勒索軟件近期成為傳媒報導焦點，不過，黑客的攻擊手段又豈止一種？如果說勒索軟件是大茶飯，那麼偷用帳戶買點數卡就只算賺零錢。不過，Sophos最近阻止的一宗零錢個案，都睇得出黑客入侵公司網絡，還有更多支線任務。 睇過不少網絡攻擊事故，能否及早阻止黑客入侵，好視乎負責監管網絡活動的人的安全意識，就算安裝了SIEM (Security Information and Event Management) 工具，如果安全專家看不出系統偵測的事件有異常，黑客一樣可以乘虛而入。而今次 Sophos Rapid Response Team 的一個系統管理者在協助客戶監管網絡連線時，就因為發現了該公司其中一些帳戶活動有可疑，突然出現重設帳戶密碼要求，而他並沒有重設密碼後就完事，而是深入追查該重設指示發出的原因，才能識破正有黑客入侵網絡，於是即時隔離被入侵的帳戶，將黑客掃出門外。 入侵事件發生原因，Sophos 專家認為跟 VPN 不設雙重因素驗證 (2FA) 有極大關係，黑客只須取得其中一個員工的帳戶密碼便能順利登入，然後搜尋該員工的電腦上網記錄，查看未有登出哪些帳戶，例如網購平台、電郵等，如網購平台已綑綁了信用卡，黑客便可直接用來購買點數卡；否則亦可查看有使用哪些帳戶，再以未登出的電郵帳戶接收重設密碼通知，奪取使用權。除了攻擊本機電腦，黑客還可透過遙距桌面協議 (RDP)，進入其他員工的電腦重複上述動作，隨時山大斬埋有柴。…

WhatsApp 為港人最常用的通訊軟件，不少打工仔更會使用 WhatsApp 網頁版方便「扮工」。有騙徒就偽造 WhatsApp 網頁版網站，並在 Google 落廣告成為置頂搜尋結果，往往令用戶不虞有詐！小編在東窗事發數天後再實測，發現偽冒網站仍然存在。 想知最新科技新聞？立即免費訂閱 ！ 香港電腦保安事故協調中心（HKCERT）指出，香港最近出現針對即時通訊帳戶（如 WhatsApp）的新式釣魚攻擊活動。黑客首先建立偽冒即時通訊平台的登入網頁，該網頁像真度甚高，並有登入的二維碼指示，然後黑客再於搜尋引擎投放廣告，令偽冒網頁顯示於搜尋結果的當眼位置，誘導目標用戶進入釣魚網頁及掃描網頁上所顯示的二維碼。 警方防騙 Facebook 專頁「守網者」 指出，已向 Google 反映並要求修正問題。事隔數天，小編再嘗試利用一般及無痕模式，在 Google 搜尋「WhatsApp…

Meta 早前控告中國公司如 HeyWhatsApp、Highlight Mobi 推出 Android 特製版 WhatsApp，暗中卻以盜取用家帳戶為目標，且最少已有過百萬用家受騙。黑客可從中獲取帳戶的驗證金鑰，帳戶被盜事小，黑客可利用帳戶詐騙受害者的聯絡人事大，Android 用家切勿以身犯險。 俄羅斯防毒軟件公司 Kaspersky 發表安全報告，指有黑客通過一些影片播放平台如 SnapTube，推廣聲稱擁有特別功能的特製版 WhatsApp。其實特製版 WhatsApp 已不是新鮮的詐騙手段，因為 WhatsApp 功能經常落後於其他即時通訊 apps，以時至今日仍為人垢病的限時銷毁訊息功能為例，時限選擇少，例外情況又多，因此用家在與特定群組互傳訊息時，或會使用 Snapchat 或…

雖然近年即時通訊 app 的選擇增多，不過，Meta 旗下的 WhatsApp 在用家數量方面始終佔有優勢，因此自然有較多騙徒利用來犯案。網絡安全公司 Cygenta 專家早前便列舉三種熱門詐騙手法，大家不妨同朋友分享，減少被騙機會。 扮熟陷阱：騙徒會假扮成目標的家人或愛人，聲稱因為遺失了電話而暫時用新號碼開設帳戶，經過一輪溝通搏取目標信任後，就會慌稱自己有金錢需要，說服目標轉帳金錢。雖然聽落好似好離譜，不過實際上並不罕有，例如假扮成目標的上司要求買點數卡的案例，就經常發生。 雙重驗證陷阱：為了保障帳戶安全，不少 WhatsApp 用家都啟動了 2FA 雙重驗證功能，登入時必須額外輸入經 SMS 發送的驗證碼，才能登入帳戶。不過，有騙徒在奪取了其中一個 WhatsApp 帳戶後，便會讀取受害者的聯絡人清單資料尋找下一目標，然後利用對方顯示的手提號碼重新登記帳戶，並以「朋友」身份向目標發送訊息，指錯誤將2FA驗證碼發送到對方帳戶，騙取目標提供驗證碼，從而奪取帳戶並重複犯案手法。 限時陷阱：騙徒會向特定目標或漁翁撒網式發出訊息，利用不同藉口引誘對方點擊連結或通過連結安裝惡意軟件。視乎當時社會熱門話題，魚餌或有差別，例如早兩年新冠疫情剛爆發，騙徒會發出感染 COVID-19…

繼勒索軟件之後，專門竊取私人資料的惡意軟件又愈來愈流行。一款名為 BlackGuard 的同類型惡意軟件，最近成為地下討論區的焦點，因為用家只要付出 200 美元月費或 700 美元終生使用權，就可以輕易偷到各式各樣私隱資料，當中包括電子錢包登入資料、各款即時通訊軟件的通話記錄及 VPN 帳戶資料…… 勒索軟件由於要安排收取贖金的途徑，除非光顧「勒索軟件集團即服務 (RaaS)」的一站式服務，否則對於一般罪犯來說，使用勒索軟件的風險極大。相反，專門盜取私隱資料的惡意件就較適合個體戶，因為罪犯可使用它去盜取網民的加密貨幣電子錢包帳戶資料，將加密貨幣存款轉走；賊人亦可以信用卡資料進行網購或買點數卡，再加上這類惡意軟件收費平宜近人，所以亦有不少捧場客。 這次網絡安全公司 Zscaler 研究員發表的 BlackGuard 報告，就指出這款由今年一月開始，在俄羅斯地下討論區出現私隱竊取惡意軟件受到熱烈關注。它具備的功能非常廣泛，可以偷取各類瀏覽器儲存的密碼、屬於瀏覽器電子錢包擴充元件儲存的登入資料、加密貨幣電子錢包儲存的登入憑證、Outlook 電郵軟件及各款即時通訊軟件的通訊記錄、VPN 軟件的登入資料等，這些資料都會被加壓成 ZIP 檔案並上轉至黑客組織的控制中心，客戶只須繳付上述的費用，就可以登入帳戶查閱。…

不少網購平台就會採用 Magento 電子商務系統，貪其功能強大，接受的電子支付多樣化。不過，網絡安全公司 RiskIQ 最新發表的報告就指出，超過 2,800 間仍採用舊版本 Magento 的網購平台，正被 Magecart 黑客集團入侵，可盜取客戶輸入的信用卡詳細資料，呼籲用戶立即更新系統！ 今次發現的漏洞名為 Cardbleed，早於今年 9 月已被網絡安全公司 Sansec 所發現。當時 Sansec 指出，Magento 1.x…

上月多個名人如 Bill Gates、Elon Musk 嘅 Twitter 帳戶被黑客入侵，於平台騙取 Bitcoin，成功騙取約11萬美元 Bitcoin。的而且確，奪取到原帳戶再向受害人身邊嘅親友落手，成功率會較高，但複製帳戶呢種極度簡單嘅方法，都會有人上釣。曾因利用社交工程（Social Engineering）手法進行詐騙而入獄，後來改邪歸正嘅網絡安全專家 Jake Moore 就親身示範，只須複製目標人物嘅帳戶，都可令對方嘅朋友信以為真，乖乖過數！ Jake 原本嘅 Instagram 帳戶有 1,611 個 posts，同時有…

PayPal 作為電子支付平台，自然吸引唔少罪犯、黑客搵食，最常見嘅手法莫過於大包圍式向網民發出釣魚電郵，用唔同主題例如重設密碼、懷疑洗黑錢等，呃人點擊虛假連結去登入帳戶，盜取登入資料再去轉走啲錢。不過，CyberNews 網絡安全研究團隊就發現，黑客正利用盜取返嚟嘅 Facebook 帳戶，向原有人嘅朋友發送要求代收 PayPal 款項嘅訊息，從而達到呃錢嘅目的。 或者好多人會懷疑，今時今日喺 Facebook Messenger 收到朋友要求轉錢，點會咁易中招呀？但今次嘅詐騙方法有啲唔同，首先罪犯唔會直接叫你幫手買點數卡或過數，而係會話你知佢有筆錢要經過 PayPal 收，而咁啱佢又無帳戶，所以想借你個帳戶用，等你收到錢先再過數入佢銀行。由於唔需要你俾錢先，對方亦無話有錢齊齊賺，成件事純粹係搵你幫手，如果咁啱罪犯用嘅係你好朋友嘅帳戶，相信好多人嘅戒心都會大減。 而今次呢個詐騙手法嘅盲點，就係罪犯利用咗 PayPal 允許支付者可以退款政策，當受害人以為自己收到錢再轉帳俾罪犯後，對方就可以即時申請退款，彈弓手攞返轉俾受害人 PayPal 帳戶嘅錢。而更高一級嘅方法，係罪犯根本唔需要申請退款，因為佢可以連 PayPal 帳戶都係偷返嚟，由得原有人發現後自己跟進，罪犯同樣毫無損失，而且亦更難追蹤。…

唔少人去餐廳或 cafe 嗰陣，都習慣將手機放喺枱面，方便隨時檢查下有無短訊或接聽來電。而為咗私隱問題，通常都會將屏幕朝下，咁就唔怕其他人（特別係另一半）睇到自己同邊個傳緊短訊，甚至係訊息內容啦！不過，有網絡安全專家指出如果手機啟動咗語音助手功能，放喺枱面呢個行為已足夠俾有心人奪取你部手機嘅控制權，暗中讀取你嘅私隱，最驚係可以用你部電話打俾其他人傾偈，而你係完全唔會發現㗎！ 發現呢個漏洞嘅研究員，係來自華盛頓大學電腦科學及工程嘅 Ning Zhang，佢稱為 Surfing Attack 所利用嘅方法，其實只係人耳聽唔到，但手機收音咪就接收到嘅高頻音效，於是就可以暗中向手機嘅語音助手發出指令，例如讀取剛收到內有雙重因素認證（2FA）碼嘅訊息、甚至係用你部手機打電話同人傾偈添。研究員試用過市面上 17 部智能電話，包括 iOS 陣營嘅 iPhone，以及 Android 陣營嘅 Samsung Galaxy 等等，佢話只要將手機放喺枱面，無論將枱用金屬、玻璃、木作為材料，甚至喺 30呎外，都一樣可以通過枱作為媒介，將高頻音效傳送過去，而且正面或反面咁擺，都完全無問題，不過屏幕朝下就更難察覺手機運作緊咁解。…

睇得多警訊都知，騙徒手法層出不窮，要避免中招，當然要認清今期流行嘅攻擊手法。網絡安全公司 Kaspersky 剛啱出咗今年第一季度報告，總結電郵騙案嘅手法。結果發現，以下 5 大手法雖然唔算新招，但真係萬試萬靈！ 騙徒手法一：情人節裡出陰招 第一季度最大節日非情人節莫屬，關於送禮嘅騙案特別多，騙徒扮交友或者花店網站 send 訊息俾你，唔單只會提你買禮物送俾另一半，亦有騙徒會溫馨提示男士買定偉哥為佳節做足準備，誓要引到人點擊訊息入面嘅虛假網站連結，再輸入埋信用卡資料就大功告成！ 騙徒手法二：賣有毒蘋果 唔係白雪公主入面嘅女巫先識得用毒蘋果，其實每次蘋果有新產品發佈，都係騙徒搵食時機！Kaspersky 發現三月底蘋果出新產品時，每日中招人數由平時幾千個急升至幾萬個，最高峰嗰日甚至接近八萬人，佢哋大部分都係收到電郵通知，點擊連結後去到假蘋果網站，無防備下輸入 Apple ID 驗證，就咁就俾人呃咗個帳戶資料。如已經綁住信用卡，真係可以瘋狂用嚟購買 iTunes 點數卡㗎。 騙徒手法三：我係嚟幫你整機嘅 而家電腦出問題，十居其九會上網搵技術支援啦。報告指出近來社交媒體同埋討論區出現大量貼文，聲稱可以幫你一次過搞掂幾樣電腦產品問題，而且騙徒仲寫明會收取合理價錢提升可信性，等你唔會以為免費冇好嘢而唔幫襯。最諷刺嘅係，騙徒連 Kaspersky…