俾人搞而唔還拖，原因有好多，例如唔夠打、俾人揸住痛腳、人哋有財有勢……等等。仲有一樣，就係好想賺佢啲錢，所以唯有忍一忍先。 最近澳洲政府嘅舉動，就可能屬於後者。路透社引述消息人士指，當地情報部門已經確認年初多宗黑客入侵事件係中國黑客所為，不過為咗唔好損害兩國貿易關係，所以唔打算公開調查報告內容！ 重溫一下劇情先，話說今年三月，負責網絡情報嘅澳洲國防通訊事務部（ASD）出咗份調查報告，確認喺二月澳洲國會同埋三個主要政黨（自由黨、國家黨及工黨）俾黑客入侵，當時總理 Scott Morrison 話由於五月大選就到，咁敏感嘅時勢唔適宜公開具體細節，表示等大選完咗先再講。 可能總理以為咁就過到骨，點知傳媒衰在記性好。路透社近日就接到報料，話其實份報告寫得好詳細，發現黑客所用嘅程式碼同埋入侵手法，同中國黑客過去嘅手法一模一樣，所以幾肯定佢哋係幕後黑手。路透社之後向總理辦公室同埋中國外交部求證，前者直接拒絕回應，而後者就例牌否認，兼且重申中國都係網絡攻擊嘅受害者！ 消息人士指 ASD 建議調查報告內容要保密，原因只有一個：錢！因為中國係澳洲最大貿易夥伴，係澳洲鐵礦石、煤炭同埋農產品嘅主要買家，佔澳洲出口總額超過三分之一，每年仲有過百萬觀光客同埋留學生前往澳洲，條數都幾襟計，所以將網絡安全同國家收入秤一秤後，就選擇噤聲嘞。 雖然唔知消息真偽，但老實講澳洲近期都有唔少針對中國嘅動作，例如禁止外國政治捐款，同埋禁止電訊設備製造商華為參與當地 5G 網絡建設，已經令兩國關係差咗唔少，如果爆埋呢單就可能真係會影響邦交。之不過，如果真係好似調查報告所講攻擊過三大政黨，相信佢哋都唔會咁易放過總理嘅。 資料來源：https://reut.rs/2lPGQ4H

如果問未來最矚目嘅流動通訊科技係乜，十居其九都會答5G同埋物聯網（IoT），華為創辦人任正非月初接受英國《金融時報》訪問，都話美國佬搞完佢哋嘅5G後，下一個戰場就係物聯網，就知呢兩樣嘢幾咁受全世界重視。 不過物聯網有個好大嘅問題，就係物聯網嘅概念係將所有本來上唔到網嘅死物，都搞到佢哋可以駁晒上網，以前就算只得電腦同埋手機可以上網，要搞網絡保安已經唔容易，而家仲所有嘢都上晒網，黑客要入侵更加易而反掌。 舉個簡單例子，之前聽行家講過，有個中小企客俾黑客入侵，check晒全公司網絡都搵唔到個漏洞，最後結果發現原來佢門鎖係連住物聯網，但係因為要識別員工資料，所以又連咗上公司個數據庫，就係咁出事……試想像一下如果公司有幾樣嘢都用緊物聯網，情況會幾失控。 歐洲一間認證機構digital.security就諗到條橋，幫出品物聯網設備嘅公司做認証，只要產品出廠前俾佢哋做25至30個測試，確保產品無論連接其他物件、互通訊息嘅協定、連接嘅伺服器，以及產品內置嘅應用程式，都唔會有保安漏洞，而成個過程會聘請獨立資訊保安專家嚟評估，通過測試就會喺產品貼上IQS（IoT Qualified as Secured）嘅標誌，為期兩年，兩年後要再拎返嚟重新測試先可以續牌，過程都好嚴格，以後要添置物聯網產品時，就記得睇下有冇IQS標誌先好買！

由網絡安全解決方案分銷商安領國際（Edvance International） 主辦的 Beacon 2019 安全峰會，已於上星期五於 The Mira 酒店舉行。為應付進化不斷的網絡攻擊，相信已令不少網絡安全從業員疲於奔命，企業管理者亦因擔心可能會導致數據洩露，或影響系統穩定而造成財務損失，同樣承受著巨大的心理壓力。面對如此困境，實在不可繼續一味挨打，正所謂「知識改變命運」，所以今次大會的主題便是「Light up the way to fight evolving cyber threats」，通過邀請安全專家及解決方案供應商到場演講及作產品示範，讓 200 多位入場人士撥開迷霧，看清匿藏於暗處的威脅，掌握可供使用的武器，於網絡安全戰場上有力轉守為攻。 安領國際行政總裁兼執行董事李崇基指出不少企業管理者雖願意投入更新資源在網絡安全之上，但卻因了解不深而無法開展。…

上星期四至日，香港電訊（HKT）於觀塘啟德郵輪碼頭舉辦 5G 科技嘉年華，大包圍式將 5G 科技應用及智慧城市技術曬冷！嘉年華分為七大展區，包括 5G 及智慧城市、企業方案、金融科技、全球網絡、革命性生態系統、流動方案及智慧生活，由生活、教育、個人健康管理等各方面，展示 5G 應用概況。而在眾多網絡科技中，其中一個最令人關注的項目，自然是上月從運輸署手上取得、價值 6.8 億元智能停車收費錶系統合約，預計今年底就會開展工程。作為車主，今次有福。 HKT 商業客戶業務董事總經理陳紀新表示，有信心工程毋須用盡三年時間，預計可提前數月完成更換 12000 支智能咪錶。 採集大數據靈活應變 香港車多咪錶少，駕駛人士不想繳付昂貴的私營停車場泊車費，唯有駕車不停在街上兜圈搵位，或在設有公眾停車收費錶的位置冒險並排停車，苦候有車主駕車離去。情況快將有變，上月運輸署拍板將價值 6.8 億的智能停車收費錶系統合約，交予 HKT…

【智能「領」航】「雲移物大智」加速了 Digital Transformation 「雲」雲端運算（Cloud Computing）、「移」5G 移動技術、「物」物聯網（IoT）、「大」大數據（Big Data）、及「智」人工智能（AI）可稱為近年 IT 界最 Hot 的 5 大技術領域，也彷彿成為業界必需理解的科技趨勢。集合「雲移物大智」所帶來的優勢，令企業的 Digital Transformation（DT）加速。 DT 是第二次工業革命 如果話 IT 時代（由電腦的應用到互聯網的普及）是標誌著信息化，整個階段就可用第一次工業革命來形容。那麼自…