歐盟委員會宣布，認為美國科技巨頭 Google 因在其廣告技術業務中，濫用主導地位，限制競爭對手的公平競爭機會，故對 Google 處以 29.5 億歐元（約 270 億港元）的罰款。此舉旋即引來美國總統特朗普的不滿，稱美國企業遭不公平對待，威脅將對歐盟加徵關稅作為反制。 想知最新科技新聞？立即免費訂閱！ 此次罰款，是歐盟對 Google 近十年來的第四次重大罰款。歐盟指出 ，Google 至少從 2014 年起，透過旗下的廣告平台及工具排擠並壓制競爭對手，削弱了市場的公平競爭。歐盟要求 Google 立即停止反競爭行為，並需在 60…

美國因為各種政治、經濟問題，先後將多國列入經濟制裁名單，除咗禁止採購對方嘅產品，亦向對方出口美國嘅產品加征關稅。不過，最近美國 FBI 一位網絡安全部門發言人 Richard Jacobs 就指出，制裁令嘅影響就係導致針對勒索或詐騙嘅網絡攻擊大增，目的就係填補因經濟制裁引致嘅損失，再支持黑客提升武器，形成不良嘅惡性循環。 Jacobs指出，調查顯示發動攻擊嘅黑客，大部分同被制裁國家有密切關係，雖然呢啲黑客主要來自四大國家，包括俄羅斯、伊朗、北韓及中國，但情報顯示正有擴大跡象，例如南美、中東及東南亞國家。被制裁國出動國家級黑客向美國企業進行各種攻擊，雖然仲有盜取科技、商業秘密為目的嘅個案，但針對金錢嘅攻擊就特別多，黑客會將所得嘅贖金及詐騙返嚟嘅金錢填補國庫，令被制裁國有錢可用，同時國家亦會支援黑客升級裝備，以發動更精密嘅攻擊。佢以最近一宗 9.5 千萬美元嘅轉帳詐騙為例，雖然大家都會恥笑受害人點可能靠一個電話及電郵，就相信對方真係上司而轉錢，但 Jacobs 話實際情況係呢啲騙案通常經過四個步驟以上，去搏取對方信任，稍為留神都有可能上當。 對於懷疑被騙或勒索嘅公司，Jacobs 話如果可以喺 48 小時內向 FBI 求助，都仲有機會制止轉帳或攞得返啲錢，但一過咗呢個大限，大家就唔使旨意仲可以攞得返。好似上述嘅個案，FBI 就幫受害公司截停咗 7 千萬美元，大大減少到損失。銀行業方面亦對情況表示擔憂，因為每次成功攻擊，造成嘅金錢損失高達一億美元，足以令被制裁國投入更多資源去扶植黑客為國家搵錢。…