由拘捕孟晚舟嗰一刻開始，就知道侵侵政府下定目標，要打擊華為（同埋中國政府）喺電訊設備市場嘅地位，而且侵侵仲不斷拉攏盟友，向華為說不！不過，英國政府正式發新聞稿，表示會「有限度」採用華為設備，侵侵呢個算盤打唔響喇。 呢單消息公布之前幾個禮拜，美國政府已經派出副國家安全顧問 Matt Pottinger 組成嘅代表團出訪倫敦，出力做游說工作。國務卿蓬佩奧、財長努欽亦不停喺國內發表言論，指華為設備對國家安全構成威脅，英國國會亦熱烈討論呢單嘢，結果都係唔能夠令英國跟隨美國步伐，對華為進行制裁。 過去兩年，侵侵極高姿態向「五眼聯盟」盟友（澳洲、新西蘭、加拿大、英國），以及北約盟友（包括德國等歐洲國家）表示，唔應該採用華為設備嚟興建 5G 網絡，以免俾中國政府竊取數據，同時亦不停透過傳媒報導華為勾結北韓、協助打擊疆獨分子、向伊朗出售設備等新聞。而喺英國決定用華為設備後，都仲有三個參議員去信英國政府，話唔想喺英國脫歐之際，重新審視英美自由貿易協定，同埋兩國情報交換機制，希望英國政府三思。 但係睇返今次英國嘅決定，查實考慮得幾周詳：首先所有用嚟傳送數據嘅核心 5G 網絡設備並唔會採用華為，市民有機會用到嘅網絡，華為都只係負責少量機站同埋天線；至於敏感度較高嘅地方例如軍營等等，華為更係唔可以參與，總之英政府就將華為嘅市場佔有率限制喺 35% 以下，確保其他公司如 Nokia、Ericsson 等可以齊齊分一杯羹，算係平衡晒各方面嘅考慮，將潛在風險減至最低。美國嘅輿論就唔係太敢大肆抨擊英政府嘅決定，始終都對兩國緊密關係有所顧忌，同埋希望呢個唔係最終決定，英政府仲有機會改變主意。 唔單止英國，就連德國都陷於兩難情況，無論用唔用華為，就會得失中美其中一方，可能要承受巨大嘅經濟壓力，所以到呢刻都未決定到，而意大利亦傾向學英國「有限度」使用華為設備。歐盟同埋英國國家網絡安全中心亦一齊發出指引，點樣可以同高危廠商（冇指明道姓係華為嘅）一齊興建電訊網絡，仲提供咗可行方法俾其他國家去跟隨；就連美國自己都鬆咗手，國防部阻止咗商貿部禁止當地企業售賣零件俾華為嘅決定，話晒華為每年向美國企業買入110億美元零件，貿然禁賣會令呢批公司減少科研投資，變相令國家失去科技競爭力。 從以上事例可見，用定唔用華為，睇嚟真係唔容易決定，到底美國係唔係真係會制裁採用華為嘅國家？英美兩國關係跟住會點？就要看下回分解！ 資料來源：https://bit.ly/2RSidC0 相關新聞：【侵侵入侵】大量侵侵主題程式蒲頭

唔知大家仲記唔記得，舊年10月美國《華盛頓郵報》沙特阿拉伯裔記者卡舒吉（Jamal Khashoggi）入咗沙特駐土耳其伊斯坦布爾領事館後下落不明，最後證實被殺呢單新聞？你可能會話，呢單嘢同資安界好似冇乜關係，不過隨住呢單案進入審訊階段，愈來愈多細節披露出嚟，先發現原來做開資安嘅公司係有另一條財路！ 正常嘅資安機構，最多咪做下防毒軟件，擋擋黑客同埋病毒程式之類，但係有部分嘅業務就複雜好多，好似NSO Group、Gamma Group、Hacking Team（呢間今年四月啱啱同另一間公司合併成為Memento Labs）等等，佢哋係專為各國政府提供軟件，偷取目標人物喺網上嘅所有數據（沙地記者當然係目標人物之一啦），雖然佢哋呢類生意唔多公開，但從唔同渠道獲得嘅資料顯示，呢盤生意查實幾和味！ 先舉NSO Group為例，佢聲稱自己2018年嘅總收入係2.5億美元，但係今年二月，一間英國私募基金Novalpina Capital收購咗佢大部分股權，作價就超過10億美元，可想而知，佢哋生意應該超過佢報出嚟個數啦！要了解佢哋盤生意點解咁大，當然要先知道客人係邊個啦，咁佢哋實唔會自己爆響口嘅，但又好衰唔衰，2015年一次大型數據外洩事件，其中部分數據就咁啱見到Hacking Team嘅客戶名單，當中包括沙地阿拉伯政府、FBI、馬來西亞反貪部門，同埋位於非洲尼日尼亞嘅巴耶爾薩州政府，一睇都知個個係尊貴客人，就解釋到生意額點解會咁大。 呢類生意唔係今時今日先有架喇，自從2013年發生斯諾登事件，全世界知道美國有個咁完善嘅電子監察系統，其他國家當然都想有個咁正嘅系統，於是出得起錢嘅政府，一係就請私人資安機構幫手，一係就索性高薪挖晒西方情報組織嘅前員工，希望洞悉各種加密技術同埋解拆方法，之前《紐約時報》就獲得阿拉伯聯合酋長國一間叫做DarkMatter嘅公司嘅人事部文件，發現佢哋請咗好多前美國國家安全局嘅前員工，就懷疑係後者嘅做法。 你話咁樣偷取個人資料到底合唔合法，條界線就真係好模糊嘅，因為就算上到法庭，都唔知點先可以舉證，就以最近一單為例，有個同埃塞俄比亞有連繫嘅美國人，懷疑埃國政府搵人監聽佢同埋佢嘅家人，但最後法庭都以監聽活動唔係喺美國發生為由，冇受理到單案件，從中可以見到舉證嘅困難。雖然陸陸續續都有人想施加壓力，例如十一月就有美國參議員提出議案，話要調查一下NSO Group，有冇做出危害美國國民嘅事，不過就算真係通過，查得嚟都蚊瞓，照目前情況睇，都應該未有乜嘢事可以威脅到呢類機構繼續賺大錢架喇！

俾人搞而唔還拖，原因有好多，例如唔夠打、俾人揸住痛腳、人哋有財有勢……等等。仲有一樣，就係好想賺佢啲錢，所以唯有忍一忍先。 最近澳洲政府嘅舉動，就可能屬於後者。路透社引述消息人士指，當地情報部門已經確認年初多宗黑客入侵事件係中國黑客所為，不過為咗唔好損害兩國貿易關係，所以唔打算公開調查報告內容！ 重溫一下劇情先，話說今年三月，負責網絡情報嘅澳洲國防通訊事務部（ASD）出咗份調查報告，確認喺二月澳洲國會同埋三個主要政黨（自由黨、國家黨及工黨）俾黑客入侵，當時總理 Scott Morrison 話由於五月大選就到，咁敏感嘅時勢唔適宜公開具體細節，表示等大選完咗先再講。 可能總理以為咁就過到骨，點知傳媒衰在記性好。路透社近日就接到報料，話其實份報告寫得好詳細，發現黑客所用嘅程式碼同埋入侵手法，同中國黑客過去嘅手法一模一樣，所以幾肯定佢哋係幕後黑手。路透社之後向總理辦公室同埋中國外交部求證，前者直接拒絕回應，而後者就例牌否認，兼且重申中國都係網絡攻擊嘅受害者！ 消息人士指 ASD 建議調查報告內容要保密，原因只有一個：錢！因為中國係澳洲最大貿易夥伴，係澳洲鐵礦石、煤炭同埋農產品嘅主要買家，佔澳洲出口總額超過三分之一，每年仲有過百萬觀光客同埋留學生前往澳洲，條數都幾襟計，所以將網絡安全同國家收入秤一秤後，就選擇噤聲嘞。 雖然唔知消息真偽，但老實講澳洲近期都有唔少針對中國嘅動作，例如禁止外國政治捐款，同埋禁止電訊設備製造商華為參與當地 5G 網絡建設，已經令兩國關係差咗唔少，如果爆埋呢單就可能真係會影響邦交。之不過，如果真係好似調查報告所講攻擊過三大政黨，相信佢哋都唔會咁易放過總理嘅。 資料來源：https://reut.rs/2lPGQ4H

Facebook、Twitter 上嘅假消息問題嚴重，兩間公司尋日一齊發聲明話刪除咗大量針對香港示威活動嘅假消息及假帳戶。其實唔單只佢哋，網上嘅假新聞都係無日無之，所以唔少國家都意識到單係靠呢啲外國機構嚟審查係絕對唔夠；另外如果太多國民依賴外國社交平台，亦難以達到控制言論嘅目的。 越南政府信息部部長阮猛雄（Nguyen Manh Hung）早前喺一個會議上，就向胡志明市嘅 IT 界業內人士表明，政府希望越南可以擁有自家嘅社交平台，同時亦表明政府會為本地企業提供平台去測試新技術及網絡安全環境，唔使再靠 Facebook 等社交平台，同時亦可以幫國民過濾假消息。雖然外界對越南政府呢個願景有好多懷疑，例如係咪想拑制言論等等，不過，國內就已經有唔少地道嘅社交平台出嚟，而且佢哋嘅「野心」都唔細。 Hahalolo 呢個係一間以胡志明市為基地嘅旅遊資訊社交平台，今年 6 月先開業，但目標就係喺 2024 年吸引到 20 億用家使用。 Gapo 新鮮滾熱辣喺七月先開業嘅社交平台，提供聊天及貼文功能，CEO 話好有信心喺…

早前報導佛羅里達州兩個巿政府齊受勒索軟件襲擊，兩個市政府最終決定交贖款了事，其中人口大約 12000 人嘅 Lake City 跪低向黑客支付 42 個 Bitcoin （約價值 46 萬美元）後，秋後算帳就正式開始，搵咗個 IT 主管出嚟問責，兼夾革職祭旗。究竟點解要佢揹呢隻鑊？ Lake City 乃佛羅里達州一個小市鎮，官方形容今次保安事故係連中三元（triple threat）。事源有個濕滑嘅同事收咗個有毒電郵，粗心大意地下載咗個受感染嘅檔案，引發連鎖反應：先中木馬程式 Emotet，引入另一個木馬 TrickBot…

香港生產力促進局（生產力局）舉行「全民 AI 」普惠計劃啟動禮！由創新科技及工業局統籌的「全民 AI」普惠計劃，生產力局作為計劃承辦機構之一，將以「AI with HKPC 企業賦能」為核心主題，聚焦企業實務應用、人才培育及科技普惠，重點支援中小企、在職人士、勞工團體及弱勢社群，透過多元化培訓、實戰應用課程及產學研合作，推動 AI 知識普及與技術落地。 想睇更多科技新聞，立即免費訂閱！ 活動匯聚多家國際及內地領先科技企業代表、商會代表及業界領袖，分享成功案例及實務經驗，凝聚各界力量，共同推動香港 AI 生態圈發展。 香港特別行政區政府創新科技及工業局局長孫東表示，AI 已經成為全球產業升級、驅動數字經濟發展的核心要素，幫助中小企通過 AI 實現數碼轉型，提升競爭力，是「全民AI」普惠計劃其中一個重點方向。孫又指，期望通過「全民 AI」普惠計劃，讓 AI 不單只成為提升企業價值與競爭力的賦能工具，更能轉化為普惠中小企及普羅市民的超級紅利，讓「AI…

挪威多項政府網上服務自周一凌晨起遭受大規模分散式阻斷服務（DDoS）攻擊，導致部分供政府部門及市民使用的數碼基建，一度無法使用或運作緩慢。 想睇更多科技新聞，立即免費訂閱！ 負責營運挪威數位化管理局（下稱 Digdir）表示，攻擊於當地周一凌晨 3 時 38 分開始，主要針對其與營運服務供應商 Vivicta 所支援的基建。Digdir 提供多項跨政府部門的共用服務，包括政府網上服務登入、電子身分認證及電子簽署、安全數碼郵箱、網上政府表格、公共紀錄查閱，以及部門之間的資料交換等。 初步未發現系統遭入侵 Digdir 稱，部分服務曾在短時間內完全中斷。雖然大部分受影響系統目前已逐漸恢復穩定，但政府登入平台 ID-porten 及電子簽署服務 eSignering 等，仍然受到部分影響。該局表示，用戶現時仍可能遇到連線失敗、伺服器回應緩慢，以及登入時間異常延長等情況。公眾可透過 Digdir 的服務運作狀態頁面及事故報告頁面，了解各項服務的最新情況。…

當網絡安全界近日焦點幾乎全被 AI 模型如 Mythos、GPT-5.4-Cyber 搶去之際，一個成立超過 6 年的「老牌」勒索軟件集團 Clop 卻用最原始的方式，證實了企業的安全弱點根本不在防禦工具夠不夠先進，而在於他們連現成的修補都未有做好。  想睇更多科技新聞，立即免費訂閱！ 飛利浦證實曾遭黑客試入侵 上星期 3 間國際企業相繼公布受到網絡攻擊。燃油巨企 Shell 首先確認正調查一宗網絡安全事故，其後美國通用電氣（GE）與飛利浦（Philips）亦相繼證實正調查同類事故，當中 GE 稱正評估潛在問題，飛利浦則向傳媒證實「已識別並遏止一次針對特定企業內部伺服器的入侵嘗試」，但強調並無影響客戶數據。 發動這波攻擊的據稱是勒索軟件集團 Clop，其成員已在洩露網站上將…

Cloudflare 最新報告顯示，2026 年上半年全球分散式阻斷服務（DDoS）攻擊活動持續升溫，平台平均每小時攔截 5,343 宗網絡層 DDoS 攻擊。報告指出，現時威脅格局正日益受地緣政治局勢左右，攻擊者目標已不再局限於隨機或投機式選擇；國際軍事衝突、大型體育及文化盛事，均可能成為帶動攻擊量急升的觸發因素。 與此同時，攻擊規模及手法均出現明顯變化。特大流量攻擊增加、DNS 相關攻擊佔比上升，加上針對特定服務端點的放大式攻擊快速冒起，反映企業、媒體機構及公共部門面對的網絡防禦壓力正在加劇。 想睇更多科技新聞，立即免費訂閱！ 逾 1 Tbps 攻擊半年達 935 宗 報告提到，Cloudflare 於今年上半年共攔截 935 宗流量達…

企業經常擔心黑客會否用 AI 寫釣魚電郵、深偽聲音呃錢，或者突然遇上從未曝光的「零日漏洞」。但美國及南韓網安部門最新警告提醒大家，有時最危險的未必是新招，而是企業明明早已知道有漏洞，卻一直未修補。 想睇更多科技新聞，立即免費訂閱！ 企業遲遲未更新對外設備惹禍 勒索軟件組織 Gunra 近日被指針對政府及關鍵基建機構落手，醫療、金融、公共服務、製造業等都可能成為目標。事件最值得注意的地方是，黑客用來打開企業大門的並非剛發現的漏洞，而是 Fortinet 防火牆及代理設備上分別在 2024 年及 2025 年已公開的兩個嚴重漏洞：CVE-2024-55591 及 CVE-2025-24472。 Gunra 除了利用 Fortinet 設備的漏洞，也會利用外洩帳戶密碼、VPN…