猛人巷．Jackie Kwong｜總經理的馬拉松人生　以運動心態領跑科技市場

鄺家麒（Jackie Kwong），Dell Technologies 香港及澳門區總經理。自小熱愛運動，游泳兼跑步健將，甚至曾參加全馬、三項鐵人、毅行者等比賽，從中培養出堅強、樂觀的性格，並應用在事業上。即使面對逆境， Jackie 卻睇得甚化，輕鬆笑道：「人生就係咁，有好多 Upside down，我反而覺得咁樣先好玩。」

自小習泳　代表學校出賽 

穿起西裝的 Jackie，原來非常運動型，讀書時已是學校泳隊成員，曾參加不少學界比賽並奪獎。在冬天嚴寒的年代，只有露天泳池，每逢放學下午五時多，太陽已下山之際，Jackie 還要冒著寒冬下水操練。練得的，原來不只一身好體格，還有一副好心態。

「我覺得運動帶畀我第一件事：樂觀」，眾所周知，運動能刺激大腦分泌「快樂激素」多巴胺，Jackie 更相信做運動的人心態會較積極開朗，「我永遠睇事物都會睇得好嘅一面，會欣賞人哋嘅優點」。做運動，最講求紀律及毅力，曾當運動員的 Jackie 亦通通有齊，他直言對自己及同事同樣講求紀律，甚至將這份堅毅帶到工作上。

花 8 年部署　終簽下大單 

在一間公司工作 21 載，Jackie 分享當年一件難忘趣事。當時他負責推銷儲存設備方案，曾不斷游說某大型零售企業轉用其品牌長達 8 年，惜對方一直堅拒。直到對方出現人事變動，讓早有準備的 Jackie 得以乘勢而上，至訂單接近完成之際，卻偏偏在簽約前出現「程咬金」，令訂單再次呈膠著狀態。

「如果比著係你，你會點做？」Jackie 反問記者，記者回應：「再約個話事人？」Jackie 笑言動用了 Sales 最後一招，透過情報，得知對方話事人將在開會前途經某處，「於是我喺嗰度等佢」。當時該話事人並沒有停低，只簡單打招呼，結果卻皇天不負有心人，訂單在那天簽成了。

Jackie 續說，他經常用這件事勉勵同事，「有時啲人話『呢件事冇可能』，其實冇嘢係冇可能，只係呢個 Timing 可能冇。如果你有信心去做，一定會有機會能夠回到生意。」

升任總經理　克服語言障礙 

在 Dell Technologies 擔任香港澳門總經理 3 年半，Jackie 坦言起初面對公司眾多資深同事，中心難免有點戰戰兢兢，於是主動與同事溝通，「作為一個 GM，我一定要有自己嘅 Vision，所以我會主動分享點解有呢個 Vision、點去 Execute」，逐步獲得同事認同。相信身體力行的 Jackie，熱衷與同事並肩作戰，然而身為總經理，總要放下部分工作予下屬，做到「Eyes on，hands off」，他解釋會視乎不同個案親自出馬，從中取得平衡。

與人溝通，語言最重要。對普通話零認識的 Jackie，每次匯報前，都會密鑼緊鼓地準備，將匯報內容反覆練習。經過三年特訓， 他自評其普通話水平由 20 分進步至 70 分，並滿意道：「當我克服咗啲困難同障礙時，都幾開心！」

參加毅行者　受傷堅持跑 

談到克服障礙，曾參與數次毅行者的 Jackie，憶述其中一次比賽，起初相當順利，惟跑到第五段時，體能突然下降致不慎仆倒，兩邊膝蓋流血，痛楚非常，「當時好擔心，因為毅行者要四個人一齊完成，驚連累到成組都要退賽」。幸而獲得隊友鼓勵，加上完成第五段後在補給站吃了碗粥，令 Jackie 得以重拾體能，用繃帶紮住傷口繼續衝，結果在 18 小時內完成全程，獲頒頂尖跑手專屬的「超級毅行者證書」。

「人生係幾有趣，好多時出現 unexpected 嘅事，你以為自己去到高峰，但又會突然 Drop。但當你 Drop 嘅時候，你就繼續做，總有一日你可以 Overcome 個難題。」關關難過關關過，Jackie 直言每日都面對不同挑戰，「好似今朝開會，成個市場都講緊 Hard Disk 會因為 AI 漲價漲得好厲害」，他認為遇上困難並不重要，重要的是自身的態度，能積極地面對困難，才是最重要的。

根據《IDC》報告，Dell 香港 2025 年在伺服器及儲存設備市場上，連續兩個季度位居首位，Jackie 期望能繼續帶領公司維持冠軍地位，並在客戶端裝置（Client device）上升至第二位。他坦言，深信 IT 值得發展，尤其踏入 AI 盛世，所有公司都需依靠 IT 去提升生產力，Jackie 希望可以透過活動連繫業界，鼓勵更多年青人入行，鞏固香港作為超級連繫人的獨特角色。