後疫情時代，無論是生活與工作都出現「新常態」(New Normal)，大部分企業工作負載轉移到網上進行，難免令公司網絡基建壓力倍增，相信不少中小企的管理層正為此大感頭痛，無法在成功與效益之間取得平衡。 其實目前市面上，已經有針對中小企網絡監察的解決方案，嘗試為用戶提供最佳的成本效益，支援可能持續的「疫後」居家工作環境。Progress 作爲美國上市企業，在去年藉收購 Ipswitch，獲得包括 MOVEit、WhatsUp Gold 與 WS_FTP 在內的三項技術，已經做足準備，爲香港中小企安全與網絡管理提供優質服務。 WhatsUp Gold：自動網絡管理 疫情之下，在家工作與 A/B 分組辦公室上班情況常見，企業對維持穩定網絡表現的需求激增，與此同時，企業還需要爲員工提供安全檔案分享平台，才能維持團隊有效協作。Progress 的 WhatsUp Gold 能爲企業精準找出網絡有問題的地方，監察不同組織的運作情況，再作效能與數據分析，避免業務因網絡問題而停頓。 WhatsUp…

每次講到數據隱私（Data Privacy）同數據安全（Data Security），好多人都以為係同一樣嘢嚟，但原來佢哋係有分別㗎，Facebook 向 Cambridge Analytica 出售用戶資料事件，就係最佳例證！ 保護個人私隱係唔少國家嘅首要任務，好似歐盟兩年前生效嘅 GDPR（General Data Protection Regulation）及美國上年成效嘅CCPA（California Consumer Privacy Act），都係為咗保障國民私隱而成。GDPR 嘅罰款可以高達幾十億美元，而 CCPA 就按人頭計，每個個人私隱外洩嘅罰款由 2,500 美元起計，真係可以令出事企業一鋪清盤，再加上而家仲有…

好多企業都會選用 public cloud，唔使配置硬體設施，只要支付所需服務同容量嘅費用，就享用到伺服器等級嘅運算資源。雖然方便，不過有調查顯示，public cloud 存在安全隱憂，容易遺失或洩漏數據。根據 Sophos 嘅《2020年雲端安全狀態研究》，過去一年有 70% public cloud 企業用戶曾出現安全漏洞，Security Vendor 更指出亞太地區遭受攻擊嘅比例最高。當大家以為享受緊大企業級嘅雲端服務，其實同樣承受住安全風險，隨時遭受網絡攻擊。 調查由 Vanson Bourne 進行，訪問咗全球 3521 名 IT…

以前中咗勒索軟件（Ransomware），衰到極最多都只係攞唔返啲資料，但自從勒索軟件轉咗新玩法，喺鎖死電腦檔案前會先偷走所有數據，一旦企業企硬唔俾錢，黑客就可以用公開資料嚟加強勒索力度，所以勒索軟件就唔再係攞唔返資料咁簡單，隨時觸犯私隱法之餘，亦會大大力打擊商譽，企業關公真係想兜都兜唔返㗎！ 勒索軟件之所以咁乞人憎，係因為採用嘅加密演算法好難破解，再加上好多時企業都無做好 backup，所以一旦內部檔案被加密，企業本身係無能力還原，應對方法之一係當成個系統被砍掉重練，否則就要乖乖被贖金，期望黑客有「良心」送返條解鎖 key 俾你。瀨得嘢多，唔少企業都學識 backup 嘅重要性，搞到黑客搵少好多，於是黑客自然識得變招，除咗會攻擊埋企業嘅儲存裝置或雲端備份，仲會喺發作前盡量將資料偷走，用嚟加強威脅性，就算唔肯俾解鎖費，都要受害企業俾掩口費刪除外洩資料，否則就會喺黑客自己營運嘅網站上公開機密資料，好多時都包括被害公司嘅財務檔案、客戶及員工私隱資料等等，好似之前我哋報導過嘅 Bossini 事件咁，就有大量商業機密同客戶資料網上見嘞。 正因為黑客轉咗玩法，所以有企業已提升咗勒索軟件攻擊嘅應變態度，唔再選擇收收埋埋，轉而當成資料外洩咁公開，一來有啲公司嘅客戶屬歐盟成員國國民，所以受 GDPR 法規約束要通報；二來由於黑客會事先披露，一定有傳媒查上門，如果企硬否認，只會惹來強烈抨擊，進一步損毁商譽，後果等同搬石頭砸自己隻腳，所以有理由相信會有愈來愈多企業企出嚟承認受到襲擊，香港同業亦應該盡快調整一下緊急應變措施喇。 資料來源：https://bit.ly/38MU7PX 相關文章：【大件事】Bossini、c!ty’super成為勒索軟件攻擊目標？

移民潮再現，有財力嘅可以搞投資IT專才移民，咁冇財冇勢嘅IT狗點算好呢？切勿妄自菲薄，其實IT狗既係老闆嘅「旺財」，更係國際搶手嘅專才！有報道指全球網絡保安工作空缺已達至三十多萬份，只要有一技旁身，移民話咁易，世界任你行！ 歐洲各國要人 GDPR 於 2018 年執行至今，仍然有大量公司未ready，Facebook、Google 等大企業先後被罰，可想而知仍有大量公司未能好好管理個人私隱。又有報告指出，有唔少歐洲國家於今年先開始切實執行 GDPR，意味 IT 人手需求持續高漲，呢方面真係極度缺人。從移民角度睇，只要你成功移民去其中一個歐盟國家，就可以無限制咁移居到其他歐盟國家，所以移民歐洲非常著數。 英國分分鐘最容易移民 現時，英國有超過 58,000 人從事網絡保安相關工作，自 2011 年計起，增長幅度達 160%。另外，預計至 2022 年，英國將有 10…

https://www.youtube.com/embed/CE8jQajpEbc?wmode=transparent&rel=0&feature=oembed 企業的數碼轉型（Digital Transformation）近來有加速之勢，除了因為新型冠狀病毒肆虐，企業需要即時為員工提供遙距工作模式之外，事實上，不少企業為了增強競爭力，在疫情前已開展數碼轉型旅程。Palo Alto Networks香港及澳門董事總經理馮志剛（Wickie）指出，雲端應用服務的多樣性、可擴充性及靈活性，都較傳統的數據中心優勝，所以雖然過往香港企業的數碼轉型步伐較歐美及亞太地區如澳洲等落後，但近兩年情況已有變，討論焦點已不再是採用與否，而是何時採用。「不僅新興的網上銷售服務推行Cloud First策略，就連傳統的金融業、公共事業及政府部門亦持相同看法。」 雲轉型陷阱處處安全策略不容忽視 雖然企業及機構均積極開展數碼轉型，採用不同的雲端技術或解決方案，不過，Wickie說不少管理者卻忽略了要採用相對應的網絡安全策略。「雲服務說穿了只是另一個數據中心，當中一樣牽涉網絡連線、儲存設備及伺服器，而在部署上享有簡單及快捷等優勢。既然同樣是數據中心，網絡安全考慮便理應跟傳統數據中心一樣，架構上可參考合規標準如 ISO27001、NIST、SOC2、CIS，個人私隱方面則可參考GDPR，電子支付則有PCI法規可循，以減低數碼轉型旅程出現漏洞的風險。」 數碼轉型的另一問題是，現時雲服務種類繁多，企業因各種原因，往往採用了不同供應商的解決方案，導致架構複雜，管理分散，數據傳輸透明度低，難以察覺漏洞所在。Wickie 強調現時仍有不少企業管理者誤以為雲服務供應商需為網絡安全負責，實情卻是對方只保障基礎架構安全，而客戶需為其應用程序、安全設定及數據儲存負責。「再加上有證據顯示黑客已採用自動化工具，不斷掃描網絡上的設備是否存在漏洞，一有發現即予以攻擊，所以網絡安全問題更是重中之重。」 一站式監控 數據透明易管理 要解決安全問題，首先便需有一個中央管理平台，Palo Alto Networks 的 Prisma Cloud 便應運而生。「Prisma Cloud 是一個雲原生的網絡安全平台，由設計至部署都針對雲端架構而開發，可以對應客戶的多雲架構，包括 AWS、Azure及其他雲供應商，以及不同的容器化（Container）技術，為客戶提供一個 single pane of glass 的管理介面。」而在照顧安全性之餘，網絡連接質素亦是重要因素，讓客戶可以有效率及安心地遙距工作，「Prisma Access 便是一個綜合管理方案，透過全球 130 個服務點，無論客戶身在何處，也可以享有高速及安全連接的服務承諾。」Wickie 說他們特別設有專門團隊，協助客戶計劃開展數碼轉型旅程外，更可透過與其他雲服務供應商組成的生態圈，為客戶推介最適合的解決方案組合，讓企業無後顧之憂，將注意力集中在開拓業務上。 Wickie 說 Prisma…

近來唔少人都叫多咗外賣，而喺本地幾間餐飲外送服務中，FoodPanda 係最多人會用嘅其中一間。不過，最近佢哋位於德國嘅母公司 Delivery Hero 就被踢爆，大約 72萬條來自 14 個地區嘅客戶資料由上月中開始喺暗網上瘋傳，內容有客人名稱、地址、電話、密碼，而香港客戶亦榜上有名，受影響客戶除咗要即刻改密碼（包括其他共用同一密碼嘅帳戶）之外，仲要提防相關嘅釣魚電郵或電話詐騙添！ 今次被洩嘅客戶資料來自新加坡、德國、西班牙、芬蘭、意大利、香港、荷蘭、加拿大、澳洲等，而係網上可以下載嘅檔案，全部都屬於 SQL 格式，每個哋區都有兩個檔案，分別係CustomerAddress 及 Customers。根據 Have I Been Pwned 洩密自助檢查網站創辦人 Troy Hunt…

酒店連鎖巨頭萬豪國際集團 （Marriott International）喺 2018 年因為自爆因黑客入侵，導致 3.83 億條客人訂房記錄外洩，結果被英國信息專員辦公室（ICO）判罰 1.25 億美元巨額罰款。以為「經一事、蔡一智」？實情係其他酒店業對手要請小鳳姐出場先真！ 唔係愚人節，萬豪國際尋日公布，喺今年 2 月尾發現，Marriott Bonvoy 會籍內嘅客人資料，一共有 520 萬條被非法獲取！由萬豪向受影響嘅客戶電郵內顯示，今次事故係由旗下獲特許經營權業務嘅兩位員工，以佢哋嘅帳戶登入系統而成功讀取，雖然現階段未知到底係員工親手做定係因為帳戶被盜用，但萬豪已即時停止咗兩個帳戶嘅登入權限，同時再展開調查。 經初步核實後，萬豪相信今次外洩嘅會籍資訊並唔包括會員嘅信用卡及身份證明文件資料，但就有以下資訊： 聯絡資料：姓名、地址、電郵地址、電話會籍資料：帳戶號碼及積分，但不含密碼額外資料：公司名稱、性別、出生日期及月份合作伙伴：相關嘅airline loyalty計劃帳戶號碼個人喜好：住房及語言喜好 自助檢查 萬豪已即時發電郵通知受影響會員，同時要求佢哋重設密碼或啟用多重登入驗證。另外，亦設立咗一個自助檢查網頁，如果擔心自己受今次事故影響而又無收到電郵，就可以要去輸入返個人資料檢查。而受影響客戶，萬豪亦會提供一年免費…

金融科技（Fintech, Financial technology）行業發展蓬勃，透過靈活運用各種先進的科技，無論在提供更多元化的服務及提升工作效率上，較傳統金融行業更具優勢。金融科技公司若要突圍而出，除了要有不斷創新的意念及周全到位的服務，以提升客戶的體驗外，還須鞏固自身的網絡安全防禦力，才有望成為下一隻金融業的獨角獸。 發展優勢 燃起金融科技同業競爭 早前，阿里巴巴香港創業者基金與畢馬威（KMPG）合作¹，發佈香港首個創業發展指數調查報告，報告顯示金融科技屬現時香港最強勁的創新領域。同時，金管局及香港科技園亦在 2019 年 11 月初聯合啟動「金融科技合作平台」²，目的是協助及支持金融科技發展，加上香港的自由市場及低稅率的有利因素下，吸引外資公司來港創業。現時香港的金融科技公司約有 500 多間，而隨著銀行業進入開放應用程式介面（Open API, Application Programming Interface）第二階段，銀行將會開放更多如儲蓄、投資帳戶及貸款等產品內容，供金融科技公司開發新的應用服務，市場競爭隨即會愈趨激烈。 金融科技公司其中一個優勢是產品開發周期較快而有效率，擅於透過借助雲端科技應用，推出各種應用程式如電子支付、P2P 借貸等，好處是擴展具彈性，毋須花時間於公司內設立基建設施，減省人手及設備之成本。雖然雲端科技會為公司帶來很多好處和方便，但複雜的多雲架構亦會增加管理的難度及降低其可見度。由於每間雲端服務供應商有各自的管理工具，採用的數據格式亦不盡相同，要掌握整體劃一性及安全性，最好有統一管理平台及獲國際認證的網絡安全專家去監控和分析。以發展迅速的電子支付應用服務爲例，金融科技公司愈趨複雜的多雲架構在安全合規性方面，例如在訪問控制措施、維護網路安全性、保護帳戶人私隱等主要控制領域上，要確保是否符合 PCI-DSS 安全認證（The…

香港生產力促進局轄下香港電腦保安事故協調中心（HKCERT）早前發表2019年網絡保安事故報告，指整體事故達9,458宗，較2018年下跌6%！難道香港人的網絡安全意識大幅提升，同時又採用更先進精密的網絡安全工具？答案竟然是⋯⋯ 生產力局首席數碼總監黎少斌開估，關鍵是惡意軟件事故大幅下跌，但他說原因是惡意軟件變得更隱密，難以被發現而且勒索軟件攻擊亦由漁翁撒網改變為企業鎖定，所以先出現下跌現象，但合共佔79% 網絡事故的殭屍網絡及網絡釣魚攻擊，就分別增加 30% 及 23%，可見實際上網絡安全意識未有太大改變。 生產力局首席數碼總監黎少斌（左）與高級顧問梁兆昌早前發表香港資訊保安展望2020報告，為企業提出多項安全建議。 除了公布「全年業積」，HKCERT 亦發表「未來報告」，分析未來一年將會面對的新挑戰。他估計，2020 年借助人工智能如 Deepfake 等技術行騙的事故將會增多，罪犯會模擬企業高層的視頻或聲音，誤導員工執行轉帳或交出登入資料。另外，物聯網及 5G 的普及應用，亦令網絡接觸面及數據流量大增，潛在的漏洞將製造更多網絡安全事故。此外，Windows 7、Windows Server 2008 及 TLS 1.0/1.1…