勒索軟件攻擊無日無之，網絡安全公司 Palo Alto Networks 發表旗下情報組織 Unit42 最新報告，顯示全球多重勒索軟件激增 49%，以香港而言，金融服務業及物流業更成去年重點攻擊行業。專家指出，黑客獲取網絡攻擊工具比以往容易，加上 AI 技術的協助下，他們所需的 IT 技術越來越低，令更多人「入行」成黑客賺錢。 網安小知識：甚麼是 Unit42？Unit 42 匯聚世界知名的威脅研究人員、事件回應人員和安全顧問，收集和分析最新的威脅情報，協助評估和測試安全控制措施，採用威脅知情的方法改變安全策略，並且在創紀錄的時間內回應事件。 盜取數據流程越來越快 隨不同行業陸續數碼化，尤其是應用程式增加時，攻擊點越來越多，Palo Alto Networks…

網絡情報組織 Cyber​​int 與英國 Financial Times 聯合進行的一項調查發現，有不斷擴充的黑客網絡，在 Telegram 上共享數據洩漏資料，有的頻道更擁有數萬訂閱者。研究更指，隨著這類消息應用程式成為暗網的替代品，Telegram 已成為網絡犯罪分子尋求購買、出售和共享被盜數據和黑客工具的中心。 Cyber​​int 的網絡威脅分析師 Tal Samra 表示，最近留意到網絡犯罪分子對 Telegram 的使用率大幅增加了 100% 以上，而對進行欺詐活動和出售被盜數據的威脅行為者中，Telegram 的加密訊息功能使其更受歡迎，因為它比暗網更方便使用。 今年初，WhatsApp…

唔知大家仲記唔記得，舊年10月美國《華盛頓郵報》沙特阿拉伯裔記者卡舒吉（Jamal Khashoggi）入咗沙特駐土耳其伊斯坦布爾領事館後下落不明，最後證實被殺呢單新聞？你可能會話，呢單嘢同資安界好似冇乜關係，不過隨住呢單案進入審訊階段，愈來愈多細節披露出嚟，先發現原來做開資安嘅公司係有另一條財路！ 正常嘅資安機構，最多咪做下防毒軟件，擋擋黑客同埋病毒程式之類，但係有部分嘅業務就複雜好多，好似NSO Group、Gamma Group、Hacking Team（呢間今年四月啱啱同另一間公司合併成為Memento Labs）等等，佢哋係專為各國政府提供軟件，偷取目標人物喺網上嘅所有數據（沙地記者當然係目標人物之一啦），雖然佢哋呢類生意唔多公開，但從唔同渠道獲得嘅資料顯示，呢盤生意查實幾和味！ 先舉NSO Group為例，佢聲稱自己2018年嘅總收入係2.5億美元，但係今年二月，一間英國私募基金Novalpina Capital收購咗佢大部分股權，作價就超過10億美元，可想而知，佢哋生意應該超過佢報出嚟個數啦！要了解佢哋盤生意點解咁大，當然要先知道客人係邊個啦，咁佢哋實唔會自己爆響口嘅，但又好衰唔衰，2015年一次大型數據外洩事件，其中部分數據就咁啱見到Hacking Team嘅客戶名單，當中包括沙地阿拉伯政府、FBI、馬來西亞反貪部門，同埋位於非洲尼日尼亞嘅巴耶爾薩州政府，一睇都知個個係尊貴客人，就解釋到生意額點解會咁大。 呢類生意唔係今時今日先有架喇，自從2013年發生斯諾登事件，全世界知道美國有個咁完善嘅電子監察系統，其他國家當然都想有個咁正嘅系統，於是出得起錢嘅政府，一係就請私人資安機構幫手，一係就索性高薪挖晒西方情報組織嘅前員工，希望洞悉各種加密技術同埋解拆方法，之前《紐約時報》就獲得阿拉伯聯合酋長國一間叫做DarkMatter嘅公司嘅人事部文件，發現佢哋請咗好多前美國國家安全局嘅前員工，就懷疑係後者嘅做法。 你話咁樣偷取個人資料到底合唔合法，條界線就真係好模糊嘅，因為就算上到法庭，都唔知點先可以舉證，就以最近一單為例，有個同埃塞俄比亞有連繫嘅美國人，懷疑埃國政府搵人監聽佢同埋佢嘅家人，但最後法庭都以監聽活動唔係喺美國發生為由，冇受理到單案件，從中可以見到舉證嘅困難。雖然陸陸續續都有人想施加壓力，例如十一月就有美國參議員提出議案，話要調查一下NSO Group，有冇做出危害美國國民嘅事，不過就算真係通過，查得嚟都蚊瞓，照目前情況睇，都應該未有乜嘢事可以威脅到呢類機構繼續賺大錢架喇！