踏入六月，各地疫情開始漸見好轉，以為係好開頭？不過對 Cisco（思科）嚟講就唔係咁順喇，除咗因為美國示威持續，令到本來六月頭舉行嘅線上年度大會「Cisco Live」要延期再搞。啱啱上個禮拜佢哋又發出一則安全公告，內容係話佢哋旗下一款產品Nexus switches （一款用嚟建立資料中心架構，為企業提供網絡資料同步、API 自動化同簡化運作等服務嘅產品），喺 NX-OS 軟件發現漏洞（CVE-2020-10136），遠端攻擊者可以利用呢個漏洞，繞過目標系統嘅保安限制，甚至導致服務中斷。 Cisco 發現呢個漏洞係因為部分裝置喺未有隧道設定（tunnel configuration）嘅情況下，會將機器配置嘅 IP 地址收到嘅 IP-in-IP 數據包（Patch），意外地解封同處理，所以未通過認證嘅攻擊者，就可以傳送特製嘅 IP-in-IP 數據包去受影響裝置，導致網絡排程崩潰甚至要重啟，繼而俾佢哋有機會乘虛而入。IP-in-IP 隧道協議存在呢個嚴重漏洞，令到黑客可以繞過 Access Control…