COVID-19 改寫人類歷史，展望 2021 年，企業預算肯定縮減，實務卻有增無減，最近電視廣告不斷輪迴「請一個人出七份糧做十個人嘅嘢」，到底點實行？在 Juniper Network 任職 Global Security Strategy Director 的 Laurence Pitt 在《Security Week》分享經驗，效果沒有如此誇張，但亦相當值得參考。 疫情前全球整體經濟向好，管理層習慣預算年年加 10％，2021 年此情不再，企業在後疫情下重整業務架構，視乎性質部門有不同分配資源優先權，但各行各業 IT…

一般公司在準備每年 IT Security budget 時，除了行業法規、內部合規及安全架構相關的預算比較容易規劃之外，最難做的就是對新安全技術採用的那一部份。原因是 Security 變化較快，解決方案也五花八門，很難將個plan做得仔細。若碰上突發安全事故，原本 planned 咗嘅項目又會有更改。所以，很多公司會在整年的IT Security Budget 裡，預留固定百分比作新安全技術的花費。 今晚買乜餸 有了這筆預算，花在哪些新的安全技術？有時也挺傷腦筋的，情況就好似今晚買乜餸一樣。在「買餸錢」就只係得咁多嘅情況之下，就是一班 IT Security 同業各出奇謀嘅表演時間，努力去爭取客戶採購佢哋所提供的產品或服務。 諗住買本地肉蟹，變咗買北海道長腳蟹 情況就有如去街市買餸一樣，今天都唔知買乜好？諗住買海鮮，去咗海鮮檔區域，就一大堆海鮮檔擺喺你面前，每檔都話佢啲海鮮最平最靚。原本諗住買本地肉蟹，俾海鮮檔主 sell…

資安需求日益增加，企業資源分配越見重要，尤其疫情之下，Budget 緊絀。剛過去的 Gartner Security ＆ Risk Management Summit 2020 上，其 Senior Director Analyst Brian Reed 指出，很多企業都用過多時間追求不存在的徹底方案，因此忽略基礎工作。綜合與會專家意見，得出以下 10 個重點 Projects，供各資安主管參考，編入 2021…

每逢發生社會大事，就係黑客嘅黃金機會，當世人畀新冠疫情折磨緊，黑客卻能從中獲利。美國波士頓著名醫院 Mount Auburn Hospital（亦即 Harvard Medical School）在 7 月 4 日國慶前的周末，其 IT 部門發現網絡突然不穩定，當局快速應變，立即切斷電腦系統的網絡連接，一切改以手動模式操作，反應快最終力保不失。但並非所有美國醫院都如 Mount Auburn Hospital 幸運。 美國國家研調訪問國內 1,300 間醫療機構，83%指曾受到黑客攻擊，超過一半擔心長此下去終會失守，20％更曾因黑客襲擊妨礙運作，平均需要約…

坊間有則笑話，話推動數碼轉型嘅幕後功臣，唔係CEO，唔係CIO，係COVID-19。 Zoom大行其道，work from home（WFH）成為新模式，Twitter更宣佈部份員工將可以永遠WFH。遙距工作或服務模式成為新趨勢，創新科技署亦推出「遙距營商計劃」，資助企業採用資訊科技方案，開拓遙距業務。申請資助時，難免未能齊頭claim足限額，以下推介3大高CP值百搭網絡保安方案，幫你claim到佢盡。= 電郵保安 想實行遙距工作，電郵自然成爲線上商務通訊最重要的方式之一，據統計，大部份嘅網络攻擊，其實都經由電郵發動，現今黑客攻擊手段變化極快，一封簡單的電郵，足以重創企業的營運，所以最緊要守好電郵呢一關。建議採用有全方位保護功能嘅電郵保安服務，除咗基本防毒、垃圾電郵過濾、沙盒之外，最好有埋針對釣魚電郵、假冒電郵的解決方案，例如利用威脅情報分析IP或網域信譽，更可以嘗試連結隔離技術等。坊間有網絡保安服務供應商以人頭收費，極具彈性，收費亦化算，每個人三四百蚊已經搞掂，最適合中小企。 Endpoint Protection 另一個必須要防護嘅重中之重，就係Endpoint。尤其是而家個個員工都有幾個上網嘅device，用手機、tablet、laptop等等，通通都係黑客攻擊點，是但一個唔小心出事都極可能令公司蒙受重大損失，所以必須有周全嘅Endpoint Protection。其實好多廠牌都有Endpoint Protection，亦係每個人幾百蚊已經搞得掂。 VPN VPN係最近嘅熱門話題之一，更有報導指香港VPN需求急增5倍。除咗保障個人私隱之外，VPN對中小企同樣重要，尤其是今時今日，遙距營商、個個同事都WFH，重要資料甚至係敏感資料都响網絡上傳送，其安全風險之高想而知，所以VPN係中小企嘅必備方案。VPN收費門檻低，彈性高，對於小型公司，萬零蚊都搞得掂，而網絡保安專家就建議，所有企業應該24小時全程使用VPN。提提大家，揀選VPN時記得留意開發商嘅背景，你懂的。 Budget有限，睇餸食飯 「遙距營商計劃」嘅銀碼方面，每間企業可獲最高30萬港元總額資助，進行為期最長六個月嘅資助項目。聽落都幾好，之但係，30萬港元話多唔多，可以用來做乜好呢？其實以呢個budget計，要用盡個budget，就要加入收費較彈性嘅方案。難得政府找數，大家千祈唔好客氣。

作為網絡安全從業員，茶餘飯後其中一個談得最多的話題，肯定是老闆又要安全，但又不肯俾錢買工具。不過，假設今年 budget 大增，你又是否懂得購買合適的工具，預算用得其所？上星期四，網絡安全產品分銷商安領科技(香港)有限公司再度舉辦「Edvance Beacon Game Day II」，邀請各行業的網絡安全部門主管參加，通過玩法新奇的小組遊戲，讓參加者齊齊接受「腦震盪」療法，震散固有的安全概念，重建網絡安全意識。 到底哪種網絡安全工具最有效？實情必須針對各行各業的高危風險因素才能決定。 有限資源砌出最強防禦組合 現時網絡攻擊的種類多不勝數，而且各行業面對的風險因素亦不盡相同，所以天底下絕沒有百戰百勝的安全工具組合可以抄襲。作為決策者，最重要是了解公司的業務內容，認清行業最常面對的網絡風險，才能在有限的預算中砌出最強防禦組合。事實上，即使有錢也不能任性，因為亂買工具除了嘥錢，更有可能降低管理透明度。以上論點可能大家都聽過，但真正應用，表現又如何？在今次 Game Day 上，主辦單位就將參加者分成三組，並安排多個遊戲，一試誰是精明消費者。 無錢買網絡安全工具好頭痕？但原來有錢到手仲頭痕。 其中一個遊戲的玩法，是每組獲發多張代表不同網絡安全工具的卡牌，參加者要根據主辦單位提供的資料及預算，挑選出最有用的安全工具組合。如選取的工具可有效抵擋該攻擊，即可得分，分數愈高就可勝出。現場所見，各小組的成員都熱烈參與討論，思考哪款工具可派上用場。有部分參加者仍以平常的思路來挑選安全工具，經隊友提點現時所扮演的行業，才發現該工具用途有限；亦有參加者堅持要購買某種防禦工具，卻發現「硬著陸」後 budget 爆煲，最終又要重新「洗牌」。 換個形式推銷網絡安全 主辦單位除了讓參加者扮演防守一方，另一遊戲又讓大家扮演黑客去攻擊其他小組，猶如上演紅藍對戰。不少參加者均表示以遊戲方式去提升安全意識，較平常參加的網絡安全研討會更易入腦，因為不再是由演講者單向發表講話，而是所有參加者都要用腦參與，其中一位教育界參加者更表明會偷師，回校後會以類似的遊戲方式，提升員工的安全意識。另外，角色扮演亦可以讓他們跳出行業框框，以不同身份重新認識網絡攻擊的真面目。 雖然參加者平日面對網絡攻擊時，不會好像…

做咗資安界咁耐，問親中小企老闆，普遍都仲係以為自己間公司咁細規模，啲黑客唔會有興趣，但係事實上好多調查及統計報告都話你知絕對係謬誤嚟，好似最新由 Verizon Data 公布嘅調查顯示，43% 嘅黑客攻撃係針對中小企，證明咗黑客搞唔搞你，並唔關公司大定細，而且調查仲話黑客就係睇準中小企疏於防範嘅心理，自然捨難取易。 好喇，中小企老闆呢個時候又會講，我哋真係中小企嚟㗎咋，邊似得大企業咁多資源，可以買咁多軟硬件同埋請人嚟對抗班黑客呢？咁又未必要咁大陣仗嘅，以最近 Barracuda 公布嘅 2019 資安調查報告為例，59% 有毒檔案嚟自文件檔，而中小企每日又要處理無數文件檔，好易中招，所以今次就教大家五招，有效防止喺收到文件時中毒。 有理冇理先解毒 好多公司以為裝咗防毒軟件，就乜都擋到，實情而家啲毒愈整愈複雜，甚至會因應被發現嘅病毒定義而不停變體，唔係咁易搵到佢哋出嚟。最佳方法係用 disarming malware 呢個方法，佢會當所有檔案都係毒，一收到任何檔案就會將佢解體，抽絲剝繭睇吓入面有冇唔屬於呢類型檔案嘅可疑物體，有就立即移走，而且確保移走咗都唔會影響文件原本結構，咁就令你永遠只收到乾淨嘅檔案啦！ 網絡電郵靠唔住 據統計，而家全球一日收成 2930 億封電郵，預計到…

家陣公司為咗節省資源，好多嘢都靠外判，等自己唔使養咁多人。就連網絡安全工作都係，一來市場上唔夠人手，二來逐樣產品買亦負擔唔起。理解嘅，在商言商，老闆又錯唔晒，不過如果公司連一個識 IT Security 嘅同事都無，又可以點去評估外判商做緊啲嘢掂唔掂？好似好多企業都鍾意搵公司做 consultation，但公司入面無人識 cyber security，根本唔知點揀，所以有多啲 budget 嘅就會搵 Big 4，因為連銀行金融業都搵佢哋做評估，差極都有個譜啩，但 Mr. Smith 真係要再強調一次，好易中伏！ 試過有次公司要搵美國一間大公司做 code review，評估一隻用嚟保護其他 application 嘅軟件有無漏洞。結果報告返咗嚟，話隻軟件嘅 loophole…

老闆成日同我講，公司budget好緊架，應慳則慳啦，IT嘅嘢夠用就得啦，唔好出大穫嘢就得架喇。於是尋日開會我就索性拎咗單新聞俾佢睇，佢睇完就即刻轉晒軚，話一間公司嘅網絡保安其實好緊要架，仲即時批咗大筆錢落嚟添置新器材。 乜嘢新聞咁巴閉？咪就係英航俾人判罰天價罰款囉！事緣舊年9月，英航俾一個名為Magecart嘅黑客組織睇中，佢哋一向玩慣card skimmer呢個數碼版信用卡讀取器程式，於是搵方法拎到英航網頁嘅登入權限，再將card skimmer 嘅 script 植入俾錢買機票嘅網頁，結果成功喺舊年8月21號到9月5號期間，偷走約38萬客戶嘅名字、電郵地址、信用卡等資料，詳細案情可以睇番我哋舊文（https://bit.ly/2CPy0f7 ）。 經過一輪調查之後，英國資訊專員辦公室（ICO）早兩日就決定向英航罰款1.8億英鎊，係ICO歴來開出最大額罰款，差唔多係英航2017財政年度全球營業額嘅1.5%，諗起都好肉赤！英航行政總裁Alex Cruz當然立即出嚟呼冤，話對ICO嘅決定感到驚訝和失望，英航對偷取客戶資料嘅犯罪行為作出快速反應，並未發現與盜竊相關嘅賬戶存在欺詐行為嘅證據……咁佢哋仲有28日上訴期嘅，或者可以減到罰款都未定。 可能大家會問，點解今次判得咁甘？之前Facebook、Yahoo、Equifax發生嘅事故仲大單啦，點解都係罰50萬英鎊就搞掂？原來係因為舊年5月歐盟通過新私隱條例《一般資料保護規則（GDPR）》之後，加重咗罰則，最高罰款可以去到全球營業額嘅4%，所以今次英航其實係未去到最高罰款嘅，但撞正事件喺GDPR通過之後先發生就冇法子啦，但亦都俾到教訓各大小企業嘅老闆們，唔好睇少保護客人資料呢樣嘢，唔係分分鐘賺埋都唔夠交罰款！ 相關文章：【謎底已經解開！】英航資料洩露案真相大白？

人生有個豬隊友確係慘仔嘅，最慘如果係自己上司，有時都唔知點幫佢兜，搞到我都好想升高三個 key 同佢講，「你真係蠢唔係扮㗎喎！」唔知係咪開口中，早幾日 Mr. Smith 就遇到以上情況喇。 事緣上星期要測試 vendor 產品，分析吓有冇後門，其中一項要做 dynamic analysis，睇吓隻軟件有無喺過程中做啲古惑嘢。因為時間幾趕，所以成 team 人好快已有共識，就係利用一隻 open source 嘅工具，去 capture 軟件嘅網絡流量做分析，同時用不同嘅 軟件（當然都係快靚正嘅 open…