黑客的攻擊招數多到離譜，簡單如上網睇戲、購物，都有極大可能踩地雷，可讓黑客暗裝惡意軟件，又或偷走信用卡資料。個人娛樂都算，最慘是現時工作已離不開在互聯網上搵資料，為免公司電腦中招，難道要禁絕員工上網？又或要由公司內聯網隔離一些電腦出來，只供員工上網搵料？瀏覽器隔離（Browser isolation） 技術的出現，就可讓人放心上網，同時又可令電腦免受黑客攻擊。這種技術就連美國國防信息系統局（DISA）亦會於明年全面採用，就知有多強勁可靠。 資安少林寺畢業生 瀏覽器隔離技術，可以簡單地理解為在完全隔離的虛擬機器上執行上網活動，就好似拆彈專家遙控機械人拆炸彈一樣，就算爆炸都不怕炸傷自己。Symantec 於兩年前收購的 Fireglass，其創辦人 Dan Amiga 來頭甚勁，他曾經是以色列國防部（IDF） 8200 部隊的成員，8200 部隊可說是資安界少林寺，很多少「畢業生」都曾經是著名科技公司的創辦人，包括 ICQ、Check Point、Wix、Imperva 等等。 Fireglass 創辦人 Dan Amiga（左）及Symantec…

當上網已成習慣，網民最講求上網要快要方便，最緊要唔使成日入密碼或做機械人認證，如果 Load 個網站要等多過三秒鐘？隨時已經無興趣再等。但你有無諗過，方便快捷嘅背後，你犧牲咗啲乜？就係付出太多個人私隱訊息，唔想咁可以點？ TOR 幫到你。 瀏覽器洩密真危機 成日講上網會洩露好多個人訊息，究意有幾多？講多無論，試下入呢個網站 （webkay.robinlinus.com）先。試完係咪好驚驚？抑或睇完都無乜感覺？不妨抽幾樣嚟睇睇。首先係地圖位置，如果罪犯掌握到你實時位置，即係知道你行蹤，唔單只女士會好危險，如對方有你屋企地址，更可以肆無忌憚等待良機爆格。 跟住就係用緊嘅上網裝置作業系統同瀏覽器版本，作業系統及軟件供應商成日叫大家更新系統版本，就係為咗堵塞一啲已知嘅漏洞，如果黑客知道你未更新，要攻擊你就容易好多啦。再嚟就係 Auto-Fill Phishing，如果你貪方便啟用咗，黑客有機會通過唔同方法例如 Cross-Site Scripting （XSS）嚟盜取你嘅登入資料，所以話如果你嘅瀏覽器透露咗咁多訊息，係咪好危險？ TOR網絡 遊花園消痕跡 如果你唔想乜都俾人𥄫實，可以點做？你可以試用 TOR（The Onion Router）洋蔥路由器。…

WhatsApp 有重大保安漏洞，仲要係防禦不能，普通版同 Business 版齊齊中招，同埋唔理你係 iOS、 Android 抑或 Windows 作業系統，統統都走唔甩。唔想俾黑客無聲無息遙距安裝惡意程式，就要即刻將佢更新去最新版本喇！ WhatsApp 用家全部中招 WhatsApp 今朝新鮮熱辣公布，旗下各版本嘅應用軟件存有緩衝區溢位（buffer overflow）漏洞，可以俾黑客利用，喺目標用家嘅手機內遙距執行惡意程式，偷偷哋安裝間諜軟件。攻擊手法仲要相當簡單，只係透過 WhatsApp 嘅語音通話功能，無論目標手機有無接到來電，黑客已可利用緩衝區溢位漏洞，喺其他緩衝記憶區取得權限並執行指令，安裝一隻名為 Pegasus 嘅間諜軟件，而且事後仲可以刪除埋未接來電嘅提示，所以基本上係中咗招都唔會知道，認真大件事。 到底 Pegasus…

講緊嘅唔係侵侵嗌停中美貿易談判引爆嘅華爾街股災，而係全球第二大暗網交易平台 華爾街市場（Wall Street Market）因為被歐美警方聯手搗破，搞到賣家及用戶人人自危嘅事件。今次行動能夠成功破獲呢個暗網（Dark Web）交易平台，原來全因一個管理員勒索用戶失敗，於是決定攬炒，將登入 華爾街市場 嘅資料公開，造就今次歐美警方嘅聯合行動大舉成功。 暗網保護基制隱藏身份 暗網交易平台，係指透過洋葱網絡（Tor）嘅層層隱身管道，成功製造出一個俾毒品、武器等違禁品賣家及買家聚集嘅網上空間，由於身份難以追蹤，所以全球警方要對付呢啲平台都唔容易，要喺上面販毒、售賣軍火、買兇都得，而平台就會收返啲服務費。當然為咗隱藏身份，就連交易都會用加密貨幣。 Silkkitie 被冚 華爾街市場 人流大增 今次歐美警方聯手搗破 華爾街市場 嘅行動雖然發生喺 4 月尾，不過，事件嘅導火線可以追溯至今年初芬蘭海關瓦解另一個暗網交易平台 Silkkitie 開始。由於芬蘭海關成功拉人封鋪，逼使原本喺…

世界衞生組織上星期發出指引，警告一歲以下小朋友唔可以接觸電子屏幕產品，而 2 至 4 歲小朋友每日亦唔可以睇多過一個鐘，否則會對小朋友發展有影響。家長為咗更有效率控制小朋友玩電子產品嘅時間，喺電子產品安裝 家長控制 應用軟件（Parental Control app）係其中一個最簡單嘅方法。不過，最近就有俄羅斯網絡安全公司，入禀控告 Apple 違法將呢類軟件下架，以打擊對手及壟斷市場！ 打擊對手壟斷市場 近年唔少研究都指出小朋友用得太多電子產品，例如兩年前香港大學曾有一項調查研究，指出小朋友接觸過多手機、平板等電子屏幕類娛樂，會大大增加小朋友嘅情緒問題或過動症問題，風險較一般小朋友高 23.2%或 32%。會對腦部發展造成唔同程度嘅影響，不過，唔少家長為咗令小朋友乖乖哋食飯或為自己換取一刻嘅安寧，都會借助呢類電子奶咀去吸引小朋友嘅注意力，而為咗幫家長手控制小朋友用電子產品嘅時間，App Store 上就出現大量家長控制應用軟件，通過設定限制使用時間，減少家長同小朋友之間嘅拗數。不過，最近俄羅斯網絡安全公司 Kaspersky Lab 就喺入禀法院，以反壟斷條例指控…

雲轉移 是現時工商界的熱話，特別是起步較遲的中小企，或多或少都會考慮選用哪種雲端服務，以提升競爭力及降低營運成本。不過，網絡保安專家提醒管理層在決定選購某一種雲服務前，必定要做好風險評估，同時認清所需服務的內容，避免採購後才發現不適合公司使用，最後只會徒然浪費金錢，同時亦達不到預期效果。 雲轉移 不簡單 「從事網絡保安工作接近二十年，最常見的情況是管理層在選購科技應用產品時，通常不會想到要聽取公司內部的 IT 或 網絡保安人員的意見，而是參考現時同業愛採用那一款產品，然後便要求技術人員配合使用。」網絡安全產品供應商 eWalker 首席顧問楊思聰 （Ricci）指出，欠缺溝通的情況除了是思慮不足，很多時還因為採購準則以價格為優先，管理層又不熟悉產品的技術規格，以致選用的產品難以與公司使用的系統順利磨合，「例如以現時雲端數據轉移為例，即使 IT 同事發現產品不合，由於已沒有轉圜的餘地，便要夾硬將數據放上雲端，但轉移及運作過程中出現的問題卻以解決。」 服務與需求偏差 造成這種現實與預想出現割裂的原因，Ricci 說主要跟管理層輕視了雲轉移的問題有關，「他們以為雲轉移就是將數據放上雲，用什麼方法、有什麼風險，在事前均沒有詳細檢討。以經營網上購票為例，有客人選用了伺服器設於美國的大型票務系統供應商，以為一定穩陣，卻沒有考慮到強如 Google、Facebook 也會有 down 機的時候，所以如果連接美國的線路或遠在美國的供應商系統出現問題，他們便無法做生意，就只能被動地等待問題被解決。」他說如果管理層在一開始已向技術人員了解所需的服務細節，就可減少出現以上的問題。…

美國電腦網絡危機處理及協調中心 CERT 日前公布，多家廠商推出嘅企業 VPN （Virtual Private Network，VPN）服務存有安全漏洞，名單中更不乏大品牌，例如 Palo Alto 、Cisco、F5 Networks、Pulse Secure 等。以為企業級 VPN 就等於 100% 安全？咪傻喇。 平民百姓用 VPN ，無非都係為咗翻牆或藏匿自己嘅數碼足跡；而企業用…

眾多黑客攻擊中，勒索軟件（ransomware）絕對是任何人都聞風色變的一種，因為其破壞力快且狠，一中招即時會將電腦內的檔案加密上鎖；受害者即使肯交贖金，也未必能從黑客手上換回解鎖法。勒索軟件能夠如此肆虐，有專家指全因加密貨幣（cryptocurrency）的興起，讓黑客找到安全的經營模式，減少被逮捕的風險。 加密貨幣 收贖金難追蹤 根據資訊安全研究機構 CyberSecurity Venture 估計，2019 年期間，每 14 秒就會有一個機構成為勒索軟件的受害者。看似誇張，但踏入 2019 年後其實已多次發生勒索軟件事件，例如美國加州橙郡的政務機關、挪威全球最大鋁業公司之一海德魯公司（Norsk Hydro）先後中招。「近兩三年來勒索軟件個案的確大增，相信是黑客看中交易難以被追查的加密貨幣，可保障他們順利收到贖金，再加上要求的技術很低，甚至可在暗網以百多元購得勒索程式，成本低效率高，所以才會有這麼多勒索軟件攻擊出現。」本地著名研究團隊VXRL的成員 Boris So說，以往黑客都愛用 Bitcoin 收贖金，但由於現在已有可能追查出收款人錢包地址，所以黑客便轉而用 Monero（門羅幣）或 ZCash。Boris 說通常不會建議受害者交贖金，因為部分黑客根本沒有打算提供解鎖方法，例如…

每逢有網絡保安事故，本地傳媒都會即時搵保安專家評論事件。這些被行家視為「傳媒好友」的專家不多，因為解答不單要快，意見亦要準確簡短，才能幫助記者搶先報導事件。如果言論能再帶有一點幽默感，自然更易成為傳媒寵兒。香港互聯網協會網絡保安及私隱小組召集人楊和生就是其中之一，原來當初他踏入電腦界全因為懶，誰不知現在卻是最忙的職業。 輸在起跑線 早於 1990 年讀大專一年級時，楊和生已開始接觸電腦，「那時讀電腦工程，喜歡寫電腦程式只因為懶，因為發現有很多重複性的工作毋須人手處理，例如要處理一大堆文件檔案的排版，其實只須編寫簡單的程式，就可交由電腦自動執行。」令他沉迷鑽研電腦程式的原因，除了他宅宅的沒有其他嗜好，還與他的電腦設備輸在起跑線有關，「以前無錢，所以第一部電腦的硬件配備比同學差很多，例如別人的電腦用 386 （Intel 處理器型號）、1MB RAM，我就只用 286 及 640KB RAM，連電腦屏幕也只得黑白。」眼見朋友的電腦可以做到很多東西，楊和生亦想試試自己那部弱弱的電腦可否做出接近的效果，所以便花了很多時間練習寫程式，蒲深水埗黃金電腦商場買書自學一些破解技術，「當時完全無黑客的概念，只是有興趣試試修改程式，例如修改電腦遊戲內的生命值、武器防具等，雖然自己完全沒有打機的嗜好……」 後來有朋友移民美國，楊和生為了保持通訊而連上互聯網，才從不同渠道認識黑客這回事，「不過那年代接觸的黑客技術並非以破壞為目的，只是大家互相分享一些程式的漏洞，例如當時互聯網供應商使用的 FreeBSD 作業系統，就有各式各樣的破解玩意，雖然有些成功有些失敗，但我已可讀取到其他用家的電郵地址及內容。」掌握到這些個人私隱，有心人其實已可利用來進行社交工程（Social Engineering）攻擊，楊和生則笑說可能自己沒有犯罪基因，所以即使讀取到伺服器內的電郵內容，也僅僅是滿足了自己的成功感，未能發現偉大的「錢途」。 大專時經常蒲黃金的結果，就讓楊和生認識了一班「砌機佬」，後來其中一個相熟的店員在商場內另起爐灶，順理成章便邀請他一同開檔。「那時賣電腦很好賺，一套電腦可賺取四成利潤，有時講價可以減到幾百蚊，不似現在只賺到百多元，想平幾蚊都難。」賣電腦的好處，就是可以接觸最新的電腦資訊，同時以平價入貨，「所以第二部電腦已是當時頂級的 486，一下子由最慢變成最快。」無論上學或兼職都與電腦有關，讓他打穩了電腦編程的根基，所以出來工作後，編寫程式的技術及速度亦較人高及快。 隱密攻擊…

全數被刪！收費電郵服務供應商 VFEmail 周一於網站首頁公告，遭受災難性催毀！所有資料通通被洗劫一空！ VFEmail 官網聲稱遭受一名黑客「[email protected]」攻擊，並將於美國的所有資料包括原始資料及備份資料全數刪掉，現時電郵系統已重啟，唯只能提供非常基本的功能。VFEmail 已積極搶修，但似乎未能救回資料，以及用戶信心。 美國用戶開啟電子郵箱，將會發現郵箱空空如也！ 網站首頁以紅色字款標示遭受洗劫，並宣告新電郵系統已重啟，新收件箱、Webmail、Note-mailbox 已從新運作。但只能提供基本功能，並非有過瀘功能，沒有垃圾郵件過濾，用戶可自行啟動 Horde 過濾。VFEmail 警告免費用戶切勿嘗試發送電郵！亦無法保證美國用戶現有的電郵情況。如有電郵客戶，亦切勿嘗試搶救！如果將電郵客戶重新聯繫到新郵箱，本地郵箱即會遺失！網站警告各位「後果自負」！ VFEmail 官網首頁公告災難。 據報導，VFEmail 亦未收過任何勒索或警告，攻擊是在無任何預警之下的突襲。 VFEmail 由 Rick Romero…