https://www.youtube.com/embed/s4Jt3vlH4sw?wmode=transparent&rel=0&feature=oembed 【遙距營商科技】Ingram Micro一站式解決方案 助企業搶先開展新商機 為協助本地企業儘快復甦及發展新機遇，政府推出為期6個月、為數5億元的「遙距營商計劃」(D-Biz)，內容涵蓋12類有助遙距營商的資訊科技方案，每間公司可獲最多30萬元總額資助。企業可以在哪方面獲益？如何選擇合適的科技方案？Ingram Micro作為全球領先科技分銷商，提供全面遙距營商科技、雲端運算、網絡安全、統一通訊及基礎建設方案，率先整合超過30個熱門遙距科技方案組合和提供遙距科技方案諮詢，助企業分秒必爭、開拓新機遇。 疫情加速轉型 遙距工作成趨勢 「今次計劃旨在協助企業引入有助遙距營商的科技應用，例如網上營銷、網上會議、遙距文件管理、網絡安全等等，可說是數碼轉型（Digital Transformation）的其中一部分。」Ingram Micro香港、澳門及台灣地區董事總經理陸嘉碧（Biga）指出，數碼轉型並非新概念，只是過去多年企業大多採取循序漸進態度，傾向一步一步來。「無可否認，今次疫情的確間接加速了數碼轉型，以往企業營運主要採用面對面溝通方法，但現時就變成遙距溝通，員工亦要在家工作，創造了New Normal工作模式。」 不過，Biga企業在數碼轉型過程中，需顧及整體考慮，「最近企業漸趨重視BCP（Business Continuity Plan，企業持續計劃），讓員工隨時隨地、採用任何裝置遠端連接企業網絡系統及與團隊協作。企業需在短時間內部署員工安排和遙距工作，遙距科技的軟體及硬體設備就位，以保持員工、設施和業務的持續營運。」而作為全球領先技術產品及服務經銷商的Ingram Micro，便立即推出各種一站式整合解決方案服務，助企業客戶審視營運需求，從專業角度建議合適的計劃。 生態圈加快配對服務 Biga說不單只企業客戶，Ingram Micro在今次疫情中亦作出很多改變，例如擴闊數碼市場推廣的方式，舉辦多場網上研討會與客戶作技術上的分享及交流，所以更明白靈活變動、快速開展的重要性。她說今次計劃涵蓋了12類有助遙距營商的方案，到底哪一類才適合自己所需？企業管理者要慢慢消化計劃的內容，除了選擇適合的供應商和方案外，亦需配合企業在資源配套上的長期發展。「我們現時已整合了各種解決方案，包括虛擬桌面（Virtual Desktop）、網絡安全（Cyber Security）、數據儲存、備份及恢復（Data Storage、Backup…

毋須爭拗，新冠狀病毒疫情喺全球各地升溫，同時間，各大網絡安全機構亦發現黑客正加大力度利用 Covid-19 恐慌，發動各種網絡攻擊。企業喺財政上已因經濟下行飽受壓力，實在再抵受唔起網絡攻擊引發嘅損失。不過，網絡安全唔係可以旨意晒老闆或員工去做，正所謂唇亡齒寒，防毒必須上下同心，員工同老闆都要盡力做好以下錦囊，先可以共度時艱，待疫情退卻重新起飛。 員工 1.保持衛生：公司嘅電腦設備、軟硬件都要保持更新韌體，堵塞已知漏洞。 2.提高警戒：黑客普遍利用釣魚電郵攻擊，員工時刻戒備電郵以及內裡嘅檔案、連結。另外，如使用嘅電郵服務支援雙重或多重登入驗證就要啟用，減少帳戶被盜用風險。 3.安全連線：避免使用公共Wi-Fi 網絡，因為黑客可假扮流動熱點截取數據傳輸。 4.即時報失：如遺失手機、電腦，就要通知公司IT部門，監察有無人利用你嘅裝置登入公司或電腦系統。 老闆 1.管理登入：即時安裝遙距登入安全系統，採用SD-WAN等工具保障員工連接公司內部系統嘅安全性，以免數據被截取。 2.訂定守則：制訂安全守則，例如禁止員工使用個人電郵與客戶溝通，機密文件嘅處理方法，同時要區分不同職級員工登入系統嘅權限。另外，亦要編制緊急聯絡清單，員工如接收到上司或同事嘅轉帳、提供登入資料等指示，必須以另一種途徑向同事確認，舉例如經電郵接收，就要以電話確認，減少冒認風險。 3.安全設備：向員工提供已安裝安全工具嘅電腦設備，同時限制不能以個人電腦處理公司事務。如因經濟問題未能向全員提供，亦應評估各員工嘅職能及面對嘅風險，選擇性提供電腦設備。 4.徵詢意見：現時不少IT公司如Microsoft、Adobe、Cisco均有支援企業遙距工作計劃，讓企業免費使用部分收費應用服務。老闆必須先向IT員工徵詢意見，評估哪種服務較適合公司使用，切忌一言堂，避免因軟硬件衝突衍生漏洞。 資料來源：https://bit.ly/3dhpUu4 相關文章：【全民抗疫】貢獻電腦資源 計出新冠病毒弱點

在業界吹捧下，數碼轉型已不再是企業要贏在起跑線的策略，現時更已發展成未來能否求存的關鍵。但 Barracuda 最近發表一份名為《Future shock: the cloud is the new network》調查報告卻顯示，現時企業的移雲狀況遠遠落後於兩年前的預估，香港的情況更甚至有約 20% 的偏差，原因是？ 兩年時間認清事實 轉碼轉型能為企業帶來的各種好處，相信都不用再詳細解釋，可加可減的彈性部署需求、提升流動性、自動化減省人力資源等，自然令企業管理者躍躍欲試。雲端安全解決方案供應商 Barracuda 於 2017 年曾就公共雲部署意向進行全球研究報告，綜合他們的意見，當時的調查預計兩年後採用公共雲的比率會達至 60.91%，而香港區的發展雖然較慢，但預期採用率也有 51.71%。…

因為武漢肺炎，唔少人變咗口罩專家同網購能手，亦學識咗各種口罩嘅安全密碼、點樣利用集運避過 cut 單危機嘅知識，講真其實大家又點會想學？不過既然一罩難求，自然搞到全城人心惶惶。事實上，專家話恐慌情緒蓋過理智，普羅大眾對武漢肺炎資訊嘅渴求，亦成為咗黑客攻擊嘅缺口，中咗招都唔知乜事！ 不如大家停一停諗一諗先，喺呢兩個禮拜入面，大家喺無驗證過網絡連結嘅真偽前，click 過幾多次呢啲連結嚟睇呢？好多次哩？無錯，只要見到訂購口罩、邊度有人暈咗、邊個國家封香港關呢啲標題，都幾難唔第一時間開嚟睇。IBM X-Force Threat Intelligence 安全團隊嘅專家就發現，日本地區有大量電郵攻擊，就係借武漢肺炎資訊嚟發動，電郵入面嘅 Doc 附件雖然以武漢肺炎做主題，但實際上係 Emotet 惡意軟件，一旦下載就會自動安裝，除咗可以盜竊私隱，仲有可能引入其他勒索軟件，防不勝防。專家指出，其實每年嘅新年、情人節、感恩節或有大事發生，都特別多呢啲惡意電郵出現，不過今次由於武漢肺炎疫情嚴重，恐慌情緒更易令人中招。 防毒軟件供應商 Kaspersky 專家亦指出，黑客唔止借咗 Doc 附件發動攻擊，佢哋手頭上檢測到嘅攻擊，仲會透過 PDF、MP4等其他檔案格式添。雖然今次專家發現嘅攻擊都係透過電郵發動，但大家千祈唔好忘記，釣魚攻擊已唔限於電郵，SMS、Facebook、WhatsApp、Telegram 等平台都可以睇少。如果想睇清楚疫情喺全球各地嘅感染情況，不如睇返由美國Johns…

習慣每天拿著智能手機、流動裝置上網的用家，今年最熱切期待的技術必定是 Wi-Fi 6，不單傳輸速度比現有的 802.11ac 大幅提升，同時更有高傳輸容量及低延時優勢。不過，Wi-Fi 技術升級並不一定等於用戶體驗能夠同步提升，只要系統無法因應用戶需要，有效分配上網資源，一樣會令人用到一肚氣。Juniper Networks 今年三月將 Wi-Fi 技術供應商 Mist 收歸旗下，就是看中其人工智能管理的優勢！ 網絡質素有數得計 「雖然 Mist 成立於 2016 年，但技術已廣受企業客戶認同，現時 Fortune 頭 500 位企業之中，已有 25 間採用其產品，當中更有 3 間的排名在頭十位內。」 Juniper Networks 香港高級系統工程師鄭健豪解釋，「不論是固網或無線網絡，一般用家其實只會察覺到有否斷線及速度快慢。即使網速變慢，他們也無法知道背後原因；真正要了解問題的是網絡管理員，例如到底是分配 IP 位址、認證出錯，還是硬件或訊號干擾出現問題，都要由網絡管理員採集不同的 log 分析，找出問題才能解決，過程非常耗時。」相反，他說 Mist 的人工智能技術卻可自動調整無線網絡資源，原理是 Mist 透過製定不同的 SLE（Service Level Expectation）指標，以評估每個用家及 Access Point 的連線表現。「以往商用 Wi-Fi系統如要量度網絡表現，讓網絡管理員調配網速，一般會採用 overlay 解決方案，即外加一個裝置扮演用戶角色，定時向 AP 發出連線要求；但由於收集的並非真正用戶的數據，所以量度的數據只能作為參考。」 Mist 透過製定不同的 SLE（Service Level Expectation）指標，以評估每個用家及 Access Point 的連線表現。 Mist 的量度數據則採集自真正的連線表現，鄭健豪舉例說其中一個指標是用戶連線時間，如超過 2 秒便等於差，「Mist 預先製定了超過 180 種 SLE 指標，當中包括頻寬、訊號接收、連線時間等，採集到的數據會全部傳送至它的雲端系統，以人工智能分析並自動調配網絡資源，令所有用戶都能享受到最佳的連線效果。」他認為 Mist 在業內的最大優勢是令到 Wi-Fi表現變得可以量度及可視化，網絡管理員不用再「估估吓」；而收集的數據亦足以讓人工智能預早發現問題所在，主動作出修復或調配上網資源，所以即使企業安裝大量 AP（其中一個客戶安裝了 30 萬個 AP），也不用編配大量人手管理。他說通過採集大量優質數據，Mist 的人工智能分析便會愈見準確；而為了進一步支援網絡管理員，Mist 配備 Marvis 助理，可以用自然語言向系統查詢問題所在及解決方法，快速於控制介面不同的 dashboard 找出所需的資訊。 室內定位一體化 Mist 還有另一強大武器，就是無線網絡裝置中內建 vBLE 室內定位技術，鄭健豪說這項專利技術，比起現時主流採用的Beacon 感應器更準確及方便。「首先現時的 Beacon 需要獨立安裝，例如要在商場追蹤客戶的位置，便要在商場各處安裝大量 Beacon，才能提升準確度。不過，這些 Beacon 感應器每隔年半至兩年便須更換電池，考慮到安裝位置一般難以靠近，便會花費很多人力資源。」Mist 的 vBLE 由於已整合在 AP 內，不用擔心電源問題，而且控制系統亦與 Wi-Fi 介面統一，所以亦易於管理，減少網絡管理員的工作負擔。 有了 Mist 的高速實時定位技術，當客戶在商場的手機應用程式內呼喚協助，職員便能快速找出求助客戶，提升客戶體驗。 準確的定位技術，可增加企業提供的服務內容，提升 customer engagement。「Mist 每個 AP 均提供 16 個指向性天線，以供vBLE使用；Mist 亦放棄採用傳統的三角定位技術，開發出基於機率曲面（Probability Surface）的專利技術，進一步提升定位的速度及準確度，令到可提供的服務內容大增。」他以商場應用為例子，說以往的 Beacon 由於定位緩慢，往往在計算出客戶位置時，真人已移動到別處，「有了 Mist 的高速實時定位技術，當客戶在商場的手機應用程式內呼喚協助，職員便能快速找出求助客戶，提升客戶體驗。」他補充說室內定位服務內容因而變得更多樣化，只要企業客戶構思出來，便有機會化不可能為可能。…

俾人搞而唔還拖，原因有好多，例如唔夠打、俾人揸住痛腳、人哋有財有勢……等等。仲有一樣，就係好想賺佢啲錢，所以唯有忍一忍先。 最近澳洲政府嘅舉動，就可能屬於後者。路透社引述消息人士指，當地情報部門已經確認年初多宗黑客入侵事件係中國黑客所為，不過為咗唔好損害兩國貿易關係，所以唔打算公開調查報告內容！ 重溫一下劇情先，話說今年三月，負責網絡情報嘅澳洲國防通訊事務部（ASD）出咗份調查報告，確認喺二月澳洲國會同埋三個主要政黨（自由黨、國家黨及工黨）俾黑客入侵，當時總理 Scott Morrison 話由於五月大選就到，咁敏感嘅時勢唔適宜公開具體細節，表示等大選完咗先再講。 可能總理以為咁就過到骨，點知傳媒衰在記性好。路透社近日就接到報料，話其實份報告寫得好詳細，發現黑客所用嘅程式碼同埋入侵手法，同中國黑客過去嘅手法一模一樣，所以幾肯定佢哋係幕後黑手。路透社之後向總理辦公室同埋中國外交部求證，前者直接拒絕回應，而後者就例牌否認，兼且重申中國都係網絡攻擊嘅受害者！ 消息人士指 ASD 建議調查報告內容要保密，原因只有一個：錢！因為中國係澳洲最大貿易夥伴，係澳洲鐵礦石、煤炭同埋農產品嘅主要買家，佔澳洲出口總額超過三分之一，每年仲有過百萬觀光客同埋留學生前往澳洲，條數都幾襟計，所以將網絡安全同國家收入秤一秤後，就選擇噤聲嘞。 雖然唔知消息真偽，但老實講澳洲近期都有唔少針對中國嘅動作，例如禁止外國政治捐款，同埋禁止電訊設備製造商華為參與當地 5G 網絡建設，已經令兩國關係差咗唔少，如果爆埋呢單就可能真係會影響邦交。之不過，如果真係好似調查報告所講攻擊過三大政黨，相信佢哋都唔會咁易放過總理嘅。 資料來源：https://reut.rs/2lPGQ4H

呢個世界好難有完美嘅事，就算你砌咗隊好勁嘅班底去搞 app，出嚟嘅製成品都總會有瑕疵。不過，其實大家都接受晒啲 app 有 bug，最重要係開發商反應夠快兼唔好推三推四，先至唔會釀成關公災難！ 講緊嘅係 Uber，呢間今年 IPO 集資最多嘅創科企業，絕對有資格請最好嘅工程師同埋程式員去做好隻 app 啦，但係都唔保證唔會出事，好似 2016 年 Uber 已經衰過一鑊，將幾百萬司機同乘客嘅個人資料外洩，結果要賠成 1.48 億美元先平息到件事，但賠錢事小，商譽受損事大，當時行政總裁 Dara Khosrowshahi 就話會積極補救，去挽回顧客信心。 當然啦，呢啲門面說話係…

唔好以為你無用 Facebook，就唔會俾佢攞到個人私隱資料，事關 Facebook 專為手機應用軟件開發者提供 SDK 系統開發套件，方便佢哋嵌入軟件內，收集用家數據用嚟推送相關廣告賺錢，所以如果係女士又用緊生理周期記錄 app 嘅話，姨媽幾時到、經期徵狀同埋性生活都會一一上報，唔知妳又想唔想呢？ 私隱直送服務 專門監察政府及企業有無過份採集個人私隱嘅獨立組織 Privacy International，上星期發表咗一個調查報告，佢哋今次選擇咗生理周期手機應用軟件為調查目標，利用儀器攔截輸入 app 內嘅資料，睇吓開發商會將幾多用家私隱傳送去 Facebook。結果發現，最多人用嗰幾隻 app 包括 Period Tracker（Leap Fitness）、Period…

睇子華嘅最鍾意嗌「回水」，不過冇一次得到正面回應。而最近有黑客被補之後，起返之前呃落嘅 110 萬 Bitcoin 贓款，當局決定將贓款歸還苦主，實現真正嘅回水！ 是咁的，英國警方花咗兩年時間調查，終於响 2017 年 9 月成功捉到 Grant West（aka Courvoisier），行動外號叫「Operation Draba」。 Grant West 被判監 10 年零 8…

VLC media player 喺上個月被德國 CERT 及世界安全組織 MITRE 指軟件有漏洞，開發者 VideoLAN 就出嚟澄清，同時指責 MITRE 冇 Fact Check。事實上 VideoLAN 又好坦白，剛啱自爆修補咗 15 個漏洞，有錯就認，抵讚！ 呢 15…