大數據分析服務龍頭供應商 Splunk，在今年十月舉辦的 .conf19 年度用戶大會上，公佈了 Splunk Partner＋ 計劃的最新發展，以及有關 Splunk Enterprise 8.0 等一系列方案的更新。事隔一個多月，Splunk 上星期亦在香港舉辦合作伙伴年度聚會，與香港一眾客戶進一步解釋各項新的服務內容及加深合作關係。聚會上一隻簡單的觸控式迴避障礙物暖場遊戲，不單推高現場氣氛，更成功帶出了 Splunk 「Data-to-Everything」（將數據轉化為一切）的口號，設計非常有心思！ 一隻簡單的觸控式迴避障礙物暖場遊戲，帶出了 Splunk 「Data-to-Everything」的口號，非常有心思！ 數據分析不限高端 年度聚會開始之前，主持人邀請大家一齊玩有獎遊戲《Buttercup Challenge》，遊戲內容其實很簡單，玩家只要觸碰畫面，遊戲中的飛馬就會上升，相反就會下降，玩家只要適時及準確地觸碰屏幕，就能讓飛馬迴避障礙物，結果以支撐得最長時間的玩家為勝。遊戲進行時，現時嘩聲四起，不少參加者看著計分畫面上的即時成績，最高分竟然硬撐到二十多秒，而自己只能錄得單位數成績，均陸續失去幹勁，轉而為其他人打氣。Splunk 香港及台灣區總經理鄭家威（John Cheng）笑說，其實數據並非高科技，最重要是懂得如何利用。他說過往的 Splunk 給人定位為高端 IT 的應用，例如有些數據可以用來協助企業制訂市場策略、調整人力資源分配，亦有些數據可以協助企業堵塞網絡安全漏洞；但事實上，只要懂得轉化數據，亦可以為各行各業增值。 鄭家威說近來一個比較深刻的應用例子，是一間航運公司用來分析貨船航行速度，因為只要貨船進入貨運碼頭，就會開始計算停泊費；航運公司便將採集到的數據以Splunk 進行分析，以調整貨船的航速，大幅減少停泊港口的費用。的而且確，記者亦曾訪問不少手遊公司，他們均會利用大數據去分析關卡的難度，只要調校至適當的等級，就可以在增加玩家課金或離棄遊戲之間取得平衡，增加營運收入之餘而不趕客。John 說諸如此類的 use cases 其實不計其數，所以 Splunk 近年加強向合作伙伴介紹產品的無限可能性，就連 Splunk 的品牌主色調，也由以往象徵高科技的黑色，置換成充滿活力的橘紅色。 Splunk 香港及台灣區總經理鄭家威認為數據並非高科技，最重要是懂得如何利用。 會上，Splunk 的渠道銷售工程師楊耀輝（Daniel Yeung）及客戶經理鄒遠威（Michael Chow），先後講述新推出的 Data Stream Processor 及 Data Fabric Search 服務，如何有助客戶於高容量多源數據中，採集、分析及搜尋有用的數據，同時又能顧及隱藏機密的資料，並簡述過去一年 Splunk 收購的安全信息和事件管理系統 Phantom Cyber、微服務監察供應商 Omnition及雲監控平台 SignalFx 等，如何融合在 Splunk 的大家庭內，令產品能夠全面照顧到 IT、Security、IoT、Biz…

寫關於網絡安全事故嘅新聞，每日都要面對一個心理關口：想篇文多人like多人share，當然要單料夠爆先得，但見到發生嘅災難規模以幾何級數咁膨脹，又真係唔想佢發生，好矛盾！ 點解突然間咁感觸？係因為今次呢單事故真係好恐怖，有成 12 億人嘅資料外洩，其實而家全世界人口都只係得 70 幾億，即係話差唔多每 6 個人就有 1 個人嘅資料，喺今次事件中外洩，聽落都幾得人驚！咁到底洩漏咗乜嘢呢？原來總共外洩咗 4TB 嘅資料，有齊晒受害人嘅電郵地址、Facebook、Twitter 同埋 LinkedIn 戶口，不幸中之大幸，係入面完全冇密碼同埋信用卡等敏感資料，否則就更加冇眼睇！ 發現呢件事嘅，係網絡安全專家 Bob Diachenko 同埋 Vinny…

數碼轉型（Digital Transformation）是近年業界最熱門的話題，能否成功轉型，幾乎已跟企業存亡畫上等號。企業解決方案供應商 ACW Distribution 早前舉辦的「Solutions Day 2019」大會，便以「Sustaining Business Transformation with Cloud」為主題，邀請不同專家詳細講解企業將會在數碼轉型中遇到哪些問題，釋除企業管理者的疑問。 ACW group 行政總裁 Andy Lau 認為，如管理者能夠全面掌握轉型的歷程，預先確認未來每一步挑戰，自然便能釐清如何開展及持續營運等問題。 對於數碼轉型，企業管理者各有不同看法，部分認為純粹只是將數據移雲及以虛擬設備取代購買硬件；亦有管理者憂慮數據外移會削弱安全性，以至遲遲未敢踏出第一步。ACW group 行政總裁劉國威在大會上致辭時說，ACW一直與時並進，因應市場和客戶的需求，作出轉變，除了ACWD以外，現已衍生出專業服務的 ACW Services、企業營運解決方案的 ACW Solutions、提供整合式雲端解決方案的 CloudHUB Asia，以及一站式企業項目顧問服務的 ASF Consultancy 等子公司。他表示，雲業務在這幾年已經作出迅速發展，市場人士應該及早了解市場需要，早著先機，他相信混合雲和相關的雲解決方案，將會在未來的5-10年持續增長；ACW定會與各客戶合作，以迎接IT市場的種種轉變和所帶來的挑戰。 快速付運迎雲端需求 針對企業轉型時普遍會遇到的問題，記者邀請了專門協助企業移雲的服務供應商 CloudHUB…

Apple 嘅語音助理 Siri，一直都被用家視為好幫手，唔使特別記指令，講幾句語音就可以幫手打電話、睇天氣預報、send 電郵短訊，真係好方便喎！不過，原來 MacOS 嘅 Siri 竟然係鬼，佢會自動儲起 Apple Mail 內嘅部分內容，將本來加咗密嘅內容以無加密方式儲起，如果有應用軟件攞到讀取權限，就好易俾人偷走入面嘅電郵內容。 發現呢個漏洞嘅係專門研究 Apple IT 嘅網絡安全專家 Bob Gendler，有日佢突然間對Siri 點樣為 MacOS 用家提供聯絡人及其他資訊嘅建議，所以就開始深入研究，最終俾佢發現到…

公司的數據有多安全？將其放上雲端，面臨的風險是否差不多？以上問題經常令資訊安全專業人員寢食難安。這也難怪，因為許多企業以為儲存於雲端基建內的數據不會外洩，但事實證明這種想法是大錯特錯。實際上，公共雲滋生出新的攻擊趨勢，而早前 Sophos 針對 Amazon Web Services （AWS） 數據中心進行的研究，正好印證網絡罪犯在這方面的行動有多迅速。 公共雲的風險有多高？ 安全研究人員可透過雲端蜜罐（一種網絡攻擊目標模仿系統）來監察出網絡犯罪行為，而 Sophos 便在 AWS 全球其中 10 個最受歡迎的數據中心設置蜜罐，啟動後不消一分鐘（52秒）， 即有蜜罐遭受攻擊；30 日後，每個蜜罐錄得平均每分鐘被攻擊高達 13次。 我們的研究顯示，網絡罪犯現時積極尋找脆弱或開放的雲端目標來入侵，甚至會利用自動化工具以求迅速得手。雖然這並不代表企業採用公共雲就一定會陷入危機，但研究結果反映出，如企業要享有公共雲帶來的優勢，就必須確保轄下數據的安全，亦即是要注重智能可視度、法規遵循以及人工智能監控。…

習慣每天拿著智能手機、流動裝置上網的用家，今年最熱切期待的技術必定是 Wi-Fi 6，不單傳輸速度比現有的 802.11ac 大幅提升，同時更有高傳輸容量及低延時優勢。不過，Wi-Fi 技術升級並不一定等於用戶體驗能夠同步提升，只要系統無法因應用戶需要，有效分配上網資源，一樣會令人用到一肚氣。Juniper Networks 今年三月將 Wi-Fi 技術供應商 Mist 收歸旗下，就是看中其人工智能管理的優勢！ 網絡質素有數得計 「雖然 Mist 成立於 2016 年，但技術已廣受企業客戶認同，現時 Fortune 頭 500 位企業之中，已有 25 間採用其產品，當中更有 3 間的排名在頭十位內。」 Juniper Networks 香港高級系統工程師鄭健豪解釋，「不論是固網或無線網絡，一般用家其實只會察覺到有否斷線及速度快慢。即使網速變慢，他們也無法知道背後原因；真正要了解問題的是網絡管理員，例如到底是分配 IP 位址、認證出錯，還是硬件或訊號干擾出現問題，都要由網絡管理員採集不同的 log 分析，找出問題才能解決，過程非常耗時。」相反，他說 Mist 的人工智能技術卻可自動調整無線網絡資源，原理是 Mist 透過製定不同的 SLE（Service Level Expectation）指標，以評估每個用家及 Access Point 的連線表現。「以往商用 Wi-Fi系統如要量度網絡表現，讓網絡管理員調配網速，一般會採用 overlay 解決方案，即外加一個裝置扮演用戶角色，定時向 AP 發出連線要求；但由於收集的並非真正用戶的數據，所以量度的數據只能作為參考。」 Mist 透過製定不同的 SLE（Service Level Expectation）指標，以評估每個用家及 Access Point 的連線表現。 Mist 的量度數據則採集自真正的連線表現，鄭健豪舉例說其中一個指標是用戶連線時間，如超過 2 秒便等於差，「Mist 預先製定了超過 180 種 SLE 指標，當中包括頻寬、訊號接收、連線時間等，採集到的數據會全部傳送至它的雲端系統，以人工智能分析並自動調配網絡資源，令所有用戶都能享受到最佳的連線效果。」他認為 Mist 在業內的最大優勢是令到 Wi-Fi表現變得可以量度及可視化，網絡管理員不用再「估估吓」；而收集的數據亦足以讓人工智能預早發現問題所在，主動作出修復或調配上網資源，所以即使企業安裝大量 AP（其中一個客戶安裝了 30 萬個 AP），也不用編配大量人手管理。他說通過採集大量優質數據，Mist 的人工智能分析便會愈見準確；而為了進一步支援網絡管理員，Mist 配備 Marvis 助理，可以用自然語言向系統查詢問題所在及解決方法，快速於控制介面不同的 dashboard 找出所需的資訊。 室內定位一體化 Mist 還有另一強大武器，就是無線網絡裝置中內建 vBLE 室內定位技術，鄭健豪說這項專利技術，比起現時主流採用的Beacon 感應器更準確及方便。「首先現時的 Beacon 需要獨立安裝，例如要在商場追蹤客戶的位置，便要在商場各處安裝大量 Beacon，才能提升準確度。不過，這些 Beacon 感應器每隔年半至兩年便須更換電池，考慮到安裝位置一般難以靠近，便會花費很多人力資源。」Mist 的 vBLE 由於已整合在 AP 內，不用擔心電源問題，而且控制系統亦與 Wi-Fi 介面統一，所以亦易於管理，減少網絡管理員的工作負擔。 有了 Mist 的高速實時定位技術，當客戶在商場的手機應用程式內呼喚協助，職員便能快速找出求助客戶，提升客戶體驗。 準確的定位技術，可增加企業提供的服務內容，提升 customer engagement。「Mist 每個 AP 均提供 16 個指向性天線，以供vBLE使用；Mist 亦放棄採用傳統的三角定位技術，開發出基於機率曲面（Probability Surface）的專利技術，進一步提升定位的速度及準確度，令到可提供的服務內容大增。」他以商場應用為例子，說以往的 Beacon 由於定位緩慢，往往在計算出客戶位置時，真人已移動到別處，「有了 Mist 的高速實時定位技術，當客戶在商場的手機應用程式內呼喚協助，職員便能快速找出求助客戶，提升客戶體驗。」他補充說室內定位服務內容因而變得更多樣化，只要企業客戶構思出來，便有機會化不可能為可能。…

做咗資安界咁耐，問親中小企老闆，普遍都仲係以為自己間公司咁細規模，啲黑客唔會有興趣，但係事實上好多調查及統計報告都話你知絕對係謬誤嚟，好似最新由 Verizon Data 公布嘅調查顯示，43% 嘅黑客攻撃係針對中小企，證明咗黑客搞唔搞你，並唔關公司大定細，而且調查仲話黑客就係睇準中小企疏於防範嘅心理，自然捨難取易。 好喇，中小企老闆呢個時候又會講，我哋真係中小企嚟㗎咋，邊似得大企業咁多資源，可以買咁多軟硬件同埋請人嚟對抗班黑客呢？咁又未必要咁大陣仗嘅，以最近 Barracuda 公布嘅 2019 資安調查報告為例，59% 有毒檔案嚟自文件檔，而中小企每日又要處理無數文件檔，好易中招，所以今次就教大家五招，有效防止喺收到文件時中毒。 有理冇理先解毒 好多公司以為裝咗防毒軟件，就乜都擋到，實情而家啲毒愈整愈複雜，甚至會因應被發現嘅病毒定義而不停變體，唔係咁易搵到佢哋出嚟。最佳方法係用 disarming malware 呢個方法，佢會當所有檔案都係毒，一收到任何檔案就會將佢解體，抽絲剝繭睇吓入面有冇唔屬於呢類型檔案嘅可疑物體，有就立即移走，而且確保移走咗都唔會影響文件原本結構，咁就令你永遠只收到乾淨嘅檔案啦！ 網絡電郵靠唔住 據統計，而家全球一日收成 2930 億封電郵，預計到…

涉及侵害個人私隱嘅法例推行，會唔會影響到國外投資者信心，以及侵害到國家喺國際上嘅競爭力問題，最近又成為咗澳洲政府獨立安全法監察局（Independent National Security Legislation Monitor,INSLM）檢討緊嘅問題。負責今次調責嘅 Dr Renwick 就話，雖然現時全球政府都面對住加密技術妨礙搜證嘅問題，但如果呢啲侵入性法例會令到公眾懷疑佢嘅安全性，同時會令執法機關行使不必要嘅權力，咁就有機會要修正喇。 方便搜證疑侵害私隱權 講緊嘅係澳洲上年年尾通過咗一條Telecommunications and Other Legislation (Assistance and Access) Act 嘅修正法例，目的係為咗方便執法人調查罪犯，以防佢哋以加密方式收起犯罪證據，因此建議但凡唔肯向執法人員提供手機同埋手提電腦密碼，有機會被判五年監禁及罰款50000澳幣。 咁都不特止，正所謂魔鬼永遠喺細節度，原來條例仲講明，如果執法機構要求科技公司幫手，解開某人嘅電子設備密碼，而科技公司拒絕配合，分分鐘要面臨約 5000萬港幣嘅罰款！而如果科技公司嘅員工向任何人透露執法機構嘅要求，亦有機會被判五年監！外國公司亦可以用呢條法例，叫澳洲律政部長查你部電腦，睇下有無境外犯法，總之一句講晒，就係條法例好鬼惡啦！ 澳洲政府嘅理據係，因為近幾年科技發展太快，影響到執法同埋危害國家安全，所以先打算立呢條法例，新南威爾斯州公民自由委員會副主席Lesley…

平常一聽到同銀行有關嘅運作程序，一定覺得會安全到不得了㗎啦，但接二連三嘅事實話俾大家知，無論間公司有幾大，規管有幾嚴謹，都一定會有「濕滑」嘅員工。加拿大最大銀行 Scotiabank（加拿大豐業銀行）近日被揭發出低級網絡安全錯誤，低級嘅程度更直逼「布偶級」（muppet-grade），大家明啦！ 日前網絡安全研究員 Jason Coulls 揭發，加拿大 Scotiabank 喺 GitHub 嘅儲存庫竟然存有未受保護嘅檔案，當中有外幣匯率 SQL 數據庫系統嘅軟件藍圖及 access key、手機應用軟件程式碼，後台服務及數據庫實例嘅登錄憑證、原始編碼等，簡直係黑客金庫。 Scotiabank 嘅回應當然都估到，首先話呢啲資料並不會危及客戶、員工或合作夥伴，又話已經展開調查、修復問題、移送法律資料中。而加拿大法律規定，銀行出事就要即刻通報，加拿大金融機構監管辦公室方面就已接獲通知，正密切監察事態發展。 GitHub 於去年被 Microsoft 收購，成一時佳話。除咗極多開發者會用，亦有唔少企業機構都會用，因此，保安係其中最大課題。有時開發人員為咗貪方便唔使次次登入，會喺開發階段將…

其實人臉識別技術仍未成熟，但世界各地執法機關已經一致看好，中國就係其中一個？究竟人臉識別技術會令世界更加美好，抑或變得縛手縛腳？背後有何隱憂？最近科技網站 ZDNet 發表咗一篇關於澳洲政府看待人臉識別嘅文章，睇下有乜嘢啟示同借鑑？ 反恐為由，硬推人臉識別 唔少政權都喜歡以「反恐」為由去提升國防、安檢權限同技術。昆士蘭州警察局（QPS）於去年黃金海岸嘅英聯邦運動會（Gold Coast Commonwealth Games）推出人臉識別系統，作為防範恐怖襲擊之用。點知轉個頭，已經被警方用來進行一般警務調查；雖然被權限所約束，只能接觸有限資料，但已夠引起大眾關注及不安。 如果話套架生未發展成熟，又未諗到全個配套，貿然上馬絕對不智。昆士蘭大學資訊科技及電機工程學系 Brian Lovell 直斥當局呢個決定 complete failure，徹底失敗。Brian Lovell 指，昆士蘭州警察局完全無喺 deployment 下工夫，完全無認真咁為鏡頭擺位、部署考慮過，而且背後亦無做好基建 support，反而會製造出私隱危機。Brian Lovell…