政府資訊科技總監辦公室（資科辦）今年9月起，將網絡安全資訊共享夥伴計劃 Cybersec Infohub（夥伴計劃）恆常化，另外亦聯同香港互聯網註冊管理有限公司（HKIRC）合作營運協作平台 Cybersechub.hk。該計劃主要針對中小企，並提供一個由社群主導的跨行業資訊平台，讓不同行業的成員關注網絡威脅警報和建議，並且可就不同資訊安全事故作出交流；平台有分別來自 30 間公司的 60 多名專家參與，為成員提供中立及專業的網絡安全意見，支援成員解決網絡安全問題，增強網絡保安意識。 政府資訊科技總監林偉喬在啟動儀式上，感謝成員機構在過去兩年試驗期積極參與，令平台成為一個跨行業的互信協作網絡。林指，未來資科辦會與HKIRC加強推廣，鼓勵更多機構（包括中小企業）加入夥伴計劃，增強協作。在HKIRC的推動下，夥伴計劃剛成立『網絡安全支援聯盟』（Cybersec Connect），為各成員特別是中小企業，解答與網絡安全相關的問題並提供適切支援。 資科辦於2018年推行試驗計劃，逾 260 間成員機構的 860 多名代表登記參與，涵蓋界別包括金融與保險、公用事業、運輸、醫療、電訊、創新科技、資訊保安、大專院校等。完成試驗階段後，決定延續計劃，冀參與者能互相通報網絡安全資訊，促進同業間協作。 而在夥伴計劃下營運的協作平台 Cybersechub.hk 在試驗期期間已分享超過 1,400 項不同種類的網絡安全資訊，包括針對特定行業的網絡威脅警報和建議、就公眾關注的網絡安全事故交換意見，以及新興技術(如金融科技及區塊鏈)的最新保安發展等。平台的公眾區域亦發布了超過 330 項網絡安全資訊供公眾參考。 提防疫情相關釣魚網頁及電郵 在啟動禮上，香港互聯網註冊管理有限公司（HKIRC）行政總裁黃家偉提到，今年本地中小企最常面對的網絡攻擊為釣魚網站及釣魚電郵，另外亦有 DDoS 及 Ransomware 攻擊，但相對較少；黃亦提醒，因新冠肺炎疫情爆發，有不少新登記的網址以肺炎為位址名，呼籲各界多加留神該類型網站是否釣魚網頁。 疫情之下，本地不少企業實施遙距工作政策，黃家偉及助理政府資訊科技總監（網絡安全及數碼個人身分）潘士強都提醒，企業應關注網絡保安程序，宜做好軟件更新，注意防火牆設置，以及加密資訊分享，以保障企業網絡保安。另外Cybersec Hub平台會持續更新資訊安全相關新聞，亦能讓成員提出網絡保安問題並得到專家的建議，亦可與行業內成員互相通報，聯手提升網絡防護。 參與平台的成員可以獲得由 HKIRC…

新冠疫情持續半年有多，好多人嘅生活習慣都改變晒，例如家居工作嘅時間多咗，上網使錢密集咗，玩手機 game 或睇網上娛樂亦挑剔咗⋯⋯消費者嘅日常生活轉晒型，作為提供應用服務嘅企業，都要跟車轉型，將重要工作或 IT 架構移雲。不過，移雲一啲都唔簡單，一旦無守穩整個服務流程，更有可能運作唔到、增加管理成本，最壞情況更加會造成機密外洩，隨時一鋪清盤！ 獨立運作 訪問行為難分善惡 無論邊個行業，老闆而家都面對住同一問題，就係點樣做好遙距工作（Remote Work）同埋網上服務嘅安全保護，因為當企業進行數碼轉型後，員工、客戶主要透過各種網絡應用（Web Application）服務，經 API（Application Programming Interface）介面去存取公司資料庫入面嘅數據，任何一個位置出事，損失都難以估計。 Imperva 亞太區資深技術顧問張瑞宏（Kelvin）指出，必須做好由網絡應用以至數據庫各關卡嘅防禦，先夠穩陣，而關鍵就係網絡流量嘅透明度。「數據庫入面嘅資料就好似珠寶首飾，如果連邊個人入過去、由邊度入嚟、入去做過啲乜都唔清楚，就完全無安全性可言。」要睇通睇透，自然要由一開始睇起，佢話有企業雖然採用咗唔同嘅防禦工具，但工具同工具之間無法溝通，都分唔到入嚟嘅網絡行為有無古惑。舉個例，大門守衛做咗身份認證就放行，但嚟到保險室，如果無溝通，個護衛又點知呢位來賓入嚟做乜呢？佢嘅行為會唔會顯示到佢越權或係冒充呢？所以唔係賣花讚花香，現時市面上可以打通呢三個關卡嘅安全工具，就只得 Imperva 做得到。 天生外向 WAAP 防護至重要…

大家對「機械人流程自動化」 (Robotic Process Automation) 嘅認知可能仲停留喺 「AI」同你爭飯碗嘅年代。其實喺 2019 年，RPA 行業已經增長超過 63%，甚至有預測認爲到 2025 年，全球 RPA 嘅市場份額可以達到 750 億美元！眼見越來越多公司使用 RPA 服務，係時候探討下背後安全問題。 RPA 係指將一…

唔知大家有冇諗過喺黑市購買 Hacker Hack 返嚟嘅資料呢？ 雖然講起呢D資料，大家可能只會諗起社交媒體上嘅個人資料，又或者信用卡，銀行戶口之類。不過，Hacker 會賣嘅野唔只咁少 — 當中就包括有利於警方查案，要用「不法手段」先可以入手，「不法之徒」嘅犯罪證據﹗ 日前一間叫 SpyCloud 嘅網路安全公司係網絡研討會上面指出，執法份子可以用黑市資料「以毒攻毒」，加速將罪犯繩之於法。不過呢個舉動，就立即帶嚟大量多方面嘅迴響。 擔任史丹佛網絡及社會安全中心嘅監察及網絡安全副董事 Riana Pfefferkorn 就指出，警方要得到一個人嘅網絡資料，正常要按程序向網絡供稱商提出正式要求，而買資料就等於「走後門」。佢更加認為嗰D程序嘅存在有必要，警方竟然可以直接用公帑非法買通本來屬於大眾市民嘅資料，十分令人不安。 與此同時，美國司法部喺 2018 年出左一份聲明公開感謝 SpyCloud 對管制…

鍾意試唔同手機 app 功能嘅玩家，都會時不時去 App Store 搵嘢玩，好似 Android 用戶就會去返 Google 嘅 Play Store，一心以為有官方認證，一定會好安全，但實情係唔少惡意軟件都成功避過 Google 嘅安全檢測，最近就有法國網絡安全公司 Evina，喺 Play Store 上發現咗 25 款由同一黑客組織推出嘅有餡…

資料顯示，預計 2022 年因網絡罪案導致嘅經濟損失達 8 萬億美元，每一宗資料外洩令企業損失近 400 萬美元，企業鬥創意鬥效率鬥專業時，仲要鬥安全，呢方面已經成為各行各業共識，所以資安人才相當渴市，搶人難，管理又煩，而一味靠人搵漏洞，係咪 21 世紀最有效手段？再加埋 5G 帶動 IoT 同埋新冠掀起 Work From Home 潮流，未來嘅資安挑戰只會更大。PwC 最近推出 Ethical Hack…

Fortinet 與中信國際電訊 CPC（以下簡稱CPC）攜手舉辦「疫境創新路」網上研討會系列，每集都會邀請商業創新者（business innovators）分享如何以創意開拓業務及協助其他企業疫境自強。繼珠寶商周大福及物流公司 cargo-partner 後，最後一集便邀請了在香港無人不曉的一站式餐飲方案平台OpenRice，分享其抗疫良方。 了解民情 貼地創意贏口碑 早前新冠疫情連續出現本地感染個案，不少市民為免受到感染，均自發減少外出，本地食肆的營業額因而暴跌。加上在政府實施社交距離措施後，不單止餐枱之間有距離限制，早前每枱顧客更不能多於四人，食肆的經營環境更是雪上加霜。作為有提供訂座服務的 OpenRice，也明顯受到疫情影響，OpenRice 董事總經理 Jan 說，現時平台上約有 25000 間商戶資料，當中約二千多間餐廳可利用平台直接訂座，但在疫情爆發及限聚令下，訂座率減少；不過，約一年前開始推出的外賣自取服務卻有所增長，「其實在抗疫措施前，我們已主動聯絡餐廳了解狀況，並即時在網站上刊登哪間餐廳有自發做隔離措施，或推出的各種優惠，希望可吸引市民幫襯。」而外賣自取是疫情下最能維持餐廳收入的服務，所以 OpenRice 由二月開始已免除所有收費，讓餐廳可全數「落袋」，共度時艱。 Jan 說 OpenRice…

正所謂「道高一尺，魔高一丈」，有網絡保安人員最近就發現一隻新興嘅攔截 DDoS 防禦系統，個名仲好型，叫做 EndGame。不過，呢款工具唔係尋常人買到，因為要識得上暗網論壇 Dread 先買到，佢勁嘅地方係唔單只可以抵擋 DDoS 攻擊，甚至可以抵禦其他入侵者同執法機構嘅行動。 根據 Digital Shadows 嘅研究所講，好多犯罪分子聚集嘅論壇往往都會面對兩個棘手嘅難題，分別係嚟自黑白兩道嘅攻擊，不過無論係行家抑或執法部門，都會試圖用 DDoS 嚟隊冧你個暗網運作。為咗解決以上困擾，EndGame 就好似一款由暗網各個部分一齊構建出嚟嘅工具，真係好似 Marvel endgame 咁，各路（可能係反派）英雄群策群力，一齊對付外來攻擊。 EndGame 基本上就係一款因應暗網而設計嘅反…

呢隻橫空出現，堪稱空前但未必絕後嘅殭屍網絡叫做 Dark Nexus，普遍認為係由一個以開發殭屍網絡而出名嘅「greek.Helios」出品，佢由 2017 年開始，已經兜售緊分散式阻斷服務(DDos)同殭屍網絡編碼嘅人。 呢隻惡意程式沿用咗另外兩隻都好常見嘅殭屍網絡 Qbot 同 Mirai 部分原始碼， 再加上自家製嘅核心功能，包括可以針對 12 種唔同CPU架構而特製嘅 payloads 。根據名單顯示，Dark Nexus 攻擊到嘅路由器型號相當廣泛，港人常用嘅 Dlink、ASUS，以及Dasan、Zhone都榜上有名，而且由攝影機到熱像探測儀，都係攻擊目標。 Dark Nexus 已經出現咗三個幾月，期間發布過三個版本，根據防毒軟件商…

喺全球各地嘅 Microsoft 裏面，都存在一隊 DCU （Digital Crimes Unit）嘅特別小隊，專門打擊網絡罪犯。早前就台灣嘅 DCU 就成功憑不尋常嘅訊號，成功瓦解一個出現喺當地嘅殭屍網絡。而負責指揮散播病毒攻擊嘅主角，竟然係一組 LED 燈控制器，真係唔可以睇少啲 IoT 產品嘅潛力呀。 其實搗破呢個殭屍網絡嘅時間，要回溯到去上年嘅八月。當時台灣 DCU 其中一個分析員，就喺茫茫嘅數據大海入面捉到一啲可疑嘅殭屍網絡訊號，經調查後，呢啲數據流量好似悟空練咗界王拳一樣，喺短短一個月內大增 100 倍，而團隊就揪出入面涉及嘅 40 萬個…