為咗減少用家帳戶被盜取嘅風險，好多網站或應用程式例如 Facebook、Instagram 都採用咗雙重驗證（Two Factor Authentication, 2FA），用家除咗要輸入登入帳戶名稱、密碼之外，仲需要提供額外嘅驗證碼，例如通過 SMS 將一次性驗證碼發送俾用家，又或好似匯豐等網上理財一樣，要輸入保安編碼器提供嘅登入編碼。視乎所登入帳戶嘅重要性，用家未必每次都需要用到 2FA 嚟登入，例如當網站或應用程式偵測到用家使用另一部裝置登入，又或用家要求重設密碼，先至會觸發 2FA 運作。 暴力破解2FA驗證 Facebook 旗下嘅 Instagram 本身亦設有 2FA 驗證基制，當用家要求重設密碼，Instagram 就會將…

WhatsApp 固然多香港人用，但 Telegram 憑住各種私隱功能，近來亦大受用家歡迎。不過，大家要小心，事關近日接連出現關於 Telegram 及 WhatsApp 嘅負皮新聞，唔係講笑，睇吓係乜事先。 Android 版 Telegram 缺陷 日前網絡安全公司 Symantec 研究員指出，黑客可以利用 Media File Jacking 漏洞，於用戶開啟媒體檔案如相、錄音檔前，進行攔截。 受影響嘅…

VISA上月於中國舉辦的 VISA SECURITY SUMMIT 安全峰會上，提出為了加強信用卡客戶的安全保障，計劃讓全港合作商戶參與代碼化（Tokenization），將客戶的信用卡資料變成代碼，即使黑客攔截到這些代碼，也無法進行任何逆向破解。 VISA 在同場公布的港澳區「支付安全藍圖」內，更表明希望年交易宗數達 100 萬宗以上的商戶，可以在明年內採用資料代碼化，2021 年再擴展至所有合作商戶。到底這種代碼化技術有何獨到之處？ 加密與代碼化技術 近年網上購物平台大熱，再加上形形式式的電子支付應用程式，令香港人習慣了使用電子支付服務。不過在支付較為大額的費用時，不少消費者仍傾向使用信用卡付費。VISA 上月在安全峰會上就指出，港澳區的無卡支付欺詐交易比率在去年第三季急升，為了提升信用卡用戶的安全，VISA 就希望能加快在香港推行代碼化技術。 對於電子支付的安全問題，大多數人都以為傳輸過程是以加密（Encryption）技術，將信用卡號碼、到期日等數據以金鑰加密，即使黑客中途攔截交易數據，在沒有金鑰下也難以破解。不過，由於這些數據被加密後未必可以維持原始格式，處理時有需要修改資料庫或檔案格式，而且傳輸的資料亦是原始資料，所以一旦金鑰外洩，就可逆向破解出原始資料。 非演算亂數無法破解 代碼化技術則以相同格式的亂數進行傳輸，舉例原來的信用卡號碼為 16 個位，代碼化後的亂數依然保持 16 個位格式，再加上當中不涉及任何數學演算對應關係，所以即使黑客攔截到這組代碼，亦難以估計這組代碼是原始資料抑或亂數，以信用卡為例，黑客便無法知道這 16 位數字是原來的版本抑或亂數後的版本，達到客戶去識別化的效果。現時 Apple Pay、Google Pay、Samsung Pay 均採用代碼化技術去處理交易資料。代碼化技術的另一好處，在於它可免於受由信用卡組織制定的 PCI-DSS（Payment Card Industry Data Security Standard）金融機構安全認證審查，大大省卻投放於達成標準所需的準備費用之上。代碼化技術除了可以應用在電子支付之上，為應付全球各國日益提升的個人私隱法例，它還可提升其他個人敏感資料、病歷紀錄的安全程度。 事實上代碼化技術亦有很多種類，到底它與傳統的加密法各有什麼優勢？要引入這項技術，電商或信用卡組織伙伴有什麼需要準備？如何選擇合適的電子支付服務，才能提升公司的營業額？網絡安全應用方案供應商 Edvance X Thales，將於下月舉辦工作坊，詳細講解代碼化技術的應用及解答業內人士的問題。名額有限，如欲了解代碼化技術的詳情及應用範疇，請即點擊報名連結。 Edvance…

雖然 iOS 系統比較封閉，安全性一直較 Android 為高，但始終唔可能百分百安全，好似最近又被網絡安全專家發現，黑客可以利用一種名為 URL Scheme 嘅漏洞，透過惡意應用程式去盜取用戶登入其他應用程式，例如 WeChat 嘅個人資料，如果用戶一個唔留神，仲有可能幫黑客嘅消費找埋數添！ URL Scheme 基制提升客戶體驗 為咗防止應用程式暗中讀取其他應用程式嘅執行數據，Apple 喺 iOS 作業系統上利用咗沙盒（Sandbox）功能，將每個應用程式放置喺隔離空間執行，咁就可以防止互相讀取資料嘅行為。不過，為咗方便用戶喺用緊一個應用程式時，點擊一個功能鍵或網址連結就可以打開另一應用程式，或透過 Facebook、Gmail、WeChat 帳戶作為登入其他應用程式嘅認證，Apple 就喺…

第一日返呢份工，枱頭就有部 30 吋 Apple Cinema Display 同埋 iMac，當時真心好興奮，終於有機會加入蘋果陣營。不過同事靜靜雞提醒，最好都係遮遮個鏡頭，起初都以為佢哋諗多咗，但直到呢單新聞出現，都係轉頭封咗個鏡頭佢啦！ 講緊嘅係 MacOS 版本嘅 Zoom，呢個全球有 400 萬用家嘅視像會議軟件，俾網絡保安研究員Jonathan Leitschuh 發現有大漏洞，就係軟件會喺電腦入面安裝一個網頁伺服器（web server），只要 Zoom 用家唔小心打開咗一條邀請參與會議嘅惡意連結，之後黑客就可以喺用家唔知情嘅情況下，自動開啟視像會議，換句話講，即係打開 Mac…

估唔到黑客都咁追得上潮流，連殭屍病毒都吹起韓風。最近有新品種殭屍病毒專攻南韓同埋中國嘅 Torrent 網站，主要針對韓劇種子嚟落毒，用家一唔留神就會中招。韓劇迷 BT 嘅時候要小心！ 網絡安全品牌 ESET 嘅研究員發現新品種殭屍病毒，趁住韓劇、韓國電影甚至韓國遊戲大受歡迎，廣泛喺南韓同埋中國嘅 Torrent 網站落毒。只要網民打開咗有問題嘅 BT 檔，病毒就會喺受害者嘅電腦上打開後門，將電腦變成殭屍大軍嘅其中一員。研究員指出，該病毒其實係 2017 年爆發嘅 GoBot2 變種，由於變種元素主要針對韓國，所以就命名為 GoBotKR。 GoBotKR 通常以韓劇、韓國電影、遊戲嘅種子作包裝，爆開之後，就有幾個檔案，通常包括無毒嘅 MP4…

如果問未來最矚目嘅流動通訊科技係乜，十居其九都會答5G同埋物聯網（IoT），華為創辦人任正非月初接受英國《金融時報》訪問，都話美國佬搞完佢哋嘅5G後，下一個戰場就係物聯網，就知呢兩樣嘢幾咁受全世界重視。 不過物聯網有個好大嘅問題，就係物聯網嘅概念係將所有本來上唔到網嘅死物，都搞到佢哋可以駁晒上網，以前就算只得電腦同埋手機可以上網，要搞網絡保安已經唔容易，而家仲所有嘢都上晒網，黑客要入侵更加易而反掌。 舉個簡單例子，之前聽行家講過，有個中小企客俾黑客入侵，check晒全公司網絡都搵唔到個漏洞，最後結果發現原來佢門鎖係連住物聯網，但係因為要識別員工資料，所以又連咗上公司個數據庫，就係咁出事……試想像一下如果公司有幾樣嘢都用緊物聯網，情況會幾失控。 歐洲一間認證機構digital.security就諗到條橋，幫出品物聯網設備嘅公司做認証，只要產品出廠前俾佢哋做25至30個測試，確保產品無論連接其他物件、互通訊息嘅協定、連接嘅伺服器，以及產品內置嘅應用程式，都唔會有保安漏洞，而成個過程會聘請獨立資訊保安專家嚟評估，通過測試就會喺產品貼上IQS（IoT Qualified as Secured）嘅標誌，為期兩年，兩年後要再拎返嚟重新測試先可以續牌，過程都好嚴格，以後要添置物聯網產品時，就記得睇下有冇IQS標誌先好買！

https://www.youtube.com/embed/LylBbr_IK74?wmode=transparent&rel=0&feature=oembed 後門（Backdoor）係近期非常熱門嘅話題，成日有人爭拗後門係有心擺入去，漏洞（Vulnerability）就係無心之失。不過，網絡安全組織 VXRL 成員 Boris So 就話其實有心定無意並唔重要，因為出嚟嘅結果就係可以俾黑客偷入嚟做嘢。今次佢就同大家分析下究竟常見嘅後門有幾多種先。 「近嚟國際關係緊張，所以 backdoor 就成為咗爭拗問題。以前大家都覺得後門係特登整出嚟，將一啲唔需要、唔應該存在嘅功能放喺系統入面，例如無緣無故 send 走啲檔案，又或者俾人隱密進入系統等等。」Boris 指出至於工程師、開發者為咗方便維修而設置嘅「後門」，就被叫做 Trapdoor。「如果純綷從技術角度分析，其實係睇唔到有心定無意，因為大家做到嘅嘢都係一樣；舉個例，原本你部手機係 unlock 唔到，但透過一啲方法可以解鎖或 root 機，咁就好難拗呢啲方法係咪後門。」 Boris 以之前被大規模封殺嘅公司所推出嘅電腦為例，「之前俾人搵到佢嘅…

被視為史上最惡毒網絡武器之一的 NotPetya 之誕生地點，要追溯至烏克蘭的首都基輔。 走過佈滿歷史建築地標的 Podil 街區，咖啡店和公園逐漸消失眼前，取而代之是糟糕的工業景觀。走過一條天橋下方，跨過鐵軌上的垃圾及走進一道混凝土門，便是樓高四層的 Linkgos Group 總部，它是一間小型的烏克蘭軟件家族企業。 其中在三樓有一間伺服器室，內裡堆放了一個個盒子般大小的伺服器，它們被一堆電纜連接著，並用手寫的數字標籤做好標記。平常這些伺服器會負責戈大火弓財務軟件 M.E. Doc 進行定期更新維護，如修復檔、安全修補、調整性能等。M.E. Doc 相當於烏克蘭的 TurboTax 或者 Quicken，總之在該國經營須納稅的生意，幾乎都要用到這個軟件。 不過在 2017…

老闆成日同我講，公司budget好緊架，應慳則慳啦，IT嘅嘢夠用就得啦，唔好出大穫嘢就得架喇。於是尋日開會我就索性拎咗單新聞俾佢睇，佢睇完就即刻轉晒軚，話一間公司嘅網絡保安其實好緊要架，仲即時批咗大筆錢落嚟添置新器材。 乜嘢新聞咁巴閉？咪就係英航俾人判罰天價罰款囉！事緣舊年9月，英航俾一個名為Magecart嘅黑客組織睇中，佢哋一向玩慣card skimmer呢個數碼版信用卡讀取器程式，於是搵方法拎到英航網頁嘅登入權限，再將card skimmer 嘅 script 植入俾錢買機票嘅網頁，結果成功喺舊年8月21號到9月5號期間，偷走約38萬客戶嘅名字、電郵地址、信用卡等資料，詳細案情可以睇番我哋舊文（https://bit.ly/2CPy0f7 ）。 經過一輪調查之後，英國資訊專員辦公室（ICO）早兩日就決定向英航罰款1.8億英鎊，係ICO歴來開出最大額罰款，差唔多係英航2017財政年度全球營業額嘅1.5%，諗起都好肉赤！英航行政總裁Alex Cruz當然立即出嚟呼冤，話對ICO嘅決定感到驚訝和失望，英航對偷取客戶資料嘅犯罪行為作出快速反應，並未發現與盜竊相關嘅賬戶存在欺詐行為嘅證據……咁佢哋仲有28日上訴期嘅，或者可以減到罰款都未定。 可能大家會問，點解今次判得咁甘？之前Facebook、Yahoo、Equifax發生嘅事故仲大單啦，點解都係罰50萬英鎊就搞掂？原來係因為舊年5月歐盟通過新私隱條例《一般資料保護規則（GDPR）》之後，加重咗罰則，最高罰款可以去到全球營業額嘅4%，所以今次英航其實係未去到最高罰款嘅，但撞正事件喺GDPR通過之後先發生就冇法子啦，但亦都俾到教訓各大小企業嘅老闆們，唔好睇少保護客人資料呢樣嘢，唔係分分鐘賺埋都唔夠交罰款！ 相關文章：【謎底已經解開！】英航資料洩露案真相大白？