勒索軟件事故頻頻，而且愈來愈大鑊，只計美國就有多個市政府、大學、醫院遭殃。最近南非第一大城市約翰內斯堡嘅電力公司 City Power 亦遭受攻擊，網絡系統、資料庫、應用程式全數被打包，更有部分用戶要忍受停電近 12 小時，非常濕滯。 City Power 透過 Twitter 公告，公司遭受勒索軟件攻擊，資料庫、應用程式及網絡系統均被加密，ICT 部門正在清除惡意程式及重啟所有受影響嘅應用程式。而受到今次攻撃影響，City Power 客戶無法透過預繳系統進行交易。雖然發電廠已經緊急調派人力維修，不過連系統都唔 work，所以維修進度大受影響。 最慘嘅係，出事之日，正正係南非大多數打工仔嘅出糧日，好多人都要趁出糧日去買下個月嘅用電，部分用戶被迫停電近 12 小時，而依家正值南半球嘅冬季，夜晚得攝氏幾度，真真正正叫雪上加霜。 據報導，現時 City…