的大名叫 WhatsApp Pink，目前主要針對印度次大陸的 WhatsApp 用戶，並以群聊訊息散播。安全研究員 Rajshekhar Rajaharia 向 WhatsApp…

香港人而家已經習慣電子支付，尤其係疫情下大家為咗避免用實體貨幣購物，更加速咗呢種付費方式。就算用信用卡俾錢，都傾向非接觸式付款，呢種方法嘅好處係設有金額上限，用嚟買啲幾百蚊貨仔嘅嘢，完全唔需要簽名認證，非常方便。不過，一班瑞士學者就發現呢種方法存在漏洞，可以突破金額限制進行交易，對卡主毫無保障！ 正常嘅非接觸式支付過程，係 POS 收費系統發出收費指示後，卡主人拍卡進行付費，如果金額超過上限，就有需要額外輸入密碼去確認，不過專家就喺交換訊息過程中做手腳，將毋須額外密碼驗證嘅訊息傳返俾 POS 系統，成功突破盲腸。不過，要達成呢種攻擊手段，專家話要預備四種材料，首先要有兩部 Android 手機，開發小組研製嘅應用程式同埋一張非接觸式 VISA 信用卡。兩部智能手機要分別安裝 Android 特製程式，令佢哋分別模擬 POS 收費系統及信用卡，而呢兩個特製應用程式係唔需要破解手機先至可以安裝，專家話佢哋已成功喺 Google Pixel 及華為手機上試驗過，同埋亦喺真實店鋪內成功通過測試添！ 至於運作過程又係點呢？首先扮演 POS 系統嘅…

上星期內地軟件公司 Aisino 開發嘅稅務軟件，被網絡安全公司 Trustwave 揭發內藏 GoldenSpy 惡意程式後，而家又有新進展，Trustwave 專家喺跟進過程中，發現事件曝光後 Aisino 即時向稅務軟件發出指示，就係即時刪除 GoldenSpy ，以及所有相關檔案及數據記錄，企圖毁屍滅跡，手法真係純熟迅速！ Trustwave 專家喺上星期喺 Aisino 稅務軟件內發現GoldenSpy 惡意程式，即時引發外企大恐慌，業內人士指出唔少規模較大嘅外資公司，都即時調查埋其他喺國內做生意必須要安裝及使用嘅軟件。而喺專家嘅跟進調查上，就喺 Sandbox 內發現 Aisino…

今次受影響嘅 Android 手機相當之多，而且有證據顯示該漏洞已經被黑客利用，真係發動咗攻擊，各位務必留意。 日前，Google 安全研究團隊 Project Zero 研究員 Maddie Stone發現，一項高嚴重性安全漏洞（CVE-2019-2215），屬於Android內核嘅資料夾驅動程序內存在釋放後使用（use-after-free）漏洞，配合另一個 Chrome 漏洞，可容許黑客越過沙盒，提升 Root 訪問權限並取得裝置控制權。呢個漏洞影響之廣，遍及十多款 Android 手機，Google 親生仔 Pixel 系列亦榜上有名，其他仲包括 Google、三星、華為、OPPO、小米、Moto…

俾人搞而唔還拖，原因有好多，例如唔夠打、俾人揸住痛腳、人哋有財有勢……等等。仲有一樣，就係好想賺佢啲錢，所以唯有忍一忍先。 最近澳洲政府嘅舉動，就可能屬於後者。路透社引述消息人士指，當地情報部門已經確認年初多宗黑客入侵事件係中國黑客所為，不過為咗唔好損害兩國貿易關係，所以唔打算公開調查報告內容！ 重溫一下劇情先，話說今年三月，負責網絡情報嘅澳洲國防通訊事務部（ASD）出咗份調查報告，確認喺二月澳洲國會同埋三個主要政黨（自由黨、國家黨及工黨）俾黑客入侵，當時總理 Scott Morrison 話由於五月大選就到，咁敏感嘅時勢唔適宜公開具體細節，表示等大選完咗先再講。 可能總理以為咁就過到骨，點知傳媒衰在記性好。路透社近日就接到報料，話其實份報告寫得好詳細，發現黑客所用嘅程式碼同埋入侵手法，同中國黑客過去嘅手法一模一樣，所以幾肯定佢哋係幕後黑手。路透社之後向總理辦公室同埋中國外交部求證，前者直接拒絕回應，而後者就例牌否認，兼且重申中國都係網絡攻擊嘅受害者！ 消息人士指 ASD 建議調查報告內容要保密，原因只有一個：錢！因為中國係澳洲最大貿易夥伴，係澳洲鐵礦石、煤炭同埋農產品嘅主要買家，佔澳洲出口總額超過三分之一，每年仲有過百萬觀光客同埋留學生前往澳洲，條數都幾襟計，所以將網絡安全同國家收入秤一秤後，就選擇噤聲嘞。 雖然唔知消息真偽，但老實講澳洲近期都有唔少針對中國嘅動作，例如禁止外國政治捐款，同埋禁止電訊設備製造商華為參與當地 5G 網絡建設，已經令兩國關係差咗唔少，如果爆埋呢單就可能真係會影響邦交。之不過，如果真係好似調查報告所講攻擊過三大政黨，相信佢哋都唔會咁易放過總理嘅。 資料來源：https://reut.rs/2lPGQ4H

唔好講咁多，即刻掹咗張 SIM 卡出嚟先，因為最新發現嘅呢個漏洞，正影響緊全球 10 億以上流動網絡用家，黑客只要發出一個含有惡意代碼嘅 SMS，就可以發動 SIMjacker 攻擊，喺你部裝置上面執行惡意程式，暗中控制你部裝置，包括打電話、發送假訊息、報告位置、傳輸數據、停用 SIM 卡，甚至執行其他惡意指令。由於漏洞存在喺 SIM 卡上，所以無論你用邊款手機，以及各種可以插 SIM 卡上網嘅裝置，例如平板電腦、IoT 裝置，統統走唔甩，而且暫時係完全無修補方案，你話除咗掹 SIM 卡靠 Wi-Fi 上網之外，仲可以點做呢？ 呢個核彈級…

研究員剛於 DEF Con 發表報告，指出大量 4G 路由器存在漏洞，黑客可輕鬆遠程突破。其實 5G 都嚟緊，做乜仲集中火力去調查 4G 路由器呢？原因好簡單，研究員話根據過往經驗，好多製造商喺開發新產品時，核心程式碼其實都會同舊產品差唔多，所以如果唔正視問題，呢啲漏洞將會喺 5G 產品上繼續出現，所以唔好以為產品過時就唔使理。 Pen Test Partners 於 DEF Con 發表報告中，指出唔少知名牌子嘅路由器均存有多重漏洞，包括命令注入及遠程代碼執行漏洞，黑客只須編寫含惡意代碼嘅網站，之後就可以靜候有漏洞嘅路由器登入中招。研究員更指出，部分漏洞更容許黑客盜取登入密碼及其他資料，之後就可以盡情截取數據或將連接路由器嘅用戶導向其他虛假網站，非常大鑊。Pen Test…