新冠肺炎的疫情令很多本地企業實行遙距工作，香港互聯網註冊管理有限公司 (HKIRC) 早前就「香港遙距工作網絡安全應用調查」進行調查，探討遙距工作在香港的市場發展前景，以及其與網絡安全的密切關係。HKIRC 於八月中以電話及網上問卷形式，向本港企業和市民進行訪問，成功收集了近 1,800 份問卷，受訪者來自金融、資訊科技、教育及物流等不同行業，結果發現遙距辦公在商業環境中已被廣泛採用。 調查顯示，64% 的受訪企業已採用遙距辦公，比一年前增加了兩成，而近八成的受訪者亦指過去半年開始進行遙距工作。而企業在實施遙距辦公時，需要用到各類應用工具，其中有六成人以視像會議作為遙距工作的主要應用工具，惟企業及個人受訪者均表示，他們對於遙距工作最關注的是網絡安全風險和資料外洩，受訪者亦對遙距工作下的支援指導，以及網絡安全意識不足兩方面表示憂慮， 因只有約四成的中小企業曾向員工提供遙距工作指導 (42%) 和網絡安全資訊 (41%)，個人受訪者甚至表示，在過去的 6 個月中，只有 30% 人曾接受過相關培訓，僅 13% 人有接收有關的資訊， 反映實施遙距工作與企業政策執行間存在差距。 大部分企業及個人受訪者 (80%) 均認同遙距工作在未來將會越來越普及，並期望見證公司發展奏效的遙距工作模式以及數碼轉型。而為配合遙距工作及數碼轉型的發展，逾六成公司及個人受訪者表示，希望從公司獲得更多網絡安全的資訊。 香港互聯網註冊管理有限公司行政總裁黃家偉先生表示，新興的遙距辦公趨勢已經逐漸喚醒了企業將網絡安全列入其業務風險的議程上，亦反映出員工對網絡安全和遙距工作的指引不足感關注，他建議，公司應採取積極主動的方式，推出健全及具網絡防衛的措施及指引。 香港互聯網註冊管理有限公司主席陳細明先生相信，未來將有更多有遠見的公司會繼續實行遙距工作，並在這方面為支援員工作出努力，而香港互聯網註冊管理有限公司作為香港重要的網絡發展基礎，營造一個安全的網絡環境，以促進香港網絡的持續發展，並會推動數碼化轉型，提升中小企及企業的競爭力。

美國總統大選在即，Trump 雖然經常抨擊對手 Biden 低智商，但今次 Biden 終於可以盡情恥笑 Trump，事關侵侵的 Twitter 帳戶最近被踢爆無用 2FA(two-factors authentication) 之餘，更有安全專家在5次機會內猜出他的帳戶登入密碼，發圖證明自己成功進入侵侵帳戶，認真無面。 成日用 Twitter 發表自己政見的侵侵，帳戶有八千幾萬人關注，影響力非常大。早前侵侵的帳戶未有成為 Twitter 加密貨幣欺詐事件受害者，等大家以為他及 Twitter 在保護帳戶上做好功夫，不過，四年前曾成功進入侵侵帳戶的荷蘭安全專家 Victor…

釣魚攻擊（Phishing attack），絕對係成本低、回報高嘅熱門網絡攻擊。雖然釣魚攻擊仲可以分為魚叉式（Spear Phishing）及商業詐騙（Business Email Compromise）等，但由於係針對指定對象攻擊，黑客要投入更多時間去理解偽裝角色同受害人的關係，所以無釣魚攻擊咁普遍。一般嚟講，無差別攻擊主要係用作盜取帳戶登入資料，例如 Microsoft Office、PayPal 等等，黑客首先會偽造相關網站登入版面，再用電郵將連結漁翁撒網式寄出去，等待獵物上釣。一旦收件人誤信連結內容為真，就可能到偽造網站親手輸入自己嘅登入資料，黑客就可以入侵相關帳戶。受害人不單止可能遭受信用卡盜用損失，如果係公司帳戶資料，更會連累公司機密資料外洩添！ 為咗研究釣魚攻擊喺今年頭半年嘅特色，網絡安全公司 IRONSCALES 研究員就對相關嘅偽造登入網頁進行調查，結果發現頭半年有超過 5 萬個假網站，冒充超過 200 個全球知名品牌。其中被冒認得最多嘅 5 個品牌，分別係 PayPal、Microsoft、Facebook、eBay 同埋 Amazon，而…

不嬲用慣 WhatsApp 嘅香港人，經過過去一年多嘅洗禮，反而用多咗 Telegram ，特別貪佢保密度高，有限時閱讀等功能，不過呢啲特點亦令 Telegram 成為雙面刃，繼早前韓國「N號房」事件，揭發有犯罪集團利用 Telegram 進行色情活動，有安全軟件研究團隊最近亦都發現，一個叫 Magecart 嘅黑客組織就利用 Telegram 嚟竊取信用卡資料。 黑客集團過往會透過攻擊購物網站，注入惡意程式，然後偷取顧客信用卡資料，因為而家好多網站都會大量使用第三方收費系統，或者一啲擴充功能，又無定期更新呢啲服務，有漏洞都未必可以即時修補，令黑客可以利用呢啲漏洞輕鬆做到 Card Skimming（信用卡側錄）或者 web skimmers（網頁側錄），買家嘅帳戶無意中就會被盜用。 而今次 Magecart…

好多企業都會選用 public cloud，唔使配置硬體設施，只要支付所需服務同容量嘅費用，就享用到伺服器等級嘅運算資源。雖然方便，不過有調查顯示，public cloud 存在安全隱憂，容易遺失或洩漏數據。根據 Sophos 嘅《2020年雲端安全狀態研究》，過去一年有 70% public cloud 企業用戶曾出現安全漏洞，Security Vendor 更指出亞太地區遭受攻擊嘅比例最高。當大家以為享受緊大企業級嘅雲端服務，其實同樣承受住安全風險，隨時遭受網絡攻擊。 調查由 Vanson Bourne 進行，訪問咗全球 3521 名 IT…

見到手機系統更新提示，諗都唔諗就即刻跟住裝嘅人，都好難唔話你蠢，因為有經驗嘅人都知隨時會「跟車太貼」，新版本反而會有新嘅 bug，睇埋坊間實測先更新都未遲，而家仲多個理由添。網路安全公司 Threat Fabric 就發現，新型木馬病毒 BlackRock 會扮成 Android 系統更新通知，呃用家啟動程式然後入侵手機，最嚴重可以令手機入面多達 337 款 App 嘅資料外洩，當中包括 Gmail 、 Facebook 、 Instagram，甚至好多都係銀行 App 。…

以前中咗勒索軟件（Ransomware），衰到極最多都只係攞唔返啲資料，但自從勒索軟件轉咗新玩法，喺鎖死電腦檔案前會先偷走所有數據，一旦企業企硬唔俾錢，黑客就可以用公開資料嚟加強勒索力度，所以勒索軟件就唔再係攞唔返資料咁簡單，隨時觸犯私隱法之餘，亦會大大力打擊商譽，企業關公真係想兜都兜唔返㗎！ 勒索軟件之所以咁乞人憎，係因為採用嘅加密演算法好難破解，再加上好多時企業都無做好 backup，所以一旦內部檔案被加密，企業本身係無能力還原，應對方法之一係當成個系統被砍掉重練，否則就要乖乖被贖金，期望黑客有「良心」送返條解鎖 key 俾你。瀨得嘢多，唔少企業都學識 backup 嘅重要性，搞到黑客搵少好多，於是黑客自然識得變招，除咗會攻擊埋企業嘅儲存裝置或雲端備份，仲會喺發作前盡量將資料偷走，用嚟加強威脅性，就算唔肯俾解鎖費，都要受害企業俾掩口費刪除外洩資料，否則就會喺黑客自己營運嘅網站上公開機密資料，好多時都包括被害公司嘅財務檔案、客戶及員工私隱資料等等，好似之前我哋報導過嘅 Bossini 事件咁，就有大量商業機密同客戶資料網上見嘞。 正因為黑客轉咗玩法，所以有企業已提升咗勒索軟件攻擊嘅應變態度，唔再選擇收收埋埋，轉而當成資料外洩咁公開，一來有啲公司嘅客戶屬歐盟成員國國民，所以受 GDPR 法規約束要通報；二來由於黑客會事先披露，一定有傳媒查上門，如果企硬否認，只會惹來強烈抨擊，進一步損毁商譽，後果等同搬石頭砸自己隻腳，所以有理由相信會有愈來愈多企業企出嚟承認受到襲擊，香港同業亦應該盡快調整一下緊急應變措施喇。 資料來源：https://bit.ly/38MU7PX 相關文章：【大件事】Bossini、c!ty’super成為勒索軟件攻擊目標？

資料顯示，預計 2022 年因網絡罪案導致嘅經濟損失達 8 萬億美元，每一宗資料外洩令企業損失近 400 萬美元，企業鬥創意鬥效率鬥專業時，仲要鬥安全，呢方面已經成為各行各業共識，所以資安人才相當渴市，搶人難，管理又煩，而一味靠人搵漏洞，係咪 21 世紀最有效手段？再加埋 5G 帶動 IoT 同埋新冠掀起 Work From Home 潮流，未來嘅資安挑戰只會更大。PwC 最近推出 Ethical Hack…

絕大部分人都會用社交平台，所以有時企業喺請人前，都會去求職者嘅帳戶，去了解多啲對方平時嘅行為，再決定係咪聘用。為咗應對呢啲招數，有人會開個假account，但間唔中都要出吓嘢；亦有人會為社交平台大清洗，去打造一個假嘅自己，不過其中港人比較熱愛嘅Facebook，喺刪除舊Posts嗰陣要逐條搞，如果要刪除好舊嘅Posts就更加嘥時間去scroll落底，一個唔好彩㩒錯掣，隨時仲要重新再scroll過添！有時真係成個account刪除仲簡單。 為咗方便用家清洗舊Posts，Facebook新推出 Manage Activity 功能，只要喺個人版面度揀「活動記錄（Activity Log）」，就可以搵到「管理動態（Manage Activity）」選項，之後一次過點選晒所有要處理嘅Posts，跟手就可以決定要封存（archive）定係刪除（delete)佢哋。封存會幫你收埋晒點選咗嘅Posts，日後仲搵得返，而刪除就會打包放晒入垃圾桶，喺30日冷靜期過去後都無救返出嚟，就會永遠消失㗎喇。最窩心嘅功能，係設有Filter俾大家搵返指定時間、用戶嘅Posts，唔使大家撥屏幕撥到手軟。 呢個管理功能暫時只係開放俾手機 app 使用，但 Facebook 方面就話網頁版亦會好快推出，如果有嘢要趕住清，就快啲去更新 Facebook 嘅手機 app 喇。 資料來源：https://bit.ly/2XWxQdn 相關文章：【詐騙風險升溫】1/3港人Facebook帳戶資料外洩

企業要避免業務資料外洩，特別是高機密性的知識產權、電子交易、財務數據、客戶私隱資料等，採用數據加密技術是其中一個最安全的方法。早前硬體安全模組供應商 nCipher Security 與 Ponemon Institute 聯合發佈了一項名為《2020香港加密趨勢研究》調查報告顯示，原來港企在採用加密技術的比例上，遠高於全球平均水平，出發點更並非為了滿足合規要求，而是要保護客戶個人資料及知識產權！ 今次研究一共訪問了來自17 個市場或地區、於不同行業工作的6,457 名資訊科技專業人員，而關於香港的調查報告，則訪問了267名本地資訊科技專業人員。在全球眾多受訪地區中，香港為企業使用加密技術比例最高的地區之一。六成受訪港企表示已制定統一的加密計劃或策略，遠高於全球近五成的平均水平。 採用數據加密技術的原因，有72%受訪者回應是為了「保護客戶個人資料」，令有70%為「保護知識產權」，兩者均比全球平均水平高18%。相反，港企為滿足「合規要求」而採用加密技術的比率，卻比全球平均水平低17%。同時間，報告亦顯示港企在數據加密技術方面所遇到的問題，分別有57%及24%受訪者在「技術部署」及「人才培訓」上遇到挑戰。 報告內其他主要調查結果包括： 「員工疏忽」為洩露機敏資料的最大威脅（50%），其次為「黑客入侵」（34%），以及「系統或處理過程故障」（30%）。港企最有可能加密的數據包括「知識產權」（68%）、「醫療保健資料」（66%）及「員工 / 人力資源記錄」（57%），其比例均高於全球平均水平。「非金融業務資料」（27%）為最不常被加密的數據。儘管78%的受訪者知道HSM，但僅有34%的企業使用HSM，比全球的平均水平低14%。最常見的HSM用例為SSL / TLS（46%）及公共雲端加密（37%），包括自帶金鑰（BYOK），兩者均與全球的平均水平相若。76%的受訪企業計劃於未來12個月為SSL / TLS部署使用HSM，比全球的平均水平高出約三成，為全球最高。 報告下載：https://bit.ly/2ZL2FEi…