當上網已成習慣，網民最講求上網要快要方便，最緊要唔使成日入密碼或做機械人認證，如果 Load 個網站要等多過三秒鐘？隨時已經無興趣再等。但你有無諗過，方便快捷嘅背後，你犧牲咗啲乜？就係付出太多個人私隱訊息，唔想咁可以點？ TOR 幫到你。 瀏覽器洩密真危機 成日講上網會洩露好多個人訊息，究意有幾多？講多無論，試下入呢個網站 （webkay.robinlinus.com）先。試完係咪好驚驚？抑或睇完都無乜感覺？不妨抽幾樣嚟睇睇。首先係地圖位置，如果罪犯掌握到你實時位置，即係知道你行蹤，唔單只女士會好危險，如對方有你屋企地址，更可以肆無忌憚等待良機爆格。 跟住就係用緊嘅上網裝置作業系統同瀏覽器版本，作業系統及軟件供應商成日叫大家更新系統版本，就係為咗堵塞一啲已知嘅漏洞，如果黑客知道你未更新，要攻擊你就容易好多啦。再嚟就係 Auto-Fill Phishing，如果你貪方便啟用咗，黑客有機會通過唔同方法例如 Cross-Site Scripting （XSS）嚟盜取你嘅登入資料，所以話如果你嘅瀏覽器透露咗咁多訊息，係咪好危險？ TOR網絡 遊花園消痕跡 如果你唔想乜都俾人𥄫實，可以點做？你可以試用 TOR（The Onion Router）洋蔥路由器。…

Cisco 1001-X 系列路由器並唔係家用裝置，而係一個（應該要）非常穩陣可靠、專攻企業使用嘅網絡裝置。今次發現嘅問題出喺信用錨（Trust Anchor）驗證基制之上，黑客可透過漏洞喺源頭繞過驗證，非常大鑊！ 兩大漏洞攻破不可能 最近有研究員發現 Cisco 1001-X 系列路由器存在極大漏洞，容許黑客遙控攻擊，控制裝置並可以獲取所有經過路由器嘅訊息及指令。資安公司 Red Balloon 研究員解釋，今次總共發現兩個漏洞：第一個為 Cisco 嘅 IOS 執行系統漏洞，相對上簡單，屬小兒科，一般修補方案更新就搞得掂；第二個就麻煩喇，因為關乎信任鍊（Chain of Trust）嘅驗證問題。 Cisco 喺…

WhatsApp 有重大保安漏洞，仲要係防禦不能，普通版同 Business 版齊齊中招，同埋唔理你係 iOS、 Android 抑或 Windows 作業系統，統統都走唔甩。唔想俾黑客無聲無息遙距安裝惡意程式，就要即刻將佢更新去最新版本喇！ WhatsApp 用家全部中招 WhatsApp 今朝新鮮熱辣公布，旗下各版本嘅應用軟件存有緩衝區溢位（buffer overflow）漏洞，可以俾黑客利用，喺目標用家嘅手機內遙距執行惡意程式，偷偷哋安裝間諜軟件。攻擊手法仲要相當簡單，只係透過 WhatsApp 嘅語音通話功能，無論目標手機有無接到來電，黑客已可利用緩衝區溢位漏洞，喺其他緩衝記憶區取得權限並執行指令，安裝一隻名為 Pegasus 嘅間諜軟件，而且事後仲可以刪除埋未接來電嘅提示，所以基本上係中咗招都唔會知道，認真大件事。 到底 Pegasus…

IoT 設備嘅種類極多，上淘寶隨便搵一下，好似 監控鏡頭 、智能門鎖、智能溫度計等等，平到二百幾蚊已有交易，碌下碌下見得意就會買返嚟玩下。不過，最近其中一款用於 IoT 產品嘅軟件 iLnkP2P ，就被發現存在極大漏洞，專家唯一嘅建議，竟然係買過部新嘅先得！ iLnkP2P 呢款軟件係由深圳一間叫做 Yunni Technology 所開發，網絡安全研究員 Paul Marrapese 指出呢款軟件被多間公司採用為旗下具備 監控鏡頭 嘅操作介面，包括 HiChip、 TENVIS…

唔少香港人都會睇 Netflix 追睇美劇，好似之前嘅神劇《House of Cards》、《Black Mirror》等等，好過睇大台千篇一律嘅電視劇集。原本呢啲劇集或電影係受到數碼版權簽證保護，無咗佢就解唔到密，不過最近有研究員就發現，透過 side-channel attack 竟然可以取得受保護嘅節目內容，而且由於加密方法廣泛被其他網上節目供應商例如 Hulu、 Amazon Prime 所採用，所以絕對有可能用相同手法進行破解！ Netflix 解密金鑰迂迴發放 現時要保護數碼娛樂內容例如電視劇集、電影、音樂，都會利用數碼版權保護 （Digital Rights Management）框架去加密內容，通過重重驗證先可以喺播放裝置上進行解密，用家先會睇到或聽到內容。 Netflix…

世界衞生組織上星期發出指引，警告一歲以下小朋友唔可以接觸電子屏幕產品，而 2 至 4 歲小朋友每日亦唔可以睇多過一個鐘，否則會對小朋友發展有影響。家長為咗更有效率控制小朋友玩電子產品嘅時間，喺電子產品安裝 家長控制 應用軟件（Parental Control app）係其中一個最簡單嘅方法。不過，最近就有俄羅斯網絡安全公司，入禀控告 Apple 違法將呢類軟件下架，以打擊對手及壟斷市場！ 打擊對手壟斷市場 近年唔少研究都指出小朋友用得太多電子產品，例如兩年前香港大學曾有一項調查研究，指出小朋友接觸過多手機、平板等電子屏幕類娛樂，會大大增加小朋友嘅情緒問題或過動症問題，風險較一般小朋友高 23.2%或 32%。會對腦部發展造成唔同程度嘅影響，不過，唔少家長為咗令小朋友乖乖哋食飯或為自己換取一刻嘅安寧，都會借助呢類電子奶咀去吸引小朋友嘅注意力，而為咗幫家長手控制小朋友用電子產品嘅時間，App Store 上就出現大量家長控制應用軟件，通過設定限制使用時間，減少家長同小朋友之間嘅拗數。不過，最近俄羅斯網絡安全公司 Kaspersky Lab 就喺入禀法院，以反壟斷條例指控…

分享FacebookTwitterWhatsAppEmailLinkedinTelegram 2018年資安事故歷歷在目，這邊廂航空公司資料外洩、那邊廂酒店集團被黑客入侵，網絡攻擊無日無之，手法日新月異，要減低被攻擊的風險，網絡威脅情報的收集及分析成為關鍵。處理海量和運用網絡威脅情報去偵測已經是個艱巨的任務，要及時作出回應更是一項挑戰。解決方法其實好簡單：利用HKT「網絡威脅情資平台Cyber Threat Intelligence（CTI）」以及「資訊安全威脅管理服務Threat Management Services（TMS）」。 HKT CTI 可減低遭受新型網絡攻擊的風險 網絡威脅情資平台Cyber Threat Intelligence（CTI）有如大腦，負責收集及分析各種網絡威脅情報，CTI 匯聚網絡安全專家、情報及最新技術，可大幅縮短調查及分析時間，減低企業遭受新型網絡攻擊的風險。 網絡威脅情資平台Cyber Threat Intelligence（CTI）收集及分析各種網絡威脅情報。 過濾環球及本地超過 1,000 億個原始日誌 網絡威脅情報的質量是…

零售業是中小企業之中流抵柱，以現今科技，將小店轉化成智慧小店絕不困難，而且是必須的。實情是，大家的確正在運用各種科技改善店舖營運，簡單的如各種支付技術、POS 就是利用科技的例子。其實毋須想得太複雜，大家只要再走多一小步，就可以輕鬆參加智慧小店這個數碼轉型遊戲了。以下是今日一間「正常」小店的基本步，各位小東主，未做嘅，就要立即做。 前台基本做法 1）好好利用網絡資訊平台，就是今日小店營運的基本日常。客戶用手機搵店舖、地址、產品已是常態，未搞社交平台的小店要追落後了；2）升級收款技術，年輕消費群大多傾向使用移動支付，尤其強國顧客，所以收款方法要適當地拓展；3）店主不妨為小店加入適當的數碼流動裝置，一部平板電腦已經可以改善用戶體驗，亦可以收集數據；4）會員計劃數碼化，有數據顯示 81% 顧客會因為會員優惠再光顧，以往的會員卡、蓋印仔其實好麻煩，而最重要的是數碼化可以收集顧客的資料，一來可以了解客戶行為，二來方便日後做 promotion，各位東主請立即轉用數碼會員計劃。 要注意的是，科技發達促使越來越多人選擇網購，因此，實體店的購物體驗就變得非常關鍵。 後台基本做法 1）利用 Inventory Management Technology，即是不再依賴人手埋數，今時今日這些工作可以自動化，更可以做準確推算，如此你就可以準確掌握銷售及倉庫數據，入貨、推廣、計劃未來方向就容易得多；2）善用 POS 系統數據，不單可以知道日常的交易狀況，其實從 POS 系統可以睇到比想像中更多的啟示，將不同數據作 correlation，可以將時間、人力、店舖資源更好分配。 破除迷思：一定要搞網上商店？ 自己努力經營實體小店之際，身邊就個個都話要搞網上商店，當然倍感困惑：究竟有無需要開間網上商店？是否要同淘寶、天貓鬥平呢？大家滿腦疑問，不妨好好反思。…

眾多黑客攻擊中，勒索軟件（ransomware）絕對是任何人都聞風色變的一種，因為其破壞力快且狠，一中招即時會將電腦內的檔案加密上鎖；受害者即使肯交贖金，也未必能從黑客手上換回解鎖法。勒索軟件能夠如此肆虐，有專家指全因加密貨幣（cryptocurrency）的興起，讓黑客找到安全的經營模式，減少被逮捕的風險。 加密貨幣 收贖金難追蹤 根據資訊安全研究機構 CyberSecurity Venture 估計，2019 年期間，每 14 秒就會有一個機構成為勒索軟件的受害者。看似誇張，但踏入 2019 年後其實已多次發生勒索軟件事件，例如美國加州橙郡的政務機關、挪威全球最大鋁業公司之一海德魯公司（Norsk Hydro）先後中招。「近兩三年來勒索軟件個案的確大增，相信是黑客看中交易難以被追查的加密貨幣，可保障他們順利收到贖金，再加上要求的技術很低，甚至可在暗網以百多元購得勒索程式，成本低效率高，所以才會有這麼多勒索軟件攻擊出現。」本地著名研究團隊VXRL的成員 Boris So說，以往黑客都愛用 Bitcoin 收贖金，但由於現在已有可能追查出收款人錢包地址，所以黑客便轉而用 Monero（門羅幣）或 ZCash。Boris 說通常不會建議受害者交贖金，因為部分黑客根本沒有打算提供解鎖方法，例如…

網絡保安世界，範疇可以好大，Zetta Ke 就行學院路線，專門研究行業經濟及政策，是一個博士，亦是道德黑客。未知是否可以稱之為「學院派黑客」？ 文武兼備的黑客 「我大學主修 Information System，其實屬於商學院的科目。與 Computer Science 不同，我修讀的不太著重演算、程式的技術研究，而是較著重 Business Application，如電腦系統的管理、電子商貿研究，乃至區塊鏈技術應用等。」Zetta 從大學學士直讀至博士，現於科大既教且學。而 Zetta 的另一個身份，是研究團隊 VXRL 成員，曾經發現過 windows 漏洞，絕對是又 talk…