WhatsApp 有重大保安漏洞，仲要係防禦不能，普通版同 Business 版齊齊中招，同埋唔理你係 iOS、 Android 抑或 Windows 作業系統，統統都走唔甩。唔想俾黑客無聲無息遙距安裝惡意程式，就要即刻將佢更新去最新版本喇！ WhatsApp 用家全部中招 WhatsApp 今朝新鮮熱辣公布，旗下各版本嘅應用軟件存有緩衝區溢位（buffer overflow）漏洞，可以俾黑客利用，喺目標用家嘅手機內遙距執行惡意程式，偷偷哋安裝間諜軟件。攻擊手法仲要相當簡單，只係透過 WhatsApp 嘅語音通話功能，無論目標手機有無接到來電，黑客已可利用緩衝區溢位漏洞，喺其他緩衝記憶區取得權限並執行指令，安裝一隻名為 Pegasus 嘅間諜軟件，而且事後仲可以刪除埋未接來電嘅提示，所以基本上係中咗招都唔會知道，認真大件事。 到底 Pegasus…

世界衞生組織上星期發出指引，警告一歲以下小朋友唔可以接觸電子屏幕產品，而 2 至 4 歲小朋友每日亦唔可以睇多過一個鐘，否則會對小朋友發展有影響。家長為咗更有效率控制小朋友玩電子產品嘅時間，喺電子產品安裝 家長控制 應用軟件（Parental Control app）係其中一個最簡單嘅方法。不過，最近就有俄羅斯網絡安全公司，入禀控告 Apple 違法將呢類軟件下架，以打擊對手及壟斷市場！ 打擊對手壟斷市場 近年唔少研究都指出小朋友用得太多電子產品，例如兩年前香港大學曾有一項調查研究，指出小朋友接觸過多手機、平板等電子屏幕類娛樂，會大大增加小朋友嘅情緒問題或過動症問題，風險較一般小朋友高 23.2%或 32%。會對腦部發展造成唔同程度嘅影響，不過，唔少家長為咗令小朋友乖乖哋食飯或為自己換取一刻嘅安寧，都會借助呢類電子奶咀去吸引小朋友嘅注意力，而為咗幫家長手控制小朋友用電子產品嘅時間，App Store 上就出現大量家長控制應用軟件，通過設定限制使用時間，減少家長同小朋友之間嘅拗數。不過，最近俄羅斯網絡安全公司 Kaspersky Lab 就喺入禀法院，以反壟斷條例指控…

零售業是中小企業之中流抵柱，以現今科技，將小店轉化成智慧小店絕不困難，而且是必須的。實情是，大家的確正在運用各種科技改善店舖營運，簡單的如各種支付技術、POS 就是利用科技的例子。其實毋須想得太複雜，大家只要再走多一小步，就可以輕鬆參加智慧小店這個數碼轉型遊戲了。以下是今日一間「正常」小店的基本步，各位小東主，未做嘅，就要立即做。 前台基本做法 1）好好利用網絡資訊平台，就是今日小店營運的基本日常。客戶用手機搵店舖、地址、產品已是常態，未搞社交平台的小店要追落後了；2）升級收款技術，年輕消費群大多傾向使用移動支付，尤其強國顧客，所以收款方法要適當地拓展；3）店主不妨為小店加入適當的數碼流動裝置，一部平板電腦已經可以改善用戶體驗，亦可以收集數據；4）會員計劃數碼化，有數據顯示 81% 顧客會因為會員優惠再光顧，以往的會員卡、蓋印仔其實好麻煩，而最重要的是數碼化可以收集顧客的資料，一來可以了解客戶行為，二來方便日後做 promotion，各位東主請立即轉用數碼會員計劃。 要注意的是，科技發達促使越來越多人選擇網購，因此，實體店的購物體驗就變得非常關鍵。 後台基本做法 1）利用 Inventory Management Technology，即是不再依賴人手埋數，今時今日這些工作可以自動化，更可以做準確推算，如此你就可以準確掌握銷售及倉庫數據，入貨、推廣、計劃未來方向就容易得多；2）善用 POS 系統數據，不單可以知道日常的交易狀況，其實從 POS 系統可以睇到比想像中更多的啟示，將不同數據作 correlation，可以將時間、人力、店舖資源更好分配。 破除迷思：一定要搞網上商店？ 自己努力經營實體小店之際，身邊就個個都話要搞網上商店，當然倍感困惑：究竟有無需要開間網上商店？是否要同淘寶、天貓鬥平呢？大家滿腦疑問，不妨好好反思。…

眾多網絡攻擊點之中，端點是最令 IT 人員頭痛的，因為實在太多，而且越來越多，如何管理呢？所以要有 UEM（Unified endpoint management）。我地請教 IBM 香港資訊安全業務經理 Ricky Ho，為大家講講 UEM 嘅精髓。 了解隱藏成本是第一步 端點管理需要面對很多難題，Ricky Ho 指出，這些難題導致管理成本高昂，而且延伸更多隱藏成本。「首先是太多工具，有些機構甚至用上 20 個端點管理工具。然後是能見度問題，試問有幾多個 IT 能清楚知道公司總共有幾多個端點裝置？更枉論用緊哪個…

IoT（Internet of Things, 物聯網）產品嘅漏洞多不勝數，雖然唔少有良心嘅廠商喺發現漏洞後好快會推出更新檔修補，但由於唔係自動更新，好多時都要用家手動處理，如果廠商無通知用家，其實用家好難發現。 最近一款喺 Amazon 及香港電器連鎖店有得賣嘅智能門鐘系統 Ring DoorBell，被 BullGuard at Dojo 研究人員發現漏洞，經 Wi-Fi 無線傳輸嘅數據因採用了較弱嘅加密技術，可以被黑客利用 VideoSnarf 攔截，了解屋主有幾多家庭成員、出門習慣，連以往俗稱現場監視嘅「踩線」都可以慳番，罪犯只須安坐家中，就可策劃爆竊、綁票行動。黑客甚至可以好似電影橋段一樣，插入一段虛假影像扮親友㩒門鐘，並發送到用家嘅專用手機 app 內，誘騙用家遙控開門。 Ring…

FIDO 聯盟與 Google 剛於世界通訊大會（MWC）上宣佈 Android 取得 FIDO2 認證，用戶不再需要輸入密碼，就可以用手機及流動裝置登入 app 或網站。任何 Android 7.0 Nougat 或以上版本，更新 Google Play Services 就可以透過手機內建的指紋辨識感測器，或是 FIDO 標準的實體金鑰，登入支援…

唔知有無 Android 手機用家發現，最近啲 Data 數據用量好快乾塘，兼夾手機成日好似暖蛋咁熱？有嘅話就要小心喇，可能你部手機已裝咗藏有 DrainerBot 惡意廣告代碼嘅軟件，暗掗地幫你不斷睇廣告，每個月可以消耗 10GB 數據用量及不停為手機放電之餘，仲連品牌投放喺廣告上嘅預算都搾乾埋，好陰毒呀！ 講緊嘅係全球企業軟件供應商 Oracle 早前發現，一款名為 「DrainerBot」嘅惡意廣告代碼，開始喺 Google Play 上嘅應用程式內出現，佢嘅作用，係會自動向廣告供應商要求下載廣告影片，但只會隱形播放，絕對唔會喺應用程式內嘅廣告位上出現，所以大部分受害者好難發現已經中咗招，只會懷疑自己係睇片或玩 Facebook 時洗大咗。 除咗手機用家受害，就連品牌一樣被牽連，因為呢啲已被「機械人」點擊播放嘅廣告，當然需要品牌找數，廣告費用猶如直接倒錢入海。而更無辜嘅係，因為好多開發者只係將下載廣告嘅程式代碼直接放入應用程式內，經過今次事件，連商譽都損失埋，呢鋪真係全世界都輸，唯獨廣告供應商有錢落袋。 根據…

外國有研究指出，Google Play 上大約有 17,000 個 app，過份收集用家嘅永久識別碼，包括無法更改嘅IMEI裝置序號、難以更改嘅 Android ID，有可能違反咗 Google 嘅廣告資訊收集政策，亦令到手機用家無法有效消除自己嘅網上足迹，其中包括大受歡迎嘅 Clean Master、Flipboard、Angry Birds Classic 等等。 其實用瀏覽器上網或用手機 app，好多時大家都會發現入面嘅內嵌式廣告同自己好有關係，例如自己爬緊旅遊文，好快呢啲廣告就會變成平價機票、酒店格價網等資訊。咁貼身嘅設計，全因廣告公司採用「行為廣告」（behavioral advertising）模式，通過收集用家平時上網關注嘅內容，再push返對應嘅廣告內容俾客戶，既幫到廣告商接觸目標客戶群，消費者亦攞到比較有興趣嘅廣告資訊，本來真係可以話Win Win。 隨住社會人士開始注重私隱問題，用家擔心洩露以上嘅身份證明有潛在風險，因為…

小米米家電動滑板車以「自由穿行，一路美景」、「簡約幾何設計，1 分鐘輕鬆上手」、「30 公里超長續航」、「雙重剎車系統」、「便攜折疊」為賣點，售價 1,999 人仔，非常吸引。這款平靚正電動滑板車亦廣受用家愛戴，國內外米粉以此自由穿行，一路美景。 不過，《The Hacker News》收到手機安全公司 Zimperium 的報告，發現小米米家電動滑板車 M365 存漏洞，可讓黑客輕易控制電動滑板車，危害駕駛者性命。 隨 M365 電動滑板車使用的手機程式「智能管家」可以通過藍芽連接，化為儀表板，對當前騎行速度、剩餘電量等進行實時查看，對滑板車進行固件升級。手機程式亦可設定密碼、反偷車，更可發出指令，匹配設定的速度，作定速巡航。 「智能管家」可以通過藍芽連接電動滑板車，化為儀表板。 不過，研究員發現密碼設定只在手機程式端有效，而滑板車端並不作憑證狀態追蹤。如電動滑板車密碼設定不當，可讓黑客於 100 米範圍以藍芽發出未受權的指令。如黑客心懷不軌，可以發出非常危險的指令，令電動滑板車突然鎖車、加速、剎車，亦可載入惡意程式完全控制電動滑板車。 Zimperium…

資安產品評級網站 Comparitech 比較全球 60 個國家，並將日本評為全球最安全，阿爾及利亞則被評為最危險。 Comparitech 以下列七項作評分，分別是： 手機被惡意軟件感染百份比電腦被惡意軟件感染百份比金融惡意軟件攻擊數目Telnet Attacks 攻擊百份比（以發動國家計）Cryptominer 攻擊百份比網絡攻擊準備程度網絡安全立法更新程度 首 5 項以 2018 年內事故計算，而準備程度則以 Global Cybersecurity Index (GCI)…