Browsing: MaytheForcebewithyou

    萬眾期待嘅《Star Wars》終章 The Rise of Skywalker 已經上映,相信好多人都迫不及待想入場睇,但撲飛亦唔容易,而且依然有大量人慣咗上網有盜版睇。有咁大需求,黑客又點會放過呢啲機會呢?防毒軟件供應商 Kaspersky 最近就發表報告,指出針對《星戰9》嘅惡意攻擊開始暴升,黑客唔單只會用假網站扮正牌,以假亂真呃星戰迷登記做會員,更會用「搶鮮版」電影引粉絲下載嚟睇,星戰迷要小心防避喇! 其實利用受歡迎嘅電影作為魚餌,引誘網民上檔,已經唔係乜哩石破天驚嘅攻擊手法,甚至可以話係過晒時嘅招數,好似之前哈利波波或權力遊戲新一集推出前,都一定有呢啲攻擊,但唔知點解咁低級嘅手法點都玩唔爛,仲係有人中招。喺今次 Kaspersky 公布嘅調查結果上,就至少有 30 個以上網站及社交平台帳戶,利用星戰迷焦急嘅心情,話會免費喺新作上映前俾網民睇,但就必須先輸入信用卡資料,話免費但又收卡,極度唔 make sense 但都有人上檔喎。另外,Kaspersky 話截至報告發表前,至少有 83 個網民,由整到極度逼真嘅假官網,下載咗…