Browsing: WhiteHacker

    疫境下全球失業率急升,但有幾個行業不受影響,如常運作,其中一個就係協助堵塞網絡保安漏洞嘅白帽黑客。 講到黑客,好似一定犯法,其實不然。有道德嘅一班高手,選擇向網絡保安服務商舉報漏洞,以前可能當響朵贏得一官半職,隨著網絡安全得到重視,賞金平台 HackerOne 開張大吉,一班白帽黑客就可以靠賞金過活。係咪好想知點樣入行?賞金行情?由曾黑入美國政府嘅 Tommy DeVoss、由程式員轉職嘅 Cosmin、HackerOne 首位累計過百萬美元賞金嘅 Santiago Lopez,三位全職賞金獵人向大家披露入行心得。小編將之總結成以下 5 大重點。 實質工作流程係點先? 要睇大量文件、熟用 Burp、Sublist3r、dnscan,亦要開發個人工具、不斷吸收最新網絡保安資訊、寫報告、搵出自己擅長嘅保安範疇與策略等。技巧方面,唔可以只參考一個黑客嘅工作方式,要喺唔同人身上偷師,融會貫通,建立個人風格。呢份工好花時間,有時埋門一腳會被人截糊,第 2 名係一蚊都分唔到,所以唔好以為真係篤吓電腦就有錢袋咁 naive,真係要有興趣「捉蟲」,保持好奇心,享受破解嘅快感,唔好下下用錢衡量付出。 收入有幾多? 一個有料嘅白帽,每星期做…