人哋用得你嘅服務，梗係相信你可以守護佢哋嘅私隱，點知上載嘅相可以喺網上任睇，全無私隱可言，咁仲唔係虛假宣傳？Online Buddies 就係因為咁而被告喇。 網絡安全公司嘅研究員經常會進行一啲網上調查，分析一啲應用服務供應商提供嘅服務有無漏洞存在，因為服務供應商未必有足夠人手去監測自己嘅伺服器有無問題，所以當研究員發現到漏洞所在，就會第一時間通知對方修補，而喺漏洞修補後或對方過咗一段時間都無反應，先至公開漏洞等對方正視。一般嚟講，服務供應商都會即刻解決問題，以免影響用家嘅信心，或被黑客入侵造成更大嘅損失。 Online Buddies、Jack’d 共用儲存平台 除咗以上兩項風險，服務供應商仲有可能被執法機關起訴。美國紐約一個專門提供同性戀交友平台應用服務嘅公司 Online Buddies，喺上星期五就俾紐約州總檢察長 Letitia James 檢控，指出被告公司早年收購嘅 Jack’d 手機約會應用軟件存有誤導成分，令用戶相信其上載嘅相片有足夠私隱保護，可以防止被授權以外嘅人睇到，但被告一方卻對漏洞視而不見，收到報告一年都無修補漏洞，令用戶嘅個人私隱蒙受損失，結果判處罰款 24 萬美元，同時勒令 Online Buddies 要持續改善網絡安全程度。…

今個月中，Microsoft 為旗下 Windows 作業系統推出更新檔，用嚟修復一個重大嘅漏洞。呢個稱之為 BlueKeep 嘅安全漏洞牽連有幾大？只要睇 Microsoft 連已經停止支援嘅 Windows XP 及 Windows Server 2003 都照顧埋，就知可以好大鑊。而喺上個周末，網絡安全公司發現黑客終於出手喇！ 系統漏洞無法防避 網絡安全專家指出，編號為 CVE-2019-0708 嘅 BlueKeep…

WhatsApp 有重大保安漏洞，仲要係防禦不能，普通版同 Business 版齊齊中招，同埋唔理你係 iOS、 Android 抑或 Windows 作業系統，統統都走唔甩。唔想俾黑客無聲無息遙距安裝惡意程式，就要即刻將佢更新去最新版本喇！ WhatsApp 用家全部中招 WhatsApp 今朝新鮮熱辣公布，旗下各版本嘅應用軟件存有緩衝區溢位（buffer overflow）漏洞，可以俾黑客利用，喺目標用家嘅手機內遙距執行惡意程式，偷偷哋安裝間諜軟件。攻擊手法仲要相當簡單，只係透過 WhatsApp 嘅語音通話功能，無論目標手機有無接到來電，黑客已可利用緩衝區溢位漏洞，喺其他緩衝記憶區取得權限並執行指令，安裝一隻名為 Pegasus 嘅間諜軟件，而且事後仲可以刪除埋未接來電嘅提示，所以基本上係中咗招都唔會知道，認真大件事。 到底 Pegasus…

IoT 設備嘅種類極多，上淘寶隨便搵一下，好似 監控鏡頭 、智能門鎖、智能溫度計等等，平到二百幾蚊已有交易，碌下碌下見得意就會買返嚟玩下。不過，最近其中一款用於 IoT 產品嘅軟件 iLnkP2P ，就被發現存在極大漏洞，專家唯一嘅建議，竟然係買過部新嘅先得！ iLnkP2P 呢款軟件係由深圳一間叫做 Yunni Technology 所開發，網絡安全研究員 Paul Marrapese 指出呢款軟件被多間公司採用為旗下具備 監控鏡頭 嘅操作介面，包括 HiChip、 TENVIS…

IoT（Internet of Things, 物聯網）產品嘅漏洞多不勝數，雖然唔少有良心嘅廠商喺發現漏洞後好快會推出更新檔修補，但由於唔係自動更新，好多時都要用家手動處理，如果廠商無通知用家，其實用家好難發現。 最近一款喺 Amazon 及香港電器連鎖店有得賣嘅智能門鐘系統 Ring DoorBell，被 BullGuard at Dojo 研究人員發現漏洞，經 Wi-Fi 無線傳輸嘅數據因採用了較弱嘅加密技術，可以被黑客利用 VideoSnarf 攔截，了解屋主有幾多家庭成員、出門習慣，連以往俗稱現場監視嘅「踩線」都可以慳番，罪犯只須安坐家中，就可策劃爆竊、綁票行動。黑客甚至可以好似電影橋段一樣，插入一段虛假影像扮親友㩒門鐘，並發送到用家嘅專用手機 app 內，誘騙用家遙控開門。 Ring…

自「防火牆」面世至今的過去二十幾年裡，為了面對不同的網絡安全挑戰，市場也湧現很多不同的安全產品。有點像兵捉賊遊戲一樣，企業不停地修補漏洞，亦不斷地添置安全設備去加強防禦和監控。就算是大型企業，要投放大量資源去做好網絡安全，都會有點吃力。 安全服務供應商差異大 所以近年市場也興起把安全工作委託或外判給安全服務供應商，對於一些企業來說，也是一個選擇，但如何挑選合適的服務供應商仍是一個難題。首先，市場充斥著很多安全服務供應商（MSSP，Managed Security Service Provider），有本地 MSSP，也有外地 MSSP，其服務內容也林林總總，更有不同的 Service Level，價格也有很大差異。要認識清楚服務內容，實在不容易。再加上大部份 MSSP 所提供的服務範圍也處於前期階段，其質量和穩定性還需要時間來印證。 買車轉為 Call 車 由「產品」轉為「服務」是一個過程，也可以說是開闢了另外一個新市場。就如我們買車一樣：汽車是產品，汽車購買屬於一個市場，但需要接送服務的人，可以選擇 Call 車（像的士或 Uber）。用 Uber…