成日都話要加裝新一代電郵防護系統，究竟有幾重要先？答案係因為黑客經常搞新意思，用唔同手法避過傳統電郵防護之餘，減低你嘅警覺性，一唔小心 click 咗入面嘅連結，輸入的帳戶登入資料就好易被偷。好似新一波釣魚攻擊，就直頭喺真嘅官方網站上造假，問你點防備？ 根據 Cofense 最新的釣魚攻擊調查，發現有黑客開始利用一種常見於 Android 手機上、專門用作偷銀行或信用卡資料的疊影﹝overlay﹞技術。黑客首先會假扮成目標人物嘅 IT 部同事，發出電郵指佢嘅郵箱正被隔離，如果唔點擊連結登入，就會喺指定時間刪除所有郵件，令目標人物即刻做嘢阻止慘劇發生。 而當目標人物點擊連結後，就會跳轉去一個同佢相關嘅網頁如公司官網，舉例用緊 Microsoft 電郵，就會去到真正嘅 Microsoft Outlook 版面，再巧妙地喺上面覆蓋一個登入帳戶視窗，同時預先輸入目標人物嘅電郵，大大增加輸入資料嘅可信度。由於網站係原裝正貨，所以就算目標人物識得去檢查網址有無古惑嗰陣，都唔會查到啲乜嘢，結果就會信以為真，乖乖交出登入密碼。 在真網站上疊加假登入帳號視窗 好喇，咁加裝新一代電護防護工具又有乜用呢？我哋請教咗本地電郵安全專家 Green Radar，以旗下的…

釣魚攻擊（Phishing attack），絕對係成本低、回報高嘅熱門網絡攻擊。雖然釣魚攻擊仲可以分為魚叉式（Spear Phishing）及商業詐騙（Business Email Compromise）等，但由於係針對指定對象攻擊，黑客要投入更多時間去理解偽裝角色同受害人的關係，所以無釣魚攻擊咁普遍。一般嚟講，無差別攻擊主要係用作盜取帳戶登入資料，例如 Microsoft Office、PayPal 等等，黑客首先會偽造相關網站登入版面，再用電郵將連結漁翁撒網式寄出去，等待獵物上釣。一旦收件人誤信連結內容為真，就可能到偽造網站親手輸入自己嘅登入資料，黑客就可以入侵相關帳戶。受害人不單止可能遭受信用卡盜用損失，如果係公司帳戶資料，更會連累公司機密資料外洩添！ 為咗研究釣魚攻擊喺今年頭半年嘅特色，網絡安全公司 IRONSCALES 研究員就對相關嘅偽造登入網頁進行調查，結果發現頭半年有超過 5 萬個假網站，冒充超過 200 個全球知名品牌。其中被冒認得最多嘅 5 個品牌，分別係 PayPal、Microsoft、Facebook、eBay 同埋 Amazon，而…

透過人工智能技術編輯影片、相片或聲音檔案，達到以假亂真嘅 Deepfake 技術，由於效果實在太逼真，容易喺社會上散布虛假訊息，所以一直係全球政府及社交平台首要解決嘅問題。特別係美國總統大選在即，呢啲虛假訊息隨時可以令選情逆轉添！就喺呢個時候，Microsoft 宣布推出一套可以偵測 Deepfake 內容嘅工具 Microsoft Video Authenticator，借助人工智能去分析影片或相片中嘅瑕玼，再提供可信度俾用家自行判斷內容真偽，絕對有助打擊虛假訊息嘅散播。 點解 Deepfake 技術咁得人驚？因為佢都係利用人工智能深度學習嚟製造虛假內容嘅技術，一方面人工智能會自行產生愈嚟愈精細嘅內容，同時間另一組人工智能就會愈嚟愈精準咁識破虛假內容，喺兩套人工智能嘅競賽下，虛假內容自然愈嚟愈像真，好多時肉眼已分唔到真假。而 Microsoft 呢套工具，亦同樣使用人工智能技術，用咗 FaceForensics++公開嘅 1000 組 Deepfake 資料庫以及 Facebook…

https://www.youtube.com/embed/0m4w1cO4CsM?wmode=transparent&rel=0&feature=oembed Container（容器）技術是近年 IT 業界的新寵，其輕量化、共用資源、快速部署等優勢，深得開發者歡心。Cloud Native Computing Foundation (“CNCF”) 今年發表的一份調查報告更顯示，在 2019 年已有 84% 業內人士已採用 Container 技術，比 2016 年的 23% 大增三倍有多。雖然是大勢所趨，不過企業或 IT…

「你已被限制出境……」 嚟自「入境處」嘅預錄語音詐騙電話，相信大家聽完都唔會上當。但若然今日你收到電話，傳嚟老闆嘅聲音，指示你幫公司轉帳到其他戶口，相信唔少自稱 Small potato 嘅順命打工仔都會乖乖照做？殊不知⋯⋯一切都係黑客嘅最新釣魚攻擊— AI 偽冒語音術！ 咩係 AI 偽冒語音？ 之所以偽冒到其他人，原理在於人工智能的深度學習技術，有別「入境處」所用的傳統文本語音轉換技術（Test-to-Speech，簡稱 TTS），AI 系統每日只需分析一個人幾分鐘嘅錄音檔，湊夠兩個鐘就可以偽造出極似「真人」嘅合成語音。日常應用大家都應該唔陌生，例如 Apple Siri，Amazon Alexa，以及汽車導航系統等生活例子。 而黑客則將之演變為「語音釣魚」詐騙術！由於現時 AI 合成語音技術可謂垂手可得，想要各大軟件甚至製作 AI…

關於數碼轉型（Digital Transformation），以往企業的態度始終較保守，認為大多只是引入新科技，斬件式提升工作效率，未算有太大迫切性。不過在新型冠狀病毒爆發下，疫情持續超預期，無論是零售、飲食、娛樂、物流等行業均遭受打擊。與其坐以待斃，有本地企業主動出擊，構思出創新業務並通過數碼轉型實行，不單止在疫境中開闢新路線，更積極為拓展業務鋪路，待環境好轉時能快速起飛。 雲服務供應商阿里雲（Alibaba Cloud）於本月底首次舉辦的網上客戶分享大會「APSARA CHAT Hong Kong 2020」，便專為本地企業而設，內容除了介紹科技趨勢及應用外，更重要是邀請了本地 8 間企業夥伴，從營商角度出發，分享其數碼轉型的成功故事： AQUMON 近年投資應用程式陸續推出，投資者更易參與環球證券市場，投資顧問服務的重要性相應提高。本地初創企業及機械人投資顧問公司 AQUMON，便借助阿里雲的雲計算、大數據、AI 等科技，分析各投資產品的風險，迅速為客戶制定個人化投資組合，贏得客戶的信任。 MyTV Super Limited 社交媒體的興起，大大改變了廣告業界的生態，媒體要吸引企業客戶賣廣告，便要協助客戶簡化及縮短廣告的製作。MyTV Super 便借助阿里雲的大數據及人工智能技術，推出智能設計師服務，讓客戶毋須花費昂貴的排版設計費用，也能自動化創作吸睛的廣告，同時縮短冗長的製作時間。…

新冠疫情期間，醫療行業成為全城焦點，公眾除咗關注抗疫資訊，亦關心醫療機構嘅網絡安全性，事關佢哋掌握住顧客最敏感嘅私隱以及醫療科技機密，加上呢段期間黑客組織攻擊醫療機構嘅新聞瘋狂飆升，所以唔擔心就假。而作為醫療機構嘅網絡安全管理者，可以點做？ SolarWinds 嘅 Network Performance Monitor（NPM）監測方案，有助 IT 管理員了解問題所在，當中嘅 NetPath 工具會透過簡單嘅圖像化介面，清晰顯示點到點嘅連線情況，及早發現可疑嘅網絡連線。遙距工作期間，NPM 更有助掌握網絡設備及 VPN 加密傳輸嘅使用狀況，管理員可以更靈活調度網絡資源。 一站管理複雜 IT 架構 其次係監測醫療機構嘅 IT 架構，由於現時企業無可避免採用大量雲端應用服務，令 IT…

Fortinet 與中信國際電訊 CPC（以下簡稱CPC）攜手舉辦「疫境創新路」網上研討會系列，每集都會邀請商業創新者（business innovators）分享如何以創意開拓業務及協助其他企業疫境自強。繼珠寶商周大福及物流公司 cargo-partner 後，最後一集便邀請了在香港無人不曉的一站式餐飲方案平台OpenRice，分享其抗疫良方。 了解民情 貼地創意贏口碑 早前新冠疫情連續出現本地感染個案，不少市民為免受到感染，均自發減少外出，本地食肆的營業額因而暴跌。加上在政府實施社交距離措施後，不單止餐枱之間有距離限制，早前每枱顧客更不能多於四人，食肆的經營環境更是雪上加霜。作為有提供訂座服務的 OpenRice，也明顯受到疫情影響，OpenRice 董事總經理 Jan 說，現時平台上約有 25000 間商戶資料，當中約二千多間餐廳可利用平台直接訂座，但在疫情爆發及限聚令下，訂座率減少；不過，約一年前開始推出的外賣自取服務卻有所增長，「其實在抗疫措施前，我們已主動聯絡餐廳了解狀況，並即時在網站上刊登哪間餐廳有自發做隔離措施，或推出的各種優惠，希望可吸引市民幫襯。」而外賣自取是疫情下最能維持餐廳收入的服務，所以 OpenRice 由二月開始已免除所有收費，讓餐廳可全數「落袋」，共度時艱。 Jan 說 OpenRice…

到底網絡安全專才有多渴市？先跟大家分享一些數據。根據去年網絡安全機構 ISC2發表的一份調查報告顯示，65%企業或機構缺乏網絡安全專才。報告同時估計，大約需要 407 萬個網絡安全專才，才可以滿足全球企業或機構的需求，但實際上現時只得 280 萬個，反映專才嚴重不足。另一份 IT 行業薪酬調查報告亦顯示，香港的網絡安全專才收入相對較同行高外，亦預期每年可有 30% 增幅，相當有「錢」途。 無盡警報拖垮網絡安全 由此可見，企業或機構管理者正身陷極大窘境，既難以聘請足夠的專才處理網絡安全問題，另一方面亦擔心員工被挖角，導致網絡安全系統無人管理。事實上，企業高薪聘請網絡安全專才，原本是為了制定更完善的安全政策、定期審核安全架構的合規性等高層次工作，偏偏卻被繁瑣的日常工作所誤，例如一大堆由網絡安全系統發出的警報要處理，需要評估有否誤報、事件嚴重性、調查網絡攻擊手法、影響範圍、選擇處理問題的系統、上報處理建議並等待審批⋯⋯特別是現時不少企業採用混合雲架構，每天從公司內部、網絡、雲端應用匯集的數據極為龐大，警報數量同時大增，不單霸佔網絡安全專才大部分工作時間，令他們無暇進行更重要的工作，有報告更估計，50%安全威脅更會因此而遭忽視，令企業被攻擊的風險大增。 處理事件因人而異 面對著複雜的企業架構及龐大的數據流量，傳統的防毒軟件，或安全資訊及事件管理系統（Security Information and Event Management, SIEM）已不足以解決問題，因為 SIEM…

隨著落實粵港澳大灣區發展規劃綱要，連繫了11個重要發展的地方 (包括香港、澳門兩個特別行政區、廣州、深圳、珠海、佛山、惠州、東莞、中山、江門、肇慶九市) 規劃大灣區商圈，而香港更因地理優勢或國際化都會的美譽，與澳門、廣州、深圳成為大灣區發展的核心引擎四大中心城市。 各商城的電子商務發展步伐及需求都有所不同，港企要走進大灣區發展及開拓其業務，跨境數據穿梭往來是必然，亦使其曝露於網絡攻擊的機會大增；更會牽涉不同地方的法制，一不小心隨時會惹上法律責任。 各有各法　保障網絡安全 對於港企來說，業務經營的網絡安全主要受《個人（私隱）條例》及不同監管機構所規管，例如香港金融管理局或證監會。而國內或澳門都先後訂立當地的《網絡安全法》，對於在當地經營業務的企業，提出一系列的規管，包括安全框架、在地數據儲存、數據跨境流動、網絡安全審計等，這些規管與香港的存有差異，因此，無論是港商北上發展，或是國內企業來港拓展業務，都應先了解清楚當地的規管，避免「闖關」誤觸地雷招致損失。 網絡安全法對港企於大灣區商城發展絕對是一種保障，除了可增強通信網絡設施的安全可靠性，亦能提高數據資源保護的水平。現時網絡攻擊的手法日趨精密及複雜，各種類型的零日攻擊（Zero Day Attack）湧現，傳統的網絡安全防禦策略已無法應付；加上隨著大灣區的迅速發展，使網絡安全專才供不應求，更有進一步惡化的現象。加上不少企業為飲頭啖湯而加快了在大灣區商圈內的投資，而忽略了網絡安全，令黑客們更有機可乘。所以， 企業需要設置適合的網絡安全裝備，以應付多變的網絡攻擊。 最有效率的方法，莫過於委託熟悉當地法制的託管安全服務提供商（Managed Security Service Provider, MSSP）處理，不單可掌握更全面的威脅情報，為企業全方位監測網絡安全狀況，亦能確保符合不同地方的法例。不過，市面上有不少 MSSP 供應商，提供的服務看似一樣，其實內裏卻有很大的差異，如採用的科技、網絡安全專家的經驗和技術認可，企業需多加留意及比較，作出精明之選。 掌握攻防戰術 根據調查顯示，現時大灣區內每日約有 500…