【專家主場】形外佳興 ─ 魚啊，魚！

今朝收到一個 WhatsApp，話有超級荀嘢。聰明的你，都知道乜事喇（i.e. Phish），但係呢，真係超荀，荀到一個地步，我個右腦要求我個左腦暫停，我隻左手要求右手按一下，睇吓…（睇吓係死罪，各大宗教都有教你的，小明！）當然，聰明的你，會把滑鼠移上，小心翼翼地，確定佢真係佢（你話網絡時代幾慘。早幾年，李總鬧人，要證明你阿媽係你阿媽，「這怎麽可能？」，康德千年一問的氣派。）OK 噃，個 URL 真係佢，就按下去了！即死！Browser 顯示的 URL，點解同我剛才睇到果個 URL 唔同咗 ？？？

我即刻搵個研究員睇下（佢唔識講嘢嘅，有 D South Park Feel，新時代嘅 Security Consultant），佢話，出咗幾萬年喇，URL 用咗一 D 似是而非嘅 ABC，學名係 Punycode of a Unicode Character，睇落係 a，其實係 ạ。問你死未！我近年老花嚴重，呢 D 假魚（Phish）蝦我 Neo！唉，講開又講，而家果 D Security Awareness Training，成日話要預防假電郵，假 WhatsApp，果 D trainer 話，要留意有沒有可疑，注意有沒有 grammatical mistake。殊不知，果 D 假電郵寫得仲好過真電郵，連原本果D grammatical mistake 都改埋，重 format 好晒，睇落仲舒服！啊…（今日有 D 感性）哀莫大於，做正行嘅又笨又 hea，做賊就好積極進取，而且寫得一手好文章！

Neo 按：

條 Fit 殊睇住莊子惠子比武，有論者竟以為莊子在邏輯上敗陣，此真不學無術。不過有一個字頗有意思，請循其本：道家瀟灑，然也有其本乎。