DKIM（DomainKeys Identified Mail，網域金鑰識別郵件），係一種電子郵件驗證方法，用嚟分辨郵件係咪冒充合法網域——亦即係「@」符號後面嘅地址，仲可以偵測郵件嘅修改時間，防止郵件內容被竄改。 想知更多網安知識？立即免費訂閱 ！ DKIM 嘅原理，係基於公鑰加密同數字簽名技術。當寄件人用 DKIM 時，郵件嘅標頭（Header）會有一個特殊嘅 DKIM 簽名，個簽名係用私鑰對郵件標頭同內容進行加密而產生嘅。當收件人伺服器收到郵件時，可以用寄件人喺 DNS 中公布嘅公鑰解密 DKIM 簽名，驗證郵件嘅完整性同真實性。 如果冇 DKIM，收件伺服器就有可能將之標示為垃圾郵件。不過，DKIM 並唔係唯一保障電郵安全嘅手法，仲要搭埋SPF同 DMARC 嚟用，而所謂嘅…

水坑攻擊，顧名思義，係喺受害者必經之路設置一個水坑——即係陷阱，亦係其中一種APT常用手段。 想知更多網安知識？立即免費訂閱 ！ 黑客會分析目標群組嘅喜好同習慣，搵出目標群組成日用嘅網站，再喺目標網站植入惡意代碼，又或者直頭偽造網站。咁當目標群組去到呢啲網站時，就好易會中招，所以成功率都唔錯。 即睇實例：【魚目混珠】水坑攻擊瞄準中日網民　影片解碼插件暗藏WhiskerSpy木馬程式

C&C Server 嘅 C&C，係指 Command & Control（命令及控制）。網絡攻擊者會利用 C&C Server 嚟控制已經感染惡意軟件（例如病毒、木馬或蠕蟲）嘅電腦或網絡設備。 想知更多網安知識？立即免費訂閱 ！ 控制咗用嚟做咩呢？C&C Server 可以竊取敏感資訊，又可以落 Order 發動攻擊，仲可以借受害人將惡意軟件擴散開去。咦？咁咪即係殭屍網絡（Botnet）？冇錯，所以 C&C Server 成日都會同殭屍網絡一齊出現，香港電腦保安事故協調中心甚至叫佢做「殭屍網絡控制中心」。…

CVE 即係 Common Vulnerabilities and Exposures（通用漏洞披露）嘅縮寫，係一個用嚟識別軟硬件安全漏洞嘅編號系統，由美國 CISA 提供資金嘅 MITRE 監管。 想知更多網安知識？立即免費訂閱 ！ 每個 CVE 編號都係獨一無二，通常由「CVE – 年份 – 序號」嘅格式組成，例如「CVE-2021-1234」，有時序號後面可能會加咗個字母或數字，代表多個變種或不同嘅攻擊手段。CVE 數據庫仲會有埋漏洞嘅詳細信息，例如漏洞嘅描述、影響嘅產品及版本等等。…

消委會早前測試市面上 10 款家用監控鏡頭，發現九成鏡頭有唔同嘅網絡安全隱患，建議政府參考歐美及新加坡，推出物聯網裝置網絡安全標籤認證，咁究竟咩係「物聯網」呢？ 想知更多網安知識？立即免費訂閱 ！ 物聯網（Internet of Things，簡稱 IoT），係一種通過互聯網嚟連接各種物理設備同物體嘅技術，系統中每個物體都會有感測器、處理器、通信設備，可以互相溝通、交換數據，執行相應嘅操作，達致協同工作。 同我哋日常最息息相關嘅智能家居，就係透過物聯網技術，幫我哋自動化及智能化管理，例如燈膽、電視、門鎖、冷氣系統等，根據你嘅需求同習慣自動調節。除此之外，IoT 仲可以應用喺多個領域上，好似智慧城市、智慧工廠同智慧農業。

SQL（Structured Query Language），即係「結構式查詢語言」，喺上世紀 70 年代開發，到而家都仲用緊。佢係用嚟查詢資料庫嘅程式設計語言，幫你喺猶如茫茫大海嘅資料庫中，搵到你所需要嘅資料，仲可以插入、查詢、更新同刪除資料，亦係網站中用嚟同資料庫溝通、取得資料嘅程式語言。無論前端、後端、App 開發，只要涉及到資料庫，幾乎都會用到 SQL。 想知更多網安知識？立即免費訂閱 ！ 而 SQL 注入攻擊（SQL injection）係一種常見嘅黑客攻擊方式，發生喺網站、應用程式同資料庫之間嘅安全漏洞，只要網站有提供欄位畀使用者輸入資料，就會有 SQL 注入攻擊嘅風險。黑客透過修改 SQL 語句改變語意，可以成為 admin 之餘，更可以竊取企業及個人機密資料、帳戶資料及密碼，甚至可以偷偷喺網站中加入惡意連結。 要避免受…

RDP 係其中一個保障網絡安全嘅措施，所謂 RDP，即係遠端桌面協定（Remote Desktop Protocol），相信大家睇字面「Remote Desktop」都大概估到係點解。其實 RDP 係用於遠端使用桌上型電腦嘅通訊協定或技術標準，由 Microsoft 開發，絕大部份 Windows 作業系統都用得，RDP 嘅某啲版本亦可以喺 Windows 以外嘅作業系統（如 Mac）中用到。Remote Desktop 嘅軟件唔係只可以用 RDP，仲可以用 ICA（獨立運算架構）或…

Red Team（紅隊）係指一組人扮演攻擊一方，模擬敵方（例如黑客）嘅行動，嘗試入侵組織嘅防禦系統，喺組織受到真正嘅攻擊前，率先搵出漏洞及弱點。呢個 Term 唔止喺網絡安全上應用，亦可以應用喺軍事演習上面。 想知更多網安知識？立即免費訂閱 ！ 與之相對嘅就係 Blue Team（藍隊），扮演防守嘅角色，負責喺模擬攻擊下防禦系統，考驗對網絡安全事件嘅應變同處理。市場上有唔少網絡安全供應商，都有提供相關演練嘅服務或攻防課程，藉此提升企業嘅「實戰經驗」。

SSL（Secure Sockets Layer，安全通訊端層）係利用加密演算法，防止伺服器同用戶之間、或者伺服器之間發送嘅敏感資料，被黑客讀取及修改。有 SSL 憑證嘅網站，網址以「https://」開頭而非「http://」，會多咗個「s」字，瀏覽器上嘅網址前都會有個鎖頭以茲識別，代表網站資訊安全、有加密及認證。如果你係去有 SSL 憑證嘅網站購物，你所輸入嘅個人資料就會被加密，黑客好難讀取。 想知更多網安知識？立即免費訂閱 ！ 留意返，其實 SSL 已經冇更新好耐，因為俾人發現有安全漏洞，連瀏覽器都唔再支援。所以，而家大家所講嘅 SSL，其實係 TLS（Transport Layer Security，傳輸層安全性），即係 SSL 嘅進化版。之不過因為大家都叫慣咗 SSL 呢個名，所以就繼續叫，甚至有好多…

道德黑客（Ethical hackers）呢個 term 聽落好矛盾，因為普遍大眾都會認為黑客（Hacker）即係對網絡進行攻擊，或者係以非正規手段入侵系統嘅電腦高手，不時都會做埋啲犯法嘢，咁既然犯法，又點樣有道德呢？ 正所謂「知己知彼，百戰百勝」，道德黑客就係一班喺客戶允許下，專門模擬黑客去入侵電腦系統嘅人，從而幫客戶測試系統嘅安全性，仲會提出專業建議提升安全度。坊間都有多個機構，會舉辦道德黑客認證課程㗎！