【wepro小教室】物聯網 IoT

消委會早前測試市面上 10 款家用監控鏡頭，發現九成鏡頭有唔同嘅網絡安全隱患，建議政府參考歐美及新加坡，推出物聯網裝置網絡安全標籤認證，咁究竟咩係「物聯網」呢？

物聯網（Internet of Things，簡稱 IoT），係一種通過互聯網嚟連接各種物理設備同物體嘅技術，系統中每個物體都會有感測器、處理器、通信設備，可以互相溝通、交換數據，執行相應嘅操作，達致協同工作。

同我哋日常最息息相關嘅智能家居，就係透過物聯網技術，幫我哋自動化及智能化管理，例如燈膽、電視、門鎖、冷氣系統等，根據你嘅需求同習慣自動調節。除此之外，IoT 仲可以應用喺多個領域上，好似智慧城市、智慧工廠同智慧農業。