一個專門攻擊 macOS 電腦設備的木馬病毒 OceanLotus，其變種現正大肆活躍於東南亞，趨勢科技 (Trend Micro) 研究員指出，這款變種透過偽裝檔案格式避過防毒檢偵，而且一經觸發即會於 macOS 內安裝後門，同時更為自動剷除，中毒後便難以被發現。 變種 OceanLotus 的攻擊方式，主要是透過引誘電郵收件者點擊附件，這個附件雖然被標示為 Word 文件檔案，但實際上卻是一個被壓縮的應用程式，如點擊打開，由於並非 doc 屬性，所以作業系統會選擇執行應用程式，令病毒可以自動執行入侵活動。研究員指出壓縮檔內存在兩個檔案，一個是正常的 Word 檔，用途是令收件者誤以為正在打開電郵內的附件；另一個則為 Shell script，它的作用為刪除檔案的隔離屬性，令變種…

坊間有則笑話，話推動數碼轉型嘅幕後功臣，唔係CEO，唔係CIO，係COVID-19。 Zoom大行其道，work from home（WFH）成為新模式，Twitter更宣佈部份員工將可以永遠WFH。遙距工作或服務模式成為新趨勢，創新科技署亦推出「遙距營商計劃」，資助企業採用資訊科技方案，開拓遙距業務。申請資助時，難免未能齊頭claim足限額，以下推介3大高CP值百搭網絡保安方案，幫你claim到佢盡。= 電郵保安 想實行遙距工作，電郵自然成爲線上商務通訊最重要的方式之一，據統計，大部份嘅網络攻擊，其實都經由電郵發動，現今黑客攻擊手段變化極快，一封簡單的電郵，足以重創企業的營運，所以最緊要守好電郵呢一關。建議採用有全方位保護功能嘅電郵保安服務，除咗基本防毒、垃圾電郵過濾、沙盒之外，最好有埋針對釣魚電郵、假冒電郵的解決方案，例如利用威脅情報分析IP或網域信譽，更可以嘗試連結隔離技術等。坊間有網絡保安服務供應商以人頭收費，極具彈性，收費亦化算，每個人三四百蚊已經搞掂，最適合中小企。 Endpoint Protection 另一個必須要防護嘅重中之重，就係Endpoint。尤其是而家個個員工都有幾個上網嘅device，用手機、tablet、laptop等等，通通都係黑客攻擊點，是但一個唔小心出事都極可能令公司蒙受重大損失，所以必須有周全嘅Endpoint Protection。其實好多廠牌都有Endpoint Protection，亦係每個人幾百蚊已經搞得掂。 VPN VPN係最近嘅熱門話題之一，更有報導指香港VPN需求急增5倍。除咗保障個人私隱之外，VPN對中小企同樣重要，尤其是今時今日，遙距營商、個個同事都WFH，重要資料甚至係敏感資料都响網絡上傳送，其安全風險之高想而知，所以VPN係中小企嘅必備方案。VPN收費門檻低，彈性高，對於小型公司，萬零蚊都搞得掂，而網絡保安專家就建議，所有企業應該24小時全程使用VPN。提提大家，揀選VPN時記得留意開發商嘅背景，你懂的。 Budget有限，睇餸食飯 「遙距營商計劃」嘅銀碼方面，每間企業可獲最高30萬港元總額資助，進行為期最長六個月嘅資助項目。聽落都幾好，之但係，30萬港元話多唔多，可以用來做乜好呢？其實以呢個budget計，要用盡個budget，就要加入收費較彈性嘅方案。難得政府找數，大家千祈唔好客氣。

由拘捕孟晚舟嗰一刻開始，就知道侵侵政府下定目標，要打擊華為（同埋中國政府）喺電訊設備市場嘅地位，而且侵侵仲不斷拉攏盟友，向華為說不！不過，英國政府正式發新聞稿，表示會「有限度」採用華為設備，侵侵呢個算盤打唔響喇。 呢單消息公布之前幾個禮拜，美國政府已經派出副國家安全顧問 Matt Pottinger 組成嘅代表團出訪倫敦，出力做游說工作。國務卿蓬佩奧、財長努欽亦不停喺國內發表言論，指華為設備對國家安全構成威脅，英國國會亦熱烈討論呢單嘢，結果都係唔能夠令英國跟隨美國步伐，對華為進行制裁。 過去兩年，侵侵極高姿態向「五眼聯盟」盟友（澳洲、新西蘭、加拿大、英國），以及北約盟友（包括德國等歐洲國家）表示，唔應該採用華為設備嚟興建 5G 網絡，以免俾中國政府竊取數據，同時亦不停透過傳媒報導華為勾結北韓、協助打擊疆獨分子、向伊朗出售設備等新聞。而喺英國決定用華為設備後，都仲有三個參議員去信英國政府，話唔想喺英國脫歐之際，重新審視英美自由貿易協定，同埋兩國情報交換機制，希望英國政府三思。 但係睇返今次英國嘅決定，查實考慮得幾周詳：首先所有用嚟傳送數據嘅核心 5G 網絡設備並唔會採用華為，市民有機會用到嘅網絡，華為都只係負責少量機站同埋天線；至於敏感度較高嘅地方例如軍營等等，華為更係唔可以參與，總之英政府就將華為嘅市場佔有率限制喺 35% 以下，確保其他公司如 Nokia、Ericsson 等可以齊齊分一杯羹，算係平衡晒各方面嘅考慮，將潛在風險減至最低。美國嘅輿論就唔係太敢大肆抨擊英政府嘅決定，始終都對兩國緊密關係有所顧忌，同埋希望呢個唔係最終決定，英政府仲有機會改變主意。 唔單止英國，就連德國都陷於兩難情況，無論用唔用華為，就會得失中美其中一方，可能要承受巨大嘅經濟壓力，所以到呢刻都未決定到，而意大利亦傾向學英國「有限度」使用華為設備。歐盟同埋英國國家網絡安全中心亦一齊發出指引，點樣可以同高危廠商（冇指明道姓係華為嘅）一齊興建電訊網絡，仲提供咗可行方法俾其他國家去跟隨；就連美國自己都鬆咗手，國防部阻止咗商貿部禁止當地企業售賣零件俾華為嘅決定，話晒華為每年向美國企業買入110億美元零件，貿然禁賣會令呢批公司減少科研投資，變相令國家失去科技競爭力。 從以上事例可見，用定唔用華為，睇嚟真係唔容易決定，到底美國係唔係真係會制裁採用華為嘅國家？英美兩國關係跟住會點？就要看下回分解！ 資料來源：https://bit.ly/2RSidC0 相關新聞：【侵侵入侵】大量侵侵主題程式蒲頭

唔知大家仲記唔記得，舊年10月美國《華盛頓郵報》沙特阿拉伯裔記者卡舒吉（Jamal Khashoggi）入咗沙特駐土耳其伊斯坦布爾領事館後下落不明，最後證實被殺呢單新聞？你可能會話，呢單嘢同資安界好似冇乜關係，不過隨住呢單案進入審訊階段，愈來愈多細節披露出嚟，先發現原來做開資安嘅公司係有另一條財路！ 正常嘅資安機構，最多咪做下防毒軟件，擋擋黑客同埋病毒程式之類，但係有部分嘅業務就複雜好多，好似NSO Group、Gamma Group、Hacking Team（呢間今年四月啱啱同另一間公司合併成為Memento Labs）等等，佢哋係專為各國政府提供軟件，偷取目標人物喺網上嘅所有數據（沙地記者當然係目標人物之一啦），雖然佢哋呢類生意唔多公開，但從唔同渠道獲得嘅資料顯示，呢盤生意查實幾和味！ 先舉NSO Group為例，佢聲稱自己2018年嘅總收入係2.5億美元，但係今年二月，一間英國私募基金Novalpina Capital收購咗佢大部分股權，作價就超過10億美元，可想而知，佢哋生意應該超過佢報出嚟個數啦！要了解佢哋盤生意點解咁大，當然要先知道客人係邊個啦，咁佢哋實唔會自己爆響口嘅，但又好衰唔衰，2015年一次大型數據外洩事件，其中部分數據就咁啱見到Hacking Team嘅客戶名單，當中包括沙地阿拉伯政府、FBI、馬來西亞反貪部門，同埋位於非洲尼日尼亞嘅巴耶爾薩州政府，一睇都知個個係尊貴客人，就解釋到生意額點解會咁大。 呢類生意唔係今時今日先有架喇，自從2013年發生斯諾登事件，全世界知道美國有個咁完善嘅電子監察系統，其他國家當然都想有個咁正嘅系統，於是出得起錢嘅政府，一係就請私人資安機構幫手，一係就索性高薪挖晒西方情報組織嘅前員工，希望洞悉各種加密技術同埋解拆方法，之前《紐約時報》就獲得阿拉伯聯合酋長國一間叫做DarkMatter嘅公司嘅人事部文件，發現佢哋請咗好多前美國國家安全局嘅前員工，就懷疑係後者嘅做法。 你話咁樣偷取個人資料到底合唔合法，條界線就真係好模糊嘅，因為就算上到法庭，都唔知點先可以舉證，就以最近一單為例，有個同埃塞俄比亞有連繫嘅美國人，懷疑埃國政府搵人監聽佢同埋佢嘅家人，但最後法庭都以監聽活動唔係喺美國發生為由，冇受理到單案件，從中可以見到舉證嘅困難。雖然陸陸續續都有人想施加壓力，例如十一月就有美國參議員提出議案，話要調查一下NSO Group，有冇做出危害美國國民嘅事，不過就算真係通過，查得嚟都蚊瞓，照目前情況睇，都應該未有乜嘢事可以威脅到呢類機構繼續賺大錢架喇！

俾人搞而唔還拖，原因有好多，例如唔夠打、俾人揸住痛腳、人哋有財有勢……等等。仲有一樣，就係好想賺佢啲錢，所以唯有忍一忍先。 最近澳洲政府嘅舉動，就可能屬於後者。路透社引述消息人士指，當地情報部門已經確認年初多宗黑客入侵事件係中國黑客所為，不過為咗唔好損害兩國貿易關係，所以唔打算公開調查報告內容！ 重溫一下劇情先，話說今年三月，負責網絡情報嘅澳洲國防通訊事務部（ASD）出咗份調查報告，確認喺二月澳洲國會同埋三個主要政黨（自由黨、國家黨及工黨）俾黑客入侵，當時總理 Scott Morrison 話由於五月大選就到，咁敏感嘅時勢唔適宜公開具體細節，表示等大選完咗先再講。 可能總理以為咁就過到骨，點知傳媒衰在記性好。路透社近日就接到報料，話其實份報告寫得好詳細，發現黑客所用嘅程式碼同埋入侵手法，同中國黑客過去嘅手法一模一樣，所以幾肯定佢哋係幕後黑手。路透社之後向總理辦公室同埋中國外交部求證，前者直接拒絕回應，而後者就例牌否認，兼且重申中國都係網絡攻擊嘅受害者！ 消息人士指 ASD 建議調查報告內容要保密，原因只有一個：錢！因為中國係澳洲最大貿易夥伴，係澳洲鐵礦石、煤炭同埋農產品嘅主要買家，佔澳洲出口總額超過三分之一，每年仲有過百萬觀光客同埋留學生前往澳洲，條數都幾襟計，所以將網絡安全同國家收入秤一秤後，就選擇噤聲嘞。 雖然唔知消息真偽，但老實講澳洲近期都有唔少針對中國嘅動作，例如禁止外國政治捐款，同埋禁止電訊設備製造商華為參與當地 5G 網絡建設，已經令兩國關係差咗唔少，如果爆埋呢單就可能真係會影響邦交。之不過，如果真係好似調查報告所講攻擊過三大政黨，相信佢哋都唔會咁易放過總理嘅。 資料來源：https://reut.rs/2lPGQ4H

Facebook、Twitter 上嘅假消息問題嚴重，兩間公司尋日一齊發聲明話刪除咗大量針對香港示威活動嘅假消息及假帳戶。其實唔單只佢哋，網上嘅假新聞都係無日無之，所以唔少國家都意識到單係靠呢啲外國機構嚟審查係絕對唔夠；另外如果太多國民依賴外國社交平台，亦難以達到控制言論嘅目的。 越南政府信息部部長阮猛雄（Nguyen Manh Hung）早前喺一個會議上，就向胡志明市嘅 IT 界業內人士表明，政府希望越南可以擁有自家嘅社交平台，同時亦表明政府會為本地企業提供平台去測試新技術及網絡安全環境，唔使再靠 Facebook 等社交平台，同時亦可以幫國民過濾假消息。雖然外界對越南政府呢個願景有好多懷疑，例如係咪想拑制言論等等，不過，國內就已經有唔少地道嘅社交平台出嚟，而且佢哋嘅「野心」都唔細。 Hahalolo 呢個係一間以胡志明市為基地嘅旅遊資訊社交平台，今年 6 月先開業，但目標就係喺 2024 年吸引到 20 億用家使用。 Gapo 新鮮滾熱辣喺七月先開業嘅社交平台，提供聊天及貼文功能，CEO 話好有信心喺…

早前報導佛羅里達州兩個巿政府齊受勒索軟件襲擊，兩個市政府最終決定交贖款了事，其中人口大約 12000 人嘅 Lake City 跪低向黑客支付 42 個 Bitcoin （約價值 46 萬美元）後，秋後算帳就正式開始，搵咗個 IT 主管出嚟問責，兼夾革職祭旗。究竟點解要佢揹呢隻鑊？ Lake City 乃佛羅里達州一個小市鎮，官方形容今次保安事故係連中三元（triple threat）。事源有個濕滑嘅同事收咗個有毒電郵，粗心大意地下載咗個受感染嘅檔案，引發連鎖反應：先中木馬程式 Emotet，引入另一個木馬 TrickBot…

美國聯邦調查局（FBI）近日證實，現任局長 Kash Patel 的私人電郵帳戶遭受跟伊朗有關的黑客組織 Handala 入侵。該組織在網上高調公開了盜取的局長個人照片及機密文件，並聲稱在短短數小時內便攻破了 FBI 所謂「堅不可摧」的系統。雖然 FBI 隨後澄清被盜數據並非近期資料，且不包含任何政府機密，但機構首長遭遇黑客入侵，無疑對 FBI 的威信造成嚴重的打擊。 想知最新科技新聞？立即免費訂閱！ 曾對美國醫療技術巨頭發動攻擊 據知 Handala（又稱 Handala Hack Team、Hatef 或…

AI 生態系統不斷轉型，由以往的「AI 輔助」正逐漸轉向「 AI-Native（AI 原生）」，這轉變不止是技術上的升級，更重塑了企業運作模式。兩大國際級頂尖公司 Palo Alto Networks 及 IBM，聯手透過深度整合，以平台化、一體性方案保障企業應用 AI Agents 的安全，助客戶實現 AI-Native。 IBM 與 Palo Alto Networks 的夥伴關係建立在共同目標之上，包括資源互補，以及簡化網絡安全複雜性。Palo Alto Networks 提供網絡安全技術，包括基於 Precision AI 的 Cortex XSIAM 平台、專注 AI 安全的 Prisma AIRS 2.0 等；而 IBM…

近日有騙徒冒充水務署，以短訊或電郵方式向市民發送訛稱「用水帳戶資料更新提示」通知，並列出所謂 「欠款」，誘使收件人點擊連結進入釣魚網站，並要求輸入個人資料或信用卡資料以繳交費用。近期受害人包括公司董事，輸入信用卡資料後隨即被扣 2.3 萬元。 想知最新科技新聞？立即免費訂閱！ 假冒水務署的詐騙手法，早在兩年前已出現，近日的個案反映此類以政府公共服務名義進行的釣魚攻擊近期又再度活躍起來。在新一批受害人中，包括一名 69 歲公司男董事。該董事如常檢查電郵，發現一封署名「水務署客戶服務」的可疑電郵（地址：[email protected]），內容指欠交 $18.54 水費。他未有懷疑，點擊電郵內的超連結，進入假冒水務署的網站輸入信用卡資料。隨即收到銀行通知，帳戶被扣約 23,000元。他察覺有異，遂即時報警。 反詐騙協調中心呼籲市民保持警惕，就算發送人名稱有「WSD」或「GOV」也未必為真，並緊記以下三點： 1．水務署的短訊發送人名稱必定以「#」號開頭（#WSD及#WSD eWater）； 2．水務署不會通過電郵或短訊內的超連結引領客戶到其他網站或要求客戶提供信用卡資料。 3．水務署致客戶有關電子帳單的電郵，均由 [email protected] 或[email protected] 發出 虛假水費單五大特徵…