一般人聽見「黑客」兩個字就立即標籤佢係壞人。其實「黑客」，Hacker，泛指以任何手法入侵他人電腦嘅人。黑客有正有邪，更亦正亦邪。 入侵動機各不同，有為錢、為興趣、為學習、為國家、為理想，甚至為啖氣都有。Hacker 分好多顏色「帽子」，以下簡介 hacker 帽子顏色分類，以後唔好再「色盲」亂咁「扣帽子」。 （第一部份） （大題）黑客六種顏色 黑帽 Black Hat 「黑心仔」黑帽亦稱 Cracker。通常「利慾」為目標，在非法的情況下攻擊系統，透過破解、入侵去獲取不法利益。黑帽係網絡罪犯，會hack 入某個系統盜竊數據，從而進行金錢勒索或賣畀黑市。黑帽嘅存在，令網絡世界好危險。 白帽 White Hat 「好心仔」白帽同黑帽完全相反，白帽又叫 Ethical Hacker（道德黑客）。不少白帽受聘於網絡安全公司或大企業，在完全合法的情況下攻擊系統、進行安全測試、找出安全漏洞，以「改善」為目標，令網絡世界更安全。白帽中亦有 Bug…