Trend Micro 報告指，2020 年中起，一個名為 Tropic Trooper 的威脅組織，持續針對與交通運輸部門相關的組織和政府體系行動。這個高級長期威脅 (Advanced Persistent Threat, APT) 也被稱為 Earth Centaur 和 KeyBoy，由 2011 年起一直存在，主要針對香港、菲律賓和台灣的政府、醫療保健、高科技和交通部門的組織，作間諜活動。Trend Micro 指出，由於在…

守護社會大眾網絡安全，的確「任何仁」都做得。愛爾蘭政府用於查證市民疫苗注射、檢疫記錄的網站，竟然手殘註冊了一個串字有錯誤的網址，好在兩個眼利國民及早發現，主動註冊正確網址再將訪問請求轉駁返官網，否則隨時可被有心人搶佔用作釣魚網站，令市民私隱陷入危機。 上星期五，愛爾蘭政府啟動新服務，允許過去六個月內的新冠病毒康復市民到網站登記，填寫個人資料以領取數碼新冠病毒認證。這張認證除了康復者可以獲取，其他還有已接種疫苗及最近曾獲陰性檢查的國民，讓他們可以自由出入當地餐廳酒吧，以及在歐盟成員國及歐洲經濟區免檢出入境。 官方原本登記的網域名稱應該是 irishcovidcertificateportal .org，不過，有兩個眼利的市民──記者 Adam Conway 及電腦科學生 Fionn Kelleher 卻發現，註冊的網域名稱竟然在 certificate 部分少了一個i字。他們於是立即買下正確網域名稱，再將網站訪問請求自動轉駁回官方錯誤註冊的網址。二人表示，如果錯誤被犯罪份子發現，他們便可搶先註冊該網域名稱，然後偽裝成官方登記網站，誤導愛爾蘭市民填寫個人私隱資料。由於真假網站之間只相差了一個i字，市民被騙風險非常高，因此二人才急於買下該域名。 除了這個低級錯誤，Dell 軟件工程經理 David Molamphy 認為愛爾蘭政府還有其他可改善的地方，他認為比起以 .org 註冊網址，政府應考慮將網頁納入…

全球多個網站今日傍晚突然出現故障，用戶無法正常瀏覽。據外國科技媒體 TechCrunch 報道，受影響網站包括 Reddit、Spotify、 Twitch、GitHub、HBO Max、PayPal、Vimeo 及 Shopify。此外，多個國際新聞機構包括美國有線電視新聞網（CNN）、英國廣播公司（BBC）、《衛報》、《時代雜誌》、《金融時報》，以至是英國政府的網站亦告癱瘓。 今次全球網絡大故障，據報與雲端服務商 Fastly 有關，該公司承認，其內容傳遞網絡（Content Delivery Network，簡稱 CDN）服務出現問題，目前正展開調查。受影響網站癱瘓個多小時後，目前已恢復正常運作。

政府明日（1 月 30 日）就引入電話智能卡實名登記制度的安排展開公眾諮詢，徵詢電訊業、相關持份者和市民的意見，指為促進本地電訊服務發展，及有效打擊涉及電話智能卡的犯罪活動。 現時本港流動電話用戶主要透過智能卡服務計劃（服務計劃）和預付儲值電話智能卡（電話儲值卡或俗稱「太空卡」）使用相關服務，其中電話儲值卡用戶無須簽訂固定合約或登記個人資料。 政府指，由於電話儲值卡的匿名性質被不法之徒利用作違法活動，但現時並無法例規定須登記此類儲值卡用戶資料，執法機關難以追查、鎖定這些違法活動的幕後涉事人，又指過去有不少電話騙案，利用電話儲值卡匿名性質犯案。匿名儲值卡經常被用於各式各樣的騙案，包括電話騙案、網上購物騙案、求職騙案、投資騙案等，令受害市民蒙受損失。 商務及經濟發展局局長邱騰華表示，有迫切需要透過引入實名登記制度，堵塞漏洞，防止和協助偵查涉及使用電話儲值卡的罪案，並維持市民對本港電訊服務的信心。保安局副局長區志光則指，涉及本地流動電話犯案的嚴重罪行中，超過七成涉及使用匿名儲值卡，而電話騙案當中的比例更高達九成，匿名儲值卡有利不法之徒逃避身分識別、追蹤和偵查，即使犯案人士被捕，幕後的犯罪集團主腦往往能置身事外，而盡快落實實名登記制度，有助打擊和防範不法之徒利用匿名儲值卡犯案，從而保障市民的人身和財產安全。 政府計劃透過《電訊條例》訂立規例實施電話智能卡實名登記制度，提供所需的法律基礎讓電訊商按規例的要求登記、收集和儲存用戶的登記資料，將涵蓋所有由本地電訊商發出及在香港使用的電話智能卡。 實名登記制度主要規定如下： （一）用戶須提供身分證明文件（香港身份證或其他可接受的身分證明文件如旅客的旅遊證件）內的資料，包括姓名、出生日期和身分證明文件號碼及其副本，以作登記； 若公司或企業要登記成為電話智能卡用戶，則須提供其商業登記資料及指定某人士作為代表或負責人，並提供該名人士的個人資料； （二）16歲以下人士如需登記電話智能卡服務，相關登記必須得到一位「合適成人」的確認； （三）每名用戶只可向每間提供公共流動服務的電訊商登記不多於三張電話儲值卡； （四）電訊商應核對、釐清及核實用戶提供的資料，並在有合理理由認為有關資料屬虛假、誤導或不完整的情況下，取消有關電話智能卡的登記； （五）電訊商需在電話智能卡取消登記後，保存相關登記用戶的紀錄最少12個月； （六）登記的個人資料由相關電訊商保存，不會向他人包括政府或執法部門披露。執法部門在有需要時才可按規例向電訊商索取電話智能卡的登記資料； （七）按規例執法部門只能獲取電話卡的登記資料（即姓名、基本身份證資料），並不包括通話紀錄及內容。在一般情況下，執法部門須得到法庭手令，但在某些迫切或緊急事件的特殊情況下（例如涉及炸彈恐嚇、綁架等嚴重罪案），執法部門可在一名不低於等同警司職級的人員授權下，要求電訊商在沒有法庭手令下提供電話智能卡的登記資料。 為讓電訊商作好準備以遵照登記規定，政府建議登記制度分階段進行，規例生效 120 日後出售的新儲值卡及服務計劃才開始按規例作登記，屆時所有新的電話智能卡須先登記後才可啟用。按目前的建議，所有電話智能卡須於規例生效後的…

一個專門攻擊 macOS 電腦設備的木馬病毒 OceanLotus，其變種現正大肆活躍於東南亞，趨勢科技 (Trend Micro) 研究員指出，這款變種透過偽裝檔案格式避過防毒檢偵，而且一經觸發即會於 macOS 內安裝後門，同時更為自動剷除，中毒後便難以被發現。 變種 OceanLotus 的攻擊方式，主要是透過引誘電郵收件者點擊附件，這個附件雖然被標示為 Word 文件檔案，但實際上卻是一個被壓縮的應用程式，如點擊打開，由於並非 doc 屬性，所以作業系統會選擇執行應用程式，令病毒可以自動執行入侵活動。研究員指出壓縮檔內存在兩個檔案，一個是正常的 Word 檔，用途是令收件者誤以為正在打開電郵內的附件；另一個則為 Shell script，它的作用為刪除檔案的隔離屬性，令變種…

坊間有則笑話，話推動數碼轉型嘅幕後功臣，唔係CEO，唔係CIO，係COVID-19。 Zoom大行其道，work from home（WFH）成為新模式，Twitter更宣佈部份員工將可以永遠WFH。遙距工作或服務模式成為新趨勢，創新科技署亦推出「遙距營商計劃」，資助企業採用資訊科技方案，開拓遙距業務。申請資助時，難免未能齊頭claim足限額，以下推介3大高CP值百搭網絡保安方案，幫你claim到佢盡。= 電郵保安 想實行遙距工作，電郵自然成爲線上商務通訊最重要的方式之一，據統計，大部份嘅網络攻擊，其實都經由電郵發動，現今黑客攻擊手段變化極快，一封簡單的電郵，足以重創企業的營運，所以最緊要守好電郵呢一關。建議採用有全方位保護功能嘅電郵保安服務，除咗基本防毒、垃圾電郵過濾、沙盒之外，最好有埋針對釣魚電郵、假冒電郵的解決方案，例如利用威脅情報分析IP或網域信譽，更可以嘗試連結隔離技術等。坊間有網絡保安服務供應商以人頭收費，極具彈性，收費亦化算，每個人三四百蚊已經搞掂，最適合中小企。 Endpoint Protection 另一個必須要防護嘅重中之重，就係Endpoint。尤其是而家個個員工都有幾個上網嘅device，用手機、tablet、laptop等等，通通都係黑客攻擊點，是但一個唔小心出事都極可能令公司蒙受重大損失，所以必須有周全嘅Endpoint Protection。其實好多廠牌都有Endpoint Protection，亦係每個人幾百蚊已經搞得掂。 VPN VPN係最近嘅熱門話題之一，更有報導指香港VPN需求急增5倍。除咗保障個人私隱之外，VPN對中小企同樣重要，尤其是今時今日，遙距營商、個個同事都WFH，重要資料甚至係敏感資料都响網絡上傳送，其安全風險之高想而知，所以VPN係中小企嘅必備方案。VPN收費門檻低，彈性高，對於小型公司，萬零蚊都搞得掂，而網絡保安專家就建議，所有企業應該24小時全程使用VPN。提提大家，揀選VPN時記得留意開發商嘅背景，你懂的。 Budget有限，睇餸食飯 「遙距營商計劃」嘅銀碼方面，每間企業可獲最高30萬港元總額資助，進行為期最長六個月嘅資助項目。聽落都幾好，之但係，30萬港元話多唔多，可以用來做乜好呢？其實以呢個budget計，要用盡個budget，就要加入收費較彈性嘅方案。難得政府找數，大家千祈唔好客氣。

由拘捕孟晚舟嗰一刻開始，就知道侵侵政府下定目標，要打擊華為（同埋中國政府）喺電訊設備市場嘅地位，而且侵侵仲不斷拉攏盟友，向華為說不！不過，英國政府正式發新聞稿，表示會「有限度」採用華為設備，侵侵呢個算盤打唔響喇。 呢單消息公布之前幾個禮拜，美國政府已經派出副國家安全顧問 Matt Pottinger 組成嘅代表團出訪倫敦，出力做游說工作。國務卿蓬佩奧、財長努欽亦不停喺國內發表言論，指華為設備對國家安全構成威脅，英國國會亦熱烈討論呢單嘢，結果都係唔能夠令英國跟隨美國步伐，對華為進行制裁。 過去兩年，侵侵極高姿態向「五眼聯盟」盟友（澳洲、新西蘭、加拿大、英國），以及北約盟友（包括德國等歐洲國家）表示，唔應該採用華為設備嚟興建 5G 網絡，以免俾中國政府竊取數據，同時亦不停透過傳媒報導華為勾結北韓、協助打擊疆獨分子、向伊朗出售設備等新聞。而喺英國決定用華為設備後，都仲有三個參議員去信英國政府，話唔想喺英國脫歐之際，重新審視英美自由貿易協定，同埋兩國情報交換機制，希望英國政府三思。 但係睇返今次英國嘅決定，查實考慮得幾周詳：首先所有用嚟傳送數據嘅核心 5G 網絡設備並唔會採用華為，市民有機會用到嘅網絡，華為都只係負責少量機站同埋天線；至於敏感度較高嘅地方例如軍營等等，華為更係唔可以參與，總之英政府就將華為嘅市場佔有率限制喺 35% 以下，確保其他公司如 Nokia、Ericsson 等可以齊齊分一杯羹，算係平衡晒各方面嘅考慮，將潛在風險減至最低。美國嘅輿論就唔係太敢大肆抨擊英政府嘅決定，始終都對兩國緊密關係有所顧忌，同埋希望呢個唔係最終決定，英政府仲有機會改變主意。 唔單止英國，就連德國都陷於兩難情況，無論用唔用華為，就會得失中美其中一方，可能要承受巨大嘅經濟壓力，所以到呢刻都未決定到，而意大利亦傾向學英國「有限度」使用華為設備。歐盟同埋英國國家網絡安全中心亦一齊發出指引，點樣可以同高危廠商（冇指明道姓係華為嘅）一齊興建電訊網絡，仲提供咗可行方法俾其他國家去跟隨；就連美國自己都鬆咗手，國防部阻止咗商貿部禁止當地企業售賣零件俾華為嘅決定，話晒華為每年向美國企業買入110億美元零件，貿然禁賣會令呢批公司減少科研投資，變相令國家失去科技競爭力。 從以上事例可見，用定唔用華為，睇嚟真係唔容易決定，到底美國係唔係真係會制裁採用華為嘅國家？英美兩國關係跟住會點？就要看下回分解！ 資料來源：https://bit.ly/2RSidC0 相關新聞：【侵侵入侵】大量侵侵主題程式蒲頭

唔知大家仲記唔記得，舊年10月美國《華盛頓郵報》沙特阿拉伯裔記者卡舒吉（Jamal Khashoggi）入咗沙特駐土耳其伊斯坦布爾領事館後下落不明，最後證實被殺呢單新聞？你可能會話，呢單嘢同資安界好似冇乜關係，不過隨住呢單案進入審訊階段，愈來愈多細節披露出嚟，先發現原來做開資安嘅公司係有另一條財路！ 正常嘅資安機構，最多咪做下防毒軟件，擋擋黑客同埋病毒程式之類，但係有部分嘅業務就複雜好多，好似NSO Group、Gamma Group、Hacking Team（呢間今年四月啱啱同另一間公司合併成為Memento Labs）等等，佢哋係專為各國政府提供軟件，偷取目標人物喺網上嘅所有數據（沙地記者當然係目標人物之一啦），雖然佢哋呢類生意唔多公開，但從唔同渠道獲得嘅資料顯示，呢盤生意查實幾和味！ 先舉NSO Group為例，佢聲稱自己2018年嘅總收入係2.5億美元，但係今年二月，一間英國私募基金Novalpina Capital收購咗佢大部分股權，作價就超過10億美元，可想而知，佢哋生意應該超過佢報出嚟個數啦！要了解佢哋盤生意點解咁大，當然要先知道客人係邊個啦，咁佢哋實唔會自己爆響口嘅，但又好衰唔衰，2015年一次大型數據外洩事件，其中部分數據就咁啱見到Hacking Team嘅客戶名單，當中包括沙地阿拉伯政府、FBI、馬來西亞反貪部門，同埋位於非洲尼日尼亞嘅巴耶爾薩州政府，一睇都知個個係尊貴客人，就解釋到生意額點解會咁大。 呢類生意唔係今時今日先有架喇，自從2013年發生斯諾登事件，全世界知道美國有個咁完善嘅電子監察系統，其他國家當然都想有個咁正嘅系統，於是出得起錢嘅政府，一係就請私人資安機構幫手，一係就索性高薪挖晒西方情報組織嘅前員工，希望洞悉各種加密技術同埋解拆方法，之前《紐約時報》就獲得阿拉伯聯合酋長國一間叫做DarkMatter嘅公司嘅人事部文件，發現佢哋請咗好多前美國國家安全局嘅前員工，就懷疑係後者嘅做法。 你話咁樣偷取個人資料到底合唔合法，條界線就真係好模糊嘅，因為就算上到法庭，都唔知點先可以舉證，就以最近一單為例，有個同埃塞俄比亞有連繫嘅美國人，懷疑埃國政府搵人監聽佢同埋佢嘅家人，但最後法庭都以監聽活動唔係喺美國發生為由，冇受理到單案件，從中可以見到舉證嘅困難。雖然陸陸續續都有人想施加壓力，例如十一月就有美國參議員提出議案，話要調查一下NSO Group，有冇做出危害美國國民嘅事，不過就算真係通過，查得嚟都蚊瞓，照目前情況睇，都應該未有乜嘢事可以威脅到呢類機構繼續賺大錢架喇！

俾人搞而唔還拖，原因有好多，例如唔夠打、俾人揸住痛腳、人哋有財有勢……等等。仲有一樣，就係好想賺佢啲錢，所以唯有忍一忍先。 最近澳洲政府嘅舉動，就可能屬於後者。路透社引述消息人士指，當地情報部門已經確認年初多宗黑客入侵事件係中國黑客所為，不過為咗唔好損害兩國貿易關係，所以唔打算公開調查報告內容！ 重溫一下劇情先，話說今年三月，負責網絡情報嘅澳洲國防通訊事務部（ASD）出咗份調查報告，確認喺二月澳洲國會同埋三個主要政黨（自由黨、國家黨及工黨）俾黑客入侵，當時總理 Scott Morrison 話由於五月大選就到，咁敏感嘅時勢唔適宜公開具體細節，表示等大選完咗先再講。 可能總理以為咁就過到骨，點知傳媒衰在記性好。路透社近日就接到報料，話其實份報告寫得好詳細，發現黑客所用嘅程式碼同埋入侵手法，同中國黑客過去嘅手法一模一樣，所以幾肯定佢哋係幕後黑手。路透社之後向總理辦公室同埋中國外交部求證，前者直接拒絕回應，而後者就例牌否認，兼且重申中國都係網絡攻擊嘅受害者！ 消息人士指 ASD 建議調查報告內容要保密，原因只有一個：錢！因為中國係澳洲最大貿易夥伴，係澳洲鐵礦石、煤炭同埋農產品嘅主要買家，佔澳洲出口總額超過三分之一，每年仲有過百萬觀光客同埋留學生前往澳洲，條數都幾襟計，所以將網絡安全同國家收入秤一秤後，就選擇噤聲嘞。 雖然唔知消息真偽，但老實講澳洲近期都有唔少針對中國嘅動作，例如禁止外國政治捐款，同埋禁止電訊設備製造商華為參與當地 5G 網絡建設，已經令兩國關係差咗唔少，如果爆埋呢單就可能真係會影響邦交。之不過，如果真係好似調查報告所講攻擊過三大政黨，相信佢哋都唔會咁易放過總理嘅。 資料來源：https://reut.rs/2lPGQ4H

Facebook、Twitter 上嘅假消息問題嚴重，兩間公司尋日一齊發聲明話刪除咗大量針對香港示威活動嘅假消息及假帳戶。其實唔單只佢哋，網上嘅假新聞都係無日無之，所以唔少國家都意識到單係靠呢啲外國機構嚟審查係絕對唔夠；另外如果太多國民依賴外國社交平台，亦難以達到控制言論嘅目的。 越南政府信息部部長阮猛雄（Nguyen Manh Hung）早前喺一個會議上，就向胡志明市嘅 IT 界業內人士表明，政府希望越南可以擁有自家嘅社交平台，同時亦表明政府會為本地企業提供平台去測試新技術及網絡安全環境，唔使再靠 Facebook 等社交平台，同時亦可以幫國民過濾假消息。雖然外界對越南政府呢個願景有好多懷疑，例如係咪想拑制言論等等，不過，國內就已經有唔少地道嘅社交平台出嚟，而且佢哋嘅「野心」都唔細。 Hahalolo 呢個係一間以胡志明市為基地嘅旅遊資訊社交平台，今年 6 月先開業，但目標就係喺 2024 年吸引到 20 億用家使用。 Gapo 新鮮滾熱辣喺七月先開業嘅社交平台，提供聊天及貼文功能，CEO 話好有信心喺…