一般人聽見「黑客」兩個字就立即標籤佢係壞人。其實「黑客」，Hacker，泛指以任何手法入侵他人電腦嘅人。黑客有正有邪，更亦正亦邪。 入侵動機各不同，有為錢、為興趣、為學習、為國家、為理想，甚至為啖氣都有。Hacker 分好多顏色「帽子」，以下簡介 hacker 帽子顏色分類，以後唔好再「色盲」亂咁「扣帽子」。 （第一部份） （大題）黑客六種顏色 黑帽 Black Hat 「黑心仔」黑帽亦稱 Cracker。通常「利慾」為目標，在非法的情況下攻擊系統，透過破解、入侵去獲取不法利益。黑帽係網絡罪犯，會hack 入某個系統盜竊數據，從而進行金錢勒索或賣畀黑市。黑帽嘅存在，令網絡世界好危險。 白帽 White Hat 「好心仔」白帽同黑帽完全相反，白帽又叫 Ethical Hacker（道德黑客）。不少白帽受聘於網絡安全公司或大企業，在完全合法的情況下攻擊系統、進行安全測試、找出安全漏洞，以「改善」為目標，令網絡世界更安全。白帽中亦有 Bug…

我參與這個 IT 行業多年，總是有越來越陌生的感覺。當年讀書，讀著 Mathematical Formal Language 去處理 Turing Machines 的運作及了解其本質性的局限，夾著一塊書簽，有一句話，大約是：「當一切都已經塵埃落定，當一切都已經結束，忽然想起，最初最初的陌生。」 一般地說，初步要把握甚麼是 Information Security 資訊安全，可以用一句老生常談的話，資訊安全就是：機密性 （Confidentiality）、完整性 （Integrity）、與可用性 （Availability）。機密性，是讓未被授權的人，讀不到所受保障的資訊；完整性，是不可隨意更改、損毁資訊；可用性，是讓被授權用家，可以用得到那些資訊。倒過來說，資訊安全的問題，也可歸類為機密性問題（例如盜用他人信用卡號）、完整性的問題（例如讓我銀行存款多三個零）、可用性的問題（例如網站被人用 DDoS 攻擊）等。 其中「可用性」這一項，想想亦頗令人頭大。做過…

又是深宵夜機。望下機場跑道，一閃一閃的指示燈，想起白馬過隙之凡世。又望下黑漆漆的夜色，想想，以大小論，我們的地球，比起銀河系，就有如一粒細菌比起地球咁細。以時間來說，悠悠百歲光陰，比之於宇宙歷史，就等於在一生人中洗半個面咁快。天地者，萬物之逆旅；光陰者，百代之過客。地球人者，細菌之洗面乎？ 想到自己咁渺小，只好攞部手機出來 Fing 下。Fing 下 Fing 下之際，想想，手機知唔知我喺度 Fing 緊佢？梗知啦，部手機有感應器嘛。跟住又諗，有乜嘢感應器呢？睇下，大概有以下的感應器，正在收集緊我 Fing 手機的情報： 喺邊度 Fing：Magnetometer 知道你的方向，GPS 知道你的位置，還有 Proximity Sensor 知道你有沒有咀部手機； 點 Fing：Gyroscope…

人工智能（Artificial Intelligence A.I.）大概有以下範疇：機器學習 Machine Learning、自然語言處理 Natural Language Processing、自動機學 Robotics 等。透過深度、多層的學習模式，人工智能可以為人類處理大量信息並作預測及自主行動，包括預測我今天想吃中餐還是西餐，了解侍應的日常語言，點餐並用自動機餵我吃飯等。早些兒，網上書店憑我的選書行為，已能預測我喜歡哪些書，準確程度令 Neo 有些心驚，覺得對方比 Neo 還了解 Neo。近日 Facebook 與 Cambridge Analytica 的事情，可能只是冰山一角。看著國會議員的問題，我覺得人類很有娛樂性。…

前日，同個老闆飲完，自己去咗瑞安中心一樓嘆咖啡，之後有 D 急，要搵廁所，望住 D 廁所箭咀一路行，推開道門看看，左邊，係女廁，右邊，係一間食肆嘅廚房入口。在這麼一刻，我感到進入了 Nirvana 的境界。但由於仍然很急，我只得回到我的 Dusty City。 上回講到 Smart City。這個話題可以講幾年。上文講到，透過把 Smart City 作系統架構分析，就可以做個 Mapping，將不同的 IT Security 策略以及技術，配對在 Smart…

Business Insider 報道指，上周六在一個黑客論壇上，一個用戶免費發布 5.33億名 Facebook 用戶的電話號碼和個人數據，含及包括電話號碼、電郵、全名、生日等個人資料。受影響用戶來自過百個國家，美國有超過 3,000 萬個帳戶、英國有 1,100 萬個帳戶，有傳媒更估計香港受影響用戶達 293 萬。愛爾蘭的數據保護委員會（DPC）正在調查該宗涉及數據庫的大規模數據洩漏，DPC還表示，最近洩漏的數據集似乎包含來自其他Facebook用戶記錄的信息，「可能來自（2019 年外洩的數據）後期」，意味著 Facebook 數據洩漏事故已受到歐盟數據監管機構的調查。 Facebook 發言人向 Business Insider 透露，今次事件中所涉及的數據，為 2019…

Cloud Computing 已經沒有甚麽大不了。令我感歎的，是我越來越不知道甚麽是 IT。在咸豐年代，那些又噪又食電，間唔中有聖誕燈飾感覺的一舊二舊，就是 IT。我記得，果陣要霸地盤，機多就好。眾所周知，之後有 Virtualization，Network 有 Trunking，一部機不等於一部機，一條綫不等於一條綫，what you see is not what you see。後來上晒雲，摶之不得，我返工都唔知做乜。早上一覺起來，要打開個 Portal 睇下美國果便有冇改晒 D Schema，睇下 O365…

今朝收到一個 WhatsApp，話有超級荀嘢。聰明的你，都知道乜事喇（i.e. Phish），但係呢，真係超荀，荀到一個地步，我個右腦要求我個左腦暫停，我隻左手要求右手按一下，睇吓…（睇吓係死罪，各大宗教都有教你的，小明！）當然，聰明的你，會把滑鼠移上，小心翼翼地，確定佢真係佢（你話網絡時代幾慘。早幾年，李總鬧人，要證明你阿媽係你阿媽，「這怎麽可能？」，康德千年一問的氣派。）OK 噃，個 URL 真係佢，就按下去了！即死！Browser 顯示的 URL，點解同我剛才睇到果個 URL 唔同咗 ？？？ 我即刻搵個研究員睇下（佢唔識講嘢嘅，有 D South Park Feel，新時代嘅 Security Consultant），佢話，出咗幾萬年喇，URL 用咗一 D…

IoT（Internet of Things）中具有監視鏡頭功能嘅產品真係頻頻出事，啱啱 Amazon 旗下嘅 Ring 監視鏡頭先俾黑客入侵，通過鏡頭恫嚇用家或引誘用家嘅子女上鏡，嚇到有用家要告上法庭。而最新消息係，又有用家發現小米米家（Mijia）嘅監視鏡頭竟然會將畫面傳送去其他用家度，搞到 Google 即刻將所有小米 Mi Home 產品由 Google Home 及 Assistant 上切斷連線。你話裝個監視鏡頭喺屋企幾危險先得㗎，我就不了！ 小米米家最近先喺內地惹上官非，因為米家商標同杭州一間安防工程公司撞名，最終敗訴，被法院判罰約 1210 萬人民幣。而喺前日，就輪到小米米家監視鏡頭出事，事緣用家…

隨便買部 IoT 產品嚟用係非常之危險嘅一件事，相信睇得我哋嘅讀者都唔會懷疑。就算係 Amazon 旗下嘅產品，都一樣會出事，上個月中 Amazon 用十億美元收購返嚟嘅智能監視鏡頭 Ring，就發生大量鏡頭被 hack 事件，有用家仲告上法庭，怒指 Ring 無做好網絡安全工作，Ring 就反駁話用家唔用強密碼先係主因，咁到底係邊個錯呢？ 喺上月中，陸陸續續有 Ring 用家嘅監視鏡頭被黑客入侵，有美國用家更因為呢件事，嚇到要放支鎗喺床頭先敢瞓。其中一個受害者 John Baker Orange 就聯同其他同路人告上法庭，指責…