分享FacebookTwitterWhatsApp 醫療事故不時涉及人為失誤，特別在香港的公營醫療體制下，前線經常人手不足，而為應付每天上門的大量病人，醫生亦無足夠時間詳細為病人問症，令病人接受不到適合治療的機會大增。結合人工智能 (AI) 及大數據分析，就可大大紓緩醫療機構的人手壓力，並提升各種病症的確診機會。 現時各種病症診斷，主要仍依賴醫生的經驗，雖然各種影像檢查技術如磁力共振 (MRI)、電腦掃描 (CT-SCAN)、正電子電腦掃描 (PET-SCAN) 均發展迅速，有助發現微細的徵狀，但最終醫生還須配合病人的病歷、家族遺傳等風險因素作評估，以決定整個治療方案。以癌症為例，影像檢查雖可及早發現微細的細胞異變，但部分器官位置如鼻咽、乳腺等腫瘤發展可以非常快速，再加上部分影像檢查始終有一定的輻射量，不能經常安排病人進行檢查，導致病人有可能延醫。 人工智能及大數據分析，便有助醫生及早找出高風險病人以便密切監察。研究員可以將病人資料庫的數據匯入系統，分析出不同的風險指數，包括年齡、性別、家族遺傳、運動量、生活習慣等，同樣以治療癌症為例，即使新求診的病人未有在影像檢查出發現異常，但如其病歷被人工智能系統判斷為高風險，便可安排病人進行後續檢查，盡早發現異變；如病人屬低風險則可安排較長的覆診期，紓緩醫療機構的工作壓力。IBM 的人工智能系統 Watson Genomics，便在乳癌、心臟病等病症評估上有很大的貢獻。 除此之外，穿戴科技如智能手表的普及，亦有助一般人及早找出潛在病症。通過收集及分析大量使用者的健康數據，同樣可讓人工智能系統識別各種健康指標，家庭醫生只要運用適當的工具，便可更準確發現求診者的異常之處，例如求診者的身體機能有否比同年齡層人士差，令醫生可以在「望聞問切」的傳統斷症方法上，得到更有力的數據支持。 資料來源：http://bit.ly/398yPgc

釣魚手法層出不窮！近日網絡安全公司 WMC Global 的研究人員發現，Office 365 出現新式釣魚方法，以反轉圖作為登陸頁面背景，避過被網絡安全監控標籤為惡意釣魚網站，真係要小心提防！ WMC Global 的研究人員指出，這個釣魚套件技術，是為盜取儲存在 Office 365 的機密資料而寫成，並已被運用在多個網站中；而這個套件自動以 CSS （Cascading Style Sheets）方式，轉換成只是反轉了顏色、貌似正規 Office 365 登陸頁面的背景圖，企圖逃過監控。WMC Global…

睇過「竊聽風雲」嘅朋友，都會覺得原來偷聽係要咁大陣象，真係無「國安級」嘅設備，可能都未必做到。不過有研究人員就發現，有不法之徒利用高清通話（透過 4G LTE 網絡所連接嘅通話服務）存在嘅漏洞，偷聽手機對話，而用嚟偷聽嘅裝置費用，只係需要 7000 美金，即係大約 54000 蚊港紙。 一般流動電訊商都會用相同嘅加密金鑰，嚟保護透過同一手機訊號發射站，進行嘅多個 4G 語音通話。而研究人員就發現，當流動電訊商用一樣嘅金鑰嚟做加密，或者手機訊號發射站會重複用同一個密碼，又或者用可預測的AI演算法生成加密金鑰，就好容易成為竊聽者攻擊嘅對象。 竊聽者嘅攻擊分為兩個主要階段，第一個階段係記錄階段，透過截取目標裝置嘅加密無線訊號（亦稱為第一個通話），記錄低目標裝置同受害者之間嘅加密訊號，喺呢個階段，竊聽者要有一部可以偵察到無線電層傳輸方向嘅裝置，唔知鴨記有無得賣，不過部嘢真係唔洗 1400 蚊美金就做到。當偵察到目標配置，竊聽者可以對目標無線電嘅配置記錄進行解碼，直到拎到佢嘅加密資料(PDCP)。 當第一個通話結束，竊聽者就會進行第二步：呼叫階段，就算竊聽者手上並無受害者嘅任何金鑰解碼嘅材料，竊聽者都可以係第二階段用一部商用現成電話，知道受害者嘅電話號碼同佢而家嘅位置，然後打畀受害進行第二次通話，再用第二次用到嘅加密流量同第一次通話嘅流量進行比較，從而推斷出加密金鑰嘅位置，一旦有咗呢段「金鑰流」，竊聽者就可以利用佢嚟恢復返第一次通話嘅內容，專家將呢個漏洞命名為 ReVoLTE。（詳情參看下圖） 研究人員亦都提醒，竊聽者與受害者傾電話嘅時間越長，佢可以能夠解密先前對話嘅內容就越多，又指出發起 ReVoLTE 攻擊嘅設備成本只係需要 7000…

分享FacebookTwitterWhatsAppEmailLinkedin 隨著遙距工作盛行，企業數據資料亦開始從內部部署轉向雲端。意味著企業必須將更多重要，甚至是敏感的資料帶到雲端，因此衍生新的保安難題：如果雲端數據的保安，全交由同一個雲端服務供應商管理，豈不是將個夾萬連同鎖匙交畀同一個看管？企業如何奪回保安主動權？如何確保雲端資料安全？ 是次講座邀請到 Imperva 及 Thales 兩大品牌的雲端保安專家，即場分享最新的雲端數據保安、加密、密鑰管理及監察技術，將數據保安的風險減至最低，確保企業符合法規要求。講座費用全免之餘，參加者更有機會贏取 $200 HKTV Mall 購物禮券。名額有限，報名從速。 主題：如何確保雲端資料安全？ 日期：2020年8月27日（四） 時間：11:00am – 12:00pm 語言： 廣東話 網上留位：https://bit.ly/3fTvzX5 唔想錯過熱門網絡保安消息，請即訂閱 wepro180 電子周報：https://bit.ly/2ZcCi9J

分享FacebookTwitterWhatsAppEmailLinkedinTelegram 「喂，聽講 Nintendo 又 Data Leak 喇。」「好出奇咩？ Switch﹑Wii 定 3DS？」「唔係阿…係 N64﹑Game Boy 同 Super NES…」「…呢三部野加埋老過我阿媽架喇喎，仲有人走去搵漏洞？」 冇錯，就係有。相隔（唔係好）多年，任天堂再次因漏洞而洩漏數據。但好彩嘅係，今次唔係用戶資料﹑帳號密碼等私人嘢，而代碼洩漏，甚至引出 Super Mario 64 入面本未出現嘅設計同角色。…

係人都知，識得善用數據有幾大優勢，因為唔單止可以用嚟提升客戶體驗、改善市場營銷策略，仲可以用嚟阻擋網絡攻擊，對要靠不停推出創新服務嚟吸客嘅金融行業嚟講，識玩真係無得輸。而Splunk Essentials for the Financial Services Industry（FSI）應用程式，就預載咗十幾種行業專用use cases，可協助金融服務供應商揪出金融欺詐、帳戶盜用等安全問題，更有助滿足合規需要，以及監察交易服務符唔符合到SLA。 只要喺Splunkbase下載就用得，非常簡單。而Splunk即將舉辦嘅網上研討會，就會詳細講解FSI行業嘅網絡安全形勢及合規要求，亦會示範Data-to-Everything嘅多種用法，歡迎大家報名參加！ 日期：2020年7月17日（五） 時間： 3pm – 4pm 語言： 粵語 網上留位：https://bit.ly/31We3hK

面對急襲而來的疫情，不少企業均陣腳大亂，不單要應付員工遙距工作的需要，生意又受到重大打擊。不過，亦有企業能夠靈活變陣，將危機轉化為商機。Fortinet 與 中信國際電訊 CPC 便攜手舉辦「疫境創新路」網上研討會，一連三集邀請商業創新者（business innovators）分享如何以創意還擊，積極開拓新方法拓展業務。繼珠寶商周大福分享活用科技及社交平台的「我智營」全員皆sales 計劃，今集就邀請了物流公司 cargo-partner，分享如何靈活組合物流工具控制運費，並以生產供應鏈優勢助客戶開拓商機。 創意物流減客戶運費壓力 疫情爆發後，物流是其中一個面對極大挑戰的行業，今次出席研討會的國際物流公司 cargo-partner 亞太區電子商務及銷售方案總監區健民（Ivan Au）指出，起初內地工廠停工無貨可交，海運很多時只能運載空的集裝箱回歐美地區，對海運打擊很大；而隨著各國陸續封關及採取 Work From Home 措施，亦大大拖慢港口的運作，如企業繼續利用運費成本較便宜的海運服務運送貨物，便難以趕及合約上訂明的時間交貨予客戶，因而被迫轉走昂貴的空運。「再加上其後歐美疫情持續惡化，導致七至八成的飛機航班停航，進一步推高運費成本。」他說運輸成本可較以往高五倍，令貿易企業的營運環境雪上加霜。而 cargo-partner 早在疫情開始，便已提供創意物流方案，例如使用鐡路運輸方案，成本比全空運低6成，時間上則比全海運快5成，或結合陸運加空運模式，將貨物用包機運至匈牙利，通過歐洲自營倉庫和陸路貨車把貨物派送到歐洲各地客户手上，在成本控制的優勢下提供一個具有市埸競爭力的價格给客户，紓緩企業的營運壓力。 雖則疫情對市場帶來極大衝擊，但…

分享FacebookTwitterWhatsAppEmail 呢幾年勒索軟件（Ransomware）肆虐，聞者色變。以往中招者可能只係揀俾唔俾錢攞解密鑰匙，不過而家就多個選擇喇，除咗以上選項，你仲要揀將唔將啲機密檔案銷毀，否則唔單止解鎖唔到啲檔案，仲會網上見添！ 勒索軟件嘅可怕之處，係黑客會將電腦內嘅檔案加密，由於解密鑰匙係基於高級演算法運算出嚟，所以一旦中招，基本上除咗俾贖金之外，都好難靠自己破解。不過，隨住愈來愈多公司重視備份檔案，受害者開始傾向唔俾贖金，於是黑客又再變招，兩大趨勢分別係會狙擊埋備份嘅檔案，以及喺啟動勒索程序前將啲資料偷走，前者等你無備份可依靠，後者就可以恫嚇將資料公開，等你唔俾贖金唔得。 第二招其實已有唔少勒索軟件黑客組織做緊，好似 Maze、Sodinokibi、DopplePaymer、Clop、Sekhmet、Nephilim、Mespinoza、Netwalker 等等，都特登整咗一個網站出嚟，只要對方唔俾錢就將機密資料上載，包括對方客戶嘅個人資料。不過，黑客組織 Ako 就更加狼死，除咗解鎖費用，仲會視乎對方嘅公司規模或行業，要求俾多筆刪除資料費用，Ako 就曾舉例有公司喺繳交 35 萬美元解鎖費用後，要再俾另一筆刪除資料費，費用由 10 萬元至 200 萬美元不等。 「精明」嘅受害者，當然未必會俾晒兩筆贖金啦！Ako 回應傳媒查詢時，就表示有醫療機構選擇只係俾刪除資料費用。相信呢個受害機構係有做好備份，同時衡量過病人資料外洩，就著個人私隱法例嘅賠償金額應該仲大，所以迫於無奈先俾贖金。 隨住勒索軟件不停進化，應對方法除咗加強員工嘅網絡安全意識培訓、做好備份之外，企業亦要做好數據加密技術，以及將其中一個備份設備離線，咁先可以減低勒索軟件嘅破壞力。 資料來源：https://bit.ly/2ZddNcN 相關文章：【雙面人】WannaRen勒索軟件呢頭鎖果頭解

愈嚟愈多 CCTV 引入智能辨識技術，而且辨識率高，速度又快，令唔少人都擔心自己嘅個人私隱存在風險。的而且確，生物特徵唔係話改就改，如果採集嘅機構外洩咗你嘅私隱，一旦落入罪犯手上，就有可能用嚟進入一啲你用生物特徵做驗證嘅帳戶，包括你部手機、銀行戶口等等，最慘係除非你整容、更換指紋，否則你係改唔到外洩咗嘅生物特徵，所以千祈唔好以為唔關你事。 既然有人唔想俾 CCTV 認出，自然有人諗辦法破解。來自美國東北大學、麻省理工同埋 IBM 嘅研究員，就合作研究咗一款專門用嚟對付智能辨識技術嘅 T 恤出嚟，呢件 T 恤嘅特別之處，唔係有連身面罩俾你遮樣，而係透過衫上嘅萬花筒 pattern，干擾辨識系統嘅神經網絡（Neural Network），令到系統將你判斷為「非人」或其他物件，咁就唔會被記錄在案，難以被事後搜索返出嚟。 今次團隊用嚟研究嘅神經網絡，主要係專門用嚟做智能辨識訓練嘅 YOLOv2 及 Faster R-CNN，而團隊就要搵出有乜嘢「圖案」可以用嚟干擾辨識。相比起干擾靜態圖像辨識技術，團隊話今次難度高好多，因為 CCTV…

hone 同 iPad 用家，大家升咗 iOS 13.4.1 未呀，升咗嗱？恭喜晒！因為你同小編都係受害者，會受到呢個 bug 影響，嗱嗱臨去閂咗 notifications 佢先啦！iPhone SE2機主都係呀！ 上星期 Apple 為 iOS 推出新版本後，好快就有人喺 Twitter 上表示伏已中，因為更新作業系統後，只要 iOS…