Browsing: Moto

    唔少人去餐廳或 cafe 嗰陣,都習慣將手機放喺枱面,方便隨時檢查下有無短訊或接聽來電。而為咗私隱問題,通常都會將屏幕朝下,咁就唔怕其他人(特別係另一半)睇到自己同邊個傳緊短訊,甚至係訊息內容啦!不過,有網絡安全專家指出如果手機啟動咗語音助手功能,放喺枱面呢個行為已足夠俾有心人奪取你部手機嘅控制權,暗中讀取你嘅私隱,最驚係可以用你部電話打俾其他人傾偈,而你係完全唔會發現㗎! 發現呢個漏洞嘅研究員,係來自華盛頓大學電腦科學及工程嘅 Ning Zhang,佢稱為 Surfing Attack 所利用嘅方法,其實只係人耳聽唔到,但手機收音咪就接收到嘅高頻音效,於是就可以暗中向手機嘅語音助手發出指令,例如讀取剛收到內有雙重因素認證(2FA)碼嘅訊息、甚至係用你部手機打電話同人傾偈添。研究員試用過市面上 17 部智能電話,包括 iOS 陣營嘅 iPhone,以及 Android 陣營嘅 Samsung Galaxy 等等,佢話只要將手機放喺枱面,無論將枱用金屬、玻璃、木作為材料,甚至喺 30呎外,都一樣可以通過枱作為媒介,將高頻音效傳送過去,而且正面或反面咁擺,都完全無問題,不過屏幕朝下就更難察覺手機運作緊咁解。…