因為疫情嘅關係，視像會議程式突然變到人人都要識用咁滯，南非外交部長馬沙巴內夫人亦唔例外，早排佢本來要就新冠病毒嘅影響，用Zoom主持一個部門嘅視像會議，不過事與願違，呢個會議最終俾黑客入侵，仲要播埋色情內容，場面令人尷尬。 最慘會議上除咗有部門員工同傳媒之外，為咗提升參與度，會議直情開放俾公眾加入，有意參加嘅人超過400個，相信黑客扮成參與者混入會議，喺眾目睽睽之下播放裸露圖片同色情畫面。 隨住視像會議程式嘅需求愈嚟愈大，相關嘅網絡安全問題亦都成為熱話，美國聯邦調查局(FBI)都點名話，Zoom程式有明顯嘅安全漏洞，已經成為黑客目標，更加指出兩宗黑客成功入侵嘅例子：馬薩諸塞州一間高中用Zoom上堂期間，就俾不明來歷嘅入侵者大聲講粗言穢語，同埋公然講出負責老師嘅住址；州內另一間學校就有入侵者喺鏡頭面前，向與會者展示納粹德軍標誌紋身。FBI提醒市民用Zoom或者同類軟件嘅時候，要確保軟件已經更新到最新版本，亦唔好隨便公布同透露進入網路會議室或網路教室嘅連結。 除此之外，加拿大多倫多大學有份參與嘅研究機構Citizen Lab，早前就揭發Zoom有時會用中國伺服器（servers）供應商發出嘅密鑰（keys），就算係北美客戶嘅 Zoom 會議，都可能用咗嚟自中國嘅密鑰。報告質疑Zoom喺中國有三間公司，有可能令 Zoom面對官方壓力嘅時候，有法律責任要披露加密資料。而Zoom亦喺4月3日承認，因為2月用戶流量急升，誤將幾千個用戶嘅會議流量，分流咗去中國兩個數據中心處理，Zoom無透露受影響用戶有幾多，雖然強調已經盡快修補漏洞，不過事件已經令大眾對Zoom嘅安全性存有戒心。 唔少用戶亦都開始尋求Zoom程式以外嘅選擇，包括：Google Hangouts Meet、Microsoft Teams、Cisco WebEx 、又或者係Skype嘅會議功能，經常有需要開視像會議嘅朋友，不妨了解多啲。 資料來源：https://bit.ly/34KXc0R、https://bit.ly/2ymH9Kz、https://bit.ly/3eutbH7 相關文章：【緊急自救】修改群組政策設定 煞停Zoom 派送Windows登入密碼

喺 WFH 模式下，近排好多人都好關注 Zoom 視像會議應用工具嘅安全性，美國 FBI 警告大家最近有好多黑客以 Zoom-bombing 或 Video-teleconferencing hijacking 攻擊嘗試潛入會議，有研究員又發現 Zoom 嘅設計存在 UNC Link 漏洞令與會人士有外洩登入資料風險。為咗加強本地企業嘅安全性，香港電腦保安事故協調中心（HKCERT）就喺 blog 上，羅列出一系列安全注意事項俾大家參考。咁多人發聲，都係擔心機密會議內容會被竊睇竊聽；之不過，Home Office…

喺在家工作嘅安排下，好多人都用緊視像會議應用服務 Zoom 嚟開會，甚至攞嚟開 group party 聯誼。不過，最新公布嘅一個漏洞，用家只要點擊 group chat 內一條 UNC link，就會將自己嘅 Windows 登入名稱及密碼送到黑客手上！唔想咁樣，請立即修改 Windows 設定自救！ 好心做壞事 今次呢個漏洞係由網絡安全研究員 @_godmode 所發現，UNC（Universal Naming…

在最近幾星期，COVID-19（新型冠狀病毒）危機令數百萬人留在家中，避免外出上班或進行面對面會議。儘管各具體預測的數據不一，但可以肯定的是，全球有多達 50% 的員工正在遙距工作。網上通訊平台已成為個人和企業與世界交流互動必不可少的工具。而憑著近 20% 的全球市場份額，其中Zoom 是最受歡迎的平台之一。 任何流行技術的好處顯而易見，卻也存在著風險。我們都聽說過應用程式使用不當的案例，據年初的 Check Point Research 報告稱，外部人員能夠竊聽私人會議和通話，這可能導致個人數據洩漏或商業間諜行為。 那麼，我們如何在享受 Zoom 帶來的好處的同時免遭主要威脅的影響？以下幾點值得考慮。 1.保持更新 為保持有效的安全性，必須經常更新 Zoom 軟件。科技公司為其產品提供的更新不僅增加了新的選項和功能，還會公佈已發現的「缺陷」和安全漏洞，比如上文提到的具有發現和竊聽會議的能力。重要的是，這與普遍的觀點相反，攻擊者能夠入侵的機會不會在安全漏洞修復後消失，而是在用戶進行軟件更新並收到公司的產品補丁之後才消失。這意味著未更新軟件的用戶仍然容易受到攻擊。 2.使用會議登入密碼 我們對…

全球政府抗擊疫情，為咗協助市民留守家居抗疫或遙距工作，唔少服務供應商都免費開放收費服務，例如愛情動作片網站 Pornhub 全球免費任睇，YouTube、Netflix 調低串流影片質素，令歐洲市民嘅上網速度保持穩定，Microsoft、Cisco 亦解鎖旗下 Zoom、Webex 網上會議嘅部分收費功能，盡量協助減少病情蔓延。估唔到，有黑客組織喺呢個時候都衝出嚟搶光環，宣布停止對醫療機構發動網絡攻擊，以及同中咗招嘅「拍檔」共度時艱，減少勒索贖款嘅費用，真係「多謝」晒喎！ 解鎖費用靈活有得傾 關於喺新冠疫情期間嘅部署，暫時有三個主要靠勒索軟件搵食嘅黑客組織企出嚟回應。而所謂勒索軟件，就係透過惡意程式將受害者電腦內檔案加密嘅攻擊手法，而且會透過內部網絡擴散，甚至狙擊埋雲端及內部備份。由於解鎖密鑰喺透過加密演算法計算，所以一般好難破密得到。 DoppelPaymer 黑客集團宣稱從來唔要瞄準醫療機構，以及政府嘅911求助熱線。如果有醫療機構不幸中招，佢哋會提供免費解鎖「服務」。不過，條件係要提供證據審查，避免有大型私院假扮小診所嘅情況出現。至於藥物生產商就唔會幫手，因為佢哋話喺疫情期間藥廠已賺咗好多錢，所以免費解鎖呢？不了！ Netwalker Ransomware 同樣聲稱從來唔會瞄準醫療機構攻擊，不過被問到如果有醫院不幸中招又點呢？黑客集團就無直接回應，只係話如果有人被鎖，就要俾錢解鎖。 Maze Ransomware 呢班黑客集團嘅回應就最出位，佢哋聲稱喺疫情期間唔會再對醫療機構發動攻擊。而基於現時全球經濟危機及疫情爆發，佢哋決定向企業伸出援手，向所有人提供解鎖折扣服務，無論係已中招或新加入嘅「拍檔」，都有得傾！ 資料來源：https://bit.ly/3ajCpDh、https://bit.ly/2QFBdm0 相關文章：【賺外快】國家支援黑客 善用工餘時間偷賭客資料

【網絡運程七宜七忌】之（七）以快打慢。一掃知宜忌，免費試用 : https://bit.ly/2R0EwEP 宜：以快打慢 忌：溫溫吞吞 玄機詩：快速搜證堵漏洞 業務中斷減損失 電郵防護講求快、狠、準，只要能夠及時發現惡意電郵，才能阻止黑客攻擊擴散至公司網絡。不過，調查顯示約八成機構平均需使用6小時去處理有問題的電郵，清晰掌握惡意電郵在內部網絡的感染途徑及範圍，效率可謂非常之低⋯⋯ Barracuda 的 Forensics and Incident Response（FIR）服務，便利用先進的威脅辨識技術，主動調查各電郵帳戶的安全風險，以及偵測正在接收或已接收的電郵內有否存在惡意連結或附件。一旦發現惡意攻擊，便會自動封鎖同一發件人的所有郵件進行分析，並調查受影響帳戶的活動記錄，了解公司內部網絡受影響的範圍，即時作出報告及按照預設政策執行維護措施，例如發出電郵指示受影響帳戶更改密碼及其他設定等，大大減少惡意攻擊的破壞力，提高修復效率之餘，同時將潛在的損害減到最低。 相關資料：https://lnkd.in/g3RYtfh FIR：可以通過從前的威脅響應中收集的情報主動識別安全威脅，並識別出企業中最易受攻擊的用戶。快速攻擊響應和停止攻擊損害，大大提高了修復效率。

毋須爭拗，新冠狀病毒疫情喺全球各地升溫，同時間，各大網絡安全機構亦發現黑客正加大力度利用 Covid-19 恐慌，發動各種網絡攻擊。企業喺財政上已因經濟下行飽受壓力，實在再抵受唔起網絡攻擊引發嘅損失。不過，網絡安全唔係可以旨意晒老闆或員工去做，正所謂唇亡齒寒，防毒必須上下同心，員工同老闆都要盡力做好以下錦囊，先可以共度時艱，待疫情退卻重新起飛。 員工 1.保持衛生：公司嘅電腦設備、軟硬件都要保持更新韌體，堵塞已知漏洞。 2.提高警戒：黑客普遍利用釣魚電郵攻擊，員工時刻戒備電郵以及內裡嘅檔案、連結。另外，如使用嘅電郵服務支援雙重或多重登入驗證就要啟用，減少帳戶被盜用風險。 3.安全連線：避免使用公共Wi-Fi 網絡，因為黑客可假扮流動熱點截取數據傳輸。 4.即時報失：如遺失手機、電腦，就要通知公司IT部門，監察有無人利用你嘅裝置登入公司或電腦系統。 老闆 1.管理登入：即時安裝遙距登入安全系統，採用SD-WAN等工具保障員工連接公司內部系統嘅安全性，以免數據被截取。 2.訂定守則：制訂安全守則，例如禁止員工使用個人電郵與客戶溝通，機密文件嘅處理方法，同時要區分不同職級員工登入系統嘅權限。另外，亦要編制緊急聯絡清單，員工如接收到上司或同事嘅轉帳、提供登入資料等指示，必須以另一種途徑向同事確認，舉例如經電郵接收，就要以電話確認，減少冒認風險。 3.安全設備：向員工提供已安裝安全工具嘅電腦設備，同時限制不能以個人電腦處理公司事務。如因經濟問題未能向全員提供，亦應評估各員工嘅職能及面對嘅風險，選擇性提供電腦設備。 4.徵詢意見：現時不少IT公司如Microsoft、Adobe、Cisco均有支援企業遙距工作計劃，讓企業免費使用部分收費應用服務。老闆必須先向IT員工徵詢意見，評估哪種服務較適合公司使用，切忌一言堂，避免因軟硬件衝突衍生漏洞。 資料來源：https://bit.ly/3dhpUu4 相關文章：【全民抗疫】貢獻電腦資源 計出新冠病毒弱點

新型冠狀病毒疫情擴散全球，除咗南韓、意大利、伊朗、日本告急，美國亦有急升跡象。唔少外國企業都好似香港一樣，開始允許員工在家工作。為咗幫企業度過難關，各大IT公司都將原本收費嘅協作應用服務，免費開放使用。無論係企業工作，抑或學校教師用嚟遙距授課都啱用。 Microsoft Teams 本身已經有收費版同免費版，當中嘅功能當然有好大分別。不過，而家微軟就開放咗部分收費功能，例如規劃排程、管理工作等等，為期六個月，至於錄影或錄音功能都仲係要俾錢至用得。另外，電話會議排程功能亦會喺3月10日開放免費使用。 網址：https://bit.ly/2VMUTb8 Google Hangouts Meet Google就選擇開放Hangouts Meet嘅視像會議功能，只要係 G Suite、G Suite for Education用戶，就可以喺7月1日前免費使用。免費功能包括支援最多250人大型視像會議、支援10萬觀眾串流直播，以及可以將會議內容儲存去 Google Drive。 網址：https://bit.ly/3cxfENN Cisco Webex…

【企業疫境自救】Home Office無有怕 VPN即時加密全面封關 武漢疫情嚴峻，有企業決定讓員工Home Office工作，減少感染病毒風險，亦有員工被迫滯留其他地方無法返港。不過，欠缺防護裝備，遙距工作除咗增加洩密風險，亦令黑客有機可乘，順勢入侵公司網絡！最有效防禦方法，企業可即時採用虛擬私人網絡（VPN）服務，全面加密員工與伺服器之間傳輸嘅數據，同時防止黑客追蹤員工嘅流動設備，發動其他攻擊。SonicWall嘅Secure Mobile Access（SMA）方案就包含應用層SSL VPN服務，支援多種作業系統，毋須於員工嘅流動設備上作任何維護，只須通過瀏覽器，即可隨時隨地進入公司內部網絡或雲端儲存工作，同時做到中央監控、身份驗證及精密嘅存取權限管理。未來14日係抗疫關鍵期，但網絡安全就一刻都唔遲得，即刻聯絡 SonicWall，一日即可打開企業安全防護罩！ 請即聯絡SonicWall香港唯一分銷商：Data World Computer & Communication Ltd.Enquiry: +852 2565 8733查詢：https://bit.ly/385v4pV ============================立即讚好 wepro180睿報，並設定為「搶先看」唔想錯過熱門網絡保安消息，請即訂閱…

金融科技（Fintech, Financial technology）行業發展蓬勃，透過靈活運用各種先進的科技，無論在提供更多元化的服務及提升工作效率上，較傳統金融行業更具優勢。金融科技公司若要突圍而出，除了要有不斷創新的意念及周全到位的服務，以提升客戶的體驗外，還須鞏固自身的網絡安全防禦力，才有望成為下一隻金融業的獨角獸。 發展優勢 燃起金融科技同業競爭 早前，阿里巴巴香港創業者基金與畢馬威（KMPG）合作¹，發佈香港首個創業發展指數調查報告，報告顯示金融科技屬現時香港最強勁的創新領域。同時，金管局及香港科技園亦在 2019 年 11 月初聯合啟動「金融科技合作平台」²，目的是協助及支持金融科技發展，加上香港的自由市場及低稅率的有利因素下，吸引外資公司來港創業。現時香港的金融科技公司約有 500 多間，而隨著銀行業進入開放應用程式介面（Open API, Application Programming Interface）第二階段，銀行將會開放更多如儲蓄、投資帳戶及貸款等產品內容，供金融科技公司開發新的應用服務，市場競爭隨即會愈趨激烈。 金融科技公司其中一個優勢是產品開發周期較快而有效率，擅於透過借助雲端科技應用，推出各種應用程式如電子支付、P2P 借貸等，好處是擴展具彈性，毋須花時間於公司內設立基建設施，減省人手及設備之成本。雖然雲端科技會為公司帶來很多好處和方便，但複雜的多雲架構亦會增加管理的難度及降低其可見度。由於每間雲端服務供應商有各自的管理工具，採用的數據格式亦不盡相同，要掌握整體劃一性及安全性，最好有統一管理平台及獲國際認證的網絡安全專家去監控和分析。以發展迅速的電子支付應用服務爲例，金融科技公司愈趨複雜的多雲架構在安全合規性方面，例如在訪問控制措施、維護網路安全性、保護帳戶人私隱等主要控制領域上，要確保是否符合 PCI-DSS 安全認證（The…