如果失驚無神有日收到其中一個網站發出電郵叫你重設密碼，作為登記用戶，你第一時間會諗啲乜呢？到底呢封係釣魚電郵，定係網站洩漏咗用戶嘅帳戶資料至要重設呀？ 釣魚電郵係近年黑客最常利用嘅攻擊手段，所以一般人都對呢啲電郵提高警惕，唔會隨便點擊入面嘅連結。雖然網絡專家叫用家只要檢查清楚發信人嘅電郵地址係咪真確，又無暗中擺入假 link，就可以避免俾黑客暗算，但始終大家只係區區一介網民，有得揀都唔會亂 click 啦，何況仲要叫用家㩒掣重設密碼？ 講緊嘅係外國一個專門售賣二手鞋同古著嘅網站 StockX，因為犯咗一個輕微錯誤，搞到喺 Twitter 上俾網站會員瘋狂查詢。事緣最近網站升級，唔知係咪提升咗登入密碼嘅要求定係其他原因，所有登記會員都要重新設定密碼。StockX 為咗提醒用家呢件事，於是就發出電郵啦，但內容只係幾隻字交代網站升級，叫網民㩒掣重設密碼，然後就無其他資訊，試問網民又點會第一時間點擊？梗係要檢查下發出電郵嘅網絡、附帶嘅連結按掣有無古怪先啦。不過就算檢查完發現無錯，今時今日都要再做多次 fact check ，所以有網民就喺瀏覽器輸入官網網址，嘗試唔㩒個掣去睇下乜事，跟住就發現無法登入，一定要改密碼先。 謹慎嘅會員就懷疑到底點解要改密碼呢？係咪網站俾黑客入侵搞到會員資料外洩？所以就走去 Twitter 上 StockX 發生乜事，搞到 StockX 方面突然要回應好多人嘅查詢，澄清並無發生資料外洩，令到原本只係一件通知會員更新密碼嘅小事，升級成為關公事件。…

睇得多警訊都知，騙徒手法層出不窮，要避免中招，當然要認清今期流行嘅攻擊手法。網絡安全公司 Kaspersky 剛啱出咗今年第一季度報告，總結電郵騙案嘅手法。結果發現，以下 5 大手法雖然唔算新招，但真係萬試萬靈！ 騙徒手法一：情人節裡出陰招 第一季度最大節日非情人節莫屬，關於送禮嘅騙案特別多，騙徒扮交友或者花店網站 send 訊息俾你，唔單只會提你買禮物送俾另一半，亦有騙徒會溫馨提示男士買定偉哥為佳節做足準備，誓要引到人點擊訊息入面嘅虛假網站連結，再輸入埋信用卡資料就大功告成！ 騙徒手法二：賣有毒蘋果 唔係白雪公主入面嘅女巫先識得用毒蘋果，其實每次蘋果有新產品發佈，都係騙徒搵食時機！Kaspersky 發現三月底蘋果出新產品時，每日中招人數由平時幾千個急升至幾萬個，最高峰嗰日甚至接近八萬人，佢哋大部分都係收到電郵通知，點擊連結後去到假蘋果網站，無防備下輸入 Apple ID 驗證，就咁就俾人呃咗個帳戶資料。如已經綁住信用卡，真係可以瘋狂用嚟購買 iTunes 點數卡㗎。 騙徒手法三：我係嚟幫你整機嘅 而家電腦出問題，十居其九會上網搵技術支援啦。報告指出近來社交媒體同埋討論區出現大量貼文，聲稱可以幫你一次過搞掂幾樣電腦產品問題，而且騙徒仲寫明會收取合理價錢提升可信性，等你唔會以為免費冇好嘢而唔幫襯。最諷刺嘅係，騙徒連 Kaspersky…

大部分網络攻擊，其實都經由電郵發動，最新統計數字顯示，2018 年的全球釣魚電郵攻擊高達四億八千多萬次，差不多比 2017 年飊升一倍，透過社交工程、時限優惠等方法誘騙受害人士點擊惡意連結。一封簡單的電郵，足以重創企業的營運。 電郵攻擊的種類並不算很多，容易令人誤以為防止電郵攻擊是一項簡單任務，實情卻是黑客攻擊手段之快、變化之大，往往超越電郵防護產品更新的速度，所以不管買了哪種產品，好像也未能得到 100% 有效保護，令到惡意程式能夠輕易進入公司網絡，私隱資料予取予攜，甚至整個系統被黑客綁架，承受繳交贖款亦未必能救回數據的巨大風險。 全方位打擊釣魚電郵 Green Radar 正是為此而成立，我們提供的産品具有全方位保護功能，包括 anti-virus、anti-spam、sandbox、病毒掃描等等一應俱全。為了進一步提升客戶的電郵系統安全性，我們特別提供一項領先同業的技術——隔離運作平台，系統會將電郵閱讀等動作移至隔離的平台進行，功能猶如醫院的負壓隔離病房，內裡有病毒也無法傳出，所以就算所讀的電郵真有問題，也不會對使用者的個人電腦構成影響；而且 Green Radar 更有先進的行為主導 endpoint 監際系統，如有電腦中招，也可以很快為你找到攻擊源頭並徹底清除。 基本上，每間網絡保安服務供應商都說自己是 Captain Marvel，但對不起，黑客的攻擊仍在每天發生。對於好像你我這些普通人，Green Radar 最有價值的承諾就是提供快速應對，即使不幸受到感染，我們也會手牽手與你走過生病的日子。整個病毒診療過程都可以透過廣東話進行，毋須擔心被艱澀的專業詞彙或外語所困。 查詢：https://www.greenradar.com， [email protected] 資料來源：https://bit.ly/2Y13ghG （gr180 Article sponsored by Green Radar）